رواية الرقصة والمعلم الفصل السابع7بقلم اميرة خالد

تاني يوم صحيت تقى ودخلت الحمام اخذت شاور وبعد دقايق خرجت ولبست جلابيه بيت وبصت في الساعه لقيتها 7:00 فتحت التلاجه وحضرت الفطار 



وبعد دقائق راحت اوضه اخواتها وصحتهم من النوم وقالت يلا قوموا كفايه نوم رد تامر هي الساعه كام يا تقى ردت عليه 7:30 يلا عشان تلحق تروح السنترال رد تامر حاضر 

وقام دخل الحمام ودينا اغطت نفسها وقربت تقى منها وشدت الغطاء وجابت كوبايه المياه ده لقيتها عليها وقالت لها قوم يا جزمه 

ردت دينا تسلم ايدك يا معلم مش هحتاج اخش الحمام اغسل وشي اهو خرجت تقى ودينا قامت مسحت وشها في الفوطه وسرحت شعرها وخرجت قعدت على الترابيزه وتامر خرج من الحمام وقعد معاهم يفطر 

وقالت تقى انا هنزل النهارده المحل اشوف محتاج ايه واعمله بعد ما الحاج صالح نقل الحاجه اللي فيها رد تامر خلاص يا حبيبتي انا هخلص مشوار السنترال وهاجي لك بس اهم حاجه حضري لي صوره العقد بتاع الشقه 

ردت تقى طب يا حبيبي وانتي يا ابله دينا يا ريت تعملي الغداء ردت عليها وهي بتحط البطاطس في بقها انا جايه معاكي مش هقعد لوحدي هنا وهساعدك 

ردت تقى ما انا عارفه مساعدتك لا يا ستي اقعدي هنا وحضري الغداء ردت دينا لا انا جايه معاكي قالت لها طيب امري لله هطلع الفرخه ومجهزه ونحطها في التتبيله لغايه هرجع وابقى نعملها ردت دينا تحيا العدل ضحكوا عليها وكملوا فطارهم 

اما في بيت يزيد صحي من النوم على صوت التليفون ومسك الموبايل وقالت له منار ايه يا حبيبي اتاخرت ليه يلا انزل عشان تفطر رد يزيد حاضر يا حبيبتي ربع ساعه واكون عندك واقفل معاها وهو بيبص في تليفونه ولقى ما فيش اي واحده من مراتاته اتصلوا عليه 

وقام دخل الحمام اغسل وشه هو خرج لبس هدومه اما تحت في شقه صابر كانت كل متجمع وقالت منار نزلت ليا يا نيفين جوزك عارف ردت عليها ايوه عارف اصله كان بايت عندي امبارح 



ردت منار بسخريه بجد طيب وهو اتاخر ليه ردت نيفين اصل انا سايباه في الحمام دخل يزيد وقال لها بجد يعني انتي سايباني في الحمام دلوقتي 

خافت نيفين وراحت قربت منه وقالت له انا اسفه رد يزيد غلطاتك كثرت انا اللي مخليني مستحملك العيال غير كده كنت رميتك رميه الكلاب 

ومشي وراح قاعده على الكرسي بتاعه والكل قعد وسناء كانت متغاظه وقالت منار ايه رايك خالك صالح وعبد الرحمن ووفاء رد يزيد اللي يعجبك يا حبيبتي 

ردد منار خلاص هنعزمهم ان شاء الله ويجوا بكره يتغدوا معانا الرد يزيد خلاص يا ستي وانا هقول لخالك ولعبد الرحمن وانتي ابقي كلمي وفاء ردت عليه طيب يا حبيبي 

واتكلم مصطفى احنا امبارح خلصنا الشغل في العبايه وان شاء الله هنزل منها النهارده في السنتر والمكتب رد يزيد ماشي يا مصطفى وعلي كان قاعد عينه على نيفين وهيام كانت شايفاهم وبتبتسم بسخريه 

وسمر عينيها كانت على ممدوح وهو كان بياكل ولا مديها اي اهميه وقال يزيد يا ريت يا علي تيجي النهارده السنتر ما تروحش المكتب رد علي ليه قال له عشان مصطفى هيمسك المكتب وانت هتبقى معايا في السنتر 

