رواية توبة الفصل الثاني عشر12 بقلم اميرة خالد
وبالليل في بيت ايوب قالت نفيسه شكلنا كده مش هنروح المستشفى اتصلي باخوك يا شروق وقولي له يجيب له اكل هو والبنات عشان اخواتك مش هيعرفوا يروحوا له المستشفى
ردت شروق حاضر ياما وراحت الاوضه عشان تتكلم ايوب
ونفيسه وبصت كيداهم وقالت لها بنتك فين واتاخرت لغايه دلوقتي ليه
ردت عليها انا كلمتها وقالت لي انها في العربيه وجايه
قالت لها طيب
اما عند رباب كانت بتلبس هدومها وبتقول ينفع كده يا وليد خليتني متاخر
قرب منها وهو بيبوس كتفها وبيقول اتاخرت ليه ده انا ما لحقتش اشبع منك
ردت عليه المره الجايه هبقى اجي لك المهم جبت لي الحاجه اللي انا قلت لك عليها
رد عليها ايوه جبتها لك وعامله 5000 جنيه
قالت له 5000 جنيه ايه يا وليد الحاجات كلها ما تعديش ال 1000 ونص
رد عليها ويهون عليك يا حبيبك يبقى ماشي من غير فلوس
ردت عليه يبقى تقولها صريحه مش تلف وتدور رد عليها طيب يا ستي المهم هتديني ال 5000 ولا لا
ردت عليه لا هديك سبعه وفي موضوع كده ابقى عايزاك فيه وهكلمك لما اروح
رد وليد طيب يا حبيبتي خلي بالك من نفسك وادته الفلوس
وخرجت وهي واخده الشنط وهي نازله شافت الست لسه قاعده على السلم وخرجت ركبت الاوبر ومشت
اما سعاد طلعت البيت وقالت له باقهره ما كفايه بقى الوساخه اللي انت بتعملها في بيت ابويا ديت وترحم نفسك
قرب وليد منها وهو بيقول لها انتى عايزه ايه ما هي مصاريفك بتجيلك وانتي قاعده في البيت
ردت عليه مصاريف ايه انا ما باخدش جنيه منك انا بشتغل وبصرف على نفسي عشان اكل بالحلال
رد عليها طيب يا اختي والحلال بتاعك ما ياكلش عيش في الوقت ده 1,500 حق البضاعه اللي انا خدتها منك
ردت عليه بس الحاجات مش ب بالف ونص دول ب 750 وانا هاخد حقي بس مش عايزه الزياده ويا ريت بعد كده والوساخه ديت تعملها بره بيت ابويا فاهم ولا لا قرب وليد منها وشدها من شعرها
وقال لها هو انتي نسيتي نفسك انتي من غيري ولا حاجه واوعى تكوني فاكراني اتجوزتك عشان سواد عيونك لا انا اتجوزتك عشان اقعد في الشقه ديت فاهمه ولا لا
ردت عليه بدموع منك لله مش هقول غير كده بس لو انت حاولت تجيبها هنا تاني انا هدور على جوزها وهقول له على اللي هي بتعمله
قرب منها وليد وقال لها شكلك كده مش هتسكتي غير لما تاخدي العلقه بتاعتك وقرب ضربها وهي بتعيط وبعد وقت سابها
وقال لها وما لكيش فلوس عندي
ردت عليه بدموع دولت حق الراجل سيبهم لي اديهم له مش هعرف ادي له فلوس ثاني
رد عليها ادبا ليكي وعشان كلامك ما لكيش فلوس عندي وخرج وساب لها البيت وهي فضلت تعيط وتحسبن عليه
اما عند رباب في العربيه كيداهم اتصلت وردت عليها رباب في ايه ياما انا في العربيه
ردت عليها انتي فين يا بنت الكلب انا كل شويه يسالوني عليك واقول لهم ان انتى في العربيه
قالت لها انا 10 دقائق وهكون عندك يلا اقفلي وقفلت معاها و كيداهم كانت متغاظه
اما في المستشفى ايوب قفل مع شروق ونازل يجيب الغداء وطلع دخل الاوضه ولقى تمارا نايمه وتوبه قاعده بتسمع المحاضره في التليفون
وقال لها يلا تعالي عشان تتغدي
قالت له خالتي شوقيه وخالتي نفيسه مش هيجوا
رد عليها لا مش جايين هيجوا بكره
