رواية وجع الماضي الفصل الثالث3بقلم امل بكر
قطع شرودي سليم ،
-مالك .. سرحانه في اي ؟!!!
بصتله بانتباه ورديت ،
-لا مفيش الجو حلو وشرد مش اكتر
-تمام
عيني اجت علي أروي لقتها بصالي بعد عيني عنها وانا ببص لسليم وقولت،
-سليم حاسه ان دماغي وجعاني ممكن شويه ونمشي
-تعالي نمشي دلوقتي لو عايزه
-اهلك مش هيضايقو؟!!
بص لهم وقال وهو بيمسك ايدي وبيقف،
-هنستأذن احنا ياجماعه
سلمنا عليهم ومشينا شويه علشان مكنش في مكان لركنه العربيه ركبنا وهو بيدور العربيه سألني ،
-هنا في اي ؟!!
بصتله بثبات،
-مفيش ياحبيبي عايزه انام
-متأكدة
هزيت راسي ،
-طبعاً
""""""""""""""""""""""""""""""""""""""
اللهم ردنا إليك رداً جميلاً عاجلاً غير اجلاً
روحنا وكل واحد غير هدومه لبست بيچامه ستان لونها بينك وسحرت شعري وحطيت كريم مرطب علي وشي وقعد علي السرير وانا باصه قدامي
سليم طلع من الحمام وقعد جمبي وهو بيتغطى بعد لما سرح شعره
شيلت المخده من ورا ضهري علشان انام لقيته قالي وهو باصصلي باستغراب شويتين،
-هنا انتي قرائتي سورة الملك ؟!
رجعت المخده ورا ضهري من تاني ومديت ايدي اجيب المصحف من جمبي وانا بقول ،
-شكراً فكرتني كنت نسيت
نمنا وتاني يوم الصبح صحيت وكالعاده سليم بينزل الشغل الصبح قومت صليت ورتبت البيت وعملت الاكل ودخلت اخد شاور
شويه وسليم اجي قربت عليه بعد لما فتح الباب وانا بحضنه ،
-حمدلله علي السلامه
-الله يسلمك
بعد عن حضنه وانا بقول ،
-عملت الاكل هتاكل ؟!
-اه ياريت هغير هدومي الاول
-طيب ماشي هكون جهزت الاكل
دخل غير وانا حطيت الاكل وبدائنا ناكل وبعدها فضلنا نحكي في حكاوي عادي جداً
وشويه وأروي اتصلت عليا ،
-مين بيتصل ؟!
بصتله وقولت ،
-دي أروي اختك
-خير ردي
رديت ورفعت الموبايل علي ودني ،
-هنا عامله اي ؟!
-بخير وانتي
-كله تمام ازعجتك او حاجه ؟
-ابداً مفيش حاجه
-تمام عايزة اتكلم معاكي
-ماشي طبعاً تعالي اطلعي
-سليم عندك
بصتله وهو متابعني وانا بتكلم ،
-اه جمبي
-امم طب خلاص ممكن مره تانيه
باعتراض ،
-اطلعي ياأروي واسهري معانا
كانت هتعترض باحراج ولكني اصريت وبصيت لسليم الي رفعلي حاجبه
ضحكت عليه وانا بقول ،
-متقولش انك بتموت فيا وعايزانا نسهر لوحدنا
-لا ايداً ده انا كنت عايز اقولك مين قالك اني سهران!!!
ضحكت ،
-اصلاً!!!! ياعم اقعد معانا وشويه ونام
بجديه سألني ،
-كله تمام مفيش حاجه ؟!!
للحظه حسيت ان أروي عايزاني علشان كلام امنيه بتاع امبارح بس سليم طلعني من تفكيري
-هنا بكلمك
-ا اه سرحت
جرس الباب رن فتحت وأروي ابتسمتلي باحراج ،
-حاسه اني حشوره
اتكلم سليم من الصاله من بعيد لان الباب بعيد عن الصاله لان الشقه كبيرة
-حاسه !!! لاء إتاكدي ياختي
ردت عليه ،
-ماشاء الله عليك سمعك ميه ميه
خمس في وشها ،
-اعوذ بالله عليكي
ضحكت عليهم ،
-ادخلي وسيبك منه
دخلنا قاعدنا مع بعض وجبنا فيلم سليم قام وقف بنوم ،
-هدخل انام تصبحو علي خير
-وانت من اهل الجنه
بص لأروي وقال بمناكشه ،
-ماتنامي معانا ياعسل احسن
رفعتله حاجبها ،
-اه والله بفكر
قولت ،
-البيت بيتك ياحبيبتي طبعاً
أروي وهي بتغيط سليم ،
-مرات اخويا حبيبتي انا
سليم شدها من شعرها بسرعه وهي وجرت ورا بس ملحقتش وقفل الباب في وشها
اجت من تاني قعدت جمبي وانا كنت عايزه اعرف هتقولي اي ؟!!!
