رواية ملك الصقر الجزء الثاني الفصل الرابع والعشرون 24 والخامس والعشرون 25 بقلم بسنت شريف

صقر كان قاعد مع ملايكا ويوسف وعدي

صقر......تمام ياشباب و

وقطع كلامه صوت موبايله

صقر.....الو

الشخص.....صقر بيه المنشاوي

صقر....ايوه

الشخص.....ابن حضرتك عمر جيه المستشفي وخبطته عربيه في مستشفي ###

صقر حس انه اتشل مش قادر يستوعب اللي بيقولو ووقع الموبايل منه وهو بيحاول يجمع اللي اتقاله

ملايكا .....بابي في اي

صقر متنح مش مستوعب اللي اتقاله

عدي.....صقر بيه في اي مين كلمك

صقر فاق علي صوتهم ....ابني عمر وخرج من مكتبه يجري وعدي ويوسف وملايكا وراه مش فاهمين اي اللي حصل لعمر

عمر وصل المستشفي وكانت حالته خطيره جدا وجريو بيه علي عمليات

الممرضه....دكتوره ملك تعالي بسرعه

ملك....في اي

الممرضه.....حاله خطيره جدا

ملك.....اذاي حالته اي وخرجت معاها

ملك. راحت للعمليات ....في اي يا دكتور حالته اي

الدكتور....حادثه سير بس واضح حالته صعبه جدا وملامحه مش واضحه من اثر الدم بس اخدو في الريسيبشن موبايله عشان يوصله لاهله

ملك ....مش وقته دا لازم نشوف حالته

ملك دخلت جهزت للعمليات ودخلت الاوضه كان الممرضات بيحاولو يمسحو الدم عشان يخيطو جروحو

ملك.....ها عملتو اي و كلام ضاع منها اول ماشافت عمر قدامها .....عمر حبيبي مالك في اي رد عليا مالك انت لا ياعمر في اي اي اللي حصله رده عليا ابني اذاي عمر وهزت فيه

الدكتور .....دكتوره ملك انا مقدر حالتك بس هوحاليا محتاجك

ملك انهيارها بيزيد ومش قادره تقف علي رجليها وخرجت من العمليات كان صقر واقف باره

ملك بانهيار .....صقر عمر هيروح مننا ياصقر عمر بيموت ياصقر عمر

صقر بيحاول يتماسك وخدها في حضنه يهديها....اهدي ماتقلقيش هيبقي كويس

ملايكا.....عمر مالو في اي انا مش فاهمه حاجه فهموني في اي

ملك ودموعها نازله.....عمل حادثه وحالته خطيره اووي ياملايكا خطيره اووي

ملايكا..... اهدي ماتخفيش هيبقي كويس

يونس جيه يجيري عليهم و معاه عامر ....عمر مالوه في اي

ملايكا مسكت ايده وبعدت بيه وحكت ليه

الوقت كان بيعدي ببطء رهيب الثانيه كانها سنه الكل اتجمع وكانو قلقانين علي عمر

رائد.....هيبقي كويس ماتقلقش

عز.....ادعيلو ياصقر

صقر هز دماغه وسكت وقطع صمت صقر صوت موبايله ولفت انتباه انه رقم مشفر

صقر بعد عنهم ورد.....الو

..........ههههههههههههههه الاول ياصقر ولسه واحد واحد هموتهم قصاد عينك عارف انا بقالي سنين اد اي بفكر عشان انتقم منك

صقر بجنون... انا اذيتك ف حاجه تعالي واجهني اعمل فيا اللي انت عايزه اي ولادي مالهم دا حساب بينا احنا

......عشان هما نقطه ضعفك انا هستفاد اي اما اقتلك ولاحاجه لكن اما ولادك يموتو قدام عنيك واحد ورا واحد وانت مش قادر تنقذهم وقتها فعلا هتموت بدل المره عشره

