رواية اللؤلؤ والاخرس الفصل الثامن8 بقلم اميرة خالد
وفي الامارات بسمه كانت واقعه من طولها ولؤلؤه مش عارفه تعمل ايه
وبرق قرب منها وهو جايب كوبايه ميه واداها اللؤلؤه اللي مسكت شويه ميه ورشيتها على وش مامتها
وفاقت بسمه وقالت لها يسري حصل له ايه قولي لي
ردت لؤلؤه بدموع مش عارفه يا ماما بابا حصل له ايه
ردت بسمه لازم نسافر له حالا مش الشخص ده قال لك على عنوان مستشفى ايه
ردت لؤلؤه ايوه يا ماما
وقالت بسمه خشي البسي ولبسي برق هنسافر دلوقتي حالا
ومسكت التليفون واتصلت على مكتب الطيران وطلبت اول تذاكر على مصر
وقالوا لها المكتب الطياره فاضل عليها نص ساعه
قالت بسمه تمام ودخلت الاوضه لبسه وهي دموعها على خدها خايفه على حبيبها
اما في القاهره الكل راح المستشفى والكل بيعيط وسال عثمان هاشم ابوك فين
رد هاشم ثواني يا جدي وراح الاستعلامات وسال على مصاب في الحادثه اللي على الطريق باسم يسري
ردت عليه ايوه يا فندم وهو في اوضه 309 الدور الخامس
قال لها شكرا وقال لهم يلا بينا نطلع على فوق وركبه الاسانسير
وايناس كانت بتعيط وصابرين وحازم قريب من ايناس
ويقول لها اهدي يا حبيبتي بابا هيكون كويس
ردت عليه يا رب يا حازم وصلوا الدور الخامس وخرج الدكتور من الاوضه واقربوا العيله كلها
وقال هاشم بابا عامل ايه يا دكتور
رد عليه هو كويس الحمد لله انه كان رابط حزام الامان
رد هاشم يعني هو كويس قال له الحمد لله هو عنده كسر في رجليه الشمال وشرخ في ايدي الشمال
رد عثمان الف حمد وشكر ليك يا رب يعني ابني كويس
ورد الدكتور كويس الحمد لله انه خرج بالسلامه
رد صابرين يعني احنا ينفع نشوفه يا دكتور دلوقتي
قال لهم ينفع بس هو نايم من التعب ودي الحاجه اللي كانت معايا
وبصت ايناس على بوكيه الورد وفضلت تعيط وقالت انا السبب
وقال حازم لا يا حبيبتي مش انتي السبب ولا حاجه اهدي بس وبابا كويس اهو وشاديه اخذت التليفون وشالته في شنطتها
والكل دخل وشافوا يسري نايم على السرير وحمد ربنا وقعدوا يرتاحوا
اما في مطار الامارات كانت بسمه ولؤلؤه وبرق راكبين الطياره وطول الوقت بيدعوا ربنا ان يسري يكون بخير
وقالت لؤلؤه اهدي يا ماما ان شاء الله هيكون كويس
قالت بسمه يا رب يا بنتي
وبعد وقت فاق يسري وقال انا فين وقربه كله منه
وقالت صابرين انت عملت حادثه وبقيت في المستشفى
وقال عثمان انت عامل ايه يا ابني دلوقتي حاسس بايه
رد يسري وجع فظيع في رجلي وكتفي
رد هاشم معلش يا بابا انت عندك كسر في رجلك الشمال وشرخ في ايدك غير الكدمات اللي في جسمك يعني الحمد لله ان انت طلعت منها سليم
ابتسم يسري وقال له وانا كده بقى طلعت سليم ده انا هقعد لي ثلاث شهور في الحوار ده
ضحك حازم وقال له نفسي افهم انت عملت الحادثه دي ازاي
رد يسري انا مش عارف انا وانا سايق لقيت حد طلع قصادي وحاولت افديه فدخلت في العمود
رد حازم يلا الحمد لله بوظت فرحنا وكمان الرحله بتاعه بكره
رد يسري مشوا الحيوان ده من قصادي اللي هم كله الفرح والرحله
وقربت ايناس وقالت له انا اسفه يا بابا انا السبب
رد يسري التعب لا يا حبيبتي ما تقوليش كده انا اللي كان نفسي افرحك بس ما قدرتش
