رواية غزال في سوق السلاح الفصل الاول1بقلم اميرة خالد
في الحي شعبي بيت مكون من ثلاث ادوار اول دور محلين والثاني دور شقه وثالث دور هو السطح وساكنه في الشقه بنت وابوها
وكانت الساعه 5:00 صباحا وراجع غزل من شغلها وجمالها ملهوش مثيل وقف التاكس وانزلها على الاول الشارع
وكانت ماشيه وطلع رجاله قصادها وقالت
في ايه يا دكر انت وهو
رد الشاب
ما فيش حاجه يا غزل بس حابين نحلي ما لقيناش احسن منك للتحليه
ردت غزل بقوه
نعم يا روح امك انت وهو تحلي بمين ده انا شرح امك هنا انت ما تعرفش انا مين يلا ولا ايه
رد الشاب
لا عارفين وبقول لك ان احنا عايزينك ومسك ايديها والشاب الثاني لفه من ورا عشان يكتم نفسها لكن هي صرخت
وبرده حاولوا يكتفوها بس الظهر راجل طول بعرض وباين عليه القوه وقرب منها
وقال
في ايه يا شبح انت وهو
رد واحد
ما لكش دعوه وامشي احسن لك عشان ما اقتلكش هنا
رد عليه
بجد تصدق ما كنتش اعرف واداله بالبوكس في وشه الواد وقع والثاني بيقرب منه عشان يضربه راح ضربه بالبوكس في بطنه وقع هو كمان
وقرب من غزل وقال لها
انتي كويسه
ردت عليه
انا بخير وشكرا على اللي عملته معايا
رد عليها
ولا شكر ولا حاجه وقام واحد من الاثنين وفتح المطوه
وقالت
حاسب واعور الواد ايديه راح ضربه جامد وعدم العافيه وصاحبه قام ومسكه راح ضربه هو كمان
وقالت غزل
انت كويس
رد عليها
ده جرح بسيط
قالت له
تعالى معايا وراحت ناحيه البيت وفتحت المفتاح وقالت له ادخل
رد عليها ما ينفعش
قالت له
ما تخافش ابويا موجود ودخل
وقالت له
اسمك ايه
قال لها
موسى
ردت عليه
عاشت الاسامي ودخلت
وقالت
انت صحيت يا بابا
رد عليها
ايوه يا حبيبتي ايه اللي اخرك كده
ردت عليه
معلش حقك عليا ومعايا حد بره
رد عليها
مين ده وحكيت له غزل كل اللي حصل
وقال لها
طب هاتي الكرسي بعجل وغزل قعدته على الكرسي وطلعته بره
وقال
شكرا يا ابني غزل حكيت لي على كل حاجه
رد عليه
ولا شكر ولا حاجه يا حاج خرجت غزل وهي معاه صندوق الاسعافات اقعد خليني اشوف لك الجرح وعملت له الجرح
وقالت له
هو انت مين انا اول مره اشوفك في المنطقه هنا
رد عليها
بصي انا غريب وما ليش اهل قلت اشتغل في المنطقه هنا او ادور على شغلانه عند ناس كويسه
ردت غزل
يبقى مش هتلاقي المنطقه هنا ثلاث ارباعها تبع المعلم محي الصهيوني وده راجل شمال ومحدش يشتغل معاه غير لما بيتحبس
رد عليها
طب اعمل ايه انا ما عنديش مكان اقعد فيه ولا حتى اشتغل
رد عماد
خلاص يا ابني انا هقول لك انت هتنزل المحل اللي تحت وليه باب من جوه البيت خش اقعد فيه لغايه ما ربنا يرزقك وتشتغل
رد موسى
لا يا حاج ما ينفعش وعشان كلام الناس
ضحكه غزل وقالت له
كلام الناس يا اخويا ما بيفيدش حد بالعكس ده بيزود الهم واسمع مني كلمتين دولت اللي هيمشي ورا كلام الناس عمره ما هيتقدم ولا هيتاخر وهيفضل في محلك سر
رد موسى
بس برده عيب والاصول ما تقولش اعمل كده
ردت غزل بص انت هتقعد وتدفع لي حق الايجار لما تشتغل ولو مش عاجبك ابقى امشي وشوف لك في مكان ثاني
رد موسى
ماشي بس مش هديك الفلوس غير لما اشتغل
ردت عليه