صقر.....هقتلك صدقني هقتلك مش هسيبك ودا وعد مني

........ههههههههههه وانا مستنيك بس اشكرلي يونس كتير اوي هو اللي سمحلي ادخل مصر بوسطته وكمان عمر دا شقي اوي غيرك خالص قدرت اختي بكل سهوله توقعه في غرامها ومهما تعمل ياصقر مش هتوصلي لانك بتدور علي سراب مش موجود اصلا

تستمر القصة أدناه

صقر قفل وكان تايه اول مره حد ينتصر عليه واللي ضربه ضربه في مقتل في ابنه اول مره يحس انه مكسور وعاجز عن الحل

رائد.....صقر في اي مين دا

صقر بصله بتوهان ومردش

رائد.....اللي هددك صح هولي علاقه باللي حصل لعمر

صقر مردش

رائد......اجمد دلوقتي لانهم كلهم محتاجينك ياصقر وصدقني انا هجيبه حتي ولو في سابع ارض مش هسيبه ماتقلقش

صقر سابه ومشي رجع قعد مكانه وهو ساكت تماما مش بينطق وبعد مده خرج الدكتور

ملك....طمني عمر كويس

الدكتور بأسي....الحقيقه الاصابه كانت قويه اوي واثرت علي عمود الفقري ودا هيكون ليه اثار جانبيه

يونس .....ماتنطق يعني اي

الدكتور......هو مش هيقدر يمشي

صقر ....ااانت بتقول اي ابني اذاي انت انت

الدكتور.....انا اسف عارف ان الخبر صادم ليكم بس ماتقلقوش مع العلاج الطبيعي مع الوقت هيرجع يمشي تاني هي مساله وقت مش اكتر

يونس .....اي التخاريف اللي انت بتقولها دي اذاي يعني مش عارف تعالجه ادخلي ياماما انتي شوفيه دا واضح انه اتجنن

الدكتور....دي الاشاعات اللي بتثبت صحه كلامي وتقدرو تعرضوها علي اي دكتور اتفضلي يادكتوره ملك شوفيها

صقر قعد مكانه كان عليه جبل بسببه هو حصل لابنه كدا بسببه هو ابنه اتشل ومش هيقدر يتحرك تاني

ملك انهارت علي عمر وكل حزن عليه عشان الي وصله

يونس دموعه نزلت علي اخوه وحاله امه وابوه وجعتله قلبه اكتر

مليكه......عمر لي يحصل معاه كدا ليه دا لسه صغير لي يابابي

صقر موطي في الارض مش قادر يتكلم ولا قادر يستحمل كلام حد

ملايكا بعدت عنهم ووقفت عند شباك تتنفس كان المكان خلص منه الهوا وغمضت عنيها

عدي.....في اوقات بيسمح انك تتوجعي انتي بشر مش حجر مسموح ليكي تتالمي

ملايكا ....تفتكر

عدي.....هيبقي كويس بالعلاج و اكيد عمو صقر مش هيسيبه ولاطنط ملك هتعمل المستحيل وهتخليه يقوم انتي بس ادعيله

ملايكا اتلفتت ليه ودموعها نازله ....طيب وهو ياعدي هيستحمل يشوف نفسه عاجز هيتحمل انه مش قادر يجري ويلعب ويتططت ذي عادته انا وجعني وجعه هو لحظه اما يفوق ويعرف اللي حصله ياعدي مش عارفه هيعمل

عدي.....كلنا جنبه ياملايكا محدش هيسيبه هو محتاج كل يهون عليه وفتره وهتعدي

ملايكا ابتسمت من بين دموعها.....كلنا ورثنا كبرياء صقر المنشاوي وكلامنا معاه هيدمرو اكتر مش هيساعدو

عدي.....اوبس نسيتاها ديه اهو غروركم دا اللي مواديكم في داهيه يابنتي بالك لو اتخليتو عنه الدنيا هتبقي ذي الفل وحياه لذيذه بس اذاي مايصحش

