رواية غزال في سوق السلاح الفصل الثاني2بقلم اميرة خالد
وعدى أسبوعين وموسى اخذ على الحاره والناس اخذت عليه وكمان صاحب فتوح بعد ما خرج من القسم
اما غزل كانت من شغلها للبيت واتضايقت من موسى لما عرفت انه صاحب فتوح وحابه تمشيه من البيت بس عماد اللي رافض
اما محي اتاكد من سكات الراجل اللي في الحجز وراجع لنشاطه في السلاح
وكان قاعد موسى بيشرب الشاي مع فتوح وبيقول له من ساعه فتحت الورشه والزباينها قليله قوي وما فيش حد بيجي انا مش عارف هدفع الايجار منين
رد فتوح
يا عم بكره ربنا يسهلها لك
رد موسى
يا ريت بس الواحد اتخنق من قله الفلوس ده انا كان معايا شيء وشويات ربنا ينتقم من اللي كان السبب
رد فتوح ليه يا عم
رد موسى
اصل انت ما تعرفش الشغل في ليبيا عامل ازاي بسبب الحرب اللي قامت كنت شغال زي النار
رد فتوح باستغراب
ليه كنت شغال في ايه
رد موسى بصوت واطي فيك يكتم السر
رد فتوح
في بير الموسى كنت شغال مع شيخ ليبي وبنودي السلاح لاخواتنا في الصحراء وكمان بنهربه على الحدود
اتصدم فتوح وقال له
يا شيخ بطل فشر شويه
رد موسى
انت مش مصدق طب انا هوريك انا كنت مصور نفسي في مخزن السلاح هناك وكمان المكان اللي كنت فيه
وفتح موسى الصور وراها لفتوح وقال له ده الكلام بجد
قال له
وانا اخبي عليك ليه
وقال فتوح
طب انت نزلت ليه من ليبيا
رد عليه
ما فيش يا سيدي الشيخ الليبي اللي انا اشتغلت معاه اتقتل خفت يلبسوها لي عشان ما كانش معاه حد غيري فهربت ورجعت على مصر
رد فتوح واسم الشيخ ده ايه
و رد موسى اسمه عبد الله بني علي
وقال فتوح
طيب يا سيدي هوم انا اشوف المعلم محي عايز ايه
رد موسى
طب ما تتاخرش عليا هستناك نتغدى سوا
ضحك فتوح
وقال له خليها عليا انا المره دي
رد موسى
ماشي يا سيدي ودخل فتوح عند المعلم وحكى له كل كلام موسى
وقال محي
احنا نتاكد الاول من كلامه ده وفعلا في شيخ بالاسم ده ولا لا
رد فتوح ماشي يا معلم وخرج
وقال محي
الواد ده لو كلامه حقيقي انا هكسب من وراه دهب وبعد وقت جه فتوح وقال الكلام اللي قاله كله صح يا معلم رد عليك كويس قوي انا عايز الواد ده يخش معانا في الشغل رد فتوح مش معنى يا معلم قال له عشان انت غشيم الواد ده يعرف ناس تخرجه من على الحدود بالفلوس وكده هنكسب ناس كثيره وهيسهل علينا موضوع النقل رد فتوح طب ما يمكن تبع البوليس يا معلم ضحك محي وقال له فعشان كده هحطه في امتحان ولو نجح يبقى الواد ده 100 100 وساعتها احنا اللي هنكسب الذهب من وراه رد فتوح ماشي يا معلم وخرج فتوح وراح عند موسى وكان قاعد وقال له ايه رايك نخرج بالليل يا موسى وانت وراك حاجه رد موسى لا مش ورايا حاجه وهنخرج فين رد فتوح هنروح سهره مع المعلم بس ايه في الجون رد موسى ماشي يا فتوح
وبالليل في الكباريه كانت واقفه غزل بتغني واتفاجئت بدخول محي وقعد على ترابيزه قدام المسرح ونده على المتر واداله فلوس عشان ينقط غزل
وبعد دقائق دخل فتوح وهو معاه موسى وقاعده على الترابيزه وهي كملت غنى مستغربه اللي جمع الشامي على المغربي وبعد ما خلصت الاغنيه نزلت من على المسرح
و قال محي
انا عايزه تيجي تقعد على الترابيزه بتاعتي
رد المتر
صعب غزل ما تقعدش على ترابيزات
رد محي
تمام طب يلا يا رجاله هنكمل السهره عندي
رد فتوح
