رواية اللؤلؤ والاخرس الفصل الحادي عشر11 بقلم اميرة خالد

بعد وقت خلصوا العيله الغداء وكانوا قاعدين 

وقرب يسري من بسمه وقال لها ينفع تسمعيني 

قامت بسمه وقالت له ما بقاش ليك رصيد عندي عشان اسمعك انت كسرت كل حاجه جوايا انا لو قاعده هنا فانا قاعده عشان خاطر بنتي ما تبقاش من غير عيله هي ولا اخوها واخليك فاهم انك مش هتقرب مني نهائي وانا بقول لك كده قدام الكل 

وقربت لؤلؤه وقالت لها اهدي يا ماما بعدين نتكلم 

ردت بسمه ببرود انا هاديه جدا وده اللي عندي 

وبصت لعثمان وقالت له لو في شقه لي هنا اقعد فيها انا وبنتي وابني يبقى كثر خيرك 

رد عثمان طبعا يا بنتي في شقه مقفوله اقعدي فيها زي ما انتي عايزه 

ردت بسمه شكرا يا حج ودخلت الاوضه

قربت لؤلؤه من يسري وقالت له معلش يا بابا استحمل شويه وماما هتقعد تتكلم معاك 

رد يسري انا عارف يا حبيبتي انها زعلانه وانا هبقى اتكلم معاها 

وقال عثمان نظفوا الشقه اللي فوق وافتحوها عشان تقعد هي وعيالها فوق 

ردت شاديه حاضر يا بابا و بص عثمان على لؤلؤه اللي كانت خايفه منه وعينيه شايفه حبيبته وهي في سنها

وقامت لؤلؤه وفتحت شنطتها عشان تدي العلاج لبرق 

وقالت هي فين الروشته بتاعه بابا وعلاجه 

رد توفيق اهي يا بنتي وفتحت الشنطه و لقيت الادويه اللي هياخدها بعد الغداء وجابت كوبايتين ميه ادت واحده لبرق مع العلاج بتاعته 

وقربت من ابوها عشان تدي له العلاج والميه والكل شايف تصرفاتها ما حدش فيهم فكر انه يدي العلاج ليسري 

وابتسم عثمان على لؤلؤه الحنينه زي مراته الله يرحمها 

وقالت لؤلؤه يلا يا بابا عشان تنام شويه عشان العلاج بتاعك محتاج راحه 

رد يسري لا يا لؤلؤه انا هقعد لغايه ما امك تخرج واتكلم معاها 

قامت صابرين متعصبه وقالت له ما كفايه بقى انتم عاملين تحرقه في دمي ليه 

وقالت شاديه بعصبيه فيها صابرين مش كفايه من ساعه ما جوزك خرج من المستشفى وانتى ما سالتيش عليه ولا اطمنتي ولا فكرتي حتى في علاجه ولا حد من عيالك عمل كده 

ردت صابرين بقول لك ايه يا ست المحاميه خليكي ساكته وما لكيش دعوه باللي بيحصل بيني وبين جوزي 

وانا بقول لك يا يسري انا مش هسكت على اللي انت عملته ده وهوريك انا هعمل ايه وطلعت على شقتها 

وقالت شاديه سيبك منها يا يسري وتعال عشان ترتاح خش اوضتي انا القديمه نام فيها 

رد يسري ماشي وبصت شاديه للشباب وقالت لهم تعال عشان تساعدوا عمكم ينام على السرير وقاموا وراحوا معاهم ويسري نام على السرير وهو بيفكر في بسمه 

اما في اوضه بسمه كانت قاعده بتعيط 

وقالت انا لازم ابقى قويه عشان خاطر عيالي وحطت ايديها على بطنها وهي بتقول انت ما تعرفش انا كنت فرحانه قد ايه بوجودك في حياتي بس انت جيت في الوقت الغلط 

او يمكن جيت في الوقت الصح واكيد ربنا شايف حاجه انا مش شايفاها بس المتاكده منه اني هكمل المشوار ده عشان خاطر عيالي ونامت على السرير 