بصتلي وقالت ،
-بما إن سليم نام فاخليني اقولك متزعليش
عقد حواجبي وقولت ،
-علي اي ؟!!!
-علي كلام امنيه هي طيبه ولطيفه ومنكرش ان استغربت ان الكلام ده طلع منها ..بس صدقيني اكيد مش قصدها
-لا طبعاً مش زعلانه وو
قاطعتني ،
-هنا مفيش مشكله لو قولتي انك زعلانه بلاش تكتمي جواكي اوي كده
أروي في تانيه كليه ٢٠ سنه وانا ٢٥ مش فرق كبير بحبها هي لطيفه لاكبر حد وحنينه موت وحبها لفارس وسليم زي بعض ولكنها بتحب تنكش سليم حبتين لكن فارس ممكن علشان قريب في سنها ٢٦ زيي علشان كده قريب منها ممكن لان كان بيلعب معاها اكتر وهما صغيرين وبحس في الاخوات كل واحد وليه حب مختلف عن التاني بس لو جينا نحسبها هنلاقي بنحبهم كلهم زي بعض
سكت معرفتش ارد لان معها حق انا زعلانه بس بنكر او مصدومه ان الانسان ممكن يقول كلام زي ده وكأنه بيقوله خد حبه الزعل دول حطهم في قلبك !!
اتكلمت من تاني وهي بتقرب مني ،
-هنا كل حاجه بإراده ربنا وانا عارفه انك عندك يقين في ربنا كبير ده انتي حتي الي قايلالي كده ! فا الي عايزه اقوله ان متخليش الشيطان يدخل في عقلك وتفكري بقي هو انا لي لغيت دلوقتي مخلفتش
الدموع اتجمعت في عيني وقولت ،
-بس هو انا لي لغيت دلوقتي مخلفتش !
ردت عليا بسرعه،
-يمكن خير احنا منعرفش اي الحكمه من كده ولكن خليكي واثقه انه خير وبعدين ثواني انتو مش بقالكم كتير يعني دول ٨ شهور ياهنا!!!!!
اتنفست بخنقه وانا بمسح الدمعه الي نزلت من علي خدي ،
-بس الضغط عليا صعب اوي ياأروي الكلام محسسني اني فيا عيب !!!!
مسكت ايدي وقالت ،
-فهماكي والله بس ولو انتي عارفه الكلام ده اهلنا تفكيرهم دبش شويه ولكن بيحبونا
ضحكت من بين دموعي ،
-انتي كبرتي امتي وبقيتي بتفهميني
ضحكت هي كمان وهي بتمسكني من خدودي ،
-ايوا كده اضحكي انا بصراحه شايفه انك متفكريش لانه الموضوع عادي يعني
بصتلها وقولت ،
-انا عارفه والله انه عادي بس الضغط والمكالمات الي بتجيلي والاسئله تعبتلي اعصابي ياأروي
-فكك واعملي نفسك مش سامعه وخلي املك في ربنا كبير
ابتمست وانا بصالها وهي دخلتني في حضنها وتقريبا كده نمنا علي وضعنا
وفجأة فتحت عيني وانا شايفه سليم بيصحينا
-انتي يازفته انتي وهي !!
بصيت علي أروي وانا في حضنها واحنا الاتنين بصينا لبعض واحنا مش مفوقين وبعدين بصيت لسليم وقولت بنوم ،
-في اي ياسليم !!!
أروي قالت بضيق ،
-في حد يصحي حد كده ؟!!