يلا يا معلم وخرج ركبه العربيات وبعد وقت وصلوا في شقه في حته متطرفه ودخلوا ولقوا نسوان قاعده ومعاهم راجل
وقال محي
كويس يا صادق انك جبت النسوان قبل ما احنا نوصل
رد صادق
عيني ليك يا معلم محتاج حاجه قبل ما امشي
رد عليه
مش انت ظبطت كل حاجه يا صادق
رد عليك
طبعا يا معلم وخرج
وقال موسى
هو في ايه يا فتوح هي دي السهره
رد عليه
في ايه يا موسى مش عاجبات السهر ولا ايه
رد عليه
اصلها ناشفه قوي وقربت بنت من موسى وقالت بدلع
وانا هطرها لك
ضحك موسى وحط ايده على وسطها وقال لها
والله خايف اجي اطريها الاقيك فرقعت مني
ضحك فتوح وقال له
ما تخافش نجلاء قويه وبتستحمل انت اديها السكه وهي هتتعامل
رد موسى بغمزه
تمام قوي واخدها ودخل الاوضه وقرب منها
اما غزل روحت البيت وقالت لعماد على كل اللي حصل
وعماد قال
انتي متاكده يا بنتي من الكلام ده
ردت عليه
ايوه يا بابا متاكده بقول لك دخل ولقيته قاعد معاه
رد عماد
خلاص يا بنتي يبقى ملهوش قاعده عندنا تاني
ردت غزل
ما هو ده اللي انا هعمله يلا يا بابا تصبح على خير والصباح رباح
قال لها
وانتي من اهله يا حبيبتي اقفلي الباب وتاكدي من الشبابيك
قالت له حاضر
اما عند موسى فخرج من الاوضه وهو بيقفل القميص
وقال فتوح
ايه يا ابني ده كله
رد عليه انت مش قلت بتستحمل لقيتها فرفرت مني جوه
قال فتوح
سيبك من البنت دلوقتي وتعالى المعلم عايزك ودخله اوضه وقعد
وقال موسى
نعم يا معلم محتاج حاجه رد انا عرفت من فتوح انك كنت شغال في السلاح في ليبيا وعارف كل حبايبنا على الحدود وانا محتاجه في شغل معايا
رد موسى
وهتحتاج ايه من الحدود ثلاجات ولا غسالات
رد فتوح
لا يا ناصح سلاح
رد موسى
سلاح ايه انا ما ليش في السكه ديت
رد محي
ما هو انت هتشتغل معايا يا هبلغ عنك وهقول لاهل الشيخ على مكانك وهم هيصفوك
رد موسى
بقى كده يا فتوح تقول لي سرك في بير وتضحك عليا
قال فتوح
اسمع يا ابني بشغلانه حلوه وانت كنت بتقول بنفسك فلوسها كثيره يعني هترجع تلعب بالفلوس لعب زي الاول ويمكن اكتر
وقال موسى
وانا موافق بس اخذ فلوسي مقدما وما ليش دعوه باي حاجه ثانيه
رد محي وانا موافق
قال له
تمام وامتى العمليه
رد محي
هقول لك قبلها بليله
قال له ماشي انا همشي بقى
رد محي يا ابني ما تبات هنا مع الرجاله
رد موسى
مش دلوقتي يا معلم قبل العمليه هبقى اجي ابات معاهم
قال له ماشي وخرج موسى وفضل ماشي في الشارع
وقال محي
ابعت حد من رجالتنا يراقبه
رد فتوح
انت بتشك في يا معلم
قال له
لا بس الاحتياط واجب
قال له ماشي وفعلا بعت واحد يمشي وراه
وعند موسى وصل البيت وفتح بالمفتاح ولقى الباب مقفول بالقفل وقعد قدام الدكانه والنهار طلع ونام وثاني يوم صحي موسى على ايد فتوح
وقال له
مش قلت لك بات معانا بدل ما نمت في الشارع كده
رد عليه
يا عم ابدا الباب كان مقفول وانا ما حبيتش اخبط وازعجهم
رد فتوح
طب تعالى نشرب شاي ونفطر واغسل وشك كده
رد موسى
ماشي يا فتوح وراح معاه وقاعده على القهوه وطلع فتوح فلوس من جيبه
وقال له
المعلم باعث لك دوله نسي يديهم لك امبارح
رد موسى
اشكر لي المعلم واخذ الفلوس وحطها في جيبه
اما غزل فقامت من النوم ودخلت الحمام لبست الاسدال وغسلت وشها ونزلت الورشه لمه هدومه وحطيتها في شنطه

وخرجت فتحت الباب وندهت على موسى بصوت عالي
وجيه موسى وقال لها
في ايه يا غزل
ردت عليه