والباب خبط وقعدت وقالت خش ودخلت شاديه وهي بتقول عارفه ان احنا ما تعرفناش على بعض وانك اول مره تقعدي معانا بس انا عايزه اقول لك اني اعرفك 

استغربت بسمه وقالت لها ازاي قربت شاديه وقعدت على الكرسي 

وقالت لها انا هقول لك ازاي وحكيت لها كل اللي حصل وازاي عرفت ان يسري متجوز 

وقالت بسمه بس انا زعلانه قوي انه خبي عليا موضوع زي ده 

ردت شاديه طب ممكن اسالك سؤال وتردي عليا بصراحه 

قالت لها قولي 

قالت لها انت كنت ممكن توافقي تتجوزي يسري وهو متجوز ومعاه طفل سكتت بسمه 

وقالت شاديه شوفتي هو ده اللي كان يسري متوقعه انك هتبعدي عنه وهو بيعشقك وعمره ما حب حد غيرك وانا متاكده من كده اللي يختار الغربه ان يعيش مع اهله يبقى اكيد في سبب والسبب ده قوي كمان ان حبايبه قاعدين هناك 

دموع بسمه نزلت وشاديه اخذتها في حضنها وطبطبت عليها 

وقالت بسمه بدموع اول مره كنت احس اني وحيده وما ليش اهل يوم ما كنت في المستشفى 

ردت شاديه ما تقوليش كده احنا اهلك قبل ما نكون اهلي يسري وانا اختك ومن النهارده احنا اخوات 

ردت بسمه بابتسامه ضعيفه شكرا يا شاديه على كلامك ليا وقفتك جنبي كمان 

قالت لها شاديه ما فيش شكر بين الاخوات ويلا هسيبك تنامي شويه وخرجت شاديه 

اما لؤلؤه كانت قاعده في الصاله جنب برق واقرب ابراهيم منها وقال لها بالاشاره انتي زعلانه ان احنا ولاد عم ابتسمت لؤلؤه 

وقالت بالاشاره لا مش زعلانه انا مبسوطه اني شفتك هنا بس انت شايف حاله بابا وماما عامله ازاي وانا مش عارفه اعمل ايه وكمان انا متلخبطه جدا ومش عارفه هقدر اقعد هنا ولا لا 

رد ابراهيم بالاشاره جربي انتي مش هتخسري حاجه هزه راسها بالموافقه وتليفونها رن ولقيت اسم ماجي 

وردت ايوه يا ماجي 

قالت لها انا في المطار ابعتي لي الابلكيشن الفندق عشان اجي لك 

ردت لؤلؤه ما انا مش في الفندق احنا رحنا عند اهل بابا 

ردت ماجي طب ابعتي لي الابلكيشن وانا هاجي لك قالت لها حاضر وقفلت التليفون وبعتت لها الابلكيشن 

وبصه لابراهيم وقالت له بالاشاره هو في مشكله لو حد جه هنا تبعي 

رد ابراهيم بالاشاره لا طبعا ما فيش مشكله 

قالت له بالاشاره شكرا 

وايناس كانت قاعده وجنبيها روان وريم وقالوا لها ايه يا ايناس انتي لسه زعلانه 

ردت عليها مش عارفه ازعل ولا افرح بس انا اتكسفت قوي وانا في الاوضه لما بابا بيعرفها عليا وهي ما قالتلهوش اي حاجه من اللي حصلت مني 

ردت روان على فكره هم شكلهم طيبين 

ردت ايناس انا بقول كده برده ما هو مش معقول بابا هيقعد السنين دي كلها معاهم 

وريم كانت سرحانه في هاشم اللي قاعد بيتكلم مع سيف وحازم  

قالت روان وهي بتخبط في ذراعها اللي واخد عقلك ابتسمت ريم 

قالت ما فيش حاجه كنت بفكر في اللي عمله عمي 

ردت روان ازاي يعني 

قالت لها يعني ممكن الواحد ايه يتجوز حد وهو ما بيحبهوش ويعيش معاه عشان خاطر عياله واول ما يلاقي الانسان اللي بيحبه يروح له ويرتبط به وهو بيكذب عليه عشان خاطر بيحبه بس استغربت روان وايناس من الكلام 