-علفكره انتي ضيفه يعني المفروض تبقي محروجه
قولت انا وانا بنام من تاني ،
-بس انت الي ضيف
رفعلي حاجبه وبعدين شهقت لما مسك دراعي اتكلمت وانا هعيط ،
-اي ياسليم مش كده والله عايزه انام
اتكلم بهمس بعد لما بص علي أروي الي نامت من تاني ،
-نايمين في حضن بعض !!! ده انا لما بقولك هاتي حضن تقوليلي بس قله أدب!!!!
ابتسمت بنوم ،
-خلاص ياحبيبي لما اصحي بديلك اكبر حضن سيبني بقي انام
قال باستغلال،
-وبوسه كمان ؟!!
هزيت راسي بماشي ضحك بخبث وطلع الموبايل من جيبه وقال ،
-قولي بقي ياحبيبتي من تاني علشان اسيبك نايمه
-طب قومو نامو في الاوضه
قولت وانا بنام من تاني علي الركنه ،
-لا مش قادره
شال هنا ودخلها اوضه النوم ،
-هنا انتي تخنتي اوي !!!!!
طلع لأروي الي نايمه نومه غلط قال،
-احسن خليكي نايمه كده علشان جسمك كله يوجعك
راح عند الباب ولكن بصلها لاخر مره بتأنيب ضمير وراح عندها وشالها شبه الشوال
رزعها علي سرير الاطفال ،
-ياخربيتـ.ك بتاكلو اي !!!
"راح نزل شغله وضهره بيوجعه علشان شالهم"
"""""""""""""""""""""""""""""""""""""""
مازن قال وهو قاعد قدام سليم في اوضه المكتب،
-مالك يابني ؟!!
-ضهري ياعم شادد عليا
بضحكه ،
-لي ياعم كنت شايلها خايف عليها من الرمله
بصله بغضب وقال،
-ده انا الي هقوم اخلي وشك في الرمل دلوقتي
-انا غلطان طب اي الوزن كان تقيل ؟!!
خلص كلامه وهو بيغمزله بمناكشه وسليم مسك كوبايه وكان هيحدفها بس مازن طلع علطول من الباب
"بعدها فارس دخل وورا مازن وكأنه بيتحامي فيه"
فارس اتكلم ،
-سليم مالك فوق كده في اجتماع مهم كمان ساعه
فارس كمل بزهق من الي ورا ده،
-وانت يابني سيب القميص من ايدك الله
سليم قال وهو بيشاور علي مازن ،
-هو عارف لو طلع اي الي هيحصله
فارس بص لمازن الي ورا ،
-عملتله اي ؟!!!
مازن اتكلم بسرعه بخباثه ،
-ياعم هو الي متعصب علشان شال مراته باين والحمل كان تقيل
سليم فتح بوقه بدهشه من جرائه صاحبه البجح،
-انت خلاص عايز تتعجن وانا والله نفسي
قال كلامه وهو بيقوم من علي الكرسي ومازن حط بسرعه فارس في وشه،
فارس ،
-يابني بقي!!!! هو انا ريموت عمال تجبني شمال ويمين!!!
مازن ،
-مليش فيه لو حصلي حاجه انت معايا
سليم وهو عايز يوصل لمازن وفارس كاتم ضحكته ،
-خلاص ياسليم فكك منه ده عقله تعبان
كمل بغمزه ،
-بس اي شيلتها يابختك ياجدع
سليم ضحك غصب عنه وقال،
-فارس اظبط بقي مش انت والزفت الي وراك ده
فارس بص علي مازن واتكلم بمناكشه ،
-مقلكش حاجه تاني يابني !!
مازن بمظايطه ،
-لا والله يااخويا ملحقتش اعرف التفاصيل ماتحكلنا ياسليم
سليم عض علي شفايفه بغيظ وهجم عليهم وهما التلاته بقو بيعجنو في بعض
قعدو علي الارض وهما بيتنفسو بسرعه سليم سند ضهره علي الكنبه ،
-منكو لله ضهري وجعني اكتر
وقت الاجتماع اجي ظبطو نفسهم وطلعو وماشين جمب بعض ولا أكنهم الاطفال الي كانو بيجرو ورا بعض جوا
ووسط الاجتماع اتكلم هاشم الي عايز يبدء يمضي التعاقد ويشتغلو مع بعض ،
-دلوقتي يااستاذ سليم انا مش موافق علي الشرط ده
سليم اتكلم ،
-انهي شرط تقصد ؟!!
