رواية الرقصة والمعلم الفصل التاسع9بقلم اميرة خالد
دخل عبد الرحمن السنتر وشاف يزيد قاعد بيفطر وقال له ايه ده يا برنس هو انت غضبان ولا ايه
رد يزيد بقول لك ايه اهدى كده واصطبح وانت جاي متاخر ليه اساسا رد عبد الرحمن وهو بيبص في الساعه يا عم انا جاي في وقتي انت اللي جاي بدري
رد يزيد طب ابعت الواد يجيب لي كوبايه شاي رد عبد الرحمن حاضر وراح عبد الرحمن ندى على الواد وقال له هات اثنين شاي سكر بره رد عليه حاضر
ورجع ليزيد وهو بيقول له احكي لي بقى متضايق ليه رد يزيد سيبني في حالي يا عبد الرحمن انا متضايق دلوقتي رد عليه حاضر يا صاحبي وخرج
اما عند هاني وكان قاعد في الكباريه ومتضايق من غياب تقى ومش عارف يوصل لها
وجاءت الرقاصه سوسو وهي بتقول له مالك يا هاني قاعد متضايق ليه رد عليها يعني انتي مش عارفه في ايه مش شايفه كم مصلحه تيجي وتمشي بسبب ليالي
ردت سوسو اما انا موجوده ما تقول لهم عليا رد هاني يا اختي اللي جاي جاي على اسم ليالي ما حدش عايزك البنت من ساعه ما نزلت ترقص وهي ليها زباينها اللي بيقولها بالاسم
ردت سوسو بحقد ما انت اللي عملت كده قعدت اقول لك بلاش ترفعها قوي كده عليت علينا وسابتنا رد هاني انا ولا عليتها ولا حاجه البت هي اللي شاطره وعملت اسمها في المجال ده وانتي عارفه بكده
ردت سوسو طب انا عندي فكره بس هتديني كام ردهاني هديك اللي انتي عايزاه كله قولي بس
قالت له في واحد بلطجي وليه ما عارف في كل منطقه ممكن لو وريته صوره الليالي يعرف يجيبها لك ردهاني بجد قالت له ايوه بس هياخد منك مبلغ
ردهاني مش مشكله اتصلي بيه وخليه يجي لي دلوقتي حالا ردت سوسو للدرجه دي رد هاني ايوه يا غبيه للدرجه دي انتي مش شايفه كم مصلحته من ايدينا خلينا نكسب شويه
ردت سوسو بيتهيا لك يا هاني انت حبيتها قول لما بعدت عنك اتجننت اكتر رد هاني انتي عبيطه يا بنت احب مين ليالي انا ليا المصلحه وبس وانتي عارفه بكده ويلا قومي اتصلي بالراجل خليه يجي لي دلوقتي حالا
قالت له حاضر وقال في نفسه يانا يا انت يا تقى
اما عنده تقى فاشتريت الحاجات اللي لازمها كلها وفاضل لها الميك اب وراحه تشتريه ومسكه التليفون ولقت اتصال من اخوها وقفت على جنب
واتصلت على تامر وقالت له ايوه يا تامر في حاجه رد عليها ما فيش يا حبيبتي انا في المحل عشان بتاع اليافطه جه يركبها وقاعد مستنيكي قدامك كثير ردت عليه لا يا حبيبي انا خلصت كل حاجه وبشتري الميك اب وجايه
رد تامر طيب يا حبيبتي انا مستنيك قالت له طيب وقفلت معاه ودخلت المحل تشتري بقيه الحاجه
اما في السنتر يزيد كان قاعد مع علي بيقفله الموسم وعلي كان مستغرب طريقه يزيد معاه من ساعه ما جه
وقال يزيد خلاص يا علي انت عرفت هتعمل ايه مع المصنع رد عليه ايوه يزيد قال له طيب وقال علي هو انت ما فطرتش معانا النهارده ليه
رد يزيد ما فيش يا سيدي مشاكل النسوان خنقتني وقلت اسيب لهم البيت وارتاح شويه رد عليه ما انت اللي غلطان حد يتجوز اثنين ده انا معايا واحده ومكفراني اشحال انت اللي معاك اتنين
ضحك يزيد وقال له يا عم عادي فكك من الكلام ده وكملوا شغلهم
اما في البيت منار كان بتعمل الاكل هي وهيام ام محمود وفجاه دخلت سمر وهي بتقول لهم صباح الخير انتم بتعملوا ايه
