رواية توبة الفصل الحادي عشر11 بقلم اميرة خالد
في مطعم فول وطعميه كان قاعد مصطفى مع ندى وابنه عشان يفطروا
وقال لها انتى كنت بتحوشي الفلوس دي من بدري
ردت عليه ايوه كنت ما بتديني عديه او حد بيديني فلوس كنت بحطها حتى الفلوس اللي كنت بجيب بيها العبايات ما كنتش بشتري بيها كلها وبحط منها عشان خاطر المشروع بتاعك نعمله وتبقى مبسوط
رد مصطفى بفرحه ان شاء الله هنعمله سوا وهنبقى مع بعض على طول
ردت عليه المشكله في المكان هنجيبه منين والفلوس يا دوبك تكفي الاجهزه
رد مصطفى هو انتي نسيتي بيت ابويا ولا ايه القديم
ردت عليه ما نسيتهوش بس انت مش لوحدك فيه امك واختك معاك واكيد هيرفضوا
رد عليها البيت اربع ادوار وكل دور على شقتين انا هاخد دورين واسيب لهم هم دورين
ردت عليه براحتك بس خلي بالك امك مش هتسكت
رد عليها ما لكيش دعوه بامي وانا هتصرف معاها المهم احنا عايزين نفتح صفحه جديده
ردت عليه وانا موافقه ومصطفى ماسك التليفون وطلع الشريحه اللي بيتكلم عليها النسوان
وقال لها ودي اول الصفحه واداها على الخط
وهي فرحت وقالت له انا بحبك قوي يا مصطفى وما اقدرش اعيش من غيرك
رد عليها وانا كمان يا قلب مصطفى وكنت حاسس اني بموت وانا شايف دموعك
ردت عليه باماره ما رحت تقابلها
رد عليها والله ما قابلت حد انا فضلت قاعد في العربيه ما اقدرش اكسر قلبك وكنت براجع نفسي وقررت اني مش هعمل كده تاني وهعيش عشانك وعشان ابننا والعيال اللي جايه قريب ديت ضحكه ندى
وقالت له ماشي يا مصطفى وفضلوا يتكلموا
(عشان تعرفوا ان النسوان دي هبله وبيضحك عليها دايما بالكلمه الحلوه)
اما في المستشفى صحيت توبه على صوت التليفون وكان مديرها في الشغل
وردت عليه ايوه يا فندم
قال لها ما جيتيش للشغل بقى لك يومين يا توبه
ردت عليه انا اسفه يا فندم بس واختي في المستشفى وكانت تعبانه قوي
رد عليها ماشي يا توبه واقفل معاها
وصحي ايوب من النوم وقال لها كنت بتكلمي مين
ردت عليه مديره في الشغل
قال لها طيب وقام دخل الحمام 🚽
خطوبه تليفونها رن باسم صاحبتها اللي ردت عليها وقالت لها معلش مش هقدر اجي الكليه
ردت عليها ليه يا حبيبتي في حاجه حصلت
ردت توبه وحكيت لها كل اللي حصل
ردت عليها طب يا حبيبتي قومي طمنيني على تمارا وانا ان شاء الله هبعت لك كل المحاضرات على التليفون
ردت عليها تسلمي وقفلت معاها
وخرج ايوب و قال لها انا هروح اجيب الفطار عايزه حاجه ردت عليه شكرا وخرج ايوب وهي دخلت الحمام تاخد دش سريع قبل تمارا ما تصحى وايوب يرجع
اما في بيت نفيسه كانت قاعده مع شوقيه من بعد صلاه الفجر يتكلموا وبيفتكروا ايام زمان
ونزلت شروق وهي بتقول صباح الخير ياما
ردت عليها صباح النور يا حبيبه امك
وبصت لي شوقيه وقالت لها صباح الخير يا خالتي
ردت عليها صباح النور يا قلب خالتك ايه يا بنتي اللي مصحيكي بدري كده ده النهارده ما فيش مدارس
ردت عليها اتعودت بقى يا خالتي هعمل ايه وكمال كمان رايح الشغل هو وعامر مكان ايوب اليومين دولت
ردت الشوقيه ربنا يديك الصحه يا بنتي ودخلت شروق المطبخ تعمل الفطار وشعبان و ام كمال نزلوا وصبحوا وهم كمان وقعدوا وفضلوا يتكلموا
ووصل مصطفى و معاه ندى وابنهم وقالت نفيسه كنت فين يا مصطفى من الصبح كده
