رواية الرقصة والمعلم الفصل الثامن8بقلم اميرة خالد

وقالت في نفسها هي نيفين طلعت امتى وافتكرت انها ما اتغدتش معاهم وكانت قاعده فوق من بعد ما مسحت السلم ولسه هتخش سمعت كلام اتضايقت وقالت ماشي يا بنت الكلب كمان مش عاجبك جوزك وبتتكلمي عليه وحش والله لاجوزه من بكره لست ستك 

وخرجت وخبطت على شقه هيام وفتح يزيد وكان لابس بنطلون وعاري الصدر والميه نازله من شعره وقالت له كده يزيد مش كنت كملت لبسك الاول ونشفت شعرك بدل تتعب رد يايزيد ما تخافيش يا حبيبتي انا متعود على كده 

ردت عليه برده خلي بالك عشان ما تعياش وقال لها ربنا يخليك ليا وانتي كنت محتاجه حاجه 

ردت منار ايوه يا حبيبي عايزه اتكلم معك شويه قال لها تعالي ودخلوا جوه وقالت له منار ادخل يا حبيبي البس حاجه عقبال ما اعمل لك فنجان قهوه تشربه 

رد يزيد شكلك كده ناويه على نيه ضحكه منار وقالت له تعرف عني كده رد عليها هنشوف ودخل يزيد اوضه النوم وطلعت ترنج ولبسه 

اما نيفين كانت بتكلم امها وبتقول لها قولي لاختك تبعد عني وكفايه نص الذهب اللي خدته وعرفيها اني مش هديها جنيه تاني 

ردت سميه اهدي بس يا بنت وفهميني ايه اللي حصل ردت نيفين وحكيت لها كل اللي حصل 

وقالت سميه سيبك منها واعملي اللي انتي عايزاه وعلى قد ما تقدري هاتي ذهب وانا بعت الذهب اللي عندي وحطيت لك الفلوس في البنك في الحساب اللي انتي قلت لي عليه 

ردت نيفين طيب ياما هقفل معاكي بقى عشان انزل اشوفهم عامل ايه وردت سميه طيب يا بنتي وقفلت معاها 

وخرج يزيد لقى منار في المطبخ بتعمل القهوه ولا لسه بدري ولا ايه ردت عليه لا يا حبيبي ورايحه صبوها في الفنجان وقالت له اتفضل وشرب يزيد اول بق 

وقال لها بصراحه كده ما بعرفش اعدل دماغي غير من فنجان القهوه بتاعك ردت منار عشان تعرف بس اختك شاطره قد ايه ضحك يزيد 

وقال لها جيب اللي عندك يا منار قالت لي بصراحه كده هم موضوعين رد يزيد قولي يا ستي وانا سامعك قالت منار انا عايزه اطلب اول حاجه منك انك ما تزعلش مني في اللي انا هقوله 

رد يزيد وانا من امتى بزعل منك يا بت ردت عليه بصراحه كده انا شايفه معاملتك لعلي مش حلوه وانت عارف انه طيب وكان زمان تحت طوعك وبعد كده اتغير ومش عارفه ايه اللي حصل له 

رد عليها ولا انا عارف انا فجاه لقيته اتغير لوحده اكن كلام سناء لزق في دماغه ردت منار عشان كده انا عايزاك تقرب منه الفتره دي وترجعه علي بتاع زمان الحنين اللي كان بيحبنا ويخاف علينا حتى من الهوا الطاير 

رد يزيد حاضر يا منار هحاول معاه مع اني عارف ان سم سناء هيفضل ورانا لغايه ما يخسرنا بعض 

قالت له احاول انت يزيد وانا متاكده ان علي هيرجع وهيكون احسن من الاول رد عليها يا ريت وايه بقى الموضوع الثاني 

ردت منار بصراحه كده انا عايزاك تتجوز رد يزيد ثالث لا يا ستي انا مرتاح كده ردت منار وانا متاكده انك مش مرتاح يمكن بترتاح اكتر عند هيام عشان ما بتتكلمش كثير وهي في الاول وفي الاخر بنت عمنا 

رد يزيد انا عارف يا منار بس انا عارف حظ في النسوان دايما صفر ضحكه منار طب ايه رايك تسيب لي الموضوع ده عليا انا ولو ما جوزتكش ست ستهم وبقولها عليا ما بفهمش في النسوان 