ردت منار قول لي مساء الخير مش صباح الخير يا اختي ما صحيتيش من بدري ليه ردت سمر هو في مشكله ان لما اصحى متاخر ما احنا في اجازه
ردت منار طيب تعالي يا اختي ساعدينا في عمال الاكل بدل ما انتي واقفه كده وردت سمر انا تعبانه مش قادره اعمل حاجه وسابتهم وراحت عند التلاجه وطلعت العيش واعمل السندوتشات جبنه ولانشون وخرجت
وقالت منار طيب يا سمر والله لاوريكي وهيام كانت متضايقه من اللي بيحصل
وبعد وقت تقى خلصت كل حاجه وركبت عربيه ربع نقل وفيها كل حاجه للسواق العنوان وطلعت على المحل
اما يزيد خلص مع علي وقال له انا هروح المصنع ساعه وراجع رد علي طيب و خرج يزيد عشان يركب العربيه ويتفاجئ بالعربيه بتعدي من قدامه وتقى راكبه فيها مستغربها ودقق في ملامحها وقال انا مش فاكر شفتها فين وراكب عربيته وهو بيفتكر شكلها وافتكر انها الرقاصه ليالي
وقال هي بتعمل ايه في المنطقه هنا ولسه ويبص على طريق العربيه لقاها اختفت وقال مدام هي هنا في المنطقه هعرف اجيبها ومشي بالعربيه وهو بيفكر هيعرف مكانها ازاي
اما تقى وصلت عند المحل بالعربيه ونزلت مع السواق عشان ينزلوا الحاجه وتامر خرج له ينزل معاها الحاجه و الحاج صالح لما شافهم بعت معاهم الرجاله ينزلوا الحاجه
وبعد دقائق خلصوا وتقى حسبه السواق وشكرت الحاج صالح ودخلت المحل مع تامر يرصوا الحاجه وقالت له ان شاء الله على بالليل نفتح المحل
رد تامر هو انت هتجيبي دي جي وكده عشان تعملي افتتاح ردت تقى الفلوس اللي معايا خلصت ومش هينفع اعمل اي حاجه
رد تامر مش مشكله يا حبيبتي احنا نجيب السماعه بتاعتنا اللي فوق ونشغل اغاني ونعمل كم فرع النور كده مش هياخذوا كثير
ردت تقى اللي عايزه يعمله يا تامر قال لها طيب وسابها وخرج وراح للراجل بتاع الفراشه وقال له انه عايز فرعين نور يعلقه معاه المحل
وقال للراجل تمام هبعت الواد دلوقتي يعلقهم لك رد تامر طب هتاخد كام رد عليه 50 جنيه قال له ماشي وطلع الفلوس واديها له
وخرج وراح على بيتهم جاب السماعتين الكبار من اوضه دينا وقالت له واخده ورايح فين قال لها اختك مش معاها فلوس تعمل افتتاح فانا قلت اشغل السماعتين اغاني عشان الناس تعرف انها فتحت المحل وكمان ركبت لها فرعين نور
ردت دينا طب استنى انا خلصت الاكل وهنزل معاك رد تامر خلاص هاتي الاكل معانا عشان نتغدى في المحل عشان مش هنعرف نطلع البيت وكمان تقى بترص الحاجه تحت
قالت له طيب ودخلت دينا المطبخ وحطت الاكل في الشنط وطلعت ادتهم لتامر ودخلت اوضتها لبست فستان والطرحه وخرجت

وقالت له يلا بينا ونزلوا وهم ماشيين شافهم ممدوح اللي كان واقف مع يزيد قدامي المصنع وعينيه فضلت عليهم لغايه ما وصلوا المحل
ويزيد بص على اللي ممدوح بيبص عليه ولقى البنت وشاب داخلي المحل في بيت خالو صالح وقال مالك يا ممدوح سرحان في ايه رد ممدوح ما فيش حاجه انا معاك اهو وفضلوا يتكلموا في الشغل
وراح يزيد ناحيه العربيه عشان يطلع فلوس وهو جوه العربيه شاف تقى طالعه من المحل وبتتكلم مع الشاب اللي بيعلق فروع النور
واتصدم وقال ايه اللي جابها هنا وفضل قاعد في العربيه لغايه ما دخلت وخرج راح لممدوح وقال له الفلوس اهي بتاعه القماش اللي هتحتاجوه