وقالت روان عمي كان صريح من الاول وقال لهم انه مش عايز يتجوز وهم اللي غصبوا عليه انه يتجوز وبالتالي هيكون رد فعله بالطريقه ديت لما يلاقي حد بيحبه 

قالت ايناس انتوا ايه اللي انتم بتقولوه ده ما تراعوا اللي انا قاعده في وسطيكم 

ضحكه روان وقالت لها حاضر يا صغنن بتاعنا قولي لي بقى ايه اللي اخرك فوق انتي وحازم كده اتكسفت ايناس 

وبصت ناحيه حازم اللي غمز لها بعينيه 

وقامت ايناس وقالت مين هيشرب معايا نسكافيه 

روان قالت انا معاكي وريم برده وراحت ناحيه الشباب وقالت لهم 

وقال حازم انا عايزه اشرب فنجان قهوه من ايدك الحلوه ديت يا مراتي يا حلوه  

وقال له هاشم لم نفسك يلا 

رد حازم بقول لك ايه دي مراتي يعني ممكن اخدها وامشي دلوقتي حالا 

ضحك ابراهيم وسيف والبنات على كلامه 

وقال سيف وانا كمان قهوه يا ايناس وهاشم وابراهيم كمان 

وقربت من اللؤلؤه بحرج قالت لها تشربي قهوه ولا نسكافيه 

ردت عليها انا عايزه شاي ويكون علينا نعناع بس ممكن تقولي لي المطبخ فين وانا هقوم اعمله بصه ايناس ناحيه هاشم اللي هزلها راسه بالموافقه 

وقالت لها تعالي معايا وقامت لؤلؤه وراحت مع ايناس المطبخ 

وبرق كان قاعد على الكرسي وراح حازم جنبه ومسك ايديه 

وقال له ما تيجي يا عم تقعد معانا انت قاعد لوحدك ليه سكت برق وما ردش عليه 

وقال حازم كمان مش عايز ترد عليا ولا معبرني 

وقام هاشم وقال له اهدى يا ابني ده ما بيتكلمش ولا بيسمع حزن حازم وقال له زي ابراهيم يعني 

رد هاشم ايوه ونزل حازم على ركبته قدام برق 

وقال له بالاشاره انا حازم ابن عمك ابتسم برق 

وقال له بالاشاره انا برق ومسك ايديه وقال له بالاشاره تعالى بقى اقعد معانا هنا وراح قاعد جنبهم وابراهيم كان مبسوط في وجود برق مش عارف ليه 

وفي المطبخ قالت لؤلؤه ممكن تقولي لي مكان الشاي السكر فين والنعناع 

قالت ايناس الشاي والسكر اهو اما النعناع ففي زرعه بره موجوده فرحه لؤلؤه 

وقالت بجد 

قالت لها ايوه اصل جدو بيحب يشرب الشاي بالنعناع على طول 

ردت لؤلؤه خلاص هعمل له معايا هو بيشرب قد ايه سكر 

ردت ايناس معلقه واحده اتصدمت لؤلؤه وقالت لها زي بالظبط وقفت تعمل لؤلؤه الشاي 

وقربت منها ايناس وقالت لها بحرج انا اسفه على اللي انا قلته لك النهارده 

ردت لؤلؤه وهي بتحضنها ما فيش اسف بين الاخوات وانا مش زعلانه منك انا مقدره موقفك 

ابتسمت ايناس وقالت لها اوعى تزعلي منها نغم طيبه بس هي زعلانه على ماما 

ردت لؤلؤه انا مش زعلانه بالعكس انا مقدره كل واحد فيكم وانه اول مره نشوف بعض فاكيد مش هيكون مبسوطين بوجودنا هنا وده الطبيعي 