رد يزيد طيب يا ستي خلينا وراكي لما نشوف هترسى على ايه قالت ان شاء الله خير وسعاده يلا بقى انا هنزل اشوف العيال وادي العلاج لصفا رد يزيد وهي امها فين 

ردت منار ما فيش يا سيدي خليتها مسحت السلم ومن ساعتها ما شفتش خلقتها وقاعده في شقتها رد يزيد طيب يا منار انزلي انتي وانا هتصرف معاها قالت له طيب يا حبيبي 

وخرجت منار ولقت باب الشقه لسه مفتوح بتاع نيفين وراحت شده وقفلاه جامد واتخضت نيفين وهي بتلبس العبايه وخرجت وفتحت الباب وشافت منار وهي نازله على السلم ودخلت كملت لبسها وهي خايفه تكون منار سمعت اي حاجه من المكالمه مع امها 

اما هاني وصل منطقه تقى بالعربيه ونزل عشان يسال عليها وسال واحده من الجيران وكانت ام فؤاد وقال لها ما تعرفيش تقى واخواتها راحوا فين 

ردت ام فؤاد والله يا ابني ما نعرفش عنها حاجه احنا الصبح عرفنا انها عزلت بالليل 

رد هاني ازاي يعني مشيت كده لوحدها 

ردت ام فؤاد لا يا ابني خدت معاها اخواتها ومشيت وانت كنت عايزها في ايه 

رد هاني ما فيش يا حاجه اصل انا كنت زميلها في الشغل وشفتها تقي انسانه محترمه ومؤدبه وقلت اجي اتقدم لها عشان اتجوزها 

فرحت ام فؤاد وقالت له يا زين ما اخترت يا ابني ادب واخلاق لو عايز تعرف عنهم حاجه ممكن تسال صاحب البيت 

رد هاني طيب يا حاجه ومشي وقال في سره ماشي يا تقى انا وانتى والزمن طويل

اما في شقه تقى كانت قاعده مع اخواتها وجالها اتصال من عم عزيز وقامت عشان ترد دخلت الاوضه 

وقالت ازيك يا عم عزيز رد عليها الحمدالله وازيك يا بنتي واخبار الشقه الجديده ايه 

ردت تقى كل حاجه كويسه يا عم عزيز والحمد لله بوضب في المحل عشان افتحه 

رد عزيز طيب يا بنتي ربنا يكملها لك على خير بس عايزه اقول لك ان في شخص جه سال عليك في المنطقه والناس قالت له انهم ما يعرفوش انتم عزلتوا فين وجه سالني وانا قلت نفس الكلام 

ردت تقى شكرا يا عم عزيز بالله عليك ما حد يعرف مكاني فين رد عزيز عيب يا بنتي كلمتي واحده ومش هقول لحد على مكانك 

قالت له طيب يا عم عزيز وقفلت معاه وهي بتقول بعدها لك يا هاني وراحت جاب التليفون من الدولاب ولقت رسايل من هاني ومكالمات فايته منه وقفلت التليفون طلعت الخط من وكسرته ورميته من الشباك 

وخرجت كملت قعدتها مع اخواتها وقالت دينا اعملي حسابك اني هنزل معاكي في المحل لغايه ما النتيجه تطلع واقدم في الكليه انا وتامر 

ردت تقى لا يا حبيبتي ما تتعبيش نفسك وخليك هنا في البيت وانا ان شاء الله هجيب واحده تشتغل معايا تحت 

رد تامر انا هدور على شغل وهنزله اليومين الجايين ردت تقى لا يا تامر ما تشتغلش يا حبيبي 

رد تامر كنت الاول تقولي لي ما تشتغلش عشان انا في ثانويه عامه ودلوقتي الحمد لله خلصتها وداخله على الكليه فلازم ان انا اشتغل سيبيني احس ان انا راجل وان البيت ده ملزوم مني 

ردت تقى انت راجل وسيد الرجاله ما تقولش كده ثاني بس انا خايفه عليك علشان انت مش شبه الناس اللي في الشارع ديت 