رد ممدوح طيب وقال يزيد هو المحل ده اتاجر لمين رد ممدوح لواحده ومعاها اخواتها الاثنين واخذت الشقه تمام اللي في البيت عند الحاج صالح رد يزيد تمام ومشي وراح ناحيه محل خالو
وقال الحاج صالح النور ده ضحك يزيد وقال له ده نورك يا خال عامل ايه قال لي انا كويس بس ايه سر الزياره ديت ضحك يا يزيد وقال لي ما فيش قلت اطمن عليك واشوفك هتروح النهارده امتى عندنا البيت
رد الحاج صالح ان شاء الله على الساعه 5:00 هكون عندكم كان يزيد تمام يا خال صحيح هو مين اللي اجر المحل ده رد صالح دي بنت ومعها اخواتها الاتنين ويتامى وجايين لي تبع السمسار وبيشكر في ادبهم واخلاقهم
ابتسم يزيد وقال له طب يا خال محتاج حاجه رد صالح لا يا حبيبي وخرج يزيد وهو في دماغه فكره وهيعملها
اما عند هاني كان قاعد ومعي البلطجي اسمه سيد وطلع هاني صوره ليالي وريها له وقال له معاك اسبوع وتعرف لما كانها فين
رد سيد حاضر بس كده الفلوس هتزيد شويه رد هاني ملكش دعوه المهم انك تلاقيها والفلوس اللي هتحتاجها موجوده رد السيد بطمع من عيني الاتنين واخذ سيد الفلوس والصوره وخرج
اما عندي يزيد راح السنتر وهو عقله مع تقى ونده على عبد الرحمن وقال له ايه رايك نروح النهارده نسهر في المكان الياه
رد عبد الرحمن مكان هناك ما بقالوش طعم ما بقتش اروحه بقى لي فتره رد يزيد ليه يا عم قال له اصل ليالي مشيت وجابوا رقاصه مكانها
رد يزيد ما يمكن تعبانه رد عبد الرحمن ما انا كنت فاكر كده لغايه ما ندهت على الويتر واديته فلوس وقال لي انها سابت الفرقه وما حدش يعرف لها طريق حتى جوزها
رد يزيد طيب وقال عبد الرحمن وانت بتسال ليه رد يزيد عادي كنت مخنوق وعايزه اخرج افرفش شويه رد عبد الرحمن برده مش عايز تقول لي ايه اللي حصل معاك النهارده
رد يا زيد يا عم فكك ما انت عارف حوارات النسوان
اما عند نيفين كانت قاعده بتشتغل في الشقه وتليفونها رن وكانت امها وردت نيفين شفت ياما النهارده حصل فيا ايه ردت سميه ايه اللي حصل وحكيت لها نيفين كل اللي حصل
وقالت سميه ما انتي اللي غلطانه انا قلت لك 100 مره خلي بالك من العيال والبيت وانتي كده هتاكلي قلب يزيد وهتاخدي اللي انتي عايزاه كله
ردت نيفين ما انا هعمل كده المهم عايزك تعرفي لي هو خالي تعبان فعلا ردت سميه تعبان ازاي ما انا كنت عندك امبارح وكان كويس ما فيهوش حاجه
ردت نيفين غريبه يعني اختك خدت هند وراحت له وقالت ان هو تعبان ردت سميه ولا تعبان ولا حاجه ردت نيفين طب اعرفي لي من مرات خالي هي راحت ليه
ردت سميه مش دلوقتي انا هروح لها وهجرجرها في الكلام واعرف منها ردت نيفين طيب ياما هقفل معاكي عشان اخلص اللي ورايا قالت لها طيب
وقفلت معاها و نيفين طلعت رقم علي واتصلت عليه وهو ما ردش عليها واتصلت تاني وثالث وهو ما ردش ورمت التليفون وقامت تكمل شغلها
اما عنده تقى كانوا قاعدين بيتغدوا بعد ما الشاب علق فرعين النور وقالت دينا كده كل حاجه تمام وانت يا تامر هتشغل الاغاني وانا هساعدك يا تقى هنا
ردت تقى لا انتي هتطلعي الشقه ما تنزليش منها مش عايزاكي تتمرمطي ردت دينا اللي انتي بتقوليه ده انا هقف معاكي وهساعدك مش هينفع تقفل لوحدك لغايه ما تجيبي حد يبقى معاكي