رد عليها ما فيش يا خالتي كنت بجيب حاجه لندى
قالت له طيب يا ابني تعال عشان تفطر
رد عليها لا احنا فطرنا يا خالتي
قالت لي طيب يا ابني
وقال شعبان واللي رايح يفطر بره ويجيب حاجه ياخد شنطه هدومه
رد مصطفى معلش يا خال اصل دي الحاجات اللي احنا اشتريناها من بره
ردت نفيسه طيب يا ابني ربنا يهدي سركم والمصطفى اطلعي يا ندى ومعاكي الشنطه عايزه اتكلم مع خالتي وخالي شويه قالت له طيب وطلعت ندى
و قال شعبان في ايه يا ابني انت قلقتني
رد عليه بصراحه كده يا خالي انت وخالتي انا عايزه اسيب الشغل مع ايوب اتصدم شعبان
وقال له ليه يا ابني
قال له ما بحبش الشغلانه ديت وعايزه افتح المشروع بتاعي
ردت كيداهم اللي كانت سامعه الكلام وهي واقفه على الباب وهتفتحه منين يا عين امك هو انت حيلتك حاجه ولا فاكر ان انا هديك فلوس
رد مصطفى مش عايز حاجه ياما والحمد لله انا معايا فلوس كنت محوشها انا وندى وهفتح المشروع بيه
اتغاظت كيداهم وقالت له تبقى بتحلم يا مصطفى ولو عملت كده ولا تبقى ابني ولا اعرفك
ردت شوقيه اهدي يا كيداهم الكلام اخده وعطا
ردت كيداهم بعصبيه وانتي مالك هو ابنك وانا ما اعرفش ما تخليكي في حالك
زعلت شوقيه وسكتت وقالت نفيسه بصوت عالي لمي نفسك يا كيداهم ما تكلميش شوقيه كده واه ابنها هي اللي ربته وهو صغير ولا انتي نسيتي لما كنت بترميه وانا اهتم بيه انا وشوقيه
رد مصطفى حقك عليا ياما ما تزعليش منها وبس دماغ شوقيه و
ردت عليه مش زعلانه يا ابني هي امك كده طول عمرها دبش
وقالت نفيسه بص يا مصطفى افتح المشروع بتاعك ولو احتجت من 100 لمليون انا تحت امرك يا ابني وانا اللي هقف جنبك
فرح مصطفى وقال تسلمي يا خالتي بس صدقيني انا الفلوس هتكفي وكمان بيت ابويا موجود هعمل فيه المشروع
ردت كيداهم قول كده انت طمعان في البيت بس اعمل حسابك ان انا واختك مش هنسيب حقنا
رد مصطفى ما تخافيش ياما مش هاجي جنب حقكم انا هاخذ الدورين الاولانيين عشان المشروع
رد شعبان طيب يا ابني مشروع ايه ده بقى اللي انت هتعمله
رد عليه الجيم يا خالي اللي كنت بحلم بيه
رد شعبان طيب يا ابني طب انا هقول لك على حاجه واسمعها مني
رد مصطفى اتفضل يا خال
قال له افضل معانا في الشغل لغايه ما المشروع يقف على رجليه وبعد كده وابقى سيب الشغل واهتم بالمشروع بتاعك
رد مصطفى حاضر يا خال هعمل كده و كيداهم وكانت متغاظه
وقال مصطفى طب بعد اذنكم هطلع انا بقى عشان اشوف الصنايعيه عشان يجوا يشتغلوا في البيت هناك ونظبط الدنيا
رد شعبان ماشي يا ابني وطلع مصطفى وهو مبسوط
اما في المستشفى ايوب كان قاعد بيفطر مع توبه وتمارا وبيتكلموا
وقالت تماره انا عايزه اروح انا زهقت من هنا
رد ايوب خلاص يا قلبي هنمشي اخر الاسبوع
ردت توبه بس يا تمارا في حاجه حصلت وانتي تعبانه ولازم تعرفيها
ردت تمارا حصل ايه شوقيه جرى لها حاجه
ضحك ايوب وقال لها شوقيه كويسه اسمعي بس اختك للاخر وبعد كده اتكلمي
وبص التماره لتوبه اللي اتكلمت وقالت احنا هنرجع البيت بس مش هنقعد عند شوقيه لا هنقعد مع ايوب في بيته
فرحه تماره وقالت بجد
ردت عليها ايوه يا حبيبتي وايوب قال وفي حاجه كمان يا تمارا