ورد عليه طب ما معاك عبد الرحمن قال له عبد الرحمن هيروح مع مصطفى وانت اللي هتبقى معايا في مشكله يعني رد علي لا 

اما منار فقررت اتكلم مع يزيد انه ياخذ علي تحت جناحه ويقرب منه شويه كرمال ابوه وقالت صفا انا عايزه اروح معاك يا بابا السنتر رد يزيد لما تخفي يا بابا هبقى اخدك معايا انتي وحور ومالك قالت له طيب يا بابا وقام يزيد خرج وراه ممدوح والرجاله 

اما سناء بصت نيفين وقالت لها انا عايزاكي ردت عليها حاضر يا خالتي ومنار قامت واخذت الاولاد معاها وهند كانت قاعده وعايزه تعرف سناء عايزه نيفين في ايه وهيام قامت تحول الفلوس لاختها 

اما سمر تليفونها رن برساله وفتحتها وكانت من وليد وبيقول لها انه عايز يكلمها وتفتح الكاميرا وهي قالت له بالليل وقفلت الرسائل 

وفي اوضه سناء نيفين بتقول لها عايزه ايه يا خالتي ردت عليها يعني عاوز ايه يا روح خالتك هو انا جوزتك يزيد عشان تاكلي بعقله حلاوه وانتي سايباه كده ولا عارفه تعملي حاجه 

ردت نيفين يعني اعمل ايه يا خالتي ده اي حاجه تحصل بينا راح سايبني ويروح عند هيام ردت سناء عشان انتي خايبه مش عارفه تاكلي عقله يزيد بيحب النسوان بس انتي ولا في دماغك كل اللي همك الفلوس وخلاص والذهب اللي بتشتريه كل شويه 

ردت نيفين طب ما انتي يا خالتي بتعملي كده اللي اتغير دلوقتي ردت عليها ما فيش حاجه اتغيرت بس خلي بالك من منار عشان شكلها حطيتك في دماغها وانتي مشاكلك بقت كتيره مع يزيد وهي عندها يزيد خط احمر وممكن نخليه يتجوز عليك وانتي عارفه انا جوزتك ازاي واقنع الحاج صابر ازاي انه يتجوزك يزيد 

ردت عليها بسخريه انتي جوزتيني يزيد عشان مصلحتك اوعي تكوني فاكراني هبله وافتكر انك بتحبيني انتي خليتي علي يتجوز هند بنت اخوك ورميتيني انا ليزيد 

ردت سناء عشان انتي هبله انا جوزتك يزيد عشان عارفه ان معاه فلوس قد كده وانه هيقدر يعيشك ملكه ما انتي شايفه علي حالته عامله ازاي ويا ريته نافع 

ردت نيفين بيقهر كان عاجبني وهو كان بيحبني ويحافظ عليا بس انتي تفضلتي مصلحتك الاول وخرجت نيفين وهي بتمسح دموعها 

وسناء قالت لا كده كل الخيوط وخرجت عن ايدي لازم ارجع نيفين تحت ايدي تاني بس اعملها ازاي 

اما بره دخلت منار بعد ما سابت العيال يلعبوا ولقت السفره زي ما هي وما حدش شالها وقالت في سرها تعالى شوف يا مصطفى انت شايفني ان انا قويه انا سبتهم خمس دقائق رجعت لقيتهم ما عملوش حاجه وراحت  نادها على النسوان 

وقالت لهم ايه يا نسوان يا معفنين اسيبكم 10 دقائق هرجع الاقيكم كل واحد فيكم اكل ولا واحده فيكم هانت عليه تشيل الاطباق وتروق السفره بس اقول ايه ما انتم نسوان معفنه 

ردت سناء عيب كده وايه اللي انتي بتقوليه ده يا منار  ردت عليها اذا كان عاجبك يا مرات ابويا ولو مش عاجبك اخبطي راسك في اتخن حيطه او روحي قولي لابويا ويلا كل واحده فيكم تشوف وراها ايه وتعمله واللي هلاقيها ما عملتش شغلها انا هوريكم انا هعمل ايه وانتي يا ست نيفين هتمسحي السلم من فوق لغايه تحت 