ضحكه تقى قالت لها مش الاول يبقى في زباين وبعد كده فكر في بنت تيجي تشتغل معايا
ردت دينا انا متاكده ان ربنا يرزقك بالزباين قد كده ابتسمت
وفي بيت عبد الرحمن كانت وفاء بتلبس عيالها وبتجهز نفسها عشان تروح لمنار بعد ما اتصلت بيها وعرفت انها لوحدها هي وهيام وقررت انها تروح تساعدها
وماسكه التليفون واتصلت بعبد الرحمن وقالت له وقال لها روحي بس عدي على ابويا يركبك توك توك انتي والعيال قالت له طيب وقفلت معاه ولفت الطرحه
ونزلت في محل الحاج صالح وشافت المحل الكوافير فتح وعليه فروع النور وقالت خش يا يزيد انده لجده قال لها حاضر يا ماما
وخرج الحاج صالح وقال لها رايحه فين يا وفاء قالت له ما فيش حاجه يا عمي بس هروح لمنار عشان عرفت انها لوحدها هي وهيام وبيعملوا الاكل قلت اروح اساعدهم
رد الحاج صالح فيك الخيريا بنتي قالت له بس عبد الرحمن قال لي اعدي عليه تخلي حد يجيب لي توك توك قال لها بس كده من عيني قالت لي هو المحل اتفتح
رد الحاج صالح ايوه يا بنتي ناس ولاد حلال وبيروحوا لهم لوفاء قالت له حاضر يا عمي وجه التوك توك وركبه وفاء هي والعيال وراحت على بيت يزيد
اما في المحل خلصوا الاكل وتامر طلع حتى السماعات وشغلها على الاغاني قالت تقى احنا لازم نعمل قائمه بالاسعار ردت دينا انتي لازم تعملي بمناسبه الافتتاح عروض
ردت تقى ماشي نعمل كده وراحت جابت فرخ ورق كبير وقلم الوان وادته لدينا وقالت لها ابتدي قالت لها حاضر
ودينا كتبت لوحه وعلقتها على الباب عروض بمناسبه الافتتاح ماسك وش والحواجب ب 40 جنيه بدل 60 جنيه وشعر استشوار ب 50 جنيه والمكواه ب 70 وباديكير ومانيكير ب 50 جنيه بدل 100 وعلقوا اللوحه على الحيطه بتاعه المحل
اما عند يزيد كان قاعد بيفكر هيعمل ايه مع ليالي اللي جت قدامه وقال انا لازم اعرف حكايتها ايه وكمان اتجوزها بدل الغم اللي انا عايش فيه
اما عند منار خلصت الاكل هي وهيام وقالت هيام انا هطلع الشقه اخد دش واغير الجلابيه ديت وابقى انزل لك رده منار ماشي
وراحت هيام على شقتها ومنار خرجت ولقت سمر مشغله الشاشه على قناه مزيكا وقاعده بتحط مناكير على ضوافرها واتضايقت منار وقالت لها كويس يا سمر انك قاعده يلا قومي روقي الصاله عشان الناس لما تيجي
ردت سمر ما انا لسه ماسحه امبارح ومروقين الدنيا هو كل شويه ردت منار طب قومي اعمليها بدل ما اقول لك ردت سمر حاضر وقامت وهي متضايقه
و جرس الباب رن وراحت حور تفتح وشافت وفاء وعيالها وقالت لها ازيك يا حور عامله ايه ردت عليه ازيك يا عمتو انتي عامله ايه
قالت لها انا كويسه وندهت منار من اللي جاي يا حور ردت وفاء انا يا حبيبتي اللي جيت ابتسمت منار وراحت تستقبلها
وقالت لها نورتي يا حبيبتي وسلمت عليها وردت وفاء وهي بتقلع العبايه ها بتعملي ايه بقى عشان اساعدك ردت منار احنا خلصنا كل حاجه ما تتعبيش نفسك
ردت وفاء عيب عليك يا منار احنا اخوات وانتي غلطانه عشان ما اتصلتيش بيا من بدري وقلتي لي انكم لوحدكم وانا كنت جيت عملت معاكم
ردت منار تسلمي يا حبيبتي ووسعي كده عايزه اسلم على يزيد وكمان عمر ضحكه وفاء قالت لها يا اختي سلمي ودخلت قعدت ومنار سلمت عليهم وبسيتهم
