رواية غدر وقدر الفصل الخامس عشر15 بقلم دانيا
صلوا على النبي......
الزول بتاع التحويلات طلع ظرف من الدرج ومداهو لمعتذ وقال ليهو دا جاء من المدينه سلمو لعمك الطيب معتذ مسك الظرف وقال للراجل كويس بسلمو لكن اديني ارسل رساله لإبراهيم ود عمي ،، الزول عاين لمعتذ وقال ليهو لا ياولد الرسائل موقفه كم مره وريتكم معتذ قال ليهو عليك الله ياعم والله ضروي نكلم إبراهيم بمرض ابوهو عشان يسوقو يتعالج في المدينه هنا البلد دي م فيها علاج كفايه ابوي المات بالإهمال الطبي الراجل سكت مسافه وهو بعاين لمعتذ وبعدها قال ليهو شوف ياولد انا فاهم قصدك لكن نحن مافي يدنا حاجه الرسائل دي من هناك واقفه ممنوعه عديل عند زولكم دا حتى لو من هنا اترسلت ناس المكتب الهناك م بستلموها عشان كدا م تضيع لي زمني عندي حسابات تانيه ومن محلك دا جري البيت سلم الظرف دا لناس البيت .
معتذ انصرف وهو مكشر وشو مسك الظرف قوي وزي ما قال الراجل جريه واحده م وقف إلا في البيت .... قاعدين مع اخوات إبراهيم وامو متمحنين في وضع عمي دا ومافي يدنا حاجه نعملها ليهو وكل ماليهو حالتو بتدهور اثناء ماقاعدين سمعت صوت معتذ جاء دفر الباب وخشى وهو بكورك بإسمي قلت بسم الله طلعت كوركت فيهو وقلت ليهو انت م اتعلمت الأدب مابراحه بتصحي عمي دا هو بالجلاله قدر يأخد ليهو غفوة ،، جاء وقف قدامي ودنقر وخت يدينو في ركبو وهو بحاول يلقط انفاسو بصعوبه رفع يدو مد لي الظرف وبصوت متقطع وهو بلهث من تعب الجري قال لي " الظرف ... الظرف دا رسلو إبراهيم " شلتو منو وقلت ليهو بزهج قروش شنو ياخ نحن محتاجين نتكلم معاهو عشان نوريهو بوضع ابوهو معتذ قال لي والله حاولت لكن الزول ابا قلت ليهو لالا انا تاني بعدا م بسكت والله بكره بمشي ليهو تاني .
عمتي سمعت جوطتي جات مارقه قالت لي مالو معتذ ؟ قلت ليها جات قروش من المدينه وقال الزول لسه مصر إنو الرسائل م بتمشي لكن خليهو انا الصباح بمشي اتكلمو معاهو تاني .
مرام :
وهي قاعده بتسمع في كلام الزول داك وبتحاول تمسك اعصابها م تفضي المسدس في راسو تلفونو اتصل طلعو عاين ليهو وقام مشى منها بعيد وقال ليها مهم ضروري ارد حركت ليهو راسها نظام تمام ... فتح الخط واتكلم من طريقة كلامو فهمت إنو الموضوع ليهو علاقه براجلها وآخر شيء قال خلاص تمام إنت خليك هناك وراغب من بعيد م تعمل اي شيء لمن انا اجي ولو لزم الأمر اتدخل ،، وقفل الخط على كدا ودنقر في التربيزه وشال إلا مفتاح العربيه وعاوز يطلع مرام كوركت فيهو قالت ليهو ماشي وين بدون توضيح الحاصل شنو ؟ قال ليها شوفي انا ما قلت ليكي ح اساعدك وارجع ليكي راحلك يلا دا زول شغال معاي قال لي شاف واحد من الناس الشغالين مع فرعون ماشي على حي من الأحياء الغربيه مشى وراهو لمن خشى في بيت كدا ولمن تلب في البيت لمح زول مربوط وافتكر دا جولص يلا انا ماشي ح اقفل الباب عليكي اصلا هنا مافي زول بقدر يصل ليكي .
قبل يطلع قالت ليهو انت عوير ولشنو تخليني هنا وهناي وبتاع انا م بقعد انت زول م عندك مخ ح امشي معاك ،، الزول زهج وضرب رجلو في الأرض وبنبرة غضب قال ليها م جاده انتي دايرة تجيبي لي الهواء انا شريكهم والمفروض انا قتلتك لو شافوكي معاي بحصل شنو وعلى فكره لو م عارفه اعرفي خبرك انتشر في التلفزيون والميديا كلها يعني طلوعك من هنا ح يقطص حجرك ... عاينت ليهو بغضب وقالت ليهو اسمع هنا انا م دايرة لي نضم كتير ح امشي وانتهى لو اتبلم بمش يلا ورح م تضيع وقت ،، الزول عاين ليها عين حاره ورجع ورا وقال ليها طالما كدا انا م ماشي امشي انتي طلعي منهم غلطان انا الماحرقتك في البيت ... م اشتغلت بكلامو وطلعت مشت قبل تطلع جاء وراها اتلفتت عاينت ليهو وصرت وشها ،، قال ليها انتي غلطانه لكن اتحملي مسؤلية نفسك .
ركبو في العربيه ودور ومشو وقبل يوصلو المكان المحدد الزول تلفوتو اتصل دا نفس الرقم رد عليهو وفتح الإسبيكر قال ليهو الووو يا باشا انا سامع لي صوت ضرب جوا البيت قلت اكلمك توريني اعمل شنو انا خايف يكونو قتلوهو .... مرام من سمعت الكلام دا هبطت ونططت عيونها عبار وختت يدها في خشمها وبقت تعاين للزول.