ردت عليها ليه وانا عملت حاجه ردت عليها لا يا حبيبتي بس انتي ما عملتيش شغل امبارح وانا مش ظلمه وهم مسحوا الشقه كلها ونظفوها وانتي عليك مسح السلم 

ردت نيفين ما انتي عارفه ان صفا تعبانه وعايزه اللي يخلي باله منها ضحكه منار بسخريه قالت لها باماره ايه يا مره يا معفنه ده ان ما سالتيش عليهم من امبارح ولا تعرفي كانوا فين ولا بايتين فين خافت نيفين وسكتت ومنار قالت كويس قوي كده ويلا اطلعي اعملي السلم من فوق لغايه تحت ردت نيفين حاضر 

اما في المحل بتاع تقى كانت هي ودينا بينظفوا المحل وقال حطي يا دينا العبايه عليك واخرجيه هاتي لنا الاريال والصابون بريل و مقشه وجردل خذ الفلوس دي معاكي ردت دينا حاضر وخرجت وشافها الحاج صالح وهو وعبد الرحمن 

وقال له انتي مين يا بنتي ردت عليك انا صاحبه المحل اللي جنب حضرتك وانت مين بقى بص لها عبد الرحمن بيستغراب ورد الحج صالح انا يا ستي اجرت لكم المحل ردت  دينا باحترام اهلا يا عمو تشرفت بيه ورد الحاج صالح وانا كمان اتشرفت بيكي انتي رايحه فين يا بنتي 

ردت عليك راح اشتري شويه حاجات قال لها هو انتي تعرفي المكان هنا ردت دينا اللي يسال ما يتوه ش قال لها خش المحل قولي لي انتي محتاجه ايه وانا هجيبه لك ردت دينا شكرا يا عمو بس انا مش عايزه اتعبك رد عليها ما فيش تعب ولا حاجه الصبي اللي عندي هو اللي هيروح يجيبه 

قالت له طيب وقالت له الطلبات ودخلت دينا المحل وقال عبد الرحمن ايه يا ابويا البنت الحلوه ديت شكلك هتتجوز تاني رد الحاج صالح بس يا هايف واللي موقفك لغايه دلوقتي يلا روحي السنتر بدل ما يزيد ينفخك 

رد عبد الرحمن وهو بيبص في الساعه تصدق معاك حق ومشي اما الحاج صالح ندى على حوده اللي شغال عنده وقال له هات الحاجات دي ورد حوده حمامه يا حاج 

اما في الدكانه قالت تقى ما جبتش الحاجه ليه ردت دينا عمو الحاج اللي جنبنا اخذ مني الطلبات وهيبعت حد يجيبه رد تقى والله الدنيا لسه فيها ناس كويسه ردت دينا طبعا زي ما في الحلو في الوحش 

ردت تقي طب يا ستي اتصلي باخوك شوفيه عمل ايه قالت لها حاضر وماسكه التليفون اتصلت على تامر اللي رد ايه دينا في حاجه قالت له اختك بتطمن عليك عملت ايه 

رد تامر انا داخل عليكم دلوقتي يلا اقفلي وابقى اقول لكم كل حاجه قالت المدام انت جاي علينا بتفتح عليا ليه ولا هي تضيع رصيد وخلاص 

رد عليها يا معفنه ده رصيد مجاني عشان الخطوط جديده وانتي بصه فيهم ردت عليه لا يا حبيبي وانا عايزه اقعد على النت شويه وحضرتك عمال ترغي وراحت قافله السكه في وشه وشالت التلفون 

وتامر قال والله مجنونه اما تقى قالت لها عملت ايه ردت عليها اهو جاي علينا قالت لها طيب 

اما في السنتر دخل عبد الرحمن وقال حقك عليا يا يزيد مش هتاخر ثاني رد عليه عندك خصم ثلاث ايام عشان تعرف تتاخر كويس رد عليه على فكره مش ذنبي ذنب خالك هو اللي وقفني انا كنت نازل بسرعه بس هو اللي وقفني يتكلم معايا 