ما فيش حاجه يا عينيا وهاتي المفاتيح وما اشوفش وشك هنا تاني
رد موسى
ايه اللي حصل لده كله
ردت عليه
انت عارف ايه اللي حصل ويا ريت تبعد عننا فاهم ولا لا
قرب فتوح منهم وقال له
طب يلا يا موسى تعالى معايا
رد موسى
مش هروح في حته غير لما افهم هو في ايه
ردت غزل
ما انا قلت مفيش حاجه يا عينيا بالسلامه هو احنا هنغنيها ولا ايه
فتوح شد ايد موسى ومشي بيه وقال له
اسمع بس البنت كرفت لك من ساعه ما شافتك مع المعلم محي اصلها بتكره المعلم عشان فاكراه انه السبب في اللي حصل لابوها
رد موسى
طب سيبني عليها اضربها قلمين افوقها لنفسها
رد فتوح
تعالى بس وسيبك منها اصل المعلم بيزعل لو حد قرب لها
رد موسى
الا زعل المعلم ومشي معاه
وغزل طلعت بيتها وقعدت تحضر الاكل واكلت هي وابوها
وعدت الايام وفعلا موسى نجح في الامتحان اللي عمله المعلم وكمان بقى دراعه اليمين وساعتها فتوح اتضايق منه
اما غزل فكانت بتشتغل ومتضايقه من قرب موسى لمحي وكانت غزل قاعده بتاكل مع ابوها وبيتكلموا في موضوع العمليه والباب خبط
وقال المعلم
افتحي يا ست البنات انا عايزك في موضوع
ردت غزل بضيق
وهي بتفتح الباب في ايه يا معلم
وقال لها
انا جايه اشرب الشاي مع ابوك واتكلم معاك شويه
ردت غزل
ما عندناش شاي وابويا مش فاضي يكلمك
رد محي
وهو بيزقها ودخل بس انا شايفه بياكل اهو يعني فاضي يكلمني
وقعد محي وقال ازيك يا عماد عامل ايه
رد عليه
عايز ايه يا محي
رد عليه
مش عايز حاجه غير حقي
ردت غزل بقوه
حق ايه يا عنيا اللي جايه تتكلم فيه
وطلع محي وصل امانه وقال لها ابوكي قبل ما يحصل له الحادثه كان مستلف مني نص مليون جنيه عشان يظبط الورشه وانا اديتهم له
اتصدم عماد وكمان غزل وقالت مستحيل
قال محي
لا مش مستحيل يا حبيبتي ابوكي فعلا السلف الفلوس
ردت غزل حصل الكلام ده يا بابا
رد عليها
لا يا بنتي ما حصلش ولا عمري خدت منه فلوس
ضحك محي وقال
ما انت فعلا ما اخذتهمش من ايدي بس خدتهم من المعلم صبري بتاع الخشب نسيته ولا ايه
افتكر عماد وقال له
فعلا ده حصل بس هو جالي المستشفى وقال لي انه مش عايزهم
ضحك محي وقال له
عشان انا دفعت له الفلوس واخذت الوصل وعليهم زياده شويه عشان خاطر الست البنات
و ردت غزل
يعني انت عايز ايه دلوقتي
قال لها حاجه بسيطه خالص نجيب الماذون واكتب عليك وهديكي قدهم مرتين
ردت عليه
مستحيل اتجوز راجل زيك بيكسب فلوسه من الحرام
ضحك محي وقال لها
طب ما انتي بتتغني في الافراح والكباريه ولا ما قلتيش لابوك عليه
ضحكه بسخريه ابويا عارف كل حاجه وكمان عارف ان بنته ب 100 راجل وما فيش دكر يقدر يلمسها على وش الدنيا من غير اذنها
رد محي
وده اللي مخليني عايزك عشان عارفك انك قويه
ردت عليه
مستحيل اتجوزك ولو هموت نفسي
رد عليها
ما فيش مشكله مش عايزك بس ابوك ده هيترمي في السجن وهو عاجز وتخيلي هيعملوا فيه ايه المساجين فكري وردي عليا وخرج محي
وهي اتجننت وقالت
والله لاقتله
و قال عماد
اهدي يا بنتي ما تعمليش كده
ودخلت المطبخ وجابت السكينه وطلعت تجري وراه وموسى لمحه وهي جايه بالسكينه ولسه هتضرب محي السكينه جت في كتف موسى ووقع من طوله والدم بيطلع من كتفه
ومحي ماسكه وقال بصوت عالي اطلبوا الاسعاف
وغزل اتصدمت من اللي حصل وقفت مكانها
وبعد وقت الاسعاف جت والحكومه واخذت غزل والدموع على خدها وفي المستشفى خيطوا الجرح لموسى ودخل محي