هاشم وهو بيشاور علي الورقه ،
-ان نشتغل مع بعض لمده لا تقل عن خمس سنين
فارس اتعدل في قعدته وهو بيقول ،
-يعني انت مش عايز تشتغل معانا المده دي
-مش المعني بس انا معرفش الشغل هيبقي كويس كمان سنه معاكو ولا اي فا انا مضمنش
سليم اتنفس وقال ،
-بس ده شرط بنحطه في كل تعاملنا مع اي شركه معروفه او لاء لي الرفض؟!!
بصله ورد عليه ،
-زي ماقولت انا مضمنش الشغل هيبقي السنه الجايه كويس ولا لاء
مازن اتكلم بضيق من كلامه ،
-ولا احنا نعرف دي حاجه بايدي ربنا مش البشر
فارس كمل ،
-احنا معروفين حضرتك مش شركه تحت السلم
سليم رجع ضهره علي الكرسي وشبك ايده الاتنين علي التربيزه وقال ،
-استاذ هاشم حضرتك لو ده اخر كلام فاشكراً واتفضل
فارس بصله بسرعه واتكلم بعصبيه مكبوته ،
-سليممم
بصله وقال وهو بيرفع كتفه ،
-مش هنجبره
هاشم قام وقف وطلع بره الاوضه خالص والكام شخص الي كانو موجودين طلعو بره
فارس وقف وقال بعصبيه ،
-اي التسرع ده!!!!! كنا هنحاول
سليم بصله وقال باستنكار ،
-هنحاول ! هنبوس رجله يعني ولا اي !!!؟ مش فاهمك
-هو انت كده علطول بتبوظ الشغل بتسرعك ده
سليم قام وقف قدامه ،
-لا والله دلوقتي انا الي غلطان !!!!
فارس اتكلم وهو بيهز راسه ،
-ايوا بالظبط ده شغل يعني نهدي شويه مش كده
مازن وقف بينهم لما لاقي الجو اتوتر ،
-بس ياجماعه استهدو بالله عادي هنلاقي غيره
فارس بعصبيه وهو بيزق الكرسي ،
-هنلاقي غيره !!!! احنا محتاجين اننا نشتغل معاه الشركه هتقع بالشكل ده حضرته وبدماغه الناشفه
"خلص كلامه وهو بيشاور علي سليم "
مازن اتكلم بعدم رضا لكلام فارس ،
-انت بتقول اي ياجدع ماالراجل مش راضي هنبوس رجله علي راي سليم
اتكلم فارس ،
-كنا هندفعله فلوس ده الي عايزة
سليم ضحك بسخريه ،
-اه اه هتلاقيك فاهمه علشان زيك
فارس بعصبيه كان هيهجم عليه بس مازن مسكه بسرعه وهو بيقول ،
-بس ياعم هتعمل اي !!
سليم بصله وقال ،
-هتضربني!!! تعالا سيبه يا مازن
بعصبيه فارس اتكلم ،
-ماززززن ابعد ايدك عني ومتدخلش بيني وبين اخويا
مازن زعل من كلامه وايده رخت من عليه سليم اتكلم ،
-لا يدخل وهو اخونا ومش علشان متعصب متفهمش كلامك ياافااارس
خلص كلامه وهو بيبصله بتحذير ولكن مشافش ده وزق مازن وطلع
مازن حط ايده علي قفا بخنقه ،
-انا هروح مكتبي
"سليم هزله راسه وقعد علي المكتب وهو بيتنفس بضيق من الي حصل ولاخر حاجه من زعل مازن "
"فارس مشا من وقتها ومازن خلص وروح وسليم اخر واحد يطلع وراح بيته "
"""""""""""""""""""""""""""""""""""""""
"فتح الباب ولاقي هنا بتقرب منه وهي مبتسمه حضنته وهي محاوطه بطنه من فرق الطول "
-اكبر حضن اهو لحبيب عيوني
ضبطب علي شعرها بهدوء ،
-هدخل اخد شاور تعبان شويه
بصتله باستغراب واتكلمت بهمس وانا راحه المطبخ ،
-ده شكل فيه حاجه !!
