رواية توبة الفصل العاشر10 بقلم اميرة خالد

ايه رايك لو ادينا لنفسنا فرصه نعيش مع بعض سنه ولو ارتاحنا نكمل مع بعض ساكته التوبه 

وقالت له انت متاكد من الحل ده 

رد عليه ايوه متاكد وعارف انك هتوافقي 

قالت طب كده احنا مش هنكون ظلمنا رباب 

رد ايوب بصي يا توبه احنا مش هنظلم رباب والاول وفي الاخر هي بنت خالتي قبل ما تكون مراتي بس انا مش مرتاح معاها وربنا يعلم ان كنت بفكر في الجواز حتى قبل ما اتجوزك 

قالت له وانا موافقه بس هيكون جوازي على الورق لغايه ما اكون ما اشوف هقدر اكمل معاك ولا لا 

فرح ايوب وقال لها ماشي 

قالت له طيب وقامت دخلت عندي تمارا 

ايوب قال لنفسه ان شاء الله هنكمل مع بعض يا توبه

لما في بيت نفيسه قالت كيداهم هو ايوب هيفضل قاعد هناك كتير كده 

ردت نفيسه بقول لك ايه يا كيداهم ما لكيش دعوه 

قالت لها ازاي ده جوز بنتي لازم اطمن عليه 

قالت رباب ايه المشكله يا ياما ايوب صاحب واجب ومش هيرجع لما تمارا تخف وترجع بالسلامه الكل استغرب رد رباب وكيداهم برقت لها 

وقال عامر بقول لكم ايه تصبحوا على خير انا داخل انام يلا يا ورد ودخل الاوضه 

وقال كمال يلا يا شروق احنا كمان عشان ورايا شغل كتير بكره 

ردت عليه يلا يا كمال تصبحي على خير ياما محتاجه حاجه 

قالت لها تسلمي يا حبيبتي وطلعت شروق هي وجوزها 

ورباب قالت تصبحي على خير يا خالتي وطلعت على شقتها 

وطلعت وراها كيداهم وراحت عند شقتها وخبطت وفتحت رباب 

وقالت لها انا عايزه افهم انتي بتعملي كده ليه 

ردت رباب تعالي بس وانا هفهمك كل حاجه ودخلوا الشقه 

وقالت لها رباب انا اللي زقيت تمارا من على السلم خبطت على صدرها كيداهم 

وقالت لها ليه عملت كده يا بنت بطني قالت لها يعني انتي مش عارفه الحاجه نفيسه عينيها على توبه وقلت بكده ابعدهم عن هنا 

ردت كيداهم البنت شافتك وانتي بتعملي كده 

ردت عليها لا ما شافتنيش 

قالت لها طيب يا فالحه وتفتكري بكده انتي بعتي ايوب ده قرب اكتر وبقى بيبات معاهم في المستشفى 

ردت رباب ويعني بيبات في الاخر هيرجع في حضني انا 

ردت كيداهم بتتصلي بيه اطمني عليه ومسكه رباب التليفون واتصلت على ايوب اللي 

رد عليها وقال لها لسه فاكره ان لك جوز 

ردت رباب ابدا والله يا حبيبي ده انا طول النهار مزنوقه تحت في الشقه مش عارفه اخذ نفسي عشان اكلمك حتى اسال شروق سالت عليك كم مره 

رد ايوب طيب يا رباب انتي عامله ايه 

ردت عليه انا كويسه بس انت وحشتني قوي 

رد ايوب وانتي كمان 

قالت لي هترجع امتى يا ايوب 

رد عليها الاسبوع اللي جاي ان شاء الله يا رباب هنرجع البيت 

ردت عليه طب يا حبيبي خلي بالك من نفسك وقفلت معاه وبصيت لامها 

وقالت لها شفتي مش انا قلت لك ان هو ما يقدرش يستغنى عني 

ردت كيداهم يا ريت يفضل على كده مع اني حاسه ان في حاجه كبيره هتحصل 

ردت رباب ما تخافيش وحطي في بطنك بطيخه صيفي كل حاجه هتمشي زي ما احنا قلنا ويا ريت بقى تنزلي عشان انام 

ردت كيداهم هبات معاك النهارده 

ردت رباب لا انا ما بصدق اني اقعد في البيت لوحدي يلا بقى انزلي 

قالت لها طيب وخرجت كيداهم من الشقه 

وداخله رباب الحمام اخذ الدش وخرجت لبست قميص نوم وراحت عند التلاجه وطلعت الشوكولاته ومصاصه وايس كريم وراحت على السرير 