ملايكا ....اسفه دوشتك وسابته ومشيت

+

صقر ساب الكل واقف ودخل لعمر

صقر .....اسف يا عمر مهما اقولك او اعتزرلك مفيش حاجه هتتغير اسف يا بني انا سبب في اللي حصلك دا انت اتاذيت بسببي انتقمو مني فيك ياعمر وانتقامهم كسرني كسرني في كل لحظه هشوفك عاجز فيها مش بتتحرك لو اقدر ابقي مكانك كنت عملت كدا بس اسف يابني وحياتك عندي ياعمر ماهرحمو وهجيبلك حقك منه هو كلبه اللي معاه ومش هسيبك يابني حتي لو حصل مش هسيبك ياعمر وهرجعك.حياتك اللب اخدتها منها سامحني يابني صقر مسحه دومعو واتلفت عشان يمشي اتصدم بوجود ملك بصاله بصدمه وعنيها كلها لوم ليه

صقر....ملك انتي

ملك.....انت سبب دا بسببك انت بنتقموا منك في ابني

صقر. وطي في الارض ومعرفش يرد عليها

ملك بانهيار وكانت بتخبطه في صدره بايديها......حرام عليك انت السبب دمرت حياته قضيت عليه اذاك في اي كل ذنبه انك انت ابوه انا عمري ماهسمحك ابدا يارتني ما عرفتك انت ضيعتلي ابني ابعد عننا حرام عليك شغلك هيدمرلي ولادي وهيضيعهم مني

صقر واقف جامد مابيتحركش سايبها تتكلم وطلع كل اللي جواها رغم ان كلامها دا كان سكاكين جواه وبتضغط بكلامها عليه لكن للاسف كل كلمه هي قالتها صح

تستمر القصة أدناه

صقر.....ممكن تهدي و تعالي نخرج باره عشان عمر

ملك.....مالكش دعوه بيه دا ابني انا انا اللي تعبت فيه انا وبس ولا نسيت ياصقر بيه

صقرمسك ايديها وخرجها من الاوضه وخرج من المستشفي كلها لانه مبقاش قادر يتحمل اللي حصله دا اكبر من طاقته وتحمله

ملك قعدت علي كرسي تعيط

علي.....اهدي ياحبيبتي هيبقي كويس ماتقلقيش

ملك.....يارب يا علي هو سبب يا علي كله بسببه هو

علي فهم ان كلام علي صقر.....بس مش بايده يا ملك وانتي واثقه من دا كويس صقر مستعد يضحي بحياته عشانكم

ملك...ًبس هو سبب هو اللي دمر حيات ابني انا عمري ماهسمحه ابدا

علي.....ملك صقر غصب عنه ولو كان فايده حاجه كان منع الضرر عن عمر هو محتاجك جنبه انتم الاتنين تسندو بعض

ملك رافضه تسمع كلام علي وسابته وقامت

مكه قاعده في اوضتها في المستشفي ومضايقه ان مفيش حد جيه يطمن عليها ولا حتي ممتها وبباها ودقايق وكانت دخلت ليها جويريه

جويرية.....عامله اي ياقمر

مكه.....لسه فاكره

جويريه.....غصب عني ياميكي معلش

مكه.....لي في اي

جويريه بحزن.....عمر عمل حادثه

مكه....امتي

جويريه ....انهارده

مكه.....يا حبيبي طيب وعامل اي

جويريه.....الحادثه اثرت عليه ومش هيقدر يمشي انا جيت اطمن عليكي. وهمشي بقي عشان يونس سلام

مكه....ماشي وابقي طمنيني عليه

جويريه ......اوكي باي

صقر وصل الجهاز ودخل مكتبه وكلام ملك مش رايح من دماغه هو عازىها ومقدر حالتها بس هو كان متوقع منها غير كدا متوقع منها انها تقف جنبه وتهون عليه كفايه ضميره وحزنه عليه كلامها دمره اكتر

طلع موبايله واتصل برقم وبعد دقايق كان رد

صقر.....هاي ساره

ساره....صقر بيه اهلا بحضرتك حضرتك كويس

صقر.....اه عايزك في خدمه

ساره......اكيد اتفضل

صقر.....########

ساره.....24ساعه واكون نفذت

صقر.....متشكر جدا ياساره

ساره.... صقر بيه حضرتك استاذي ودا مش طلب بالنسبالي دا امر من ساعدتك وهنفذه

صقر .....متشكر

في احدي السفن بحريه

بنت قاعده باصه للبحر وسرحانه

.....اي سرحانه في اي .