رد تامر ما تخافيش انا هروح اقول لعمي صالح يشوف لي شغلانه جنبنا هنا ما فيهاش ولا مواصلات ولا تعب 

ردت تقى طيب بس بالله عليك مش عايزه مشاكل انت عارف ان انتم اغلى حاجه عندي في الدنيا كلها 

رد تامر ما تخافيش يا حبيبتي وانتي اللي اغلى حاجه في حياتنا ما نقدرش نعيش من غيرك 

وقالت دينا الجو عشق ممنوع ده بقول لكم ايه تعالوا نتفرج على فيلم ابن حميدو هيجي دلوقتي على روتانا زمان 

رد تامر الله الفيلم ده جميل قوي وتقى بتحبه رد التقى فعلا طب قومي بقى اعملي لنا شويه فشار عشان نتفرج على رواقه 

ردت دينا انا غلطانه اني قلت لكم انا عارفه ان في الاخر هتيجي على دماغي انا 

ضحك تامر وقال لها ولا تزعلي نفسك انا هنزل اجيب لب وشيبسي عشان خاطر تقى ردت عليه ما تتعبش نفسك يا حبيبي انا هقوم اعمل فشار انت تعبان طول النهار 

رد تامر تعبان في ايه في مشوار السنترال قالت له اسمع الكلام وقامت تقى دخلت المطبخ وشغلت البوتاجاز وقفت تعمل الفشار خرجت قعدت معاهم بيتفرجوا على الفيلم وهم فرحانين

اما في بيت يزيد الكل كان قاعد ونزلت نيفين وشافت يزيد قاعد جنب منار وبيتكلموا وبيضحكوا وقالت نيفين مساء الخير يا جماعه الكل رد ما عدا منار 

وقالت على فكره يابا خالي صالح جاي بكره هو وعبد الرحمن رد صابر يجي يا بنتي ينور ده بيته 

ردت منار طبعا يابا المهم هتاكلوا ايه بكره ردت صفا وهي فرحانه انا عايزه يا عمتو فراخ مشويه وكفته 

ردت منار من عينيا الاتنين يا حبيبتي اللي انتي عايزاه 

رد مالك لا يا ماما انا عايز فته شاورما وبرجر 

ردت منار حاضر وقالت حور لا يا عمتو انا عايزه اكل زي صفا 

ردت منار اهدوا بس انا هعمل لكم كل اللي نفسكم فيه بس نسال الاول جدكم نفسه ياكل ايه ردوا الاطفال حاضر يا عمتو 

وبصت لابوها وقالته تاكل ايه يابا رد عليها اي حاجه يا منار ما تزعليش العيال واعملي لهم الاكل اللي هم عايزينه 

ردت منار حاضر يابا هعمل لهم اللي هم عايزينه بس انت عارف ان خالي صالح ما بيحبش الاكل ده وانا كنت ناويه اعمل له كوارع وفته وممبار 

رد صابر يا سلام انا نفسي في الاكله دي من بدري خلاص اعمليها بكره لينا واعملي للاطفال اللي هم عايزينه 

ردت منار ماشي يابا وقالت سناء وهي متغاظه انا بكره رايحه مشوار في بيت اخويا رد صابر مشوار ايه مش معنى بكره 

ردت عليه ما فيش اصل هند قالت لي ان ابوها تعب وانا كنت عايزه اروح اطمن عليه 

ردت منار بسرعه خلاص روحي وما تجيش غير لما العزومه تخلص 

ردت سناء ليه يا حبيبتي انا هاجي قبل العزومه ردت منار براحتك يا مرات ابويا اعملي اللي انتي عايزاه 

رد صابر خلاص يا سناء روحي وقامت منار وراحت قعدت جنب سناء وقالت بصوت واطي عارفه لو بكره عملتي اي مشكله ما تلوميش غير نفسك عشان انا مش هسكت لك فاهمه ولا لا وراحت قايمه قعدت مكانها 

وسناء كانت متغاظه وينفين كانت مستغربه كلام سناء عن خالها وقالت في نفسها لما هطلع اكلم امي وافهم منها ايه اللي بيحصل وجت تتكلم مع يزيد 

وقالت منار ايه يا حبيبي ما نفسكش تاكل حاجه اعملها لك بايديا رد يزيد تسلمي يا حبيبتي كفايه تعبك بكره 