وقال
انت ما تعرفش انت عملت ايه معايا ده جميل عمري ما هنساه لك
رد موسى
ما تقولش كده يا معلم عمري كله فداك
ضحك محي وقال له
طيب يا بطل البوليس هيخش يسالك مين اللي عمل معاك كده قول له ان البنت هي اللي عملت كده
رد موسى
مستحيل يا معلم اعمل كده فيها دي مهما كان بنت خالتي
ضحك المعلم بسخريه وقال له
بنت خالتك منين انا عرفت كل حاجه وان انت انقذتها بالليل من الرجاله وهي رديت لك الجيميل وبيتتك في الورشه
رد موسى
يا معلم دي مهما كان بنت ما ينفعش اعمل معاها كده
رد محي
ماشي يا موسى اعمل اللي يريحك
وخرج محي وراح على بيت غزل ودخل لعماد وقال له اسمع يا عماد انا ممكن اخرج بنتك بسهوله من القضيه اللي هي لبستها بس بشرط واحد تمضي لي على الوصلين دولت
رد عماد
ماشي يا معلم المهم البنت تخرج
رد محي
ماشي يا عماد وطلع الوصلين ومضاه عماد
وخرج محي وهو على وشه ابتسامه نصر
ودخل الظابط لموسى ياخد منه اقواله
وقال موسى
ان كان في خناقه ومش عارف مين اللي ضربه
و رد الظابط
يعني هي ما ضربتكش
قال له
هو في واحده تضرب واحد شحت زي كده بسهوله
رد الظابط
ما هو ده اللي انا بستغربه البنت باين عليها غلبانه وما لهاش في الكلام ده خالص
رد موسى
يا باشا البنت ما عملتش حاجه
رد الظابط
تمام امضي على اقوالك هنا ومضى موسى
وخرج الظابط وراح على القسم خرج غزل وروحت على البيت ودخلت تنده على عماد اللي ما ردش عليها وخافت ودخلت الاوضه
ولقيته نايم على السرير وقربت منه قالت انا رجعت يا بابا قوم
وعماد ما بيردش وفضلت تهز فيه
وقالت له بدموع
عشان خاطري يقوم والله جمعت لك حق العمليه وهترجع تقف على رجليك تاني بس قوم عشان خاطري وطلعت منها صرخه قويه والناس اتلمت ودخلوا وجابوا للدكتور
وقال الدكتور
البقاء لله وصرخت غزل ووقعت من طولها والناس سندوها
وقال الدكتور
انا هتصل بالصحه عشان نعمل الاجراءات الدفنه وفعلا دفنوا عماد
وقعدت غزل تاخد العزا وهي حزينه على فراق ابوها
ودخل محي بعد العزاء وقال لها البقاء لله يا ست البنات
ما ردتش عليه
وقال
براحتك انا هسيبك تاخدي ايام العزاء زي ما انتي عايزه وتعملي حسابك انك تسيبي البيت عشان انا اشتريته من ابوك الله يرحمه
اتصدمت غزل وقالت له
انت بتقول ايه مستحيل ده يحصل
رد عليها
لا حصل وطلع الوصولات الامانه
وهي اتصدمت وقالت
وانت شايف ان البيت ده يجيب مليون ونص
رد عليها
لا طبعا ما انا هسيبك تسددي الباقي على فترات
ردت غزل
حسبي الله ونعم الوكيل فيك ضحك محي وسابها وخرج ودخل سعيد
وقال لها
في ايه يا غزل ايه اللي حصل
ردت عليه
الجاحد عايز يطردني من البيت
رد عليها طب وهتعملي ايه
قالت له
انا مش عارفه انا حاسه ان تايهه ومستحيله اسيب بيت ابويا
رد عليها
طب ايه رايك نكلم موسى وهو يكلمه
ضحكه بسخريه وقالت له
مستحيل يساعدني مدام بقى تحت طوع محي
رد سعيد
طب هتعملي ايه اقول لك هاتي هدومك وتعالي باتي مع امي وانا هروح ابات في حته تانيه
ردت عليه
ما تخافش يا سعيد انا قاعده هنا ايام العزاء وانا هعرف اجيب حقي ازاي منه اذا كانت حوا طلعت ادم من الجنه انا مش هعرف اخلص من محي
رد سعيد
بس حوا طلعت ادم بسبب التفاحه
ردت عليه
ما انا عندي التفاحه اللي تخليني اخرج محي من الدنيا كلها
رد سعيد ربنا يستر من اللي جاي