رواية في قلب القريه الفصل السابع عشر 17 والثامن عشر 18 بقلم نوسه حمد
في_قلب_القريه17
وانا طالعه الجامعه لاقاني صهيب في وشي وكان اول مره يجي ما عارفه الوصف ليهو البيت منو شكلو دا احمد ومهاد طوالي لصق فيني كف لمن امي قامت مخلوعه قلت ليهو مالي انا عملت شنو حرام عليك قال لي انتي الما عملتيهو شنو نزلتي راسنا الارض تعملي علاقه مع ولد خالتو وتسوقي امي وتهربي الخرطوم وبقا خانقني قال لي انتي ما بتشرفينا امي بقت تكورك وفكتو مني قلت ليهو حرام عليك تتهمني اتهام باطل زي دا انا الله عالم بي وعالم بسبب طلاقي من محمد وبعدين ولد خالتو منو الانا حبيتو قال لي وليد انخلعت وامي زاتا انخلعت قلت ليهو صهيب وعزه جلال الله انا وليد لمن طلب يدي رفضتو عشان انا رافضه اسكن في قريتهم رغم انو متعلم وبعدين منو القال ليك انا جيت هنا وجبت امي عشان وليد قال لي هاك وفتح لي التلفون ووراني صوره وليد ماسكني من يدي وانا واقفه جنب عربيتو وتاني صوره فتح لي باب العربيه وركبتا امي لمن وقعت ساعه حتي قدرنا نصحيها وامي بعد وعت بقت تنظر لي نظره حسره وانا قطع شك عرفت البت دي مهاد
امي قالت لي يا خساره قلت ليها يمه خساره شنو انتي صدقتيهم قالت لي صدقت عيوني ولاول مره امي تمد يدها علي كانت لحظه صعبه جدا علي وكنت حاسه انو عيوني بتطلع دم م دموع 😢 قلت ليها يمك حقك تكفتيني بس يمه انتي عودتيني علي الصراحه اقسم بالله من انا طفله للان ما عملت حاجه غلط ولا فكرت اعمل وقبل تهاجموني شوفو الكابوس العايشه فيهو وما عاينت لي نفسي عاينت لي مصلحه اخوي الاتهمني بالجنون والكف دا اتوقعتو من احمد بس انت ياصهيب الفاهم المتعلم قال لي يا سلام عاوزاني اعمل شنو لمن أشوف اختي ماسك يدها ولد وانتي عارفه احمد لو عرف الموضوع دا ممكن يركب ويجي يقتلك عديل قعدت اضحك ضحك هستيري الاتنين بقو اعاينو لي امي خافت قالت لي بسم الله يابتي مالك فيك شنو لو جنيتي وريتيني قلت ليها يمه انا م جنيت ولا ح اجن بس مهاد ح تجننكم وتجنني وبعدين يا صهيب دي مهاد الجابت ليك صورتي صاح قال ليك خليك من الجاب لي صورتك هل الصوره الانتي شايفاها دي صاح كان تحترمي النقاب اللابساهو قلت ليهو النقاب انا محترماهو والله وربنا عالم بي والصوره دي الاخدها لي وقال فيني الكلام دا بكره بجي بقول في مرتك واولادك واتزكر كلامي دا كويس قال لي منو مهاد ما تقدر قلت ليهو انت مسكين ياخ الناس ديل انا عاشرتهم وعيشتا معاهم جاهلين وغير البهتان والكلام في اعراض الناس م عندهم شي عشان ماتقولو ما كلمتكم والصوره دي اتصورت بعد انا مسكت مهاد من شعرا ودقيتا ووليد كان جاي الجامعه عشان موضوع مهاد دا وانا ما كنت عايزه اتكلم واحل الموضوع معاها باحترام لغايه ما تتطلق من احمد اخوي امي قالت لي دقيتيها كيف يابتي قلت ليها يمه الموضوع خطير وموضوع بجنن عديل ولازم اتكلم ولازم احكي لو سكت اكتر من كده البت دي ح تقول فيني اكتر يلا