ردت عليه تعب ايه يا حبيبي اطلب انت وما لكش دعوه وانا عيني ليك رد يزيد ماشي يا ستي ما تنسيش الحلويات تعملها لنا انتي عارفه ان انا بحبها لما بتعملها لنا بطشه الثوم 

ردت منار من عيني الاتنين يا حبيبي رد مصطفى يا عيني يا اختي على الحب ما سالتيني انا نفسي اكل ايه 

ردت منار بابتسامه ما انا عارفه يا ابو مالك انك بتحب الممبار من ايدي وانا هعمله بالطريقه اللي انت بتحبها 

وكمان ممدوح هعمل له الفشه والطحال متحمرين بالسمنه البلدي رد ممدوح الله عليك يا ام مالك والله تسلم ايديك ضحكه منار وقالت لهم انا عمري ما انسى اي حد فيكم بيحب ياكل ايه وطريقته في الاكل ايه 

رد علي بسخريه متاكده بصيت له منار وقالت له اكيد طبعا متاكده وعايزه اقول لك ان انا مش ناسيه اني اعمل لك الفته بتاعتك بقطع الكوارع اللي انت بتحبها فيها بص لها علي باستغراب 

وقال لها هو انتى لسه فاكره ردت عليه طبعا انا عمري ما انسى اي حاجه ابتسم علي 

اتكلم يزيد طب يا جماعه يلا نطلع ننام عشان ورانا شغل كتير بكره وما تنساش يا مصطفى ان ممدوح هيقف معاك بكره في المصنع وانا وعلي هنكون في السنتر 

رد مصطفى طب المصنع اللي هيجي يستلم المرتجع رد يزيد علي اللي هيسلمه وهيخلص معاه الحساب الموسم استغرب مصطفى وعلي كمان 

وطلع يزيد وهيام كانت قاعده عينيها على نيفين قال الحاج صابر يلا يا عيال كله يروح ينام وكل واحد طلع على شقته  

في شقه منار ومصطفى كان ممدوح قاعد في اوضته وبيفتكر لما شاف حبيبته النهارده وهي خارجه من المحل وبتهزر مع اخوها وسرح في جمالها

وبشقه صابر كانت قاعده سمر على النت وتكلم وليد فيديو وقال لها هو انتى هتفضلي كتير حاطه الماسك ده على عينيك 

ردت عليه معلش بقى انت عارف ظروفي وكده احسن رد وليد بلقم ولا يهمك يا قمر كفايه اني بسمع صوتك وشايف عيونك الحلوه 

ضحكه سمر قالت له نفسي افهم بتجيب الكلام ده منين رد عليها من قلبي يا قمر هو حد يسمع صوتك الحلو ده وما يتعلقش بيه ابتسمت وفضلوا يتكلموا مع بعض

وثاني يوم صحيت تقى على صوت المنبه وقامت دخلت الحمام غسلت وشها وخرجت طلعت الساعه 8:00 الصبح ودخلت المطبخ حضرت الغداء عشان هكون في المحل بتخلص كل حاجه فيه عشان الافتتاح 

اما في بيت يزيد كانت منار صحيت ولبست الاسدال وخرجت لقت مصطفى خارج من الحمام 

وقالت له صباح الخير يا حبيبي رد عليها صباح النور انتي رايحه فين 

ردت عليه انا نازله عشان احضر الفطار رد عليها وانا هاجي وراكي قالت له طيب يا حبيبي وخرجت منار ونزلت في شقه ابوها في الدنيا هاديه دخلت المطبخ بدات في عمايل الفطار 

اما في شقه نيفين يزيد صحي ودخل الحمام اخذ دش وخرج لبس الطقم ولقى نيفين نايمه وقال لها قومي يا نيفين انتي نايمه ليه يلا انزلي عشان تحضري لي الفطار 



ردت عليه سيبني انام طول الليل سهرانه معاك رد يزيد قومي يا مره انتي بدل ما اجي لك منار نزلت من بدري يلا قومي عشان تحضري الفطار معاها 

ردت نيفين حاضر قامت غسلت وشها ولبسي العبايه وخرجت 

وقال يزيد نسوان تحرق الدم والثانيه تقول انا عايزه اجوزك تعالي يا اختي شوفي اللي بيحصل مع اخوك وسرح شعره ورشه برفانه واخذ تليفونه والمفاتيح 

