رواية توبة الفصل التاسع9 بقلم اميرة خالد

وخرجوا من المستشفى وركبوا العربيه 

وقال عامر على فكره ياما ايوب قال لي ما حدش يقول لرباب انه اتجوز 

ردت النفيسه انا ما كنتش هقول لها ومستنيه لما اخوك يرجع بالسلامه هو يقول لها 

ردت شوقيه انا خايفه على توبه من كيداهم و رباب 

ردت نفيسه ما تخافيش توبه هتبقى في حمى ايوب وما حدش يقدر يعمل لها حاجه 

ردت شوقيه ربنا يستر من اللي جاي 

رد شعبان اهدي بس يا حاجه وما فيش حاجه وان شاء الله كل حاجه هتعدي 

وقالت شروق بس عارفه ياما ايه اكثر حاجه انا مبسوطه منها 

ردت نفيسه ايه يا حبيبتي 

قالت لها ان ايوب في الاخر اتجوز يجيب حته عيل بدل عمره اللي بيروح منه 

ردت نفيسه معك حق والله يا شروق ياما نفسي افرح بعيال ايوب واطمن عليه قبل ما يجرى لي حاجه 

رد عامر وشروق في نفس واحد بعد الشر عليك ياما وقال شعبان ايه الكلام ده يا حاجه ما لهوش لازمه 

ردت نفيسه معك حق يا شعبان 

اما في المستشفى كانت توبه قاعده جنب تمارا ودخل ايوب ومعاه شنط 

وقال لها يلا يا توبه تعالي ناكل مع بعض انا عرفت من امي ان انتي ما اكلتيش 

ردت توبه حاضر وقعدت معاه ياكلوا 

وقالت له انا عارفه اني لخبطت حياتك بس صدقني اول ما الحياه تتعدل هاخد تماره وهنبعد 

رد ايوب ممكن تقفلي على الكلام ده وما لوش لازمه وانتي ولا لخبطي حياتي ولا حاجه وانا مبسوط اني تمارا هتعيش معايا وهتفضل معايا على طول 

ردت توبه شكرا يا ايوب 

قال لها برده الكلام اللي ما لوش لازمه ده ممكن تاكلي وانتي ساكته احسن وبدات تاكل وهو عينيه كانت عليها وبيبتسم 

ورباب قاعده قلقانه وخايفه من سرها انكشف وقالت كيداهم ما تقعدي يا بنت بدل ما انتي رايحه جايه كده 

ردت رباب في ايه ياما هسيب لك المكان كله وطلعت رباب على شقتها وبصت في تليفونها وماسكه التليفون 

ودخلت بالبلكونه وشافت عربيه عامر وصلت وكل نزل وايوب مش معاهم قلبها اطمن شويه 

وخرجت حطت التليفون على كومدينو عشان تنزل لهم وتسال على ايوب وحاله تمارا

اما في شقه رعد كان قاعد الكنبه بعد ما رودينا روقت الشقه 

وقعدت بتاعها وهو بص لها بقرف لما شاف شكلها الفستان متبهدل وكمان وشها كله تراب وشعرها 

وهي قالت ممكن تجيب لي حاجتي من الفيلا 

ضحك رعد وقال لها انسي الفيلا واي حاجه هناك 

قالت له طيب انا مش هينفع انام بالفستان ده وكمان عايزه استحمى واغير هدومي 

رد رعد ثواني وخرج من الشقه وطلع على شقه ابوه وفتح الباب وراح على 

اوضه مها وقال لها انا عايز هدوم من عندك وكمان اي توكه يلم الشعر 

ردت مها لا يا اخويا هو حد قال لك انه دولابي مليان طول الوقت انا ما عنديش هدوم كثير 

رد رعد ثواني يا حبيبتي واطلع من جيبه فلوس واديها لها وقال لها كده مرضيه يجيب اللي انتي عايزاه كله 

ردت مها من عيني الاتنين يا برنس وراحت مطلعه له بيجامه وهدوم داخليه وادته توكه 

و قال لها كده خلاص 

قالت طب ما انت عايز ايه ثاني 

قال لها مش عايز حاجه من وشك وخرج ونزل عنده رودينا فتح باب الشقه واديها الهدوم وقال لها خدي الحاجه اهي 

قالت له وهي بتبص للهدوم بقرف انا مستحيل البس الحاجات ديت 

رد رعد براحتك ما فيش غيرهم وانا مش هجيب لك حاجه ثانيه 

خافت رودينا انها تتكلم ليضربها وقامت دخلت الحمام 

ورعد قام يشغل التلاجه وبص في المطبخ ولا فاضي ولا في حتى شاي وسكر عشان يعمل كوبايه شاي 