اسمعوني من غير مقاطعه وبقيت احكي ليهم من لحظه الولد دا كان بجيها الجامعه ولمن حملت بالحرام والشرطه قبضتها لغايه ما لمن اتزوجت والولد دا غالطني والامن وداني للعميد والعميد بعرفو وقالو لي دي زوجتو ولو اتعرضت ليها تاني ح يتم فصلي وانا كل يوم الهم عاوز يقتلني وبقيت افتش لطريقه اكشف فيها مهاد دي ولسه مستمره تلبس لبس خليع وفاكه شعرها ومصره انو هي زوجه الولد امي قالت لي انتي محمومه ولا حاجه صهيب قال ليها بتك دي لازم توديها لشيخ الموضوع لو زاد اكتر من كده يا عالم البحصل شنو قلت ليهو شيخ شنو دقيقه انا اوعا منكم وكل القلتو ليكم دا حقيقه ولو م مصدقني انت بكره تمشي معاي الجامعه وح تشوف مهاد والولد وح تصدقني امي قالت ليهو يا ولدي احتمال اختك كلاما صاح ولو البتقول فيهو دا صاح سجم خشمنا قال ليها يمه انتي ماقادره تقتنعي بتك دي لازم تربطيها عند شيخ قالت ليهو كدي انت اقعد بكره وشوف الحاصل شنو وتاني نحنا بنفكر نعمل شنو قال ليها قلتي كده قالت ليهو اي صهيب طلع تلفونو واتصل علي مرتو قال ليها انا بايت مع ناس امي وماشي مع نسيبه دي بكره الجامعه في موضوع كده قالتو لي وعاوز اتاكد منو قالت ليهو تمام اخد راحتك مشيت اتوضيت وصليت والنوم ما جاني امي ختت الاكل ونادتني قلت ليها م عايزه حسيت جاتني نفسيات وما طايقه صوتهم وللصباح م نومتا صليت الصبح وصحيت امي صلت وعملت الشاي صهيب صحا ولقاني جاهزه شربنا الشاي وطلعت واليوم داك بس قاعدين في شجره جنب باب الجامعه وما دخلت اي محاضره ومنتتظره مهاد اجيها الولد عشان اثبت لي صهيب بس حصل الما متوقع وشكلو صهيب لمن كان بتكلم مع مرتو كانت جنبها مهاد جات وقفت جنبنا ولابسه العبايه والطرحه والحجاب وسلمت علينا كانو مافي شي كان وكانها ما شافتني امس ودقيتا قالت لي صهيب الليله معانا بهنا ما كان تقول كان عزمتك فطور وقالت لي كيفك يا نوسه وكيف خالتو طولت منكم ما شفتكم دايره ارد عليها واخمشا من وشها صهيب جراني من طرحتي وقال ليها عن اذنك وساقني وقال لي لا لا انتي مجنونه رسمي ما دايره شيخ دايره التجاني الماحي قلت ليهو تجاني الماحي شنو اقسم بالله انا اعقل منك ومسك تلفونو اتصل علي احمد وقال ليهو نسيبه دي شكلها بقت مريضه نفسيا ولازم اوديها المستشفى عشان ما معروف الظروف ويا عالم تعمل شنو انا قعدت اكورك فيهو قفل خشمي لغايه ما ناس الشارع احتارو وجو عشان يشاكلوهو قال ليهم اختي دي مجنونه ما بنفع معاها اللين ووقف اقرب رقشه ووداني البيت وانا شغاله اقول ليهو انت صدقت التمثيليه المثلتا ليك مهاد دي قال لي انتي حدك وين التهيأت البتجيك دي ح تدمرك وتدمرنا وصلنا البيت ودخلني في غرفه وطبلني وقال لي امي بتك دي جنت رسمي اتهمت مهاد والليله مشيت وشفت مهاد بي عيني محترمه نفسها امي قالت ليهو سجمي واحمد اشيل ويتصل وماسك ليهو وديها لمصحه ما تخليها تفضحنا وانا اطق في الباب واكسر فيهو وهم مفتكرين اي تصرف مني جنون