انجالي......ولاحاجه

....لافي مالك

انجالي.....عمر زعلانه عشانه حالته اكيد خطيره ديف

ديف.....دا انتقام ياانجالي ولانسيتي

انجالي.....بس انتقامنا من صقر مش من ولاده

ديف....هنتقم من صقر اذاي مثلا ااذيه في شغله صعب لانه مكانته في شغله كبيره جدا وصعب ااذيه اقتله مش هستفاد حاجه لكن حاليا انا بنتقم منه كويس اووي

انجالي بصت علي بحر تاني وسكتت

ديف....غبيه كنت فاكر اني اقوي من كدا

اليوم عدي عليهم وكان صعب علي كل ملك رجعت بيتها واضايقت من عدم وجود صقر

صقر فضل انه يفضل في مكتبه لحد.ماتهدي

صباح يوم جديد

ملك راح تطمن علي عمر وولادها معاها وكانت حالته اتحسنت ودخل اوضه عاديه

مليكه.....مامي هو عمر بقي كويس

ملك.....حالته استقرت يامليكه عشان كدا اتنقل اوضه عاديه

ملايكا......هو انا اعتقد انك دكتوره وفي سنه 5 يعني انتي اللي تطمنيا عليه ولا اي اللي بيحصل

مليكه....مش عارفه

فضلو وقت مع عمر لحد مابتدا يفوق وكان عدي وعامر وصلو عشان يطمنو عليه

ملك....حبيبي انت كويس حمدلله علي سلامتك

عمر بتعب....الله يسلمك

الكل اطمن عليه ومع الوقت ابتدا يفوق

يونس....اي ياشبح اخبارك

عمر....شبح مشااء الله تعليمي جاب نتيجه

مليكه.....شوفت بقي

عمر. ضحك وحاول يتعدل حس ان في حاجه غريبه

يونس.....في اي مالك

عمر ....مش عارف يايونس هو حد رابط رجلي

يونس بص لامه ....اذاي

عمر شال الغطا اللي عليه وكان مفيش حاجه

عمر بتعجب ....هو في اي هو انا رجلي مش بتتحرك ليه وحاسس انها تقيله ليه هو جبسها ولاهببو فيها اي

ملك طبطبت عليه وعيطت

عمر ....انتي بتعيطي ليه في ماتفهموني رجلي مالها

يونس....بوص يابطل هي فتره وهتعدي وصدقني في اقرب وقت هتكون اتحسنت

عمر بصله بصدمه....اتحسنت يعني انا مش فاهم حاجه انت قصدك اي انت عايز تقول اني مش همشي تاني

عدي.....هي فتره بسيطه ياعمر وهترجع تاني احسن من الاول ماتقلقش مع العلاج المسمتر حالتك هتتحسن صدقني

عمر باصص للكل ومش مصدق اللي هما بيقلوه يعني اي

مليكه....عمر انت ساكت لي قول اي حاجه

عمر ....هقول اي مفيش كلام يتقال

ملك.....حبيبي صدقني انا هعلجك وهوديك لاحسن دكاتره في العالم مش هسيبك كدا

عمر بص حواليه....فين بابا

ملك....مش هنا

عمر بصدمه....في شغله

ملايكا.....هو جاي يا حبيبي ارتاح انت بس

عمر ....طيب

ملك قامت عشان تساعده ينام بعد عنها

ملك....اي يا حبيبي

عمر.....انا هساعد نفسي شكرا

ملك....ياعمر انا

عمر بصوت عالي.....انا مش عايز حد يساعدني انا مش عاجز عشان ت.....سيبوني لوحدي

ملك عيطت عشان عنه وعلي حالته دي

عمر.....اخرجو باره مش عايز حد.