قالت له طيب وقعدوا ياكلوا
اما في شقه رعد لبس وخرج وقالت له ناهد انت رايح فين
رد عليها رايح الشغل ياما عايزه ايه
ردت عليه يا ابني ما تسيبك من الشغل ده كفايه مشك ورا عمك هتروح في داهيه وانا مش مستغنيه عنك
رد رعد بقول لك ايه ياما بلاش الكلام ده عشان مش هيقدم ولا هياخر وانا هفضل مع عمي لاخر عمري اتعصبت ناهد
وقالت له عمك مين يا ابو عمك اللي اكل حق ابوك وخلاه مات بحسرته
رد رعد ما فيش منه الكلام ده وعمي قال لي ان جدي هو اللي كتب له كل حاجه ووراني الورق وانا مصدقه
ردت ناهد براحتك يا رعد بس ما تجيش تندم في الاخر
رد رعد انتي بتكرهي عمي كده ليه ده بيحبني وبيخاف عليا ودايما مخليني دراعه اليمين
ردت ناهد في الشمال يا عين امك وانا خايفه عليك تتحبس
رد عليها بقول لك ايه ياما بلاش الاسطوانه المشروخه بتاعتك ديت خرج رعد من البيت وهو على وشه ابتسامه
اما شوقي الغول كان قاعد سامع كل الكلام وبيبتسم وقال لسه زي ما انتي يا ناهد ما بطلتيش الاسطوانه بتاعتك بس انا مش هيهدا لي بال غير لما اخليكي تنسيها وتعرفي انك انا اختيارك من الاول غلط
اما رعد نازل شقه رودينا وفتح الباب لقاها قاعده بتاكل جبنه وقال لها ما عملتيش غداء ما ردتش عليه
قرب منها وقال لها بعصبيه لما اكلمك تردي عليا
ردت عليه بخوف ما بعرفش اعمل اكل قال لها ماشي وخرج وقفل الباب بالمفتاح
ومسك التليفون واتصل على اخته ولاء وقال لها انزل انا عايزك على السلم
قالت له حاضر ونزلت وهي لابسه الاسدال ايه يا رعد عايز حاجه
قال لها ده مفتاح الشقه ديت البنت ما اكلتش حاجه غير جبنه خش اقعدي معاها وهاتي صينيه غدا من فوق واكليها واقعدي معاها شويه ولو حبيتي تطلعي ابقي اقفلي الباب بالمفتاح فاهمه ولا لا
ردت ولاء طب ليه ده كله قال لي اسمعي الكلام بس واوعى البنت تضحك عليك وتخرج فاهمه ولا لا يا ولاء
ردت عليه حاضر يا اخويا وطلعت ولاء ونزل رعد ركب العربيه وشغل الاغاني وماشي
اما في بيت ايوب وصلت رباب وهي معاها الشنط ودخلت وقالت حقك عليا يا خالتي والله اتاخرت من زحمه المحلات
ردت نفيسه طيب يا بنتي بس اعملي حسابك ما فيش نزول ثاني غير لما جوزك يرجع
قالت لها حاضر يا خالتي
قالت لها طب يلا خشي مع البنات حضر الغداء قالت لها حاضر بس ايه الزحمه اللي تحت ديت الاوبر ما كانش عارف يقف قدام البيت بسبب العربيات
ردت نفيسه ما اعرفش يا بنتي لما الرجاله تطلع نبقى نفهم
قالت لها طيب ودخلت المطبخ وشافت ندى وشروق بيحضروا الغداء ومعاهم ورد وقالت هاتوا الاطباق عشان ارصها على السفره
ردت ندى لا يا رباب روحي غيري هدومك وابقي شيلي انتي الاكل
ردت رباب لا انا هحط الاكل عشان عايزه اطلع عشان تعبانه و ابقي شيلي الاكل يا ندى
ردت شروق وهي تشيل ليه وانتي طول النهار بره وانا وهي وندى كنا اللي بنعمل الاكل
ردت رباب وانتي مالك يا شروق هي مرات اخويا انا وبتسمع كلامي
ردت شروق بجد طب نسال امي بقى الكلام ده بجد ولا لا
ردت رباب خلاص خلصنا وانتي يا ندى ليا كلام تاني معاكي بعدين
ردت شروق بقول لك ايه يا رباب انا لو سمعت اتكلمت ندى نص كلمه تاني هقول لامي وايوب وانتي عارفه هم هيعملوا ايه
خرجت رباب وهي متغاظه