وجابت التليفون اللي كانت مخبياه وفتحت النت وبدات تتصل فيديو كول على وليد 

اللي رد عليها صباح الحلويات ايه يا بنت الجمال ده كله

ضحكت بمياعه وقالت له بجد يا وليد 

رد عليها بشهوه طبعا يا قلبي بس وريني كده القميص شكله ايه 

وبدات رباب تظبط الكاميرا على جسمها ووشها ومسكت الايس كريم فتحته وبدات تاكل فيه بدلع 

وهو قال والنار قايده في جسمه ياما نفسي اقرب منك واشوفك يا غزال 

ضحكه رباب وقالت له حد منعك 

رد عليها خلاص نتقابل بكره 

ردت عليه بس انت عارف اني ما بخرجش بره البيت لوحدي 

رد عليها سهله قوي انتي هتقولي لهم انك رايحه لواحده صاحبتك ونتقابل 

ردت عليه ما عنديش صحاب 

رد وليد خلاص يبقى لك صحاب 

وقالت له ازاي يعني 

قال لها انا اعرفك على البنت اختي وهي هتظبط كل حاجه 

ردت عليه سيبك من الكلام ده خلينا في موضوعنا وفضلوا يتكلموا 

اما في المستشفى كانت توبه قاعده جنب تمارا ودخل ايوب وقال لها انا لسه مكلم رباب وعرفتها ان احنا هنيجي اخر الاسبوع 

ردت عليه وقلت لها على جوازنا 

رد عليها لسه لما اشوفها ابقى اقول لها 

قالت له طيب وراح اقعد على الكرسي وعينيه عليها 

وفي مكان تاني اند رعد كان قاعد في الصاله بيشرب سجاير 

رودينا نايمه على السرير زهقانه وقامت قالت له انا عايزه التليفون بتاعي اقعد عليه شويه 

رد عليها بصوت عالي تليفون ايه اللي عليه رقم الخولات والاوساخ اللي انتي تعرفيهم 

قالت له طب وانت مالك وقام رعد ومسك دراعها جامد 

وقال لها مالي ونص من ساعه ما اتكتبتش على اسمي انتي فاهمه يا بنت انتي ولو عايزه تتسلي عندك التلفزيون 

ردت عليه تلفزيون ايه الايام جدي وستك ده بقول لك ايه انا ما باخدش بالكلام ده وانا عايزه تليفوني بدل ما ابهدل الدنيا 

وضربها رعد بالقلم وقال لها وما فيش تليفون واللي عندك اعمليه وسابها وطلع على شقه امه وهي فضلت تعيط 

واما في شقه مصطفى كان بيلبس هدومه وبيتكلم في التليفون يا بنت جاي لك اقفلي بقى 

ردت عليه طيب وقفلت معاه واخلص لبس وبيلف وشه شاف ندى قاعده على السرير 

وقال لها مالك يا بوز الاخص 

ردت عليه مش شايف ان انت زودتها قوي 

رد عليها يعني عايزه ايه 

ردت عليه عايزه مصطفى بتاع زمان حبيبي اللي اتجوزته وانا بموت فيه 

رد عليها ببرود وماله مصطفى بتاع دلوقتي مزعلك في حاجه 

ردت عليه بدموع ماشي غلط وبيعمل الحرام ومش مراعي بيته ولا عياله 

ضحك مصطفى وقال لها انتى جايبه لي حته عيل ومش عايزه تجيبي لي الثاني ومش عايزه تقربي مني طبيعي هبص بره 

ردت عليه انت السبب انت اللي على طول بتخوني وعلى طول من ست لست مش مراعي ربنا فيا ولا في حبي ليك انا تعبت وقرفت ولو مش عايز نكمل مع بعض وهتفضل على الحال ده كثير نطلق احسن 

اتعصب مصطفى وقرب منها وشد شعرها واقول لها بتقولي ايه يا روح امك طلاق ايه انا ما بطلقش واللي عندك اعمليه 

ردت عليه بدموع ماشي يا مصطفى وانا هوريك انا هعمل ايه وزقها وخرج وهي فضلت تعيط 

ومصطفى راكب العربيه وهو متضايق من كلام ندى وتليفونه رن برقم البنت وقفل التليفون وقعد في العربيه في الشارع وهو مخنوق انه شاف دموعها وانها قد ايه كانت صابره 

وكانت مستحملاه وعايشه معاه وراضيه حتى تصرفات امه واخته هي مستحملاها عشان حبها ليه وافتكر ذكريات ومعاها لما كان بيروح يقفلها قدام المدرسه ويستناها تخرج وابتسم قد ايه كانت بريئه وحنينه عليه 