وخرج مسك التليفون واتصل على صاحبه شريف وشريكه في السوبر ماركت 

وقال له ايه يا ابني من الصبح بتصل عليك ما بتردش ليه 

رد رعد بقول لك ايه فكك مني وانزل من على دماغي دلوقتي 

رد شريف طب انت عايز ايه دلوقتي 

قال له انا عايز الطلبات ديت وتبعتها لي على البيت 

رد شريف طلباتها يا اخويا 

وقال رعد بص يا سيدي عايز قزازتين زيت و3 كيلو سكر وكمان شاي ربع ليبتون وكمان جبن ولانشونات وفينو وبيض وصابونه بريحه وازازه شامبو حلو وزيت شعر 

رد شريف ايه كل الطلبات ديت هو انتم بيتكم فاضيه قوي للدرجه دي 

رد رعد لا يا اخويا مش في الشقه عندي للشقه اللي في الدور التاني 

قال له شريف ما الشقه دي مقفوله 

قال له وانت مالك اسمع اللي بقول لك عليه وبطل تتدخل في اللي ما لكش فيه 

رد شريف تصدق ان انا غلطان 

وقال لرعد ايوه غلطان واقفل السكه في وشه 

وقال شريف ماشي يا رعد والله لانفخك لما اشوفك وبعد كده ابتسم وانفخ ايه ده هو اللي بينفخني 

و ندهت على الواد وقال له هات الطلبات ديت وديها على شقه رعد اللي في الدور التاني رد الواد حاضر 

وخرج رعد قعد في الصاله وبعت دقايق خرجت رودينا وهي لابسه البيجامه وقرفانه من نفسها 



وقالت له بعد اذنك خليني اجيب حاجتي من الفيلا انا ما بحبش البس الحاجات ديت 

رد رعد بس بعد كده هتلبسي كده وسيبك من اللبس بتاع النسوان الوسخه ده 

ردت رودينا انا لبسي بتقول عليه كده 

رد رعد ايوه يا اختي اقول عليه كده مدام ماشيه تبيني جسمك اللي يسوى واللي ما يسواش 

ردت رودينا وانت تفهم ايه يعني في الموضه 

رد رعد موضه ايه اللي يخلي الواحده ماشيه وصدرها كله طالع بره الرجليها كلها باينه والرجاله تبص عليها مش عايزه اسمع صوتك بدل ما اقوم لك فاهمه ولا لا 

سكتت رودينا وقالت له طب انا جعانه 

رد رعد الاكل جاي دلوقتي اخرسي خالص بقى مش ناقصه وجع دماغ 

وخافت رودينا وسكت

في بيت ايوب نزلت رباب وهي سامعه كلام الحاجه نفيسه ان تمارا فاقت وبقت كويسه وخافت رباب 

وقالت مكه ينفع اروح معاكي يا تيته العب معاها 

ردت نفيسه لا يا بنتي ده هي ما اتكلمتش كتير وعلى طول نايمه بسبب الكسر اللي في ايديها ورجليها واطمنت رباب شويه وقررت انها لازم تروح تشوفها 

وقالت ورد ربنا يشفيها دي بنت زي العسل 

ردت نفيسه يا رب يا بنتي وقالت هو انتوا عملتوا الغداء يا ندى 

ردت عليها ايوه يا حاجه عملناه ثواني وهقوم احضر الغداء 

وقالت شروق استني يا ندى انا هاجي معاكي 

وقالت لها لا خليك انتي لسه جايه من المشوار 

ردت شروق ابدا والله وقامت مع ندى 

وقالت نفيسه وانتي يا رباب هتفضلي واقفه كتير كده عند الباب ما تخشي تحضري الغداء معاهم 

ردت رباب حاضر يا خالتي ودخلت وهي بتحاول تتكلم مع شروق وتفهم ان تمارا عملت ايه وقالت حاجه 

وسمعت ندى بتقول لها طب هي كده تمارا هتفضل كثير في المستشفى 

ردت شروق لا هتيجي تقعد معانا هنا لغايه ما تخف 

فرحه رباب وقالت في سرها اي فرصه وجت لغايه عندي ولازم استغلها 

وخرجوا حطوا الاكل وقعدوا كلهم ياكلوا وبعد دقائق وكل واحد طلع شقته 

اما عند ايوب في المستشفى تمارا صحيت وكانت عايزه تتعدل ومش عارفه وبصت على توبه اللي لقيتها نايمه 