ردت عليه ايه هي قال لها انا اتجوزت توبه يعني هي دلوقتي مراتي
اتصدمت تمارا وعينيها دمعت وقالت له طفوله بريئه يعني انت كده اتجوزت اختي يعني انا مش هينفع اتجوزك
ضحك ايوب وقال لها بس يا قلبي انتي بكره هتكبري وانا هبقى عجوز ويجي شاب من سنك يطلب ايدك مني عشان انا هبقى ابوكي ضحكه تمارا
وقالت له ايوه انت معاك حق وانا مبسوطه انك اتجوزت توبه احسن من ام 44 اللي انت متجوزها ضحك ايوب
وقال التوبه عيب كده يا تمارا
ردت عليها بطفوله لا مش عيب وايوب مش زعلان صح
رد عليها طبعا يا قلبي مش زعلان منك بس تلم لساننا شويه عشان هي اكبر منك
ردت عليه ان شاء الله المهم انا عايز اخ ولا اخت العب معاه اتكسف التوبه وايوب اتحرج والزعل ان مش هيعرف يجيب عيال
ورد عليها بصوت هادي ان شاء الله وقام دخل الحمام
وقالت توبه نفسي تلم لسانك الطويل ده شويه
ردت عليها اسكتي وانتي خايبه كده بدل ما تقومي تقولي له كلمتين حلوين قاعده جنبي وبتاكلي وخلاص اتصدمت توبه من كلام اختها وكملت كلامها ما تقومي يا ست بقى
وقامت توبه وراحت ناحيه الحمام وقالت ما تزعلش يا ايوب انت عارف تماره بتحب تهزر
رد عليها مش زعلان يلا عشان تكملي اكلك
ردت عليه لا انا شبعت الحمد لله
اما شقه ايوب صحيت رباب وهي شعرها منكوش والشوكولاته على جسمها وقامت دخلت الحمام اخذت دش وخرجت وافتكرت كلام وليد ولبست هدومها ونزلت على تحت
لقيت امها قاعده متضايقه وقالت لها مالك متضايقه ليه
ردت عليها شفت اخوك وعمايله
ردت رباب عمل ايه تاني
ردت عليها ما عملش يا اختي بس عايز يسيب الشغل مع ايوب وقال ايه يفتح المشروع بتاعه وفاكره ان هيكسب بعد ما هيسيب العز ده كله
ردت رباب وايه يعني سيبيه يعمل اللي هو عايزه
ردت عليها بس يا هبله ما هو كده مش هيبقى لينا عين في الشغل ونعرف ايوب بيخش له ايه ومعاه ايه لو هو سابه
ردت رباب ما تخافيش انا هتصرف
ردت عليها ازاي يا اختي
قالت لها بعدين هبقى اقول لك
وخرجت نفيسه وقالت لها صباحيه مباركه يا عروسه اتاخرت ليه يا ست رباب
ردت عليها حقك عليا يا خالتي معلش اصل انا كنت بتكلم مع ايوب امبارح وتاخرت عقبال ما انام
ردت نفيسه طيب يا اختي قومي يلا شوفي وراك ايه في المطبخ
ردت عليها طيب يا خالتي عايزه استاذنك في حاجه
ردت عليها عايزه ايه يا رباب قالت لي عايزه انزل اشتري حاجات قبل ما ايوب يرجع
ردت نفيسه طيب يا رباب استاذني جوزك ولو وافق ابقي روحي
قالت لها طيب يا خالتي
وقالت كيداهم هتروحي فين يا مقصوفه الرقبه
ردت عليها ما فيش اشتري شويه حاجات عشان اضبط ايوب واخذ منه الفلوس اللي انا عايزاها
ردت كيداهم طب اجي معاكي
ردت رباب لا خليكي انا هروح بس ساعتين وهرجع يعني مش هتاخر خليك هنا عشان تشوفي هم هيعملوا ايه في حوار شوقيه ده
ردت كيداهم طيب
وعامر كان في الشغل واتصل على ايوب وقال له ان النقاش جه هيتشطب الشقه
رد ايوب ابعث لي كم صوره لاوض النوم والاطفال والركن اللي عندك عشان توبه وتمارا ينقوا اللي هم عايزينه
رد عامر حاضر واقفل معاه وفعلا بعت له الصور بتاعه الشغل ودخل ايوب الاوضه
وقال لهم بصوا يا بنات احنا هنشطب الشقه وعايزكم تختاروا الاوض بتاعتكم والالوان بتاعه الشقه
ردت تمارا انا عايزه الاوضه بتاعتي بينك