غلبني اعمل شنو اتزكرت وليد قلت ليهو اديني شنطتي النشيل التلفون واخلي وليد يفهمكم الحقيقه قال لي وليد الجننك وداير يجننا وقال لي امي جهزي لي شنطتا لازم اوديها مصحه امي رفضت بس اقنعها قال ليها في حاله عدم وعي زي دي احتمال تعمل اي شئ وتقع في مشاكل ماليها حد احسن نوديها الدكتور وهو الاتصرف معاها واقنعها وساقني قوه لمصحه انا الخوف قتلني وحسيت نفسي ضعيفه وبعد كنت بقنع فيهو انو انا م مجنونه سكتا وبقيت مخلوعه وزي الجاتني حاجه من الشي الحصل لي غصبا عني دخلني المصحه وقال للدكتور اختي دي بقت تتهيأ ليها حاجات ومصره انها حقيقه وما حقيقه وبتتكلم بره من راسها وانا الدكتور خلعني اكتر من الموقف والتقول هو زاتو مجنون وقال ليهو ح نعالجها ليكم وان شاءالله ما تحتاج مده طويله قلت ليهو لا انا م مجنونه دقيقه افهمك ودايره اتكلم ممرضه جات ادتني حقنه سكتتني وبقيت اضحك واضحك واتكلم بره من راسي وساقتني مكان وكنت دايخه اظني م وصلت السرير سمح وقعتا وانا نايمه ما عارفه تاني الختاني في السرير منو وصحيت فتحت عيوني والقا ليك البنات اشكال وانواع والنوع المجنونات رسمي وشعبي ديك كنت سرحانه وواحده مفتكراني بعاين ليها جات من بعيد وقعت فيني ضرب وعضعيض انا لمن قلبي وقف واتلمن فيني المجنونات ربطني في السرير لغايه م جات الممرضه فكتني وشاكلتهن قلت ليها اسمعيني اقسم بالله انا م مجنونه ممكن تساعديني ما اتناقشت معاي قالت لي م تتحركي من مكانك دا وتاني ادتني حقنه وبقيت شايفه المكان دا ماشي بي والناس الفيهو بنططو النطيط الواحد دا ومن هنا بدت المآسي وياعالم الحق يظهر كيف……….يتبع
في_قلب_القريه18
انجبرت علي وضع بسبب اخواني غصبا عني ما قدرو يغصبوني علي راجلي غصبوني علي الاكعب منو وبقيت عايشه في توتر وكل ما احاول اقنع الممرضه اني انا كويسه وجيت هنا غصبا عني بتديني حقنه بكون ما واعيه بعديها وبنوم فترات طويله وطبعا حته اني اهرب دي مستحيله الناس ديل مقفلننا بطريقه غريبه شديد قلت انا لازم الزم الصمت وعشان ما كل ما اتكلم البت دي تديني حقنه بقيت اشحد في ربنا انو الممرضه دي تخلي الشغل ولا اي شي يحصل يخليها تطلع من المركز وبقيت ساكته وبعاين بعيوني وقاعده في الركن ادوني اكل باكل وساكته وطبعا الحولي كلهم مجناين رسمي وشعبي والعجب الدكتور مجنون اكتر منهن انا لمن يجي داخل بجيني اكتئاب عديل بس لاحظت لي واحده زيها زيي ساكته وحركتها عاديه ما زي المجنونات الفي العنبر بليل قلت لازم اشوفا مالا بعد الممرضه تمشي تنوم المهم بليل كده لقيتا تصلي سلمت عليها قلت ليها انتي م مريضه صاح ابتسمت وقالت لي اي وانتي م عيانه صاح قلت ليها اي طبقت المصلايه وجات جنبي برضو كنت خايفه منها لاحظت لي قالت لي م تخافي مني انا طبيعيه قلت ليها طيب جيتي هنا ليه قالت لي خليك مني انتي جيتي هنا ليه قلت ليها انا جيت هنا غصبا عني وبقيت احكي ليها في القصه من اولها لي اخرها