وقالت ورد بصراحه كده انا مش عارفه ابيه ايوب مستحملها على ايه
ردت شروق الله يسامحك ياما هي السبب في الجوازه ديت وحطوا الاكل على السفره
وقالت نفيسه يا بنتي كلمي الرجاله خليهم يطلعوا
ردت عليها حاضر ياما واتصلت على كمال جوزها
وقال لها احنا طالعين بنقفل المعرض اهو واقفل معاها وخرجت قالت لامها وبعد دقائق طلعوا الرجاله وهم تعبانين
وقالت نفيسه تعالوا كلوا لقمه شكلكم تعبانين
رد شعبان اه والله يا اختي ده انا ما شربتش بق ميه ولا حتى فنجان قهوه يعدل دماغي
ردت نفيسه تعالى بس كل وانا هعمل لك اللي انت عايزه كله
ابتسم شعبان والكل قعد ورباب كانت متضايقه من كلام الشروق مع ندى وورد ومتجاهلينها
وقالت كيداهم بس ايه سبب الزحمه ديت
رد مصطفى والله ما عرف ياما انا لقيتهم بيتصلوا بيا وخلوني جيت وسبت العمال في البيت
وقالت نفيسه بقول لك ايه يا كيداهم سيبيهم ياكلوا وبعد كده نبقى نتكلم براحتنا وبعد وقت خلصوا اكل
وقامت رباب تشيل الاكل وندى كانت واقفه بتغسل المواعين هي وورد وشروق كانت بتعمل القهوه والشاي للرجاله
وقالت كويس يا رباب ان انتي اللي شلت السفره يا ريت بقى تكنوسي الشقه بره عقبال ما نخرج
اتغاظت وهيطلع حاضر يا شروق وخرجت وسمعت نفيسه هيا شعبان ايه اللي حصل النهارده وخلى الزحمه كده
رد عليها والله ما اعرف اسالي عامر و
رد عامر بصي ياما انا اتفاجئت ان في زبون جه بيقول ان لينا صفحه على النت وشاف شغلنا والعرض اللي عاملينه
وجاب نجار وجه يتاكد ولما لقى الحاجه كويسه ما انتي عارفه ان ايوب ما بيشتغلش في اي خشب وخلاص فقرر الزبون انه يشتري فانا كنت مستغرب
واتصلت على ايوب لما شفت الرقم مكتوب على الصفحه وايوب قال لي انه فعلا عمل الصفحه ديت وانه هيكلمني ويفهمني الموضوع لما يجي او انا اقابله وهو ده كل الحكايه
ردت نفيسه يعني انت قصدك ان الزباين دي كلها جات لكم عن طريق الصفحه ديت
رد عليها ايوه ياما وكمان ده في شغل لغايه شهر قدام والمصنع هيعمله للزباين
ردت نفيسه يلا يا ابني ربنا يرزقكم
وكيداهم بصت لابنها بمعنى شفت الشغل كتير ازاي وهو اتضايق
وقال شعبان معلش يا مصطفى انت هتنزل اليومين دولت معانا لغايه ما نخلص الزباين ديت
رد مصطفى ما فيش مشكله يا خال انا كده كده عرفتهم العمال هيعملوا ايه واتفقت مع واحد هو اللي هيخلي باله من كل حاجه
رد شعبان طيب يا ابني فين القهوه يا شروق خرجت شروق بالقهوه والشاي بيشربوا وفضلوا يتكلموا
اما عند رعد فوصل عند شوقي الغول وقال له يلا يا شوقي بيه عشان المشوار بتاعنا
رد عليه ايه شوقي بيه ديت يا رعد انا عمك
رد عليه انا عارف بس انا اتعودت اني اقولها وكمان عشان الزباين
رد عليه شوقي بطيبه مزيفه ما تقولش كده يا رعد انت ابن اللي ما خلفتهوش وانت اللي من بعدي هتمسك الشغل كله
رد عليه ما تقولش كده يا عمي ربنا يطول في عمرك وافضل اخدمك طول عمري فرح شوقي من سيطرته على رعد
وقال له طب يلا بينا وخرج ركب معاه العربيه وراحوا بعد وقت
وصلت عربيه شوقي الغول مكان مهجور ونزل من العربيه ورعد معاه
وقال له الناس وصلت يا شوقي بيه
رد عليه يلا يا رعد ودخلوا ناحيه فيلا مهجوره وفتح الكشاف رعد ونزلوا زي بدروم والدنيا ضلمه وبعد دقايق بسيطه في باب قديم