قالت لي ما تقولش كده يا بابا كفايه انك افتكرتني وفتح ايديني اليمين وقربت ايناس منه وحضنته وهي بتعيط
وقال حازم ايه يا عمي
رد يسري في ايه يلا عايز ايه
قال له عايز مراتي يا عمي
رد يسري هو انتوا كتبتوا الكتاب
رد عثمان احنا ما لقيناك اتاخرت كتبنا الكتاب وانا كنت الوكيل بتاعها انت زعلان يا يسري
رد عليه ابدا يا بابا عمري ما ازعل منك ابدا
قالت صابرين الف سلامه عليك يا ابو هاشم
رد عليها الله يسلمك و قربت نغم وقالت له الف سلامه عليك يا بابا الله يسلمك يا حبيبتي وفضلوا يتكلموا
اما في مطار القاهره وصلت الطياره ونزلت بسمه ومعاها لؤلؤه وبرق
وقالت لها اسم المستشفى ايه يا لؤلؤه
قالت لها السلام الدولي يا ماما
قالت لها طب يلا وخرجوا بعد ما خدوا الشنط وركبوا التاكسي
وقالت لي السواق اطلع على المستشفى السلام الدولي
قال لها حاضر يا فندم وطول الطريق بيدعوا ربنا
وقال سيف انا هنزل اجيب قهوه من الكافتيريا عايزين حاجه اجيبها لكم معايا
قال له حازم استنى انا جاي معاك نجيب لهم عصاير وغداء ما اكلوش حاجه من الصبح
قال له ماشي ونزلوا الكافتيريا
وبعد وقت وصلوا بسمه ولؤلؤه برق المستشفى وقربت من الاستعلام
وقالت لها في حد عامل حادثه وجه على هنا واسمه يسري
ردت عليها ايوه يا فندم اوضه 309 الدور الخامس
قالت لها ماشي واخذت اللؤلؤه وبرق على الاسانسير وكان حازم وسيف جايين وقالوا استنوا وركبوا معاهم
وحازم كان بيبص لهم قوي وسيف خبطوا في ذراعه
وقال له لم نفسك انت لسه كاتب كتابك ما بقالكش دقائق
رد حازم يا ابني بص عليها كويس البنت دي حاسس اني شفتها قبل كده بس مش عارف فين
رد سيف يا عم لم نفسك شكلهم اجانب برق بص لهم وهم خافوا
وقال له حازم تصدق الواد عليه بصه قويه قوي
وضحك سيف ووقف الدور الخامس
وخرجت لؤلؤه وبسمه وبرق بيجروا وروحوا ناحيه الاوضه وفي قصادها
وفتحت بسمه الباب بسرعه ودخلت بتجري واول ما شافت يسري اترمت في حضنه وفضلت تعيط
والكل مصدوم وبيقولوا من ديت لؤلؤه شافت ابوها عيطت وجريت
قالت له سلامتك يا بابا الكل فتح بقه مصدوم من اللي بيسمعوه
وابراهيم كان مصدوم اكتر واحد
وشاديه قالت في سرها يا نهار اسود جالك الموت يا تارك الصلاه
واول واحده نطقت كانت صابرين
وقالت مين دي يا يسري ويسري كان مصدوم
وبسمه قامت من حضنه وقالت حضرتك اللي مين وكلكم مين اكيد انتم اللي نقلتوا المستشفى بعد الحادثه
ردت صابرين انا بقول لك انتي مين وتعرفي يسري منين
ردت بسمه انا مراته الدكتوره بسمه حضرتك اللي مين الكل اتصدم وصابرين نازل عليها سهم الله
وقال عثمان انتي متاكده من الكلام ده يا بنتي
قالت له طبعا ممكن اعرف بقى انتم مين وبتعملوا ايه هنا عند جوزي
رد عثمان انا ابويا بنتي اتصدمت بسمه
وقالت له ابوه ازاي يعني وبصت ليسري
وقالت له الكلام ده حقيقي ده ابوك ويسري ساكت مش عارف يقول ايه
وقالت لؤلؤه اهدي يا ماما بابا تعبان مش قادر يتكلم
ردت بسمه عصبيه اسكت انتي يا لؤلؤه
وقالت رد عليا يا يسري ابوك ازاي ده وقال توفيق في ايه ده ابوه وانا اخوه ودي اخته وديه مراته ودولت عياله اتصدمت لؤلؤه هي وبسمه