يونس.....حاضر يالاياجماعه

عمر .....ملايكا استني

كلهم خرجو وملايكا راحتله....نعم

عمر ....هي انجالي فين

ملايكا.....انجالي مين

عمر .....انجالي زملتي

ملايكا.....اها معرفش انا مش شوفتها

عمر....هي مش كانت هنا امبارح

ملايكا.....لالي هي كانت معاك

عمر.....ها اه

ملايكا....انت عايزها يعني

عمر....عايز اطمن عليها

ملايكا.....حاضر هات رقم موبايلها وانا هكلمها

عمر......ماشي كلميها دلوقتي طيب

ملايكا....ماشي قول الرقم ...

ملايكا اتصلت ورقم مقفول

ملايكا......مقفول

عمر ....مقفول اذاي كدا يكون حصلها حاجه

ملايكا.....طب اهدي ممكن وفهمني في اي

عمر حكالها اللي حصل وخناقه مع الولاد

ملايكا.....طيب قولي عنوانها

عمر....انتي هتروحي ليها

ملايكا.....ايوه

عمر ....بس طمنيني عليها ماشي

ملايكا....حاضر

ملايكا خرجت من عنده

يونس ....هو في اي

ملايكا....كان بيسال علي انجالي

يونس....انجالي....غريبه صح البنت دي فين انا كنت متوقع وجودها هنا بعد اللي عمله معاها

ملايكا ....عمل اي

يونس.....كلمني وطلب مني اني اسهل ليهم اجراءات عشان اخوها راجع من سفر

ملايكا....طيب طيب انا همشي دلوقتي سلام وسابتهم ومشيت وعدي كان وراها

عدي....انتي راحه فين

ملايكا.....مشوار في حاجه

عدي....استني هنا قوليلي الاول

ملايكا رفعت حاجبها.....وانت مالك اصلا وابعد عن دلوقتي وسابته ومشيت

عدي.....مجنونه ومش هتتغيري وخرج وراها عشان يتابعها من بعيد

ملايكا وصلت العنوان اللي عمر قالها عليه والبواب قالها انها سافرت وكانت ماجره بس الشقه لمده شهر

ملايكا شكوكها زادت فيها واتكدت انها سبب الحادثه لي عمر وراحت لصقر مكتبه

صقر....في اي عمر كويس

ملايكا....ايوه بس في حاجه غريبه

صقر....اي

ملايكا.....انجالي

صقر....مالها

ملايكا.....عمر اتخانق بسببها وكانت معاه وقت العربيه ماخبطته ومش كانت موجوده في المستشفي وقت اما وصلنا موبايلها مقفول وعزلت كل دا صدفه

صقر.....ابعدي عن الموضوع دا وخليكي في شغلك

ملايكا.....انت تعرف مين اللي عمل كدا صح وساكت

صقر.....انا مبحبش اكرر كلامي وياريت تنفذيه .

ملايكا.....حضرتك لازم تفهمني انا مش هسكت علي اللي حصل دا

صقر ....وانا بنبهك ولاخر مره الموضوع دا تبعدي عنه

ملايكا....وحق عمر

صقر.....مايخصكيش انتي ركزي في حياتك وشغلك وبس

ملايكا......انت بتقول اي دا لايمكن اما مش هسيب اللي عملو كدا في اخويا مهما كان تمن اي

صقر.....كلامي يتنفذ عشان تدخلك في الموضوع دا هيكون مقابله بدلتك في داخليه

ملايكا.....نعم

صقر......ذي ماسمعتي لو ادخلتي في الموضوع دا ياملايكا هتتفصلي من شغلك وانسي انك تبقي ظابط سوء هنا في جهاز او اي مكان تاني ودا مش تهديد.وانتي عارفه كويس اني مش بهدد