تمام
وقال عماد
قومي يا بنتي حضري الاكل خلينا ناكل مع بعض عيش وملح
ردت غزل
من عيني يا حاج ودخلت المطبخ وخرجت بعد دقائق وهي معاها صينيه الاكل وقعد ياكلوا وفضلوا يتكلموا
وقال عماد
قومي يا بنتي ادي له مخده وغطاء عشان يعرف ينام تحت وافتحي له المحل
ردت عليه
حاضر بابا ونزلت غزل وهي شايله المخده وهو الغطاء وطلعت المفاتيح باب الدكانه من جوه ودخلت ولعت كشاف الموبايل وقربت من مفتاح الكهرباء وفتحته
وقالت له
انا عارفه ان هي محتاجه ترويق بس صدقني بكره الصبح انزل اروقها لك
رد عليها
ما لهاش لازمه انا هبقى اروقها واتفرج على المكان وقال دي ورشه نجاره
ردت غزل
ايوه بتاعه ابويا لغايه ما حصل له الحادثه وقفلناها
رد موسى
هو حصل له ايه
قالت له
خناقه هو حد زقه وضربه على الرجل الاثنين بالحديده لغايه ما اجيب الدم وبقاش ينفع يقف عليها
رد موسى ربنا يشفيه
قالت له يا رب محتاج حاجه ثانيه
قال لها
ممكن اسالك سؤال
قالت لي اتفضل
قال لها
وانتي شغاله ايه عشان تيجي متاخر كده
ضحكت بسخريه وقالت
ممرضه مش دي الكلمه اللي انت عايز تسمعها بس اللي انا عايزه اقوله لك ان انا مش شغاله ممرضه ولا حاجه انا مغنيه في كباريه
اتصدم موسى من جرائتها
وهي ضحكت وقالت له
ايه اتصدمت بس دي الحقيقه عشان اقدر افتح البيت ده من غير كلاب السكك ما ينهشوا فينا
رد موسى طيب يا غزل تصبح على خير وطلعت غزل على شقتها وقفلت مفتاح من جوه
وقال عماد هينام يا بنتي
ردت عليه
ايوه يا بابا يلا تصبح على خير
قال لها
وانتي من اهله ودخلت غزل تروق المطبخ وتحضر الاكل بتاع بكره وكانت واقفه في المطبخ وبتغني وهي بتعمل الاكل
اما موسى كان بيروق الدكانه عشان يعرف ينام ويسمع صوتها وسرح في جمالها وصوتها الجميل وكمل شغل بعد كده نام على الكنبه وراح في نوم عميق
وثاني يوم صحي موسى على صوت الدوشه بتاعه الناس وفتح عينيه وبص في الساعه لقاها 2 بعد الظهر وراح فتح باب الورشه اللي بره على الشارع والناس بصت لي باستغراب وبدا يكنس ويروق الدنيا
واقرب واحد من رجاله محي وقال له
انت مين يا شبح
رد موسى وانت مالك
ضحك الراجل وقال له هو انت ما تعرفش ان المكان ده ليه كبير ولازم تستاذن منه قبل ما تفتح الورشه ديت
رد موسى
طب اتكل على الله عشان ما ازعلكش رد الراجل ولا تقدر وجيه يضربه راح موسى ضربه بالبوكس وقعه
وغزل كانت بتنشر الغسيل من فوق وشافت اللي بيحصل وشده اسدال والطرحه ولبستهم

ونزلت وقالت
في ايه اللي بيحصل هنا
رد محي
ما فيش حاجه يا ست البنات بس مش تقولي لي ان انتي اجرت المحل كنت انا اولى
ردت غزل
ما لهاش لزوم يا معلم محي وخلاص جه اللي اخذه ايه المشكله يعني
رد محي
طبعا في مشكله يا ست البنات انا كبير المنطقه ولازم تستاذنوني
ضحكت بسخريه وقالت له
لما يكون البيت ده بتاعك ابقى اتكلم براحتك بس البيت ده بتاعي انا وانا اللي اقول مين اللي يفتح المحل ومين لا
رد موسى
اهدي بس يا غزل في ايه يا معلم انا ابقى ابن خالتها وجيت من السفر وعرفت اللي حصل لجوز خالتي فقلت افتح المحل احسن
رد محي
ماشي يلا يا رجاله