وندهت بصوت تعبان يا توبه تعالي اعدليني ايوب كان داخل وسمع صوتها 

وقال لها مالك يا قلبي عايزه ايه 

ردت تمارا عايزه تعدل 

رد ايوب من عينيا الاتنين يا قمر وساعتها تتعدل 

وقال لها عامله ايه دلوقتي 

وقالت تماره حاسه بضهري واجعني قوي وايديا ورجليا 

قال لها معلش بكره هتخفي وهتبقي كويسه 

ردت تماره يا رب يا ايوب ابتسم 

وقال لها ممكن بقى تشربي كوبايه العصير ديه وهتبقي كويسه اكتر 

ردت تماره مش هعرف امسكها 

رد عليها انا عيني ليكي انتي يا قمر انا اللي هشربك بنفسي كمان 

اتكسفت تماره وقالت له عيب يا ايوب ضحك عليها 

وقال لها عيب ايه ده انتي بنتي اتضايقت تمارا 

وقالت له انا مش بنتك وما تقولش كده ابتسم 

وقال لها طيب يا ستي ممكن بقى تشربي العصير 

قالت له حاضر 

وهو قرب كوبايه العصير من بقها وبدا يشربها بحنيه ويمشي ايده على شعرها 

و توبه كانت صحيت وشايفه كل ده ومبسوطه من حنيه ايوب على تمارا وغمضت عينها تاني وهي مطمنه على تماره

في الفيلا عند نبيله كانت بتكلم ابراهيم وبتقول له عايزين نشوف حل بسرعه عشان نجيب توبه وناخد بنتنا 

قال ابراهيم ما انتي شايفه الكلام بيتقال ايه وكمان هو قال لك انه ما لوش دعوه بنتك انا رايي نعرف اللي اتجوز بنتك مين ونروح نعرض عليه فلوس وناخدها ونسافر وكفايه لغايه كده 

ردت نبيله وانت عايزها تنتصر عليا بنت اختك ابدا لازم تذوق الكاس اللي بنتي بتذوقوا دلوقتي 

رد ابراهيم اهدي يا نبيله واللي بتقولي عليه ده مش هينفعنا وانتي شفت جوزي شكله ايه يعني ممكن يحبسنا 

ردت نبيله برده لا وهعمل اللي انا عايزاه وسابته وطلعت اوضتها وهي بتفكر تجيب توبه ازاي وتذلها 

اما ابراهيم كان متضايق منها وقاعد بيفكر هيعمل ايه بعد ما شوقي الغول خد منه كل حاجه وهيرجع يقف على رجله ازاي تاني 

في شقه رعد كان قاعد وهو حاطط الاكل على الترابيزه 

وقال لها تعالي يلا عشان تاكلي وقربت رودينا وشافت الاكل وكانت قرفانه 

وقالت له ايه الاكل ده 

رد رعد ايه ما تعرفيش الجبن واللانشون 

ردت رودينا اعرفه بس دي جبنه ازاي 

رد رعد طب على فكره انا مش هتكلم كثير بس انت لو ما اكلتيش ما تلوميش غير نفسك عشان مش هنزل لك اكل ثاني غير لبكره الصبح 

وقعد ياكل وهي كانت بطنها وجعاها وعايزه تاكل باي طريقه وقربت من الترابيزه وقعدت تاكل وهي قرفانه 

وفي المستشفى تمارا نامت وقرب ايوب من الكرسي وقال لها فتح عينيك انا عارف ان انتي صاحيه مش نايمه وهي اتكسفت 

وقالت له وعرفت ازاي ان انا صاحيه 

رد عليها من حركه عينيك سكتت وهو ابتسم 

وقال لها تعالي نقعد بره نتكلم شويه 

ردت توبه لا انا عايزه اقعد هنا لا تماره تصحى وتبقى محتاجانا 

رد ايوب لا ما تخافيش هي هتنام لغايه الصبح عشان الممرضه كانت جتها ابره 

قالت له ما انا عارفه 

ضحك ايوب وقال لها يعني كنت صاحيه اهو 

ردت عليه بكسوف ايوه 

قال لها طب يلا نقعد بره وخرجت معاه وقعدت جنبه 

وهو قال لها اعملي حسابك انك هتروحي معايا على البيت وانا فهمت امي انها تجهز الشقه اللي فوق عشان خاطرك 

ردت عليه ما لهاش لازمه انا هفضل قاعده في الاوضه بتاعتي وانت ابقى تعالى بص عليا كل شويه انا وتماره 

رد ايوب ما ينفعش لازم يعرفوا ان انا جوزك وانك بتقعدي معايا في نفس البيت وبننام في نفس الاوضه كمان 

اتكسفت توبه وقالت له وانت شايف ان كده الموضوع هيتحل 

رد ايوب بابتسامه اكيد هيتحل بصي يا توبه انا عايزه اقول لك اني كنت هتجوز بس مستني بنت الحلال الكويسه اللي هتراعي ربنا فيا 

ردت توبه يعني انا اعمل ايه دلوقتي 

انا هقول لك على حل بسيط وسهل قالت له اتفضل