رد عليه ما هو لو لاقيك في البيت كان زمانه قال لك على اللي عايزه بس طبعا حضرتك طول الليل صايع وطول النهار في الشغل نفسي اعرف انت فاضي ازاي تجيب العيال ضحك عبد الرحمن وقال له والله انا مش عارف شكلي كده بجيبهم وانا نايم 

وضحك يزيد وقال له طب يلا يا اخويا على الشغل واعمل حسابك انك معزوم عندنا بكره على الغداء منار عامله لكم اكله حلوه وانا هبقى اروح اعزم خالي بنفسي رد عبد الرحمن ماشي يا سيدي بس على فكره انا شفت النهارده حته بنت جامده اخر حاجه 

رد يزيد وفين البنت دي يا اخويا قال له في المحل اللي ابويا اجره رد يزيد طيب يا يا اخويا روح شوف شغلك بدل ما اقوم لك رد عبد الرحمن وتتعب قلبك ليه انا نازل اهو 

وقال له ممدوح هي البنت هتفتح المحل رد عبد الرحمن ايوه وبتسال لي يا ممدوح قال له ما فيش اصل انا رحت معاهم هم بيكتبوا العقد فعشان كده بسال 

قال له ماشي يا سيدي وممدوح راح قاعد في مكانه وهو بيفكر يروح يشوفها ازاي 

اما في البيت منار مسكت التليفون واتصلت على وفاء وردت عليها تليفوني ينور لما شفت اسمك ضحكه منار وقالت لها بجد يعني هو كان مطفي ولا ايه 

ضحكه وفاء وقالت لها تصدقي مش عارفه انا خلاص اتجننت اذاكان ابن خالك ولا العيال ردت منار بصراحه ربنا يكون في عونك عبد الرحمن اكبر طفل في الدنيا كلها ردت وفاء معاكي حق والله ساعات بحسه بيعمل عقله بعقل العيال 

ردت منار سيبك من كلام على عبد الرحمن واعملي حسابك ان استناكي بكره تيجي تتغدى معانا ردت وفاء طيب يا ستي هاجي بامر الله مع ابني مش فاضيه والله اليومين دولت ما انتي عارفه فرح اخويا بعد اليومين 

ردت منار ايوه يا ستي عارفه والف مبروك بس هستناكي بكره ما ليش دعوه رد ردت وفاء حاضر يا ستي وفضلوا يتكلموا 

اما في محل تقى دخل تامر ومعاه الحاجه وقال لهم الحاج صالح بعت لكم الحاجات ديت ردت تقى كويس هات الحاجه وبداوا يشتغلوا 

وقالت تقى عملت ايه في السنترال قال لها كل حاجه جاهزه وهيجي كمان ثلاث ايام يدخلوا الخط الارضي واول ما الحراره تيجي هنروح نجيب الراوتر من السنترال 

ردت تقى طيب يلا بقى خلص عشان اديها وش النظافه واتصل برقم الكهربائي اللي معاك خليه يجي يظبط الكهرباء ويركب اللمبات عقبال ما اشوف بتاع المرايات وبتاع تركيب اليافطه 

رد تامر طب يا حبيبتي وخرج يكلم الكهربائي بره وكانت تقى بتدهن المحل 

اما في السنتر نزل يزيد من مكتبه وقال انا رايح يا ممدوح عند الحاج صالح لو في اي حاجه ابقى اتصل عليا رد ممدوح طيب وخرج يزيد وممدوح كان متضايق عشان كان عايز يروح يشوف حبيبته 

اما في محل الحاج صالح دخل التقى وهي بتقول شكرا يا حاج على اللي حضرتك عملته النهارده رد صالح شكر ايه يا بنتي ردت تقى على وقفتك جنبنا يا حاج 

قال له خلها هزعل منك لو قلت الكلام ده تاني وانا ابوكي ولو احتجت اي حاجه انا موجود 

قالت له وربنا يخليك انا بس رايحه اشوف الراجل بتاع اليافطه عشان اتفق معاه عشان ان شاء الله هفتح المحل بكره بالليل 

