رواية نبض قلب
الفصل الحادي والثلاثون31
بقلم دانيا
قلت ليهم ياسلام يا جماعه شنو المفاجأة الحلوه دي سلمت عليهم ودخلو ، سلموا على ناس امي وقعدو اتونسو معانا ولبعد الغداء حتى فاتو كان يوم حلو شديد.
بالليل بعد صليت العشاء نمتا في السرير وبقيت افكر قلت هسي انا المفروض اعمل شنو الاحسن اني تاني م اتكلم مع محمد م بعرف حاسه كدا احسن ، قاعده افكر كدا جاتني رساله منو في الواتساب لكن ابيت افتحها قفلت الشبكه ونمت.
اصبحت الصباح مشيت الجامعه للساعه عشره كدا قاعده جاتني مكالمه منو برضو م رديت عليها
مضى اسبوع على الحال دا ، يوم جات خالتي حنان فاتت لخالتو سلمى في البيت تشرب معاها الجبنه فتحت معاها موضوع قالت ليها الخاله ام وانتي ل دانيا زي امها وانا عندي موضوع عاوزة استشيرك فيهو قالت ليها اها قولي ، قالت ليها عاوزة اطلب ايد دانيا ل محمد وقلت اكلمك واعرف منك .
سكتت منها مسافه و قالت ليها والله يا سلمى دانيا زي بتي ومحمد زي ولدي وانا وانتي واحد لكن دانيا من هي صغيره حاجزنها لولدي حمد لكن لحد الان م اظن هي عارفه ، وكمان انا شايفه موضوع حجز دا كلام فاضي على زمنا كان عادي لكن هسي الشباب بقو يختارو براهم ، كدي انا بتكلم مع حمد ودانيا وبشوف رايهم شنو وبرد ليكي خبر قالت ليها تمام.
محمد كان قاعد جوا وسمع كلامهم وعرف انا ليه م قاعده ارد ليهو.
خالتي بعد رجعت قعدت مع حمد وحكت ليهو قال ليها الكلام دا كان زمان لكن هسي نحن كبرنا ولينا حق في الاختيار ، قال ليها قوليها امشي اخطبيها طوالي قالت ليهو خلاص خليني اتكلم مع دانيا واشوف رايها قال ليها انا بتكلم معاها م توريها انتي قالت ليهو تمام.
بكره اتصلت ليها وورتها فرحت شديد وقالت ليها تمام انتي في رايك انسب وقت متين قالت ليها بعد الا متحانات تخلص ول شنو رايك قالت ليها ممتاز.
حمد اتصل ل محمد قال ليهو عازوك في موضوع قال ليهو تمام ، اتلاقوا واتفاهمو واتفقوا.
اخر يوم في الامتحانات اتصل لي حمد بعد خلصت وكنت قاعده مع البنات نتونس ، رديت عليهو قال لي خلصتي قلت ليهو ااي داير شنو؟
قال لي م تطلعي وقفل قلت دا اسلوب في الكلام واحد مريض.
بعد شويه جاني في الجامعه ، بقيت اعاين ليهو قلت ليهو اها خير قال لي عاوزك في موضوع
مشينا قعدنا برانا قال لي شوفي يا دانيا انا جيت اتكلم معاكي في موضوع الخطوبه والرابط الشرعي ، عصبت منو قلت ليهو انا م قلت ليك م عاوزه اتكلم في