وقالت لهم تعالوا يا حبايب عمتكم واخذتهم ومالك وصفا كانوا قاعدين بيلعبوا وراحوا يسلموا على وفاء واول ما شافت صفا خبطت على صدرها
وقالت ايه اللي حصل ودراعك اتكسر من ايه يا صفا ردت منار اهدي بس يا وفاء البنت وقعت من على السلم ردت وفاء طبعا من اهمال امها بصيت لها منار وسكتك وفاء
وقالت منار يلا يا حبايبي روحوا العبوا على السلم وراحوا العيال كلها تلعب وقالت منار ما ينفعش اللي انتي قلتيه ده يا وفاء قدام العيال
ردت عليها يعني انتي عاجبك اللي بيحصل في العيال ديت والله انا مش عارفه يزيد مستحملها على ايه
ردت منار ده النهارده كانت تقوم مصيبه لولا ان انا لحقتها قالت وفاء مصيبه ايه وحكيت لها منار كل اللي حصل وردت وفاء بس انتي غلطانه انتي فاكره بكده انها تتعلم ما كل مره بيحصل الحوار ديت وهي بتفضل على الحال ده
ردت منار يعني عايزه انا اعمل ايه اخرب بيت اخويا عشان العيال يكرهوني ردت وفاء ولا هيكرهوكي ولا حاجه بالعكس ده هم بيحبوكي اكتر من امهم
ردت منار مهما كان دول امهم ومستحيل يكرهوها حتى لو كانوا بيحبون اكثر منها ردت وفاء صدقي معاكي حق يلا هي الدنيا هاديه كده ليه هي مرات ابوكي فين
ردت منار خرجت يا ستي ومش هترجع دلوقتي خالص ردت وفاء احسن برده اهو نقعد براحتنا بدل النكد اللي احنا بنقعد فيه كل مره وفضل بيتكلموا
وهيام في شقتها اخذت الدش ولبست عبايه ومسكه التليفون واتصلت على شيماء وردت عليها وقالت هيام الفلوس وصلت لك يا اختي
ردت شيماء ايوه يا حبيبتي تسلمي الفلوس وصلت ردت هيام طب يا حبيبتي لو احتجتي حاجه ابقي اتصلي بيا ما تتكسفيش
ردت شيماء انا عارفه يا حبيبتي انك ما بتعزيش عليا حاجه بس هعمل ايه النصيب كده ردت عليها معلش اصلك ما تعرفيش النهارده حصل ايه
ردت شيماء حصل ايه يا حبيبتي وحكيت هيام كل اللي حصل من اول دخولها شقه نيفين لغايه كلامها مع منار
وقالت شيماء هي اللي خلاها عملت كده ما كانت سابته يغضبها على الاقل يزيد هيبقى لك لوحدك شويه
ردت هيام ما انا اتضايقت منها بسبب كده بس مش عارفه ايه اللي خلاها عملت كده ووقفت ليه ليزيد وهي عارفه ان يزيد مش هيرفض لها طلب وهيوافق على كل كلامها
ردت شيماء عشان تعرفي انها ما بتحبكيش وانها بتحب نيفين اكثر منك ردت هيام مستحيل لو كانت بتحب نيفين ما بتقولي كان زمانها طلعت تساعدها مش هتسيبها تشتغل لوحدها
ردت شيماء اسمعي مني منار مش سهله وهي عارفه هي بتعمل ايه ردت هيام تفتكري ردت عليها ايوه افتكر ونص دي سوسه وهي اللي مشيه البيت
ردت هيام والله ما بقيت عارفه منار كويسه ولا لا ردت شيماء عشان انتى طيبه يا بنتي ما لو نيفين مشيت من البيت وهي عارفه ان يزيد بيعزك يعني ممكن يخليكي تبقي ست البيت وهي طبعا مش عايزه كده عايزه تفضل في المكانه بتاعتها انها الامر الناهيه في البيت
ردت هيام بعد تفكير تصدقي صح ردت شيماء شفتي بقى وفضلوا يتكلموا
اما عند سناء كانت هي وهند وام هند عند الشيخ وقالت سناء بصي يا شيخ انا عايزه اعمل عمل لجوزي واكون انا الامره الناهيه في البيت وكلمتي تمشي على الكل وكمان اعمل عمل لمنار بنت صفا انها ما تنامش الليل وما تخلفش خالص