وقربت لؤلؤه من باباها وقالت له الكلام ده حقيقي يا بابا انت متجوز وليك اهل ويسري ساكت
وقالت شاديه اهدي يا بنتي واحنا هنفهمك كل حاجه وبصه عثمان وتوفيق لديه بمعنى انتي كنت تعرفي
لؤلؤه بتعيط وبسمه دموعها على خدها والباب اتفتح ودخل حازم وسيف
وبيقول بصوت عالي اسكتوا يا جماعه شفت حبه اجانب في الاسانسير جامدين اخر حاجه
و سيف صدم من وجودهم و وقال حازم مالكم واقفين كده ليه مالك يا ايناس بتعيطي ليه يا حبيبتي
واتكلمت بسمه انا اسفه يا جماعه شكلنا كده غلطنا في الاوضه وقربت تمسك لؤلؤه يسري مسك ايديها
وقال لها اهدي يا بسمه انا فاهمك كل حاجه بصيت له بسمه وانفجرت
قالت له عايز تفهمني ايه ان انت ضحكت عليا وفهمتني ان ملكش اهل ولا متجوز وانا زي الهبله صدقتك واتجوزتك وعشت معاك سنين طويله وانا مخدوعه
رد يسري طب بس افهميني قالت له هتفهمني ايه غير انك كداب وغشاش وانا غلطانه اني كنت خايفه عليك انت ما تستاهلش اي حاجه
وقالت للؤلؤه يلا بينا خلينا نمشي من هنا وجت تخرج
وقفت صابرين وقالت لها انتي فاكره خروج الحمام زي دخوله انتي تقفي هنا
وتفهميني انتي تعرفي جوزي منين وازاي تسمح لنفسك تتجوزي وهو متجوز وعنده عيال
ردت بسمه بقوه اهو عندك اشبعي بيه ومن بكره همشي في اجراءات الطلاق ومش عايزه اشوف وشك ثاني يا يسري فاهم ولا لا
وقال يسري اهدي بس يا بسمه يا لؤلؤه اسمعيني وكل اللي عليها انا
مش عايزه اسمع صوتك تاني ومسكت ايد لؤلؤه برد وخرجوا من المستشفى ودموعها على خدها
وقال عثمان هتفهمنا اللي بيحصل ولا لا
ردت صابرين بعصبيه هيفهمك ايه يا عمي غير انه كان متجوز عليا وعايش طول عمره معاهم
رد عثمان اهدي بس يا صابرين خلينا نفهم ايه اللي حصل
ردت عليه انا ولا عايزه افهم منه ولا حاجه يلا يا نغم وخرجت هي كمان
وهاشم واقف وقال له يا ريت يكون عندك اسباب مقنعه تخلينا نسامحك على اللي عملته ده
رد يسري انا ما عملتش حاجه غلط انا اتجوزت الانسانه اللي حبيتها
رد هاشم ولو اتجوزت الانسان اللي بتحبها تخدعها وما تعرفهاش حقيقتك ليه وخرج هو كمان
و قال عثمان ممكن بقى تفهمني ايه اللي بيحصل هنا
رد يسري بعصبيه عايز تعرف ايه اللي حصل ايه اللي حصل ان انت اجبرتني على جوازه ما كنتش عايزها من الاول وافقت عشان خاطر اكمل تعليمي
ولما قابلت الانسانه اللي قلبي حبها ما كانش قدامي غير حل لا قول لها ان ما ليش اهل ولا نتجوز عشان توافق بيا يا اما اسيبها تبعد عني وساعتها كان الموت اهون عليا من بعدها
وبعد ما اتجوزتها كان عندها مشاكل في الخلفه وربنا مكرنوش غير بعد سنين طويله بلؤلؤه حياتي اللي جات ونورتها
وساعتها عرفت اني مش هقدر اعيش بعيد عنهم اما عيالي هنا وصابرين عايشين في وسطكم وانا مش خايف عليهم
اما بسمه ولؤلؤه ما ينفعوش يتسابوا لوحدهم خالص عشان كده اخترت ان احنا نعيش في الامارات ما جيبهمش هنا خالص غير لما اعرف احل المشكله دي ازاي
وايناس كانت سمع الكلام والدموع على خدها مش عارفه تتعاطف مع ابوها ولا تكرهه
اما عثمان كان متضايق من نفسه
وقالت شاديه اهدى بس يا يسري انت تعبان