خبط رعد خبطتين واتفتح شباك صغير وقال رعد شوقي الغول اتفتح الباب كان صوت الاغاني صاخبه والانوار كثيره ودخلوا ترابيزات القمار موجوده في كل مكان وناس قاعده والخمره منتشره والبنات لابسه عريان ومشوا لاخر المكان ودخلوا اوضه كان فيها مكتب
وقعد شوقي على الكرسي ودخل فؤاد وقال له كل حاجه ماشيه زي ما امرت يا شوقي بيه
رد عليه تمام يا فؤاد المهم تجهزي الترابيزه بتاعتنا وفي الاوضه المخصوصه
رد فؤاد حاضر
وقال شوقي ما تنساش الفلوس بتاعه النهارده تبقى موجوده مع الفلوس الثانيه عشان الحق ادخلها الشركه
رد فؤاد حاضر يا شوقي بيه وخرج
وقال رعد يلا بينا يا شوقي بيه الجماعه وصلوا
رد شوقي اصبر شويه فؤاد هيدخلهم الاوضه تعالى بس عشان عايزه اقول لك على حاجه
رد رعد خير يا شوقي بيه
قال له في واحد من اللي احنا هنقابلهم طلع خاين
رد رعد انا عارف وكنت هتصرف معاه بعد الاجتماع
رد شوقي طب هو مين
رد عليه صفوت ابتسم شوقي وهز راسه وقال له خلص
رد رعد تمام وسابوا الموبايلات في درج المكتب وقاموا دخلوا اوضه ثانيه عازله للصوت وكان فيها ترابيزه وعليها اربع اشخاص واول ما شافه الشوقي قام وقفوا احترام ليه وقعد شوقي على الكرسي والكل قعد
وقال عملت ايه يا ايهاب في التماثيل
رد عليه هيطلع على شركه الشحن بعد ما الزبون دفع العربون بتاعهم وانت فاهم هيبعت بقيه الفلوس على البنك اللي بره
رد شوقي تمام بص النهارده انا عارف ان انا اجتمعت بيكم بدري عن اول الشهر بس في عمليه عايزين نخلصها بدري
رد صفوت عمليه ايه دي يا شوقي بيه سكه شوقي وبص الرعد ورعد راح ناحيه الشاشه وطلع فلاشه وحطها في الشاشه
وقال صفوت باستهزاء انتم جايبين لنا هنا عشان نتفرج على فيلم
ضحك شوقي وقال له وده مش اي فيلم ده فيلم من نوع خاص
رد صفوت بابتسامه صفراء هو انت مش كبرت عن الموضوع ده شوقي ماسك الريموت شوقي وشغل الفلاشه وصفوت قاعد مع واحد وبيحكي له على تفاصيل العمليه القديمه والحكومه اخذت البضاعه والرجاله بسببها والكل اتصدم
وقال ايهاب يعني انت السبب ان ابن كان هيضيع
خاف صفوت وقال ما حصلش ايه اللي انت عامله ده يا شوقي
رد عليه هو جزات اللي بيخون ايه يا رجاله
رد الكل الموت طبعا ورفع ايده شوقي
ورعد قرب من صفوت ومسكه من الجاكيت بتاعه وقال صفوت بالدموع والله يا شوقي هددني بابني انا الراجل بتاعك يا شوقي بيه مش عشره يوم
ابتسم شوقي وقال وعشان مش عشره يوم انا قررت اني ما اتعبكش يا صفوت زي الخاينين التانيين
رد عليه ازاي يعني يا شوقي بيه
قال له يعني كده وطلع المسدس وضربه طلقتين واحده في دماغه الثانيه في قلبه وقع صفوت ميت في الحال
وبص شوقي لبقيه الرجاله وقال هي دي اخره الخاين بس عشان صفوت حبيبي خففت العقاب شويه بعد كده الخاين هيشوف عقاب ما حدش شافه قبل كده
رد ايهاب المهم يا شوقي بيه العمليه الجديده ايه
رد عليه هقول لكم العمليه الجديده اهي وبدا يتكلم انا اللي عمليه السلاح وتجاره الاعضاء و
رد ايهاب واحنا هنلحق نجيب الاعضاء دي كلها منين
ضحك شوقي وقال له ارفع الفلوس للسمسار وهو هيجيب لك الاعضاء لغايه عندك
رد ايهاب حاضر وكملوا الاجتماع.