وخرج شاف صفا ومؤمن قاعدين في الصاله ومؤمن اعمل حمام على نفسه وقالت الصفا والله يا بابا انا بحاول ادخله الحمام عشان اشطفه والبسه الهدوم الجديده بس مش عارفه من ايديا 

رد يزيد هي امك نزلت ردت عليه ايوه قال لها طب روحي خبطي على هيام قولي لها تعالي كلمي بابا قالت له حاضر 

وراحت تخبط على شقه هيام وفتحت لها وقالت لها عايزه ايه ردت عليها بابا عايزك قالت لها طيب انا نازله وراكي 

ردت صفا لا بابا عايزك في الشقه عندنا استغربت هيام وقالت لها ماشي وخرجت وراها ودخلت شافت يزيد خارج بمؤمن ولفه بالفوطه وبيقول لها تعالي انا عارف ان انا هتعبك معايا بس عايزك تغيري لمؤمن وصفا 

ردت هيام هي امهم فين رد يزيد مش مهم قالت له حاضر يا اخويا واخذت منه مؤمن ودخلت الاوضه ونيمته على السرير 

قالت انا كنت ناقصاك افتح الدولاب ولقيت الهدوم كلها واقعه وقعدت تدور وفي الهدوم على ترنج كامل وما لقيتش وفي الاخر اخذ التيشرت وبنطلون ولبسه البامبرز وهي عينيها مدمعه 

وقالت ما انت لو كنت ابني كان زماني مهتميه بيك اكثر من امك اللي مش عارفه قيمتك ديت ويا ترى بقى انت ابن يزيد ولا ابن علي ومؤمن كان بيضحك ومش فاهم الكلام 

وقالت هيام وحاجه لان انت مش فاهم اي كلمه وخرجت لقت يزيد بيحاول يسرح شعر صفا 

وقالت له عنك انت انا سرحه لها رد يزيد لا انا اللي هسرحه لها وعمل لها ضفيره وشاف مؤمن لابس تيشرت وبنطلون مش شبه بعض 

وقال لها ايه يا هيام ما لبستيش الولد ترنج ليه ردت عليه والله يزيد انا دورت كثير بس دولاب ما فيهوش حاجه على بعضها واول فتحت الدولاب كل حاجه وقعت 

رد يزيد ماشي يا هيام كثر خيرك ردت عليه عيب يزيد تقول الكلام ده دول عيالك يعني عيالي بالظبط رد يزيد تسلمي ونزلي 

اما عند منار في المطبخ نيفين كانت قاعده على الكرسي في المطبخ سانده راسها على الترابيزه ورايحه في نوم عميق ومنار شافتها وقالت اللي نزلك مدام انتي نايمه كده 

ردت نيفين وعينيها مغمضه اعمل ايه اخوك السبب رده منار واخويا ماله يا اختي احترمي نفسي وقومي يلا عشان احمر البطاطس بدل قعدتك ديت 

ردت نيفين حاضر وبعد دقائق سمعوا صوت يزيد بينده على نيفين وخرجت وراها منار وهي خايفه 

وقالت له في حاجه يا ابو صفا قرب منها وشد شعرها قال لها ان في انك ام مهمله مش همك العيال ولا شقتك سايبه عيالك شبه المتشردين ولا مهتميه بهم ولا حتى عدله شقتك ومنظفاها كثر خيرها هيام جت تساعد ابنك وتلبسه بدل ما انتي رمياه وتخش تفتح الدولاب وما تلاقيش الهدوم محطوطه عدل انا بقى هوريك انا هعمل ايه واضربها بالاقلام 

ودخلت منار قالت له اهدى بس يا اخويا وقول لي في ايه رد يزيد بعصبيه انا قرفت واتخنقت من العيشه ديت مش مهتميه بعيالها ولا بيتها العيال شبهت جربانين لولا انا دخلت شطفتهم وهيام لبستهم الهدوم كانوا العيال هيفضلوا معفنين 