وبعد وقت طويل النهارده طلع وورد قررت انها تاخد ابنها وتمشي وقامت لمت هدومها وهدوم ابنها وسابت الذهب والموبايل وراحه ناحيه السرير وطلعت صندوق وحطيته على التسريحه وكتبت ورقه وسابتها على الصندوق 

وخرجت مسكه ايد ابنها وقال لها رايحين فين يا ماما 

ردت عليه هنروح نقعد عندك جدو شويه يا حبيبي قال لها طيب وخرجوا من البيت 

اما في عربيه مصطفى قرر انه يروح يفتح صفحه جديده مع ندى ويتكلم معاها ويوصلوا الحل 

وهو ماشي شاف محل بتاع لعب اطفال فاتح ونزل اشترى لعبه لابنه وعروسه حلوه لندى وركب العربيه تاني وهو مبسوط وبعد دقايق وصل البيت 

وطلع الشقه ودخل على اوضه النوم واتفاجئ بالدولاب مفتوح والاوضه زي ما هي وراح بص على الدولاب ولقى معظم هدوم ندى مش موجوده وخرج ناحيه اوضه الولد ولاقيها فاضيه 

ومسك التليفون عشان يتصل على ندى وسمع الرنه في اوضه النوم ودخل وشاف الموبايل على التسريحه وجنبيه الدهب بتاعها وصندوق غريب وورقه امسكها عشان يقراها 

ولقاها مكتوب( انا اسفه يا مصطفى مش هقدر اكمل معاك وانت بالطريقه ديت وطبعا انت مستغرب الصندوق ده بس ده حلمنا اللي احنا حلمنا بيه من ساعه ما اتخطبنا طبعا انت مش فاكره بسبب النسوان اللي انت ماشي معاهم انا هفكرك بيه فاكر لما كنت بتقول لي على المشروع اللي نفسك تفتحه اللي هو الجيم ولا نسيت) 

اتصدم مصطفى من كلامها للمفروض نسيته هي كمان زي ما هو نسيت من زحمه الدنيا وشغله مع ايوب في المعرض 

وفتح الصندوق وشاف الفلوس محطوط عليها استك وورقه وكل فلوس مكتوب عليها التاريخ بتاعها واتصدم لما مسك الفلوس وشافها من اول خطوبته عليها لغايه دلوقتي وهي بتشيلهم له 

وبتحوشهم عشان خاطر المشروع بتاعه وقعد على الكرسي هو حاسس انه فقد جوهره ما كانش عارف قيمتها وافتكر كلام ايوب لي وحزن وقفل على الصندوق 

وماسك مفتاحه وموبايله وقرر انه يروح يجيبها ويصالحها ويتاسف لها على اللي حصل كله ونزل يجري على السلم عشان يلحقها وخرج بالعربيه وهو ماشي في الطريق شافها وهي ماسكه ايد ابنه وقف العربيه 

ونزل جري وراها ومسك ايديها ولقاها بتعيط وشدها الحضنه وحضنها جامد وهو بيقول لها انا اسف مش هعمل كده تاني حقك عليا وهي فضلت تعيط وابنه كان مستغرب اللي بيحصل وفضلوا شويه على الحال ده 

وقال لها تعالي بس اركبي العربيه ونتكلم شويه 

ردت عليه بدموع ما بقاش في كلام وانا هتطلق يا مصطفى انا تعبت من العيشه ديت 

رد عليها ما تقوليش كده يا ندى انا ما اقدرش اعيش من غيرك انا هموت لو بعدت عنك 

ردت عليه بسرعه بعد الشر عليك 

ابتسم مصطفى وقال لها طيب يا حبيبتي تعالي بقى خلينا نتكلم 

ردت عليه مش هقدر سيبني اروح على بيت ابويا ولما ابقى كويسه هبقى ارجع 

رد عليها ما تسيبيش بيتك يا ندى واقعدي فيه براحتك وانا اللي هسيبه لغايه ما ترتاحي 

ردت عليه بعصبيه طبعا عشان تبقى براحتك وتروح تقعد مع النسوان زي ما انت عايز 

ضحك مصطفى على غيرتها وقال لها مش هيحصل وانا خلاص مش همشي في السكه دي تاني عشان خاطر عيونك صدقيني يا ندى 

ردت عليه طب لو عملتها تاني انا هعمل ايه 

رد عليها اعمل اللي انتي عايزاه كله وانا تحت امرك يلا بس بلاش وقفتنا في الشارع ديت ومسك ايديها وايد ابنه وراحوا ركبوا العربيه