ودخل موسى المحل ودخلت وراه غزل
وقالت له
ممكن اعرف ايه اللي خلاك فتحت المحل وكنست وقلت ان انت ابن خالتي
رد موسى
اما عايزاني اقول له ايه ان انا غريب عشان يطلع عنك كلام وحش
ردت غزل سيبك من حوار ابن خالتي ديت انت ايه اللي خلاك فتحت المحل
قال لها
امبارح وانا بروقه لقيت الحاجه لسه جديده استحرمتهم ياكلهم التراب من الركنه وانا بفهم في النجاره انا هاجره وهديكي كل اول شهر الايجار بتاعك
ردت غزل
بضيق وانا رافضه ويا ريت تسيب المكان وتمشي
رد موسى
اسمعيني بس ما رضيتش تسمعه وهو طلع وراها
و قال عماد
في ايه يا غزل ايه الصوت العالي اللي كان تحت
ردت عليه
ما فيش حاجه يا بابا الاستاذ اللي احنا امنا له وفتحنا له المكان عشان ينام فيه فتح الدكانه وقال ايه عايز ياجره
رد عماد
وايه المشكله يا بنتي خليه يسترزق منه
ردت غزل
المشكله انه قال لي محي ان هو ابن خالتي وانت عارف محي ممكن يحطوا في دماغه وساعتها الله اعلم ايه اللي هيحصل
رد عماد
معاكي حق يا بنتي
و رد موسى
يا جماعه استهدوا بالله هو مش هيقدر يعمل حاجه
ضحكه بسخريه وقالت له
لا يقدر وزي ما اذي ابويا زمان ممكن ياذيك انت كمان
رد موسى
لستي ما لكيش دعوه ولو جه جنبي انا هعرف اعمل ايه
قالت له
براحتك ودخلت الاوضه
وقال عماد
معلش يا ابني اصل غزل خايفه عليك لا يحصل لك زي اللي حصل لي
و رد موسى
وانت حصل لك ايه يا حاج
رد عماد
محي كان عايز يتجوز غزل وهي في اولى ثانوي ولما رفضت حاول يجبرني وانا صممت على رايي وساعتها وزع عليا واحد من رجالته يتخانق معايا وخلاني قعدت على كرسي بعجل وكمان مانع اي حد يجي هنا يطلب ايد غزل
رد موسى
ما تخافش يا عم الحاج وانا هعرف اقفله ازاي
رد عليه
طيب يا ابني اتكل على الله وانزل شوف شغلك وانا هتكلم مع غزل
قال له
ماشي يا حاج
ونزل موسى وبدا يشتغل ويعمل ترابيزات خشب واقرب منه واحد من رجاله محي
وقال له
وانت كنت فين يا شبح الفتره دي كلها ما بتسالش على بنت خالتك ليه
رد موسى
اصل انا كنت مسافر العراق ورجعت من غير ولا مليم بسبب الحرب ما كنتش عارف اوريهم وش ازاي
رد الراجل معلش واسم الكريم ايه
رد عليه موسى وانت يا شبح اسمك ايه
رد عليه
فتوح وابقى ذراعي اليمين للمعلم محي ولو احتجت اي حاجه تعالى
رد موسى
تسلم يا فتوح ومشي وهو طلب كوبايه شاي وقعد يشتغل
اما غزل حضرت الغداء وقعدت تتغدى هي وعماد
وقال لها
مش هتنادي على موسى ياكل معانا
ردت عليه
لا
قال لها
ماشي يا بنتي بس وانتي ماشيه ابقي خدي له صينيه الاكل وادي له المفتاح يطلع يطل عليا كل شويه
ردت غزل
حاضر وبعد وقت لبسه غزل طقم حلو وعملت شعرها واخذت تليفونها ونزلت واخذت الصينيه الاكل
وعدت على الورشه وقالت له
الاكل اهو وادي المفتاح ابقى اطلع اطمن على ابويا
رد عليها
من عيني الاثنين انتي رايحه فين كده الساعه 9:00 بالليل
ردت عليه شغلي في حاجه ولا ايه
رد موسى طب استنى اوصلك
قالت له ما لوش لزوم سعيد واقف بره بالعربيه هركب معايا
رد عليها سعيد ده مين
قربت منه وقالت بصوت واطي
ممكن تخليك في حالك وما تتدخلش في اللي ما لكش فيه