ردت منار طب اهدى بس وانا تتصرفي رد عليها ازاي ولا هتعملي ازاي كل مره وتطلعي تروقي انتي الشقه انا المره دي مش هسكت وهي تلم هدومها وتروح على امها النهارده ولما تعرف قيمه بيتها وعيالها تبقى ترجع 

ردت نيفين بسرعه حقك عليا يزيد والله العظيم هروق الشقه وهتم بالعيال بس بالله عليك ما تخليني امشي سيبني قاعده معاكم وانا هبقى خدامتك 

رد يزيد وانا كلمتي مش هتنزل الارض ملكيش قعاد في البيت النهارده امشي 

قالت منار عشان خاطر انا يا زيد وهي هتطلع تروق شقتها وما تنزلش غير لما كل حاجه تبقى كويسه تضايقي هيام من كلام منار 

وقال يزيد تغور على شقتها دلوقتي وارجع الاقيها قشطه والهدوم محطوطه في مكانها بدل ما اجي اخليها ما لهاش ملامح 

ردت منار حاضر المهم انت ما تزعلش وتعال عشان تاكل رد عليها نفسي اتسدد وخرج 

وقالت منار عاجبك كده يلا بقى اطلعي على شقتك وما اشوفش وشك النهارده خالص غير لما تروقي الدنيا وعارفه لو طلعت ولقيتك نايمه وما عملتيش حاجه ما تكونيش غير نفسك عشان ساعتها همشيكي على بيت ابوكي فاهمه ولا لا 

ردت عليها حاضر وطلعت تجري على شقتها وقالت هيام يعني عاجبك كده يا منار الشغل بقى كله علينا انا وانتي بعد ما مرات ابوكي خرجت واخذت معاها هند وكمان الست نيفين طلعت فوق 

ردت منار بقول لك ايه يا هيام لو انتي مش قادره تعملي حاجه اقعدي انتي وما لكيش دعوه وانا هعمل كل حاجه 

ردت هيام ازاي يعني طب ايه رايك اتصل بشيماء تيجي تساعدنا ردت منار لا خليها في بيتها وانا اتصلت بام محمود هتيجي تساعدنا وهتمشي قبل الناس ما تيجي 

ردت هيام طيب انا بقول يعني عشان المصاريف وهي شيماء مننا وعلينا ردت منار ما انتي عارفه عيالها في ايديها وكمان انا مش عايزه اتعبها كفايه اللي فيها 

ردت هيام طيب يا ستي ودخلت منار وهيام يحضروا الفطار للرجاله وخرجوا احطوا الفطار وقال صابر يزيد فين ردت عليه منار خرج يابا للشغل الصبح 

رد باستغراب ليه في حاجه ضايقته قالت له ما فيش حاجه وبصت لعلي وقالت له روح له على السنتر هو مستنيك هناك رد عليه طيب يا منار 

اما في شقه تقى خلصت اللي وراها ولبست العبايه ونزلت فتحت المحل ودخلت لقيت الدنيا مظبوطه وقعدت جابت ورقه وقلم وكتبت كل اللي هي محتاجاه وطلعت الدفتر التوفير بتاعها 



وخرجت قفلت المحل وركبه توك توك وقالت له على اقرب مكتب بريد رد السواق حاضر وبعد دقائق وصلت تقى البوسطه وسحبت مبلغ وخرجت بعد ما حطيته في شنطتها وركبت الاتوبيس يوديها العتبه عشان تشتري لوازم الكوافير اما في شقه تقى صحي تامر داخل الحمام غسل وشه وخرج لقى الاكل محطوط على الترابيزه متغطي وجنبي ورقه امسكها ومكتوب فيها انا نازله المحل افطر وانتم والمفتاح عندك يا تامر عشان بتاع اليافته لما يجي يعلقها وتامر ساب الورقه ومسك التليفون واتصل على تقى وهي ما ردتش عليه وخرجت دينا وقالت له صباح الخير يا تامر رد عليها صباح النور قالت له تقى فين قال لها نزلت تجيب لوازم المحل قالت له طيب انا هدخل احضر الفطار رد تامر لا يا اختي تعالي تقى عملت كل حاجه ردد دينا والله فيها الخير وقعدت تاكل وتامر كان بيضحك على اخته اما في السنتر كان قاعد يزيد على المكتب وطلب سندوتشات عشان يفطر

                  الفصل التاسع من هنا