جهزت الاكل وخبط عليه وهو في الحمام
-سليم انا جهزت الاكل يلا تعالا
فتح الباب وخرج وهو لابس بنطلون اسود وفلانه سودا وماسك فوطه بينشف شعره
-لا مش عايز انا هنام
مسكت ايده قبل لما يدخل الاوضه ،
-سليم مالك.؟!!! هو في حاجه حصلت
شال ايدي من عليه ،
-لا عايز انام ياهنا
"اتنهد وقولت اسيبه شويه لوحده ودخلته الاوضه لقيته نايم علي ضهره بس عمل نفسه نايم اول لما دخلت "
اتكلمت وانا بقعد علي ركبتي علي السرير من الناحيه التانيه ،
-سيبتك نص ساعه بحالها مش هتقولي مالك؟!
-مش عايز احكي
ضبطبت علي دراعه ،
-امم طب ممكن ناكل حاجه بسيطه ده انا مستنياك ومأكلتش
-روحي كلي انا مش عايز
-طب بص كل حاجه بسيطه علشان خاطري
بصلي ،
-هاتي ياهنا انا عارفك زنانه
ابتمست وطلعت جبت الاكل وحطيته علي السرير اكل بسيط وشيلت الاكل ورجعتله
-مش هتقولي برده ؟!
"اتكلم وهو باصص قدامه وحكي الي حصل"
اتكلمت بمعاتبه ،
-انتو الاتنين غلطو في بعض ياسليم
بصلي وقال بضيق ،
-انا اخوه الكبير المفروض يحترمني
-ماشي ولو انت عارف انه مش بالسن وانتو الاتنين لازم تحترمو بعض ياحبيبي
-فارس زعل برده مازن صاحبنا في الشغل انتي عارفه مازن يعتبر اخويا من صغرنا مع بعض وهو اخويا وحتي هو بيحب فارس بس زعله
-خلاص كلم فارس وخليه يصالحه
-لاء ده واحد قليل الادب ومش هيرضي
ضحكت وانا بقول ،
-انت بتتكلم كده لي وكأن فارس طفل !!
-علشان هو بيقول كلام عبيط وهو متعصب
-فيه ناس بتعرف تتحكم وفيه لاء ياسليم
-ولو مينفعش يطلع كلام عبيط كده
-طب كفايه انت كده بتاخد ذنوب وانت عمال تشتم كده
سكت وانا اتنهد وقولت ،
-ده اخوك ومينفعش متتكلموش تمام
ابتسمت وانا بقرب منه بمراغوه،
-علفكره انا ممكن احضنك علشان الزعل يخف
بصلي وضحك غصب عنه اخده في حضني فعلاً وضبطبت علي ضهره ،
-متزعلش وخير ربنا هيعوضكم وهيجي حد احسن من الراجل ده
لف ايده علي ضهري وقال،
-يارب ياهنا لان فعلاً الشركه هتقع بالشكل ده
"""""""""""""""""""""""""""""""""""""""
<<بعد يومين الوضع بين التلاته في الشركه متوتر
بصيت علي الورق الي سليم قالي خلي في مكانه علشان بتاع اجتماع مهم ليوم الحد بصيت في موبايل ولقيت ان انهارده الحد
اتصلت عليه ولكنه مقفول اتصلت تاني وتالت مقفول برده لبست دريس ونزلت ركبت تاكسي علي الشركه
دخلت الشركه وانا قلبي بيدق بخوف انا عملت نفس غلطتي تاني ونزلت من غير مايعرف بس المره دي علشان الورق ومصلحه الشركه اكيد مش هيزعل مني اكيد فضلت اقنع نفسي بكده
سليم بتوتر وهو بيفتح الادراج،
-الزفت الورق كان هنا راح فين !!!!
مازن وهو بيدور معاه،
-طب انت متأكد مأخدهوش معاك البيت
سليم وقف ثانيه وافتكر انه فعلاً اخده البيت ،
-اه صح هتصل بهنا أتأكد
مسك موبايله بس طلع فاصل اتكلم وهو طالع من المكتب ،
-انا طالع اطلب الرقم من التلفون الارضي
مازن وهو طالع وراه،
-ماشي هروح اشوف الكل جهز ولا لسه
بلعت ريقي بتوتر اول لما لقيته طالع من باب مكتبه وعينه اجت عليا عقد حواجبه وهو بيقرب عليا في ثانيه ،
-هنا !!! بتعملي اي هنا
رفعت ايدي بالورق وانا مبتسمه بتوتر، برعب ،
-ا احم انا جبتلك الورق ن نسيـته
مسكني من دراعي واتكلم بعصبيه من بين سنانه ،
-انت قولتي انك نازله ولا جايه !!!! هو خلاص عملتيها مره وانا سكت هتزيطي فيها !!
