رواية غدر وقدر الفصل الثامن عشر18 بقلم دانيا
صلوا على النبي.....
إبراهيم بدأ يصحى فتح عيونو ببطئ وعاين للسقف مسافه وبعدها اتزكر آخر حاجه حصلت معاهو هو كان مربط في كرسي وفجأة حصلت مضاربه برأ وسمع صوت ضرب والإتنين المعاهو اتخلعوا واحد طلع تلفونو من جيبو واتصل مكالمه وبعدين عاين لصاحبو وقال ليهو يلا نتخارج يازول اشر ليهو علي وقال ليهو ودا ؟! اتزهج فيهو وقال ليهو دا راس مالو طلعه فرعون قال اتصرفو جرى على الشباك وانا بعاين ليهم بخلعه م قادر اتكلم معاهم لأنهم قافلين لي خشمي ... فجأة واحد نط بالشباك والتاني قبل ينط طلع مسدس وضربني على راسي ونط ورا اخوهو .
وقت اتزكرت الأحداث دي جسمي كله رجف ورفعت يدي ختيتها في راسي عشان اتأكد دا حلم او حقيقه لو حقيقه كيف لسه م متا ؟!! رفعت يدي حسيت في حاجه مقيداها لفيت نظري عاينت ليدي وإستغربت شديد لمن لقيت فيها سير درب مركب وعلى جنب السرير في كومة معدات طبيه ،، بقيت بتلفت بعاين في كل انحاء الغرفه قلت في نفسي معقولة انا نجوت طيب منو جابني المستشفى ؟! فجأة سمعت صوت الباب بتفتح بقيت تركيزي كله على الباب بعاين بترقب شديد عندي فضول الحايخش منو ؟.
بعد عدة ثواني جاء داخل واحد م غريب عني اتبادلنا النظرات بغموض كدا بالنيه اول ما شفته بدا شريط الإحداث الفاتت يمر على مخيلتي رجعت بالزكريات من اليوم الإتصل لي فيهو وانا طالع من البيت زهجان وقافله معاي بعد إتناقشت مع مرام ... ووقت قال لي عن عمايل فرعون وآخر مره شفت فيها وشو " وش مالك " في اليوم داك يوم حاصروني جماعة فرعون وهو كان واقف متفرج ايقنت إنو معاهم متعاون .... قاطع تفكيري صوتو وهو بقول " حمد لله على السلامه يا مستر " جاء خطوتين تجاهي وقبل ارد ليهو لمحت خيال تاني دخل الغرفه ،، عاينت في الباب القاها دي مرام جات علي وكلها خوف مسكت ايدي وقالت لي حمد لله على السلامه ،، بقيت بعاين ليها م فاهم شيء كل افكاري ملخبطه اتزكرت قبل تحصل المضاربه في المكان داك كلام الشباب الكانو معاي وقت قالوا وهم بقصدوني " هو مخلينو عايش للوقت دا لشنو حتى مرتو قتلوها " بس حالياً انا شايفه قدامي وغير كدا دي اول مرة اشوفها مهزومه ومنكسرة .
مالك بقى يعاين لينا مسافه وبعدين ضرب للدكتور وكلمو إني صحيت قال ليهو تمام بجي اشوفو الصباح وقفل على كدا ومالك قال لمرام خليهو يرتاح والصباح تعالي شوفيهو وطلع طوالي من الغرفه .... عاينت ليها وقلت ليها انتي كويسة ؟ هزت راسها بمعنى كويسة وقامت طلعت برا وقفلت الباب ،، خلتني في حيرة انا كيف هنا ومرام ومالك ؟ الف علامة إستفهام في راسي اثناء ماانا بفكر لمن شالتني نومه صحيت مخلوع على صوت حاجه وقعت قمت من السرير طوالي وفكيت الدرب من يدي طلعت برا إستغربت شديد لمن لقيت نفسي ما في مستشفى انا في بيت عاينت يمين يسار بعدها سمعت لي صوت ناس بتكلمو ورا واحد من الأبواب مشيت على الباب الجاي منو الصوت وانا حاسي خطواتي تقيله جسمي كله تقيل زي الزول الشايل شوال تراب في ضهره ،، قبل افتح الباب عاينت على اليسار كان في صاله كبيرة وفيها شاشه شغاله وفي ساعه معلقه على الحيطه عاينت فيها كانت عامله الساعه 10 صباحاً .
فتحت الباب براحه لأنو يدي حاسي بيها مخدرة شديد عاينت جوا لقيت اربعه شباب كانو قاعدين في السجادة بلعبو كشتينه اول ما فتحت الباب خلوا لعبهم وبقوا يعاينو لي ... عم الهدوء المكان بعدين واحد فيهم ختى ورقو في السرير وقام على حيلو وقال لي " مالك قمت انت لسه ما شفيت داير حاجه ؟" ما اتكلمت معاهم فجأة لمحت على طرف الفرشه جنب الشاب القاعد مقابل الباب في سلاح نطقت وقلت ليهم مالك وين ؟ الشاب القام على حيلو دا جاء وعاوز يمسك يدي يساعدني عشان ارجع الغرفه قال لي ورح ارتاح مسافة الدكتور يجي وانا بمشي المطبخ بنادي ليك مالك ،، زحيت منو وطلعت مشيت والمعاهو نادوهو وقال ليهو تعال الدور جاك خليهو م تشتغل بيهو .
مشيت لفيت البيت غرفه غرفه وانا بفتش في المطبخ واخيراً لقيتو لمن سمعت صوت خلاط شغال مشيت عليهو وحاسي نفسي قايم اول ما وصلت باب المطبخ شفت مرام ماسكه جك الخلاط ومالك واقف جنبها بتكلم معاها ... للحظه حسيت الدم فار في عروقي من شدة الغضب ،، انتبه على مالك وجاء مسكني وبإبتسامه بارده قال ماشاء الله يابوس شديت حيلك لمن بقيت تحوم مسكوني الإتنين وحسو إني دايخ قعدوني في اقرب كنبه في الصاله .... مالك تلفونو ضرب شالو ومشى بقيت انا مع مرام سألتها نحن ليه هنا وكيف هنا ؟ عاينت لي وقالت لي كدي انت اشفى باقي الإمور هينه .
جاء مالك ومعاها زول سلم علي وقال لي حمد لله على السلامه عاينت لمالك قال لي دا الدكتور بقى يفحص فيني وطلع حقنه من شنطتو طعني وقال لمالك ماشاء الله بقى زي الحصان بس باقي يفك منو تأثير المخدر اصلاً الطلقه كانت م عميقه جرح سطحي .... قعد زي ربع ساعه ينضم مع مالك ومرام مشت جابت ليهو العصير وبعدين طلعوا مع بعض دا كله وانا ساكت مرام جات قعدت جنبي وبدأت تحكي لي عن الحصل وإنو البيت حرق وإنو الشرطه قايله انا الحرقت مرتي بت الضابط في البيت مقابل خلافات بيني وبينها وإنو هسي جاري البحث عني وموصين كل من يتعرف علي يبلغ اقرب مركز شرطه ومن الكلام دا وإنو فرعون هو العمل دا كله ومالك ساعدني وكلام كتير وانا سامع بس م قادر اجاوب بعد شويه بدينا نسمع صوت مالك وهو بتكلم بالتلفون وبجوط