رواية في قلب القريه الفصل التاسع عشر 19 بقلم نوسه حمد
وليد قال لي نوسه القصه معقده جدا الولد المع مهاد ولد وزير ولا سفير م عارف والعميد قال لي وراني قسيمه بي اسماهم قلت ليهو كيف يعني يا وليد تكون متزوجاهم الاتنين قال لي نوسه م ح نقدر نحكم علي حاجه خصوصا القسيمه دي مافي يدنا ولا ح تكون في يدنا لانها في يد الولد واستحاله نقدر نصل ليها قلت ليهو كيف يعني انا لازم اصل للحقيقه واكشفها قال لي نوسه عاوزه نصيحتي ولا غيرها قلت ليهو اكيد نصيحتك قال لي اول شي انتي زوله حياتك كانت ملخبطه وطلعتي عشان تثبتي نفسك صدقيني لو باريتي القصص دي اقسم بالله ما ح تستفيدي حاجه قلت ليهو لا ح استفيد دا اخوي يا وليد قال لي ماف زول مغالطك بس اخوك دا كلمتي صاح قلت ليهو اي وهسي زي ماقلتي كلمتي صهيب بالحقيقه صاح قلت ليهو اي ووداك المصحه صاح قلت ليهو اي قال لي تاني عاوزه تدخلي نفسك في متاهات اشتياق قالت لي نوسه موش انا سمعت كلامك وطلعت عشان مستقبلي ممكن انتي برضو تسمعي كلام الاستاذ دا وكلامي لانو معاهو حق انتي ح تقعي في مشاكل لا ليها اول لا اخر احسن تشوفي مستقبلك وتثبتي نفسك وخليهم لي الخالقهم الحقيقه لابد بتظهر سكتا م رديت عليهم حسيت بضيق نفس انا النوع الحقانيه شديد ما قاعده احب اللف والدوران بس هم عندهم حق لو سكيت الموضوع دا ح اتعب شديد وليد قال لي لازم تتحولي من الجامعه دي وما تعتبي عتبتها لانو مهاد لو شافتك ح تسلمك لي اخوانك قلت ليهو طيب اتحول كيف وانا ما عندي اوراق واعمل شنو قال لي دا خلي علي انا بمش الجامعه وبطلب التحويل وبسجل ليك في الجامعه الشغال فيها دي قلت ليهو لا لا يا وليد كده ح يثبتو علي التهمه ويقولو فعلا اني عامله معاك علاقه قال لي م مشكله بحولك اي جامعه وبعيد من مهاد قلت ليهو تمام قلت ليهو نسيت اقول ليك انا ما عندي تلفون وما عندي اي شي عشان تصلني بيهو قال لي صاحبتك دي م عندها قلت ليها لا برضو قال لي م مشكله بعد كم يوم تعالي لي هنا في الجامعه وخلي بالك من نفسك قلت ليهو طيب وطلعنا رجعنا الشركه بتاعت اشتياق والناس كلهم رحبو بيها شكلها كانت محبوبه شديد بس الله اجازي الكان السبب سالتهم من المدير قالو ليها موجود ودخلنا ليهو في مكتبو وكان زعلان شديد رفض يسلم عليها وشكلو زول محترم وراقي جدا اداها محاضره لمن قعدت تبكي وانا زاتي بكيت معاها قال ليها الكلام الحار ببكي لكن لمصلحتك قلت ليهو هي غلطت والله بس هسي هي رجعت لي صوابها وجات طالبه منك الخير وانها ترجع شغلها قال لي انو ترجع شغلها اكيد ومليون في الميه بتي اشتياق دي كانت روح الشركه كنت م بثق في زول غيرها وانا بحمد ربنا انها رجعت ومن بكره تنزل شغل شكرتو شديد وحسا بيها مبهدله وحالتها صعبه اتصل للسكرتيره وقال ليها اصرفي ليها مكافأة كانو كان حاسي بينا انو م عندنا قروش اشتياق استلمت القروش والشارع كلو تبكي قلت ليها انتي عويره مفترض تفرحي ربنا كرمك ووفقك ودي بشاره خير لطريق كلو خير قالت لي نوسه انا بحبك والله والفضل يرجع ليك انقذتي حياتي من الدمار قلت ليها عارفه ي اشتياق انتي زاتك طيبه انا ف الاول زعلت انو جابوني المصحه وانا طبيعيه وما مجنونه بس انا ربنا رسلني ليك عشان اطلعك من الانتي فيهو وعسا ان تكرهو شيئا وهو خيرا لكم دخولي المصحه كان لخير ليك والحمد لله وانا كمان ربنا عوضني بي اخت قالت لي عمري م ح انساك ونتفق م نبعد عن بعض انا م ح ارجع اهلي قلت ليها ح ترجعي ان شاء الله بعد تبقي كويسه قالت لي ارجع لكلام الناس قلت ليها كلام الناس محل م نقبل بنلقاهو