ابتسمت ايناس وراحت تعمل القهوه وبعد وقت قليل خرجت اللؤلؤه وايناس بصينيه المشروبات 

واقرب لؤلؤه من الترابيزه وحطت صينيه المشروبات وهي مكسوفه تقدمه وايناس فرقت المشروبات عليها وعلى ولاد عمامها وعمتها 

وبصيت على الصينيه وقالت ايه يا لؤلؤه ما اديتيش الشاي للجده وكمان لعمته وعمي وعمي زكريا امراه عمي كوثر 

اتكسفت لؤلؤه وابتسمت شاديه وقالت كمان عامله لنا شاي من ايديك الحلوه يا لؤلؤه تسلم ايدك يا حبيبتي 

قربت ايناس ودت المشروبات للعيله واول مشارب الجد الشاي اتصدم من طعمه اللي فكروا بحبيبته كانت بتعمله نفس الطعم 

وقال هو مين اللي عمل الشاي 

ردت ايناس لؤلؤه يا جدو وابتسم عثمان 

وقال لها تسلم ايدك ردت عليه ابتسامه رقيقه 

ونغم قالت بعصبيه اكلت بعقلك حلاوه انت كمان يا جدو ما هي خلاص جايه هي وامها ياخدوكم مننا زي ما خدوا بابا وزعلت لؤلؤه 

وقام هاشم وقال لنغم اطلع على الشقه 

ردت عليه مش طالعه انا قاعده هنا رد عثمان سيبها يا هاشم وانا عايزه ابقى اسمع كلمه تاني سكت نغم وهي متغاظه مين اللي بيحصل 

والباب خبط وهاشم قام عشان يفتح كان فاكرها والدته واتفاجئ ببنت جميله جدا وعيونها زرقاء 

وقال لها حضرتك مين 

ردت عليه لؤلؤه فين استغرب هاشم 

وقال لها انتي مين قالت لي مش وقته يعني وزقيته ودخلت يا لؤلؤه ولؤلؤه اول ما سمعت صوت ماجي قامت تجري وحضنت ماجي 

وهي بتقول لها اتاخرتي ليه عليا طبطبه ماجي عليها 

وقالت ما تاخرتش يا حبيبتي اهدي بس امبارح اول ما قلتي لي انا حجزت على اول طياره وجيت لك على طول اهو والكل كان مصدوم 

وقال حازم هي الاجانب هتستعمر البيت ولا ايه 

وخرجت لؤلؤه من حضن ماجي 

وقالت بكسوف انا اسفه جدا بس دي ماجي صاحبتي واول ما عرفت اللي حصل معايا امبارح وجت على طول 

رد عثمان ويعني يا بنتي ده بيتكم وتستقبلي اللي انتي عايزاه فيه قربت ماجي منه 

وقالت له شكرا وحضرتك منين 

قال لها انا ابقى جد لؤلؤه ابتسمت ماجي 

وقالت له انت اكيد بتضحك عليا قول انت اخو لؤلؤه مش جدها ضحك عثمان 

وقال لها شكلك كده مشكله 

ردت عليه ابدا والله يا مز بس هو الزمن اللي عمل فيا كده كله ضحك من طريقه كلامها مع عثمان 

وقربت من لؤلؤه وقالت لها بسمه فين 

قالت لها في الاوضه هتفرح قوي لما تشوفك 

قالت لها طب انا عايزه اخش اتكلم معاه شويه 

ردت لؤلؤه لا هي نايمه خليها بكره الصبح 

ردت ماجي اسمع مني خليني اتكلم معاها 

ردت اللؤلؤه طيب بعد اذنكم وراحه ناحيه اوضه بسمه خبطت الباب 

وقالت ماجي انتي لسه هتخبطي ودخلت 

وقالت بسبوسه حبيبه قلبي عامله ايه ابتسمت بسمه وقالت انتي جيتي ازاي يا ماجي 

ردت عليها يعني عايزاني اعرف انك متضايقه واقعد في البلد كده عادي لازم اجي لك على طول وانا عندي اغلى منك يا بسبوسه قلبي 