ضحك ايوب وقال لها حاضر يا ست تمارا هعمل لك الاوضه اللي انتي عايزاها بس اختار اللي يعجبك الاول
ردت عليه حاضر يا ايوب وبدات تنقي وهي فرحانه
وادى ايوب التليفون لتوبه وقال لها نقي اللي يعجبك توبه مسكت التليفون وهي مبهوره بالشغل بتاعه ونقت كم حاجه وبعد وقت خلصت
وقالت له ممكن اسالك سؤال
رد عليها اتفضلي وبعد كده اما تكوني عايزه تسالي حاجه قولي على طول مش لازم المقدمه ديت
ابتسم التوبه وقالت له هو انت ليه مش عامل صفحه بالشغل بتاعك
رد عليها ازاي يعني
قالت له يعني دلوقتي الكل بينزل شغله على النت وبينتشر اكثر
رد عليها انا مش محتاج الشغل اللي على النت ده عشان ليا زبايني اللي بيجولي على طول
ردت عليه برضو الرزق بيحب الزياده هات كده تليفونك وبدات تعمل له الصفحه ونزلت الشغل بتاعه وقالت له معاك فيزا
رد عليها ايوه
قالت طب ممكن تديها لي طلع لها الفيزا وهي عملت له اعلان وبعد وقت ادته التليفون والفيزا
وقالت له انا كتبت رقمك على الصفحه وان شاء الله يجي لك زباين كثيره
ابتسم ايوب وقال لها ممكن اعرف بقى انتي عملتي ايه
ردت عليه حاجه سهله قوي عملت لك صفحه على النت ونزلت لك شغلك اعلان هينزل لمصر كلها لمده اسبوع ونشوف هيحصل ايه بعد كده
رد ايوب طيب وبعد وقت وجاله اشعارات على التليفون
وقالت توبه ما تشوف الرسائل دي ايه
رد عليها لما اروح بقى البيت ابقى اخلي عامر يشوفها
ردت عليه ليه ما تشوفها انت
رد عليها باحراج اصل انا ما بعرفش اقرا
اتكسفت توبه وقالت له طب وريني كده ولقيت ناس باعته له على الصفحه
وقالت له بفرحه دي الناس باعته تسال على الشغل ده بكام
رد ايوب طب هو كل حاجه وليها سعرها
ردت عليه طب ايه رايك عشان نساعد الشباب نعمل تخفيض بسيط وفي نفس الوقت يبقى اعلان عشان الناس تيجي اكتر
رد ايوب مفيش مشكله اهو نجرب مش هنخسر حاجه
وقالت له في واحد بيسال لو كان في شغل مستعمل او درجه ثانيه عندك هو هياخده عشان الاسعار دي غاليه
قال لها قولي له يجي المعرض وينقي اللي يعجبه وانا هساعده وهعمل له تخفيض كبير في الحته توبه وكتبت
رد الشاب بفرحه تمام ممكن العنوان وكتب التوبه العنوان والشاب مبسوط
وايوب كان فرحان بابتسامه توبه اللي على وشها وقال لها ايه رايك تشتغلي معايا وتسيبك من السوبر ماركت اللي انتي شغاله فيه
ردت عليه هشتغل ايه
قال لها اجيب لك تابلت وتنقلي الصفحه عليه وده يبقى شغلك تعملي الشغل اللي على النت ده
ردت عليه مش هقدر خليني في شغلي احسن
رد ايوب بصي يا توبه انا راجل وانا اللي هصرف عليك وما ينفعش تشتغلي ثاني فعشان كده بقول لك تساعديني احسن وتبقي في البيت
ردت عليه يعني انت رافض حكايه شغل ديت
رد عليها طبعا رفضها وانا خايف عليك ان ممكن عمك يروح لك الشغل او يؤذيكي وانتي تكوني بعيده عني
ردت عليه طب ما انا عندي الجامعه ولازم اروحها
قال لها ده موضوعها سهل وممكن اوصلك الصبح واجي اخدك اخر النهار والتليفون يفضل معاكي طول الوقت
ردت عليه حاضر يا ايوب بس ده حل مؤقتا لغايه ما نشوف احنا هنقدر نعيش مع بعض ولا لا
رد ايوب ان شاء الله وما فهمتش توبه هو قصده على ايه
اما في شركه شوقي الغول عملت ايه يا رعد جبت لي كل المعلومات على البنت ديت