اتنفست بصعوبه وبصيت حواليا وبعدين بصتله ،
-سليم نزل ايدك الناس وبعدين انا جيت علشان الورق والشغل الحق عليا يعني ؟!
ضغط علي ايدي اكتر وانا قفلت عيني بوجع،
-هنا انتي زوديها زفت ورق اي الي تيجي عشانه!!! كنت هبعت حد يعني مش حوار
عيني دمعت وانا حاسه ان الكل بص علينا من صوته ومن وضيعتنا قولت بهدوء ،
-ايدي وجعتني كفايه
سابها وهو بيتنفس بضيق اتكلمت بنفس الهدوء ،
-انا ماشيه ومعتتش هتحصل
بضيق واضح عامي علي عينه،
-اه اه كل مره هتقولي نفس الكلمتين معتتش هتحصل معتتش هتحصل !
-سليم كفايه وطي صوتك انا ممكن اعلي صوتي عادي علفكره
هو الحقيقه صوته كان عالي نسبياً بس ولو ميعليش صوته وسط الناس كده !
غمض عينه بعصبيه ،
-هنا اظبطي كلامك
-لا والله عصبتك اوي !!! وانت تعلي صوتك عليا ووسط الناس ؟!
اخد من ايدي الورق وبعدين مسك ايدي ،
-تعالي اتزفتي اقعدي في المكتب علي ما اخلص الاجتماع
شديت ايدي بعصبيه من طريقته ،
-مش هقعد في حته انا ماشيه
لفيت وشي وجايه امشي شوفت هاشم ابن خالتي لقيته قرب مني وهو مبتسم لما شافني ،
-هنا!!! اي الصدفه دي ؟!!
ابتسمت انا كمان بهدوء،
-هاشم ازيك
-بخير والله كله تمام بتعملي اي هنا ؟!
بصيت لسليم الي باصص وهو فاتح بوقه وخلاص هيهجم عليه مسكت كف ايده واتكلمت بسرعه قبل لما يتحول علشان فاهمه دماغه
-سليم جوزي وهاشم ابن خالتي
سليم رفع حاجبه ومهموش انه ابن خالتها،
-وجاي تاني ليه بقي ؟!!!
بصيت لسليم باستغراب من طريقه كلامه الحاده
هاشم ابتسم وقال ،
-الصراحه كنت عايز نعمل اجتماع من تاني ونتفاهم
كمل وبص ليا وانا مش فاهمه حاجه،
-وبما ان هنا مراتك فا انا موافق ياسيدي علي الشروط
سليم غمض عينه بعصبيه وبصله من تاني ،
-اي معني كلامككك ده !!!!
شوفت فارس الي بيقرب علينا وبصلي باستغراب ان موجوده هنا في الشركه
هاشم اتكلم بهدوء بيفرس سليم ،
-يعني هعمل معروف علشان خاطر الحبايب و هنا منهم بس كده وانا م..
مكلمش كلامه وسليم بيسيب ايدي وبيقرب منه وهو بيشده من هدومه
-حبايب في عينك وكتاب الله لو ممشتش من هنا دلوقتي حالاً لهتموت في ايدي
فارس ادخل بسرعه وقال وهو بيبعدهم عن بعض،
-بس بس في اي ؟!!
هاشم اتكلم،
-كنت عايز اعمل معروف واقبل بالشروط علطول علشان هنا بنت خالتي
فارس بص لسليم الي كاتم غيظه،
-وانت لي زعلان؟!!!
سليم بصوت حازم،
-فارس انا مش هشتغل مع البنأدم ده مش هو رفض في الاول يبقي خلاص ومش هيرجع يوافق علشان مراتي تبقي قريبته!!!!!
فارس اتنهد وكأنه بيفكر وسليم مسك ايدي ودخلني مكتبه كان رايح جاي قدامي
قعد علي الكنبه بحزن من طريقته وعصبيته عليا بالشكل ده وو شهقت بخضه لما زعق وهو بيبصلي
-انا معرفهوش لي !!! انا عارف كل عيلتك اشمعنا ده مشفتهوش ؟