رد عليها بس كده هيكلفك كثير رده سناء مش مشكله شوف انت عايز فلوس قد ايه وانا هدي لك اللي انت عايزه كله رد عليها طيب انا محتاج حته من قطر جوزك وحته من قطر منار وعايز 20000 جنيه وتيجي الاسبوع اللي جاي تاخدي العمل
ردت سناء ماشي يا شيخنا وطلعت الحاجه واديتها له واديته نص الفلوس وقالت له النص الثاني لما تخلص الشغل رد الشيخ تمام وقالت سناء يلا بينا وخرجوا
وقالت انتي متاكده يا ولاء من الراجل ده ردت عليها طبعا ده كل اللي تعمل معاه بيشكر فيه ردت سناء عارفه يا ولاء الراجل ده لو ما عملش حاجه انا هاخذ ال 20,000 منك انتي فاهمه ولا لا
ردت ولاء وانا موافقه وبصت لهند وقالت لها يلا بينا خلينا نروح نشوف البلاوي اللي في البيت ديت ردت هند برده مصممه يا عمتي ان احنا نروح ساعه العزومه
ردت سناء طبعا وانا هسيبهم يتهنوا كده بسهوله ردت هند طيب يا عمتي وسلمت على امها ومشوا
اما في المحل عند تقى بالحريم بدات تيجي وتقى شغاله ودينا بتساعدها وتامر قاعد على باب المحل بيشغل اغاني
اما في السنتر اليزيد يلا يا عبد الرحمن روح عشان تجيب خالي وتيجي عشان تتغدوا رد عبد الرحمن تمام يا باشا ويمشي ويزيد قال علي يلا بينا عشان نروح نتغدى
رد علي حاضر وخرجوا ركبوا العربيه وعدوا على محل بتاع الحاج صابر وجابوه معاهم في العربيه وروحوا البيت
اما منار كانت واقفه في المطبخ هي ووفاء بيحضروا الاكل وهيام نزلت وهي متضايقه وسلمت على وفاء ووقفت معاهم يحضروا الاكل على السفره
وبعد دقائق وصلوا الرجاله ومنار كانت بتحط اخر حاجه صينيه الفته وقالت روحي يا حور نادي لعمتك سمر عشان تتغدى رده حور حاضر يا عمتو
اما سمر كانت في الاوضه بتلبس هدومها والباب اتفتح ودخلت حور يلا يا عمتو عشان تتغدي رده سمر طيب اخرجي وانا جايه وراكي خرجت حور وسمر حطت احمر شفايف فاقع و كانت لابسه بنطلون جينز ضيق وعليه بلوزه ولفه الطرحه

وخرجت سلمت على وفاء راحت سلمت على الحاج صالح وعبد الرحمن وعبد الرحمن لما شاف منظرها بعد عيني عنها وراح قاعد جنب الاطفال وهو شايل بنته الصغيره ياسمينه
وممدوح بص لها باستحقار وقام قاعد على السفره وقال يزيد اللي انتي عاملاه في نفسك ده روحي غيري هدومك احسن لك ردت سمر ماله لبسي مع حلو اهو
رد يزيد قول حاجه يابا بدل ما اقوم لها رد الحاج صابر روحي يا سمر غيري هدومك بدل ما اجي لك اتضايقت سمر ودخلت الاوضه
وخرجت منار وقالت يلا يا جماعه عشان نتغدى والكل قعد ومنار راحت سلمت على خالها صالح وباست ايديه وهو حضنها باس دماغها وقال لها وحشتيني يا بنت الغاليه
ردت عليه وانت كمان لولا ان انا اقول انكم تيجوا تتعزموا عندنا لولا اللي ما شافكوش يا خال قال لها ما انتي عارفه الظروف والايام اللي فاتت كنت مشغول في تاجير المحل والشقه
ردت منار اه ما انا عرفت انك اجرتها من وفاء لكوافيره رد الحاج صالح والله يا بنتي البنت مؤدبه جدا وكانت شغاله ممرضه بس تعبت من الشغلانه دي وقالتها تفتح كوافير جنب شقه اخواتها عشان ما تسيبهمش لوحدهم حتى اخواتها بسم الله ما شاء الله عليهم داخلين الكليات