رد رعد مع حضرتك عارف كل حاجه ما فيش حاجه زياده غير انها اتجوزت الراجل اللي كان معاها في المستشفى ده
رد شوقي طيب الحل معاه ايه هيطلقها ازاي
رد رعد مش عارف بس المتاكد منه ان البنت دي حلها الوحيد اختها الصغيره
رد شوقي طيب يا رعد اما نشوف عمها ومرات عمها يعملوا ايه الاول بعد كده احنا نتدخل لما حلهاش
رد رعد حاضر يا شوقي بيه محتاجني في حاجه تاني
رد عليه لا تقدر تروح يا رعد بس ما تنساش مشوار بالليل
رد عليه حاضر يا بيه
اما عند رباب خرجت من الحاره وركب التاكسي وادته العنوان اللي هي رايحاه
وماسكه التليفون واتصلت على وليد وقالت له ربع ساعه وهكون عندك
رد عليها طيب يا قمرايه هستناكي وقفل معاها وخرج
وقال انتي يا بت يا سعاد
ردت عليه عايز ايه يا وليد
قال لي عايزك تسيبي لي الشقه دلوقتي وترجعي لما اتصل بيكي
ردت عليه هروح فين يا وليد
قال لها روحي مطرح ما تروحي وزقها بره الشقه
واقفل الباب وسعاد قعدت على السلم تعيط
وبعد دقائق وصلت رباب وهي طالعه على السلم شايفه واحده قاعده ما اهتمتش
ومسكت التليفون وقالت انا وصلت يا وليد انت في انهي دور
رد عليها انا هفتح الباب اهو واول ما فتح لقاها وابتسم
وقال لها اول مره اعرف ان القمر بيطلع بالنهار كده ضحكت رباب
وقالت له وطي صوتك في واحده قاعده على السلم تحت
قال لها بعد ما بص على السلم سيبك منها وتعالي وشد ايديها ودخل جوه وهو بيقول لها كنت هموت عليك من امبارح
ضحكه بمياعه وبدا يشد الهدوم من عليها ويقرب منها ويقبلها بعنف وراحه للحرام
اما عند عامر في الورشه والمعرض شاف ناس كثيره بدات تيجي وتسال على المعرض
وعامر كان مستغرب هو شعبان وجات الزباين معاهم نجارين يشوف الشغل وواحد منهم قرب من عامر وقال له حضرتك كان في خصم على الاوض النوم
وانا اخترت ديت والاوضه الاطفال الثانيه والركنه وعايز اعرف الخصم قد ايه
رد عامر خصم ايه
رد الراجل وهو بيطلع التليفون ده حضرتك الصفحه بتاعتكم وده الرقم اللي احنا اتصلنا عليه وبعثنا له وهو
قال لنا نيجي المعرض هنا وشاف عامر رقم تليفون ايوب
وقال له طب ثواني كده وهاجي لحضرتك ومسك التليفون واتصل ايوب اللي قال له في ايه يا عامر
رد عامر انت اللي فيه ايه هو انت عملت صفحه على النت من غير ما تقول لي
ضحك ايوب وقال له وانت عرفت منين
رد عامر يا عم المعرض زحمه وناس كثيره جايه يدفعوا حق الاوضه ومعاهم نجارين
رد ايوب طيب يا عامر خلص واللي عايز يشتري خليه يشتري وطلع العربيات عشان توصلهم للمكان اللي هم عايزينه
رد عامر في واحد بيقول فيه خصم
رد ايوب ايوه انا عامل خصم 15% من حق اي اوضه او ركنه
رد عامر طيب يا ايوب بس اعمل حسابك تفهمني كل حاجه النهارده
رد عليه حاضر واقفل معاه وعامر راح وقال لشعبان فعلا ايوب هو اللي عمل الصفحه وكمان في خصم 15% على كل حاجه هتتباع واتصل يا خال بالسواقين عشان اللي هيطلع العفش هيكون عايز عربيه
رد شعبان حاضر يا ابني ودخل عامر وكان مش ملاحق على الشغل
اما كيداهم قاعده متغاظه من شوقيه ونفيسه وهم بيعملوا الغداء عشان خاطر تماره وتوبه
وقالت نفيسه اتصلي يا شروق على عامر وقولي له ان احنا خلصنا عايزين نروح المستشفى