عشان كده احسن نتجاوزو وما نستسلم قالت لي ان شاء الله قالت لي نمش وين قلت ليها نفسي امش اشوف امي بس خايفه تتصل لي اخواني تكلمهم ومن ناحيه تانيه مشتاقه ليها قلبها بكون مقطوع واحتمال اكونو اخواني اقنعوها وساقوها قالت لي عندي فكره انتي اقيفي بعيد وانا بطق الباب لو جات هي انا بمهد ليها الطريق وافهما اي شي واشوف رده فعلها لقيتا عاوزاك وم ح تكلم اخوانك بجيك عشان تمشي ليها قلت ليها حلو وركبنا مشينا وتحت شجره انتظرت اشتياق ووصفت ليها البيت ومن بعيد شايفاها وطقت الباب كتير مافي زول جاها جاتا خالتو سعاد واظنها قالت ليها ناس البيت ماف انا طوالي قومتا مشيت لمن شافتني لمن حضنتني وقعدت تبكي بكا تقول امي ما زوله لمانا بيها الزمن ودخلتنا بيتا في وشي لاقاني ولدها قال لي حمد لله ع السلامه والحاصل شنو وكانو بعاينو لي بي اندهاش شكلو امي قالت ليهم انا عيانه قلت ليهو انا كويسه الحمد لله انت كيفك قال لي بخير والله امي يوميا تبكي عليكم وامك فرقت معاها شديد قلت ليهم امي وين قالو لي اخوانك ساقوها بالقوه وبعد انا دخلوني المصحه امي بقت عيانه وخالتو سعاد قالت لي والله انا كنت بشيلا في عيوني بس اخوانك رفضو م قدرت اقنعهم وانتي اخبارك شنو قلت ليها خالتو سعاد انا كويسه ما عيانه زي ما قالو اخواني بس اخواني مفتكرني جنيت قالت لي كر علي قطعتي قلبي هسي لو جنيتي فعلا ادخلوك مصحه وامك ليه خلتهم قلت ليها اخواني صعبين بعملو الفي راسهم وبالقوه قالت لي مالي لي الدرجه دي قلت ليها دي قصه طويله ح احكيها ليك نحنا ماشين هسي قالت لي ماشين وين ودي منو قلت ليها دي اشتياق مظلومه زيها زي قالت ليها ي بتي حتي لو انظلمتي ارفعي يدك لي ربنا وما تضعفي وخلي ايمانك قوي قالت ليها غلطه ما ح تتكرر تاني والبركه في نسيبه خلتني اصحا من الكنت فيهو قلت ليها بنجيك تاني قالت لي ماشات وين النفتح ليكم البيت اقعدو فيهو قلت ليها لا امي احتمال تجي واخواني بجو قالت لي ما اظنهم يجو ولو جو بنقول ليهم البيت سيدو جا ما بجوكم قلت ليها لا لا انا خايفه برجعوني تاني المصحه قالت لي استهدي بالله مصحه شنو البترجعي ليها وانتي واعيه مستحيل يرجعوك وهسي تمشن وين احسن ليكم افتح ليكم البيت واخوك ما شال حاجاتك شال حاجات امك بس انا لميتن في شنطتك دموعي جرت حسيت كانو انا موتا قالت لي م تبكي يا بتي امك زاتها حسيتا غلبت حيله وانكسرت واول مره اشوفها مكسوره من جيتو سكنتو حسيتا قويه وشجاعه بس لمن فقدتك انكسرت اخوانك الله اهديهم ان شاءالله البعملو فيهو دا غلط قلت ليها الحمد لله الغلط من الاول زواجي من محمد بس اقول شنو قسمتي كده قالت لي ما تيأسي انتي زوله متعلمه لو الطرق كلها اتقفلت في وشك خلي املك في ربنا كبير قلت ليها فعلا والله انا لازم اكون قويه لازم اعافر الحياه وما استسلم للواقع قالت لي بس دا الكلام قشيت دموعي وشيلت مفتاح البيت ومن جنب الباب جاتني صوره امي وانفقعتا بالبكا فقد الام حار اخواني ما فارقين معاي بس امي الطلعت عشاني وسندتني حسبي الله ونعم الوكيل في مهاد اشتياق قالت لي البكا ما حل قوي قلبك م تنكسري قلت ليها ان شاء الله دخلت لقيت ملابسي كلهن قاعدات وشنطتي بالتلفون واوراقي كلها ف الشنطه حمدتا الله وطلعت التلفون وجدعت الشريحه وتاني يوم بدري خليت اشتياق نايمه مشيت اشتريت لي شريحه شغلتها واتصلت لي وليد قلت ليهو دا رقمي الجديد وكنت سامعه صوت جوطه وبكا قلبي بقا يدق قلت ليهو وليد فشنو قال لي نوسه انا ما سامعك انا في البلد في مصيبه حاصله……..
لقراءة باقي الفصول اضغط هنا