اما في مكان ثاني في شقه رعد كانت ولاء قاعده مع رودينا يتكلموا
وقالت رودينا انا نفسي افهم انتي ازاي اخت رعد
ضحكه ولاء وقالت والله العظيم رعد طيب جدا بس ظروف شغله هي اللي خلته كده
ردت رودينا ده ما بيتفاهمش وكل حاجه بالضرب
ردت ولاء المهم يا ستي انتي حكايتك ايه بقى واللي وقعك في رعد اخويا
ردت عليها والله ما عارفه بس كل اللي انا عارفاه ان بابي ومامي هم السبب في الوقعه السوداء ديت
ردت ولاء بمرح بوقع سوداء ليه يا اختي اهو انتي تعرفتي عليا انا احلى من الوقعه بتاعتك ديت
ضحكه رودينا وقالت لها تصدقي صح انا اول مره يبقى الاصحاب بسرعه كده
ردت ولاء بس انا مش صاحبتك يا مرات اخويا انا اختك
ضحكه رودينا وقالت لها طيب يا ستي عايزين بقى نتفرج على حاجه جديده
ردت ولاء استني انا هطلع اجيب اللاب توب من فوق وانزل
قالت رودينا يا ريت وكمان مع لب اوكاجو
ردت ولاء حاضر يا ستي من عيني الاتنين وطلعت ولاء ونسيت تقفل الباب
ورودينا شافت الباب مفتوح ما حسيتش بنفسها غير بتجري على السلم وطلعت تجري في الشارع وخرجت على الطريق وركب التاكس وقالت لي على عنوان الفيلا
اما ولاء نزلت واتفاجئت بباب الشقه مفتوح ودخلت تنده على رودينا وما لقيتهاش في الشقه واتصدمت
وقالت يا مصيبتك السوداء يا رودينا رعد مش هيسمى عليك ولا عليا ربنا يستر ومسكت التليفون واتصلت على رعد اللي ما ردش عليها مره واثنين وثلاثه بعد كده بعثت له رساله على الواتس وقالت له اللي حصل وهي خايفه من رد فعله وقفلت التليفون وباب الشقه
وطلعت على فوق اول ما دخلت شافت امها وشها اصفر وقالت لها مالك يا بنت وشك اصفر ليه مع انك كنت نازله مبسوطه
ردت ولاء والله ياما ما عارفه بس شكلي كده رعد هيذبحني النهارده
ردت عليها ليه يا بنت عملت ايه حكيت لها اللي حصل
ضحكت ناهد وقالت احسن ايه غارت في داهيه عشان ما كنتش عارفه اقول لخالتك ايه
ردت ولاء هو ده وقته ياما بقول لك رعد مش هيسمى علي ولا عليها
قالت لها وانتي مالك يا حيلتها يلا خشي الاوضه وما لكيش دعوه بالموضوع ده
ردت عليها ما هو رعد سايب للمفتاح اني اقفل عليها وانا زي الغبيه سبت لها الباب مفتوح وطلعت عشان اجيب اللاب توب
ردت ناهد ما تخافيش يا بنت ولو جه جنبك انا اللي هكلمه
ردت ولاء طيب ياما ودخلت الاوضه
وبعد وقت وصلت رودينا فيله ابوها ونزلت وقالت للسواق ثواني اخلي حد من الحرس يديك الفلوس
رد عليها يلا بسرعه يا بنتي عشان مشواري طويل
قالت له حاضر وندهت على الحرس وقالت له ادي السواق الفلوس اللي هو عايزها
قال لها حاضر يا فندم
ودخلت رودينا الفيلا وهي شايفه نبيله هانم قاعده جريت عليها وقالت لها مامي قامت نبيله هي وابراهيم ومستغربين وجودها هنا
وقال ابراهيم انتي هنا ازاي يا رودينا