ردت شروق حاضر ياما ومسكت التليفون واتصلت على عامر اللي قال لها اصبري ساعه يا شروق المعرض زحمه مش هعرف هخرج دلوقتي يا اما تتصلي بكمال يجي يوصلكم
ردت شروق حاضر يا حبيبي وقفلت معاه واتصلت على كمال وقالت له كلام عامر
رد عليها وانا قدامي ساعه واجي لك ابويا لسه مكلمني وطلب مني اوض اجيبها له على المعرض
ردت شروق هو في ايه هو الشغل كثير ولا ايه
رد عليها مش عارف لما اجي هبقى افهم ايه اللي حصل
قالت له طيب وقفلت معاه ودخلت حكت لامها كل الكلام اللي اتقال
وقالت نفيسه ما فيش مشكله انا هتصل بايوب واقول له ان احنا هنتاخر عليه شويه
ردت شوقيه يلا ربنا يرزقه من حيث لا يدري
ردت نفيسه اللهم امين يا شوقيه
كيداهم قامت وقفت في البلكونه وشافت المعرض زحمه والعربيات بتحمل عفش وبتمشي وهي مستغربه كل ده حصل ازاي
اما عند رباب كانت قاعده على السرير ولفه جسمها بملايه وبتقول بس انت هي وليد طلعت جامد قوي
ضحك وليد وهو بيلف السيجاره اي خدمه يا قمرايه انا تحت النظر
شدت منه السيجاره وبتولعها وقالت له لولا اللي انا عارفاك من زمان وعارفه انك مش بتاع جواز كان زماني متجوزاك
رد وليد جواز ايه يا اموره احنا كده حلوين مع بعض قوي ولا نسيتي زمان
ردت عليه ما نسيتش بس كنت بحاول اصبر نفسي في عشت مع ايوب
رد وليد بقول لك ايه فكك من الكلام ده وتعالي بس اقول لك كلمتين حلوين
ردت عليه اصبر بس خذ نفسين من السيجاره وهقول لك احلى كلام انا كمان
ضحك وليد وهو بيقول لها سيجاره ايه بس وشد السيجاره منها وحطها على الطفايه وشدها لحضنه ونسيبهم في بحر الحرام اللي هم فيه
اما عند ايوب كان لسه قافل مع امه وقال لها هم هيتاخروا شويه
ردت عليه ما فيش مشكله احنا كده كده لسه فاطرانين من شويه
رد عليهم طيب يا ستي وفجاه الباب خبط وقام ايوب يفتح الباب وتفاجئ بشاب واقف على الباب ومع بنتين
وقال مش دي اوضه تماره اخت توبه
رد ايوب ايوه حضرتك مين قال له احنا زمايلها من الشغل
رد ايوب اتفضلوا ودخلوا البنات سلموا على توبه الشاب بيسلم عليها
وهي قالت ما كانش ليه لازمه ان انتم تيجوا تتعبوا نفسكم
ردت نرمين تعب ايه يا بنتي والله عبده هو اللي قال لنا وكان قلقان عليك وقلنا نيجي نطمن عليك سكت التوبه
وايوب كالملاحظ نظرات الشاب لتوبه وتوبه كانت بتتكلم مع البنات و قامت جابت لهم عصير
والشاب قال لها شكرا لو احتجت اي حاجه يا توبه يا ريت تتصلي عليا
اتضايق ايوب قالت نرمين مش تعرفيني يا توبه اخوك ده
ردت توبه لا مش اخويا ولسه هكمل كلامها
رد ايوب انا جوزها الكل اتصدم وعبده اتصدم
وقال لها جوزها
رد عليه ايوه جوزها في حاجه ولا ايه
ردت نرمين لا ما فيش حاجه بس احنا اتاخرنا هنبقى نجيلك تاني يا توبه
ردت عليها تمام يا حبيبتي
وقامت نرمين وقالت يلا بينا يا جماعه وخرجت هي وعبده وصاحبتها
وقالت هي امتى توبه اتجوزت
رد عبده غريبه يعني
ردت عزه ولا غريبه ولا حاجه ده شكله واحد متريش انتي مش شايفين شكل المستشفى ايه
ردت نرمين عيب كده ما تتكلميش على صاحبتك كده يا عزه
ردت عليها العيب في الجيب يا حبيبتي هي بنت مسهوكه طول الوقت قال الله قال الرسول وهي من تحت لتحت
وقال عبده طب يا جماعه هستاذنكم انا وماشي عبده وهو زعلان