قالت لي اقول شي وما تزعلي قلت ليها ابدا قالت لي البسمع القصه دي لازم يصفك بالجنون قلت ليها ليه قالت لي انتي اسمك منو قلت ليها نوسه قالت لي شوفي ي نوسه ماف بت ناس بتمثل انها متزوجه اتنين والغريب في القصه العميد قال ليك وبصم بالعشره انها زوجتو اكيد في شي غلط ولا فعلا زي ما قالو اخوانك انتي بتهيأ ليك قلت ليها انا والله صادقه في اي حرف قلتو بس م قادره اثبت قالت لي معليش يعني اخوك دا غبي لدرجه انو اتزوج ويقبل واحده لعبت بي شرفها قلت ليها وما كده بس بعد شهر ونص من فضيحتا اتزوجها ومبسوط حد الانبساط قالت لي قصه غريبه ياخ وبتجنن عديل انا هسي راسي بقا جايط معاك قلت ليها انتي لو في مكاني تعملي شنو قالت لي انا وانتي بنختلف انا لو كنت في مكانك مالي ومالا ماعندي فيها شغله اركز في قرايتي الطلعت عشانا واخليها لربها واخوك م صغير قلت ليها فعلا انتي م زيي انا كنت لمن اشوفها كانو كشحو فيني نار بقرب اكتلها دي عرض اخوي واخوي زول صعب وكلمتو سيف بس انتي عارفه يستاهل لانو حزرناهو منها وعامل فيها راجل وكلمتي واحده وما بتراجع وووووو قالت لي واحتمال اكونو عاملين ليهو شي اصلو البتقولي فيهو دا ما بكون طبيعي قلت ليها والله دي الحاجه الوحيده الانا ما بعرفها وانا هسي بقيت في نفسي ماقادره ع الوضع دا بجن فعلا لو خلوني هنا قالت لي لو الوضع بجنن كان جنني انا لي سنه هنا قلت ليها كيف وانتي مالك قالت لي انا جيت بنفسي هنا والمركز دا مجنونه م مجنونه بقبلوك دايرين قروش مالن ومالك قلت ليها لاحظت ليهم وكل ما اتكلم البت بتديني حقنه قالت لي شايفاها اي انا بفرق عنك انو ما باخد حقن وخشمي عندي قلت ليها طيب انتي مالك جيتي هنا قالت لي قصه طويله انا ي ستي اتزوجت لي ولد اصغر علي كان شغال في نفس الشركه الشغال فيها وانا كنت المديره حقتو المهم حبيتو وهو وهمني بالحب وكنت مفتكره انو فعلا بحبني واتعلقت بيهو واتزوجتو غصبا عن اهلي واهلو برضو واشتريت لي بيت وقروشي كلها ليهو قال عاوز يعمل مشروع قلت ومالو راجلي اديتو حتي دهبي وعمل شغل ونجح فيهو اول جميل قدمو لي طلقني واتزوج بت عمو وخلا خشمي ملح ملح رجعتا بيتنا وخليت الشغل وجاني اكتئاب واهلي كلامهم كان كلو زي الزفت وما خلو لي كلام كعب ماسمعوني ليهو وكانو متغاظين انو انا عصيت كلامهم وكتر علي الكلام حتي الجيران بقو يدخلو فيني وابسط عقوبه بعاقبها لي نفسي اني ادخل مصحه وجيت هنا ورغم الوضع الانتي شايفاهو بس انا مرتاحه قلت ليها انتي عارفه اقسم بالله انتي هبله وغبيه قالت لي احتمال قلت ليها في زول عاقل اجي مكان زي دا قالت لي امشي وين قلت ليها ومالك قايلاها وانتي ضعيفه كده انتي زوله كنتي مديره وزوله فاهمه كيف تجي هنا اهلك تطلعي منهم تمشي اي داخليه ولا اي مكان قالت لي وكلام الناس انا هنا مرتاحه احسن اقولو هديك ليها جنت من اقولو طلعت من البيت قلت ليها كلام الناس شنو يعني الناس في كل الحالات بتكلمو كونو انك تتزوجي الولد الاصغر منك دا دي قسمه ماف مفر من القسمه بس كونو انك تديهو كل املاكك ابقا دا غباء منك قالت لي كنت عميانه بي حبو وهو كان لسانو حلو وانا الغبيه مصدقه انو بحبني فعلا م كنت متخيلا انها لعبه منو قلت ليها طيب سؤال ليه م ولدتي منو قالت لي غباء مني كان بقول لي م عايزين اطفال هسي نخليها بعد خمسه سنين وما كنت مفتكره انو هو عاوز يغدر بي