ابتسمت بسمه قالت لها شكرا يا حبيبتي 

وقالت ماجي بصي يا بسمه انا عارفه ان انتي متضايقه وتعبانه من اللي حصل بس اللي انا عايزه اقوله لك انك اوعي تضحي بحبك لحد تبقي غبيه لو عملت كده 

قالت لها بسمه بس هو اللي كدب عليا الاول 

وردت ماجي وهي بتربع رجليها على السرير يمكن عشان انتي اللي خدتي قلبه وما كانش حابب يبعد عنك وبالدليل على كده ان فضل قاعد معاكي سنين طويله وانتي ما كنتيش بتخلفي وربنا رزقك بعد كده بلؤلؤه وبرده فضل معاكي ما كانش بيجي هنا كتير يبقى كده معناته ايه غير انه دايب في هواك يا بسبوسه 

فكرت بسمه في كلام ماجي وقالت ماجي يلا احنا برده هنعمل اللي علينا وهنربيه شويه عشان كدب عليك 

وقالت بسمه ازاي يعني 

قالت لها لا سيبيها عليا واتصدمت لؤلؤه 

وقالت انتي جايه تخربي بيت ابويا وانتي قاعده 

ردت ماجي ومين قال لك اني بخرب بيت ابوكي مش يمكن بصلحه يلا بقى تعالي قولي له الاوضه فين عشان تعبانه وعايزه انام 

ردت بسمه تعالوا ناموا جنبي ما تناموش لوحدكم بره 

وردت ماجي ليه العو هياكلنا يلا يا بنتي شوفي لنا اوضه ننام فيها وارتاحي يا بسمه ما تفكريش في حاجه واهم حاجه خلي بالك من البيبي فاهمه ولا لا ابتسمت بسمه 

خرجت لؤلؤه وماجي وقالت ليه قلت كده يا ماجي 

ردت عليها بعدين هفهمك كل حاجه 

قالت لها طيب وبصت لؤلؤه لعمتها وقالت لها ممكن اوضه بس عشان ما اجي ترتاح شويه من السفر 

ردت شاديه عينيا ليكوا وخدتهم على اوضه كل ده وهاشم كان باصص عليها وكل ده كانت شايفاه ريم وتضايقت 

ودخل الاوضه وقالت لؤلؤه وهي قاعده على السرير ممكن بقى تفهميني ايه اللي خلاك وقلت كده لماما 

ردت ماجي انا هقول لك يا ستي الست لما بتكون مجروحه تبقى عايزه تاخد حقها باي طريقه بس ممكن تاخدوا بطريقه غلط وتضيع الناس اللي حواليها بالطريقه ديت فعشان كده انا قلت انا اقول لها على الطريقه اللي ما تخليهاش تخسر ابوكي في الوقت ده اللي انا عارفاه ان ابوكي بيعشق امك مش هيقدر يبعد عنها كتير بس احنا مش عايزين بسمه تطلب الطلاق فعشان كده انا قلت اتكلم مع كده عشان ابعد فكره الطلاق انا قالها 

ابتسمت لؤلؤه وحضنتها وقالت ربنا يخليكي ليا وما يحرمنيش منك ابدا 

ردت عليها ولا منك يا قلبي بس ايه المزز اللي بره ديت 

ضحكت اللؤلؤه وقالت لها لمي نفسك يا ماجي احنا هنا في مصر مش في الامارات عشان تعملي اللي انتي عايزاه 

ردت عليا خلاص يا ستي هو كلها اسبوع وهمشي 

ردت لؤلؤه ليه ليه ماجي خليكي قاعده معايا شويه 

قالت لها حسب مزاجي فين الواد برق عشان وحشني قوي 

قالت لها بره قالت لها طب يلا نطلع عشان عايزاه العب معاه بلاي ستيشن 

ردت لؤلؤه هو ده وقته رد ماجي طبعا وقته