رواية غدر وقدر الفصل الثالث عشر13 بقلم دانيا
صلوا على النبي......
قام على حيلو وقال ليها دقيقه اجيب ليكي مويه قالت ليهو اترزع وقول العندك م تضيع لي الزمن قعد وخلف رجلو وقال ليها ابدأ ليكي من وين هسي دايرة تعرفي من وين " كيف بدأت الخطه او كيف اختفى راجلك او عاوزة تعرفي عن نهب المخزن ؟!" مرام بقت تعاين ليهو بإستغراب شديد كانت مصدومه من كلامو واكتر حاجه خلتها مخلوعه هي نهب البضاعه الفي المخزن عم الهدوء في المكان لعدة دقايق وهي بتحاول تستوعب وتمنع نفسها من إنو تغضب وتفضي المسدس الفي يدها دا في راس الزول القدامها دا ،، شالت نفس عميق وقالت ليهو ابدأ لي من الأول واهم شيء اسم الفاعل قرب عليها وقال ليها بصوت هامس " الفاعل ول الفاعلين " بس يلا ح احكي ليكي اول شيء عن المخزن وكيف اتنهب بواسطة ناس انتي بتثقي فيهم عاينت ليهو بإستغراب وقالت ليهو ديل منو ؟ قال ليها تتزكري اليوم الطلع فيهو راجلك وتاني م رجع ؟ في اليوم دا انا كنت في المخزن كمان وكانت الشاحنات دي طالعه ودي داخله كلهن محملات بالبضائع لمن شفتهم اتصلت لجولص فوراً وماتم نص ساعه جاء كابس على المخزن لكن للأسف كان مافضل غير شاحنتين بس واقفات .
وقبل يسأل عن الحاصل هجمو عليهو كم واحد من حراس المخزن المتعاونين كتفوهو وربطوهو وحشرهو في نهاية المخزن ... لكن نسيت اقول ليكي حاجه مهمه الخطه دي عمرها مايوم او يومين دي خطه عمرها شهور ،، فرعون الإنتوا بتثقو فيهو هو الرأس المدبر قالت ليهو فرعون ؟ بإستغراب شديد وعدم تصديق لأنو فرعون دا هي من قامت لقتو شغال مع ابوها