قلت ليها حركاتو واضحه بس انتي م كنتي بتفهمي ولازم تطلعي تشيلي حقك وما تنكسري ليهو ولا فعلا ح تكوني مجنونه قالت لي ما بقدر قلت ليها م علي كيفك انتي زوله واعيه ما تمرضي نفسك بالغصب ختي يدك مع يدي وخلينا نطلع من هنا خليني انسند بيك ونشوف حياتنا انا متاكده اخوي بكون ساق امي معاهو يعني انا هنا م عندي قبله خلينا نعمل اي شي ونطلع ساعديني الله يساعدك قالت لي ح اساعدك والله بس انا م عاوزه اطلع قلت ليها لا ح تطلعي يعني ح تقعدي هنا لمتين قالت لي لمن اموت قلت ليها تدفني روحك بالحياه حرام عليك نفسك صلاتك دي زاتا ما ماشه تطلعي من هنا وترجعي شغلك وتتزوجي وتلدي اولاد ينفعوك ويسندوك بعدين واهلك امشي ليهم بعد ترجعي احسن من اول بقيت اقنع فيها عشان تطلع وشكلها انصدمت شديد بس بقيت أترجا فيها لانها املي الوحيد الح يطلعني من هنا بتكون عارفه اي شي عن المركز انا مسافه اعرف اي شي بجن والله قلت ليها انتي متوضيه استخيري وفكري في كلامي وخلينا نشوف طريقه نشرد بيها قالت لي الفيهو خير يعملو ربنا قلت ليها انا ماشه انوم انتي فكري تمام مشيت منها وقلبي مقطوع عليها وكرهت الرجال اكتر مما كرهاناهم يعني عشان الانثي ضعيفه يلعبو بيها كوره نومتا صحيت الصباح بالبت بتصحي فيني وانا نسيتا عديل قومتا مخلوعه افتكرتها مجنونه عاوزه تدقني وشغاله اكورك وهي تقول لي نوسه انا اشتياق وانا ما فاهمه هي منو لمن جات الممرضه ادتني حقنه وساقتا مني صحيت بعد زمن وراسي لافي وشامه الوضع شديد والممرضه ما مدياني فرصه امش لي البت انتظرت لغايه بليل مشيت ليها حسيتا زعلانه مني قلت ليها مالك بسم الله قالت لي الصباح احرجتيني وبدت تحكي لي ف الحصل قلت ليها اقسم بالله م بتزكر اي شي غير انو الممرضه ادتني حقنه قالت لي جيت اقول ليك انا خلاص استخرت وح اطلع معاك بس نفكر نطلع من هنا كيف قلت ليها ايوا كده ودي عندك انتي لاني انا مافاهمه اي شي في المكان دا واستنجدتا بيك وحمدت الله اني لقيت زول واعي هنا قالت لي والله انتي زرعتي فيني امل وكل القلتي صاح ليه ادفن نفسي بالحياه لازم اطلع واوجهه الحياه والمجتمع قلت ليها دا الكلام وصدقيني ربنا ح يرزقك زوج صالح يعوضك كل الشفتي قالت لي امين ي نوسه بس انا مشكلتي عاطفيه خايفه تاني اتخزل قلت ليها لا تاني م ح تنخزلي باذن الله وعوض ربنا جميل انتي بس ورينا صرفه نطلع بيها من هنا قالت لي دي محلوله قلت ليها كيف قالت لي الممرضه دي كريهه وما عندها رحمه لمن تشتغل بتزيد للناس امراضهم بس في واحده بت طيبه وحنينه لو شفتيها ملاك بس دوامها تقريبا بكره انا بتفاهم معاها لانها طوالي بتقول لي حرام انتي تكوني هنا ولو شافتك انتي صدقيني حقنه واحده ح تديك ليها ماف لانها عندها رحمه قلت ليها بس كده ظابط معانا وما نهم لاي شي لا اكل لا شراب لا محل سكن نتوكل علي ربنا وربنا ح يهونا قالت لي تمام