ردت عليه هربت يا بابي ما انا مش هعيش في الزباله ديت
ردت نبيله احكي لي بس ايه اللي حصل وحاجه رودينا حكي كل حاجه حصلت معاها من اول ما راحت عند رعد الشقه لغايه دلوقتي
وقالت نبيله طب يا حبيبتي ما تزعليش واطلعي على اوضتك ورد
ابراهيم تطلع فين انتي فاكره ان رعد هيسكت
ردت عليه اطلعي انتي يا حبيبتي خدي دش وسيبي لي بابي اتكلم معاه
ردت عليها فعلا يا مامي انا محتاجه دش سريع وطلعت رودينا اوضتها
وقالت نبيله ايه ابراهيم مالك خايف كده ليه
رد عليها انا مش خايف انا خايف على البنت رعد مش هيسكت بالذات بعد ما بنتك هربت منه
ردت عليه ما تخافش هي بس تاخد الدش بتاعها وانا هربها على مكان بعيد محدش يعرف يوصل لها
رد ابراهيم ربنا يستر وبعد وقت طويل رعد كان بيوصل شوقي بيه الفيلا وقال له انزل يا رعد حط الفلوس في مكانها
رد عليه حاضر يا شوقي بيه و دخل شوقي الفيلا وراح رعد حط الفلوس في مكانها ورجع العربيه ومسك الموبايل
و شاف اتصال كتير من اخته وبعد كده فتح الوتس وسمع الرساله اللي اخته بعتها له ورمى التليفون وهو بيستحلف لرودينا مشي بالعربيه
وماسك التليفون تاني واتصل على واحد وقال له رودينا بنت ابراهيم جت دلوقتي عند ابوها
رد عليها الشخص ايوه يا رعد بيه موجوده بقى لها ساعتين في الفيلا جوه
رد عليه طب خلي بالك ولو خرجت ابقى اتصل عليا على طول قال له حاضر وقفل التليفون وهو بيتوعد لها
اما في اوضه رودينا كانت نايمه على السرير وهي مستغربه ان رعد ما وصلهاش لغايه دلوقتي ودخلت نبيله
وقالت يلا قومي يا رودينا دي لازم تسيبي الفيلا دلوقتي حالا
ردت عليها ليه يا مامي
ردت عليها بصي يا حبيبتي حصل حاجات كثيره مع بابي وخليته يخسر فلوسه والفيلا ديت واضطر يستلف فلوس من شوقي الغول وكان هيستثمر الفلوس بس انا قلت له بلاش ونسافر بره ونعمل البيزنس بتاعنا بره بس طبعا شوقي كان عارف وساعتها خطفك وبابي اضطر يرجعه له الفلوس وادى له الفيلا والشركه كمان
ردت رودينا طيب يا مامي يعني هو خد الفلوس عايز ايه بقى مني
ردت عليها مش عارفه بس المهم ان انتي لازم تمشي من هنا دلوقتي وتروحي عند طنط دولت
ردت رودينا مش هروح في حته يا مامي
ردت نبيله بخوف يا بنتي رعد ممكن يجي ياخدك من قلب البيت
ردت عليها يا مامي لو كان عايز يجي ياخدني كان جه خدني من بدري انا قاعده اهو بقى لي ساعتين وهو ما جاش
ردت نبيله طب اسمعي الكلام عشان خاطري وروحي عند دولت لغايه ما ابعث لك فلوس تسافري
ردت رودينا حاضر يا مامي وقامت واخذت شنطتها وهي نازله مع نبيله اتفاجئوا باللي قاعد بيشرب القهوه باستمتاع
وقال بصراحه يا نبيله هانم القهوه بتاعتك دايما مظبوطه وقام واقف وقال كويس ان انتي جاهزه يا حبيبتي عشان نمشي على البيت