وخرجت على اول الشارع وركبت مع سعيد العربيه اللي
قال لها مالك يا غزول زعلان ليه
ردت عليه
مش انا قلت لك 100 مره ما بحبش الاسم ده اسمي غزل
قال لها
طيب يا ست البنات ممكن اعرف بقى زعلانه ليه
ردت عليه
ما فيش في شخص كده نزل علينا براشوت وكمان اجر المحل بتاع ابويا
وقال سعيد
وايه المشكله ده كده هينفعك وهيساعدك في العلاج
ضحكه بسخريه وقالت
هو حالته حاجه ده مقشف ده اخذ المحل ولسه ما دفعش حاجه من ايجاره
رد سعيد يا ستي بكره يدفع المهم اعملي حسابك ان احنا عندنا فرحين النهارده
ردت عليه تمام
وعند محي وبعدين يا واد يا فتوح قال لك ايه تاني
رد فتوح
ما قالش غير انه جاي من العراق ومولايه كما خلقتني ما حلتهوش جنيه عشان كده فتح المحل هنا وبيشتغل
رد محي
اتاكد من الحوار ده عشان ليكون تبع حد من اعدائنا
ضحك فتوح وقال له
ازاي يعني وانت عارف ان غزل مستحيل تدي المحل لاي حد وخلاص
رد محي
ما هو ده اللي مطمني شويه اني عارف ان دماغها جزمه وكانت رافضه ان حد ياجر المحل ده بعد ما ابوها عمل الحادثه حتى لما عرضت عليها اشتري البيت رفضت مع اني عرضت الدبل من حق البيت
رد فتوح
هي مش وش نعمه اخليها تتبهدل في الشغل بتاعها ده
رد محي
سيبك من الكلام ده انا عايزك تعرف لي كل حاجه عن الواد ده وتتاكد لي من المعلومات اللي قالها
رد فتوح من عيني يا معلم
وبعد وقت خلصت غزل الفرحين وراحت على الكباريه وكانت في اوضه اللبس بتلبس فستان👗 جديد وحاطه ميك اب وخرجت وبدات تغني بصوتها العذب والجميل

بعد وقت خلصت وسعيد قال لها
يلا عشان اوصلك
قالت له
طيب وركبت معاه وهو طلع الفلوس واديها لها
وقالت له
هو كده فاضل قد ايه واخلص فلوس العمليه بتاعت ابويا
رد سعيد
حاجه بسيطه بس سنتين قدام ما انتي لو سمعت الكلام وفتحت مخك شويه واتجوزت المعلم محي كنت هتاكلي قلبه وتاخذي الفلوس اللي انتي عايزاها وهتلعبي بالملايين لعب
ردت عليه بقوه
مستحيل ارضى اتجوز راجل زي ده بعد اللي عمله بابويا
رد سعيد
طيب يا ستي يلا احنا وصلنا اهو وخرجت غزل من العربيه واتفاجئت بوقوف موسى جنب الحيطه
وقال لها
يلا عشان اروحك
ردت عليه
شكرا غزل وهو مشي وراها لغايه ما وصلت البيت وطلعت على شقتها وقفلت الباب
وهو دخل المحل وكان بيفكر فيها
وعند المعلم محي عارف ان في حد اتقبض عليه من رجالته
وقال
اجهز يا فتوح عندك طلعه جوه الحجز
رد فتوح
من عيني يا معلم وخرج فتوح واتخانق مع واحد وراحوا البوليس ودخلوا الحجز
وقرب فتوح من شخص وقال له عارف لو بقك اتفتح وقلت اي حاجه ساعتها اقرا الفاتحه على ابنك عشان هيقابل وجه كريم
رد الراجل بخوف
مش هقول حاجه بس ما حدش يجي جنب ابني
رد فتوح
حلو قوي كده وانا هفضل جنبك هنا لغايه ما تخلص التحقيقات ولو عرفت انك صدفت وقلت اسم المعلم في محضر هوريك فيلم عرض جديد وابنك بيدبح ومراتك بتكيف رجاله المعلم
رد الراجل بخوف
والله ما اتكلم ابعدوا بس عن اهلي
ضحك فتوح وقال شاطر وراح قعد بعيد
وعند موسى تليفونه رن ورد وقال حاضر كل حاجه هخلصها في الوقت اللي اتفقنا عليه وقفل السكه وفرد ظهره على الكنبه ونام