مشيت منها مبسوطه عدينا كم يوم الممرضه الحنينه جات اشتياق اول ما شافتها اشرت لي عليها وسبحان الله من شكلها حنينه جات جنبي وسلمت علي بكل ادب قالت لي انتي نسيبه صاح قلت ليها اي بقت تسال فيني وارد عليها قالت لي انتي كويسه صاح جيتي هنا لشنو قلت ليها انا م لقيت زول اسمع لي لا الدكتور لا الممرضه الكانت قبليك انا جيت هنا غصبا عني وبقيت احكي ليها بقت تستغفر وتتعوذ كانت شايله ليها حقنه كانت عاوزه تديني ليها لمن عرفت اني كويسه رمتا في السله وقالت لي حرام انتي تاخدي حقن مهدئه وانتي كويسه قلت ليها ساعدينا انا واشتياق قالت لي بجيك بعدين لانو الدكتور لو جا لقاني واقفه وما اديتك الحقنه رزقي بنقطع قلت ليها تمام
انتظرنا لي بليل الممرضه جاتنا واتكلمنا معاها قالت لينا طيب بساعدكم بس ع شرط لو قبضوكم ما تجيبو سيرتي قلنا ليها تمام المهم قريب للصبح الممرضه جات طلعتنا وودعتنا وفاتت وطلعنا من غير م نشيل اي شي بس بي عباياتنا وكنا جيعانين شديد ولا جنيه ما عندنا لقينا لينا مطعم راقي كده دخلنا وقلنا ليهم م عندنا قروش ادونا ناكل ان شالله بواقي الناس بتاع الكاشير زول طيب قال لينا العفو انتو ضيوفنا وقعدونا وجابو لينا اكل اكلنا لمن شبعنا وادونا عصير وما كده الولد حلف ادينا قروش شكرناهو ومشينا قلت ليها شفتي ربنا كريم لمن نتوكل عليهو بسخر في طريقنا اولاد الحلال قالت لي الحمد لله قالت لي هسي نمشي وين قلت ليها لازم نفكر انا عندي زول لازم اصل ليهو قالت لي وين هو قلت ليها شغال في جامعه ام درمان الاسلاميه قالت لي تمام نمشي ليهو وبعديها نمشي الشركه بتاعتي بس ان شالله نلقا المدير لانو بثق فيني شديد وح يرجعني الشغل من غير تفكير قلت ليها انا متفائله ح تلقي المدير باذن الله قالت لي تمام مشينا بالقروش الادانا ليها الولد لحدي الجامعه ومشيت المكتب سالت من استاذ وليد ودوني ليهو في مكتبو لمن شافني لمن انخلع قال لي نوسه الف سلامه ليك مشيت الجامعه سالت منك وقالو مريضه قلت ليهو لا م مريضه انا بس دي مهاد قال لي مهاد مالا حكيت ليهو انها صورتنا وورتا لي اخواني قال لي بتوقع منها اي شي ي نوسه قلت ليهو وليد ممكن تحكي لي الحاصل بي امانه قال لي نوسه انا اتصلت ليك الف مره عشان احكي ليك بس م قدرتا اصل ليك والقصه معقده جدا قلت ليهو شنو احكيها قال لي الولد المع مهاد دا ولد وزير وزول قادر شديد العميد قال لي وراني قسيمه حقتهم هو ومهاد انا راسي شطب قلت ليهو يعني مهاد متزوجاهم الاتنين……….يتبع تتوقعو شنو متزوجاهم الاتنين ولا القسيمه مزوره ؟؟؟؟؟؟؟