رواية عشق محرم
الفصل الرابع4
بقلم سوليه نصار
رمشت وانا حاسة بالصد.مة وقولت ؛
-بتقولي ايه ؟!
بصتلي ماما نورا بحيرة وقالت ؛
-ايه اللي هو ايه يا لولا بقولك كريم مستنيكي برة ...!!
بلعت ريقي وانا قلبي بيدق جامد ....حاسه ان الاوضة ضاقت بيا واني مش قادرة اخد نفسي ......
-انا عايزة انام يا ماما مش قادرة اشوف حد ....
قولتها ولسه هغطي وشي وانام...ماما قربت مني وهي بتقول :
-تنامي ايه يا بنت قومي ....يمكن يكون عايزك في حوار سارة ...يا بنتي ابوس ايديكي أنا عايزاهم يتجوزوا ...ده حلم حياتي والا والله قلبي يتحر.ق لو الجوازة دي باظت ...
حسيت بنا.ر في قلبي وانا مش عارفة اقول ايه ...اتنهدت بتعب وقومت وانا بقول :
-طيب هاخد شاور على السريع وألبس واطلعله ....
.......
بعد شوية ....
طلعت وانا باصة للأرض ...مش قادرة ابص عليه ...أنا طول اليوم احلم باللي حصل وصاحية مخنو.قة وانا عايزة انساه الاقيه.جاي البيت بنفسه يارب قويني...أنا غلـ.طت غلـ.طة كبيرة بس سامحني وقويني .... كانت ماما باين عليها الارتباك وهي بتروح عشان تجبله عصير ...قعدت بعيد عنه وانا باصة في الأرض ....قلبي بيدق جامد وانا مستنياه يتكلم ...بس واضح أنه مقالش اللي حصل لحد ...غمضت عينيا وانا مستنياه انه يهز.قني على اللي عملته ....وانا استاهل اي كلمة هيقولها في حقي ...لاني غلطت وانا عارفة كده كويس ....بس فجأة اتصدمت وهو بيقول بهدوء :
-انا آسف!!!
بصتله بصد.مة فقال:
-كنت دايما بقول انك اختي بس اللي عملته بشـ.ع أنا انسان مش كويس ...
هزيت راسي ودموعي بتنزل ...ازاي بيقول كده ...أنا هي اللي بشـ.عة مش هو ......
كنت عايزة اتكلم بس مقدرتش ....كنت حاسة بالكسوف منه .....لدرجة اني حتى مقدرتش ابص على عينيه ....
-انا بعتذرلك ...وحابب انك تنسي اللي حصل بيننا ...كانت لحظة شيطا.ن مني ...أنا آسف ...انتي زي ما انتي اختي الصغيرة اللي بعزها ....
حسيت قلبي اتكـ.سر لما قالي كده ...أنا عارفة أنه كان بيشيل الحر.ج مني ...حتى لو هو هيتحمل الغلـ.ط كله ....
-شكرا يا كريم ...
همست بيها وانا لسه باصة على الأرض ومسحت دموعي ....
فجأة ماما جات وهي شايلة العصير كان باين على عينيها الاهتمام عشان تشوف قرار كريم ...هي كانت فاكرة اني بقنعه....
-ها يا كريم قررت ايه يا ابني؟
قالتها ماما بتوتر فبصلها بحيرة وقتها أنا اتكلمت بسرعة :
-قصدها على الموضوع اللي كلمتك فيه امبارح انك تحاول تدي لسارة فرصة تاني وترجعوا زي الاول ...
كنت ببصله برجاء وهو فهم ....بص لماما وقال:
-الحقيقة يا طنط ليلى فعلا كلمتني امبارح وانا كنت جاي اقولها رايي فأنا هقول قدامك بالمر ...أنا آسف مش هرجع لسارة !!!