ردت رودينا بعصبيه بيت ايه ده المعفن اللي انت عايز توديه لي
قرب رعد وقال بصوت هادي يلا يا حبيبتي عشان نمشي
ردت عليه يا عم سيبني في حالي وانا مش حبيبتك سيبني وامشي
رد عليها امشي فين وانتي مراتي ومسك ايديها جامد
ونبيله قالت له سيبها يا ابني وانا اديك لك الفلوس اللي انت عايزها
ضحك رعد شكرا بس انا عايز مراتي وشد رودينا من ايديها جامد وخرج بيها من الفيلا وهي كانت بتعيط مش عايزه تروح معاه
ورعد فضل يشد فيها لغايه العربيه وفتح الباب وزقها جوه وهي كانت بتنده على مامتها وباباها وهم واقفين مش عارفين يعملوا لها حاجه
ورعد بابتسامه ركب هو كمان ومشي بالعربيه وقال بصوت قوي انا هوريكي ازاي تهربي تاني من البيت
وهي خافت وقالت له سيبني امشي انا ما اعرفكش
رد عليها باستهزاء بس انا جوزك
ردت عليه بالعافيه انت اتجوزتني غصب وخطفتني
رد عليها بس في الاخر جوزك وانا هوريك انا هعمل معاكي ايه وفضلت تعيط
اما في شقه ايوب كانت رباب بتبص على الحاجه اللي في الشنطه ومسكت التليفون واتصلت على وليد اللي
رد عليها ايه يا قلبي وحشتيني
ضحكه رباب وحشتك ايه يا بكاش ما انا كنت لسه معاك من شويه بس ايه الحاجات الجامده اللي انت جايبها لي ديت
رد وليد عشان اشوفك عليك المره الجايه
ردت عليه ان شاء الله يا وليد شكلها كده مش هعرف اخرج تاني من البيت
رد عليها ليه يا قلبي
قالت له خالتي يا سيدي قالت لي ما فيش خروج تاني غير لما ايوب يرجع
رد عليها وانا ما اقدرش استغنى عنك يا جميل وبالذات بعد ما رجعت الحضن تاني
ردت عليه بقول لك ايه يا وليد ايه رايك تشتغل
رد عليها اشتغل ايه يا حب ما انتي عارفه اللي فيها انا مش بتاع شغل.
ردت عليه بس شغلك ده هيكسبك كثير انا كل اللي عايزاه ان انت تشغل دماغك في اللي هقول لك عليه
رد عليها اشغل دماغي في ايه يعني
قالت له انت هتشتغل مع ايوب في المعرض وفي الحسابات وعايزاك تعمل لي فلوس تطلع لي من الحسابات وانت وشطارتك وكل الفلوس اللي انت هتطلعها ليك فيها نسبه
رد وليد بطمع وانا موافق يا قطه بس هخش الشغلانه ازاي
ردت عليه دي بقى سيبها لي يومين كده وانا هظبط الدنيا وهقول لك هتعمل ايه
قال لها ماشي بس احنا هنفضل طول المكالمه عن الشغل ولا ايه
ضحكه رباب بمياعه وفضلوا يتكلموا
اما عند رعد فوصل عند البيت ونزل من العربيه وراح ناحيه الباب الثاني وفتحه ومسك ايده رودينا اللي لسه بتعيط وخايفه منه وطلع بيها على البيت ودخل الشقه ورماها في الارض
وقال بصوت قوي بقى انتي تهربي مني يا بنت الكلب انا بقى هوريكي رجليك اتخطي بره باب الشقه دي ازاي وبدا يضرب فيها وهي تعيط
وبعد دقايق سابها وخرج واقفل الباب بالمفتاح وطلع على شقتهم قلع هدومه ونام على السرير
وعدى اسبوع