ملايكا بعند......وانا موافقه اجيب حق عمر وبعدها اترفد عن اذنك

صقر حط ايده علي دماغه مش عارف يعمل اي عناد ملايكا هيوديها في مشاكل هوعايز يبعدها عنها

عدي.....صقر بيه

صقر رفع وشه.....اي

عدي....تسمحلي من وقت حضرتك

صقر...في اي

عدي.....حضرتك كنت شاكك في انجالي من وقت ماشوفتها يوم فرح يونس واللي حصل النهارده دا ذياده تاكيد لشكوكك وانا ملايكا لحظنا نظارتك ليها وقتها ولااسف ملايكا قدرت النهارده تتاكد من دا والواضح ان الموضوع اكبر من البنت دي.صح

صقر....وبعدين

عدي.....انا سمعت كلامكم وانا اسف بس انا معترض علي كلام حضرتك .

صقر.....ملايكا همجيه وهضيع نفسها وانا مش هتحمل اشوف حاجه تانيه في حد كفايه عمر واللي حصله

عدي.....عشان كدا انا معترض مع تفكير حضرتك يافندم انت علمتنا اننا نجمع الخيوط.ونربطها عشان نوصل للحقيقه حضرتك كان ممكن تستغل ملايكا لصالحك انك تشغلها تحت عنيك وتعرف هي بتعمل اي احسن ما تعمل حاجه من غير تفكير وتكون تمنها صعب

صقر.....انا كل يهمني هي ماتتاذيش

عدي.....يافندم طول ماتحت عنيك انت هتحميها وانا معاها ماتقلقش

صقر ابتسم.......ماشي ياعدي هكلمها في الموضوع

عدي.....تمام يافندم عن اذن حضرتك

صقر....اتفضل

+

صقر كلم جاسر يطمن علب عمر وحكاله اللي حصل ف قرر انه يروح ليه وبعد مده كان وصل

صقر دخل كان عمر مغمض عينه وعامل نفسه نايم ودموعه معلمه

صقر. حاول يطلع صوته بالعافيه.....عمر انت كويس انا عارف انك صاحي

عمر فتح عنيه.....لسه فاكر تيجي شغلك اهم مني

صقر......مفيش حاجه اهم منك صدقني

عمر .....امال مش كنت موجود معاهم الصبح ليه

صقر وطي في الارض ومعرفش يقوله اي ....المهم انت عامل اي دلوقتي

عمر ....مش همشي تاني يا بابا مش هعرف ابقي ظابط قوي ذيك

صقر.خده ف حضنه.....ماتقولش كدا انت هتبقي كويس صدقني وانا بوعدك مش هسيبك يا حبيبي والدكاتره كلهم اكدو انك مع العلاج الطبيعي حالتك هتتحسن

عمر.....بجد.يابابا

صقر.....بجد بس انت خليك قوي ومش اي حاجه تهز ثقتك في نفسك مجرد ازمه وهتعدي وهترجع اقوي من الاول

عمر ابتسم.....انشااء الله

صقر......حبيبي اجمد كدا عشان تخرج من هنا و ملك دخلت عليه بسعاده .....عمر انت واتفجئت بوجود صقر وصعب عليها حزنه باين عليه شكله حزين ومهموم.وابتسمت ان عمر مبتسم مع ابوه

ملك.....بتضحك دلوقتي

عمر.....معلش انا اسف اني ضايقتك

ملك....ولا يهمك والخبر الحلو اني بعدت الاشاعات بتاعتك لدكتور في امريكا واكدلي ان حالتك مش صعبه وهتعمل وليك عمليه وهتبقي كويس

عمر بسعاده.....انتي بتتكلمي جد

ملك.....جد جداا

عمر حضن ابوه

ملك.....اي دا انا اللي قولت الخبر مش بباك

عمر ضحك ....هو اللي قريب مني

ملك راحت حضانته وبصت لصقر

صقر.....سلام بقي يا بطل عشان عندي شغل وهبقي اجيلك تاني