رد عليها ربنا معاك يا بنتي ولو عايزه تعرفي مكان فين هبعت معاكي الواد حوده ردت عليه شكرا يا حاج انا عرفت مكانه لما رحت السوق وهعدي على بتاع المرايات انت محتاج يا حاج اجيبها لك معايا رد عليها تسلمي يا بنتي وخرجت تقى 

وبعد ثواني ودخل يزيد وقال له ايه يا خال اللي ما بتسالش عن  ابدا رد صالح بابتسامه يمكن عشان انت مش محتاجني في حياته قرب يزيد مني وباس ايديه 

وقال له ابدا يا حاج انا طول عمري هحتاجك جنبي كفايه انك من ريحه الغاليه رد صالح ربنا يرحمها ويغفر لها يا رب اللي خلاك تطل عليا الطله البهيه ديت 

رد يزيد بضحكه ما فيش يا سيدي منار عازماك على غدا بكره وقالت لي اجي اقول لك عشان نتغدى مع بعض كلنا رد صالح حاضر عشان خاطر بس منار لو عليك انت ما كنتش جيت 

رد يزيد شكلك شايل مني قوي رد صالح بصراحه كده ابوك كان هنا وحكى لي على اللي انت بتعمله وانا شايف ان انت غلطان يا يزيد 

رد عليه بقول لك ايه يا خال مش عايزه اسمع كلام في الموضوع ده وانا مرتاح كده 

رد صالح بس ده مش حل يا ابني ولازم تراضي ابوك وما تزعلوش انا مش هقول لك انك تنسى اللي  سناء عملته وانتوا صغيرين مهما بس عشان خاطر ابوكم عمره اخواتكم كويس وهم هيحبوكوا المعامله الطيبه بتجيب دايما الطيبه حتى لو البني ادم اللي قصادك بيكرهك وبيتمنى لك الشر دائما الطيبه بتنتصر 

رد يزيد ان شاء الله يا خال المهم ان انت تيجي بكره رد صالح ان شاء الله هاجي لك بكره انا والعيال رد يزيد طيب يا حاج انا لازم امشي عشان ورايا شغل كتير في السنتر رد صالح مع السلامه يا ابني وخرج يزيد

وبعد وقت اخلص الكهربائي الشغل في المحل وبتاع المرايات اركب المرايات واتفقت تقى مع بتاعي اليافطه انه يعلقها بكره الصبح واخذت رقم تليفونه 

وبعد ما اخلصوا كل حاجه في المحل خرجت تقى وقالت لهم قال لي خلينا نروح عشان انا تعبت وعايزه اتغدى رد تامر معاكي حق انتي تعبتي قوي النهارده 

ردت تقى ولا تعب ولا حاجه المهم نفتح المحل والدنيا تمشي تمام ردت دينا ايه يا تقى انتي نسيتي نفسك ده  كنت بتزوقي العرايس عندنا في المنطقه ولا اجدعها كوافيره ضحكه تقى 

وقالت لها هو انتي نسيتي ان انا اشتغلت في كوافير كبير كم سنه ردت دينا لا يا ستي فاكره بس استغربت انك ما كملتيش فيه مع انك كنت حابه الشغلانه ديت زعلت تقى وقالت لها يلا بينا نروح عشان نتغدى قال تامر يلا يا بنات وخرج يقفل الباب مشوا على البيت 

اما في بيت يزيد منار قالت لهم اعملوا حسابكم في عزومه بكره 

ردت سناء عزومه ايه قالت منار خالي صالح جاي ومعاه عبد الرحمن ووفاء 

ردت سناء طب وانتي ما قلتليش ليه ردت منار وانا من امتى بستاذنك يا مرات ابويا واقول لك مين هيجي ومين مش هيجي

ردت سناء وايه يعني يا منار هو انا مش ست البيت ردت منار ده في احلامك ست البيت ده كانت امي ومن بعديها انا ولو كان مش عاجبك خلي ابويا يجيب لك شقه بره سكتت سناء وهي متغاظه 