رد عليها بدموع اهدى ايه بسمه هتبعد عني وتاخد لؤلؤه وتسافر مش هتخليني اشوفهم تاني انا هموت من غيرهم يا شاديه روحي اتكلمي معاها قولي لها تسمعني وفضل يعيط
وسيف خرج ينده للدكتور وجه الدكتور واداله ابره وكل اللي على لسان يسري كلميها يا شاديه
وقال عثمان انتي كنت تعرفي الموضوع ده من امتى
قالت له النهارده بس لسه عارفاه عن طريق الصدفه
رد توفيق طب احنا لازم نعرف مكانهم فين عشان نتكلم معاهم في الاخر دي بنتنا ما ينفعش تبعد عننا
ردت شاديه انا معايا تليفون يسري ممكن ناخد الرقم ونكلمها ونشوفها فين
رد عثمان يلا روحوا وانا هقعد معاه ولينا كلام ثاني
رد توفيق لا يا حاج روح انت وانا اللي هبات معاه
قال عثمان اسمعوا الكلام امشوا سيبوني اقعد مع يسري شويه الكل خرج
و يسري النايم وعلى لسانه اسم بسمه ولؤلؤه وبينادي عليهم طول الوقت
وفي الفندق لؤلؤه كانت بتعيط وبسمه جت وهي ماسكه نفسها يلا نطلع الاوضه انا لولا ان انا عارفه ان ما فيش طيارات دلوقتي على الامارات
ردت لؤلؤه طب يا ماما انتي ما سمعتيش بابا ليه اكيد ليه اسبابه
ردت بسمه بقهر مش هينفع يا لؤلؤه اسمع وبعد ما كدب عليا يلا خلينا نطلع نرتاح شويه عشان نشوف بكره طياره نرجع الامارات
قالت لؤلؤه طب عشان خاطري نقعد كم يوم نطمن على بابا وبعد كده مسافر
ردت بسمه بعدين يلا نطلع بس وكمان عشان برق اللي نايم ده
قالت لها حاضر يا ماما
وفي العربيه ابراهيم ما كانش مصدق نفسه انه شاف لؤلؤه ثاني وانها تبقى بنت عمه
وماسك التليفون واتصل على هاشم وهاشم ما كانش بيرد عليه
وكان قاعد على النيل بيفكر في اللي عمله ابوه والكلام اللي سمعه بعد ما خرج وهو واقف على الباب وكان مش عارف هيعمل ايه
اما في عربيه زكريا قال لها انتي غلطانه يا شاديه كنت لازم تقولي لحد فينا قلنا عرفنا نلم الموضوع من بدري
ردت شاديه بدموع صدقني يا زكريا انا ما اعرفش الموضوع ده غير امبارح وعن طريق الصدفه
رد زكريا بس شكل يسري بيحبهم قوي وما يقدرش يبعد عنهم
ردت شاديه اقول لك الصراحه انا حبيت بنته قوي قد ايه بريئه وطيبه وكمان مراته شكلها بنت حلال بس يا عيني هي مصدومه دلوقتي
رد زكريا ان شاء الله الدنيا هتتحل بس ربنا يستر من صابرين
ردت شاديه معك حق وروان راكبه معاهم العربيه
اما في شقه يسري كانت صابرين رايحه جايه وهي بتقول انا يعمل فيا كده انا يتجوز عليا وكمان مخلف
وقالت نغم اهدي يا ماما اللي بتعمل ده مش هيحل الموضوع بالعكس ده هيعقده وانتي سمعت بودنك انها تطلق ومش عايزه تعيش معايا
ردت صابرين اسكتي يا هبله ابوكي بيحبها وهي باينه عليها بتحبه قوي يعني ممكن يرجعوا لبعض
ردت نغم بيتهيا لك يا ماما وجدي مش هيقبل بالكلام ده
ضحكه صابرين بسخريه وقالت لها تبقي عبيطه جدك عمره ما يرمي لحمه في الشارع وبالذات لو كانت بنت
ردت نغم قصدك ايه يا ماما
ردت عليها قصدي عين امك ان اختك اللي من ابوك ديت جدك عمره ما يرميها وانا وانت اهو هيجيبها تعيش معانا هنا
ردت نغم مستحيل نقبل بكده وحتى لو جت احنا نطفشهم
ردت صابرين اه يا ناري سبحان من خلاني استحمل وما قتلتهاش في الحال