ابتسم بسخريه يزيد وقال في سره لو تعرف انها رقاصه ما كنتش سكنتها عندك ردت منار يلا ربنا يسهلها لها مدام مكافحه قوي للدرجه دي رد مصطفى كل واحد بياخد نصيبه وما دام شقيه هتلاقي الخير كله فضل يزيد بيبتسم
والباب خبط وقامت سمر تفتح ولقت امها وسلمت عليها ودخلت سناء وقعدت على السفره هي وهند يتغدوا معاهم ومنار كانت متغاظه وقالت سناء ده انا حماتي بتحبني
ردت منار بسخرية الله يرحمها ستي لو كانت شافتك كانت حبيتك قوي يا مرات ابويا السكته سناء ما ردتش عليها واكلت صباع ممبار وقالت ايه ده هو الاكل دلع كده ليه اصله مايع قوي
رد صابر الاكل حلو وزي الفل وفي حد يعرف يعمل اكل زي منار رد الحاج صالح معاك حق فعلا ما حدش بيعرف يعمل الاكل زي منار واخده نفس واختي الله يرحمها في الاكل
رد يزيد تسلم ايدك يا حبيبتي ردت منار الله يخليك يا حبيبي وبصت لسناء وقالت لها لو الاكل مش عاجبك قومي واعملي اكل ثاني تاكليه
وقامت سناء وهي متضايقه ودخلت المطبخ تدور على الاكل اللي فايض من اللي عملته منار
اما في المحل كانت تقى مبسوطه بالزباين والدنيا ماشيه معاها كويسه ودينا كانت فرحانه عشان اختها وبعد وقت طويل قعده تقى وهي مش قادره
وقالت انا رجلي مش حاسه بيها ضحك تامر قال لها معلش يا حبيبتي قام جاب ميه سخنه في طبق وحط فيهم ملح ومسك رجلي تقى وحطاها فيها
وهي قالت له بتعمل ايه يا تامر قوم ما تقعدش كده رد عليها وايه يعني انتي امي ولازم اريحك وفضل يدعك رجليها بالراحه بايدي وهي كانت مدمعه من حنيه اخوها عليها وابتسمت
وقالت له ربنا يخليك لي وما يحرمنيش منكم ابدا وردت دينا امين يا رب العالمين
اما البيت يزيد كان الكل قاعد وبيشرب القهوه والعيال بيلعبوا مع بعض ووفاء قاعده مع منار بيتكلموا وهيام قاعده معاهم وهند طلعت شقتها
وسناء دخلت الاوضه وسمر تليفونها رن برساله وفتحتها وكان وليد وبيتكلم معاها اما ممدوح فطلع شقتهم
ومصطفى وعبد الرحمن وعلي ويزيد كانوا قاعدين بيتكلموا مع بعض في الشغل والحاج صابر عينيه كانت على عياله ومبسوط من كلام يزيد مع علي وقال الحاج صالح مع الايام يا حق كل حاجه بتتصلح
رد صابر يا ريت والاولاد كانوا بيلعبوا مع بعض وهم مبسوطين وبعد وقت طويل كل واحد راح على شقته و الحاج صالح خد عبد الرحمن ووفاء والعيال وروحوا
اما يزيد طلع على شقه نيفين ودخل لقى الدنيا نضيفه ودخل الدولاب اوضه الاطفال لقى الهدوم مترتبه وكل حاجه محطوطه في مكانها ودخل اوضه النوم شاف نيفين قاعده على السرير ولابسه قميص نوم وحاطه ميك اب ورشه برفان مستنياه وقامت راحت لعنده

وقالت له وحشتني قوي يا معلم سابها ومشي وراح قعد على السرير وراحت وراه ونزلت عند رجله وقلعته الجزمه وهو واقف عشان يقلع هدومه قامت تساعده وهي بتتحرك باغراء
وهو بص لها وقال لها هو انتي كده فاكره اني نسيت اللي انتي عملتيه ردت عليه بدلع حقك عليا ومش هعمل كده تاني
رد يزيد لما نشوف قالت له ايه ما وحشتكش يا معلم ابتسم يزيد وبسخريه اكيد طبعا وحشتيني وزقها على السرير واتعامل معاها بعنف وبعد كده شاف وش تقى ولقى نفسه بيتعمل بحنيه وهو مبسوط وهو شايفها قصاده ونسيبهم
في شقه تقى كانت في اوضتها نايمه على السرير من التعب واخواتها كذلك ناموا