وقال سمر انتي بتعاملينا كده ليه احنا لينا في البيت ده زيك بالظبط وده بيت ابويا وانتي ما تكلميش امك كده 

ردت منار بقول لك ايه يا حبيبتي خشي ذاكري كلمتين ينفعوكي بدل ما اقوم لك ردت سمر لا انا عايزه اعرف انتي هتعملي لي ايه احنا سكتنا لك كثير وقلت اختي الكبيره ما ينفعش اكلمها وحش بس انتي ما بتتكلمي مع امي اتكلمي معاها باحترام 

ضحكه منار بسخريه وقالت لها امك ديت امراه خطفت الرجاله وانا محترماها بس عشان خاطركم غير كده كان زماني ما عدتهاش هنا دقيقه واحده وعدت اليوم يا سمر بدل ما ازعلك 

جت سمر ترد سناء مسكت ايديها وقالت والله يا منار  ضربتش على ايد ابوكي عشان يتجوزني ولا يحبني ويسيب امك اتعصبت منار وقالت ما انا عارفه ان انتي ما ضربتيش على ايديكي بس اشتغلتي بالاسحار والاعمال اللي كنت بتعمليها اوعى تكوني فاكراني هبله ولا عبيطه ما كنتش بشوف تصرفاتك ما اعرفش اللي انتي بتعمليه من ورا ظهرنا فلمي نفسك بدل ما اخلي يومك اسود 

دخل الحاج صابر على صوتهم وسناء مثله العياط عشان الحاج صابر ياخد موقف من منار وقالت شفت يا حاج بنتك بتعمل فينا ايه ردت منار بسخريه لا والله صدقت انا كده 

رد الحاج صابر في ايه ايه اللي بيحصل هنا وصوتكم عالي ليه ما ردت سمر بعد ما سناء قرصتها في كتفها ما فيش يابا منار بتكلم امي بطريقه وحشه وانا بقول لها وكلم امي كويس راحت مبهدله الدنيا 

رد الحاج صابر بحزم ملكيش دعوه يا سمر انتي بالكلام ده ويلا خشي اوضتك ودخلت سمر اوضتها واتكلم الحاج صابر وهو بيقرب من منار وقال لها في ايه يا بنتي حصل ايه وحكيت له منار اللي حصل كله 

رد الحاج صابر انتي غلطانه يا منار فرحت سناء وكمل الحاج صابر عشان انتي قلت لهم هم يشتغلوا زي الجزم واللي تقولي لهم عليه اعملوه اتغاظت سناء 

وقالت له ايه اللي انت بتقوله ده يا حاج قال لها قلت ايه بقول ده الصح انتم خدامين عند منار واللي هي عايزاه تعملوه وانتوا ساكتين واي مره مش عاجبها الكلام الباب يفوت جمل 

ورد يزيد بقوه معاك حق يابا واقرب من اخته اوباس دماغها وقال لها اوعي تزعلي حبيبه اخوك اي واحده مضايقاك قولي لي وما لكيش دعوه 

ردت منار انا عارفه اتعامل معاهم كويس المهم انتم ما تزعلوش ويلا عشان تتغدوا ودخلت منار المطبخ والنسوان دخلوا وراها 

وسناء كانت هتتجنن وشدت ايد هند وقالت لها اتصلي بامك وقولي لها ان انا هقابلها بكره ونروح نشوف الشيخ ده اللي هي قالت لي عليه ردت هند حاضر يا عمتي 

وبعد وقت خرجت منار وقالت يلا يا جماعه عشان نتغدى وقعدوا يتغدوا منهم اللي زعلان ومنهم اللي فرحان يزيد كان مخنوق وقال لهم انا شبعت وطلع على شقه هيام دخل اخذ دش 

اما منار قالت لهم بعد اذنك يابا انا هطلع اتكلم معايا يزيد شويه وبصت للنسوان قالت لهم اياك اشوف واحده فيكم فوق وخرجت منار وطلعت شقه نيفين ولقيت الباب مفتوح ودخلت وسمعت نيفين بتتكلم وكانت فاكراها بتكلم يزيد بس اتفاجات

                      الفصل الثامن من هنا