رواية عشق محرم
الفصل الخامس5
بقلم سوليه نصار
-ليه يا ابني كده ...
قالتها ماما بهـ.لع ...وهي بتبص لكريم ...كانت عينه الزرقا باردة وهو بيبصلها وقال:
-بنتك بتحب واحد تاني ....عايزاني اتجوز واحدة قلبها مع حد غيري ....ده مستحيل .....
كانت ماما مرعوبة وانا قلبي بيدق جامد ...من جوايا حسيت بسعادة واتضايقت وانا حاسة بالسعادة دي...بس فكرت ان كده كده هي مبتحبهوش فعادي انا احبه ....حتى لو محبنيش..
أنا مش عايزة اقاوم مشاعري اكتر من كده...بس رجعت وهز.قت نفسي وقولت ان ماما هتقدر تقنع كريم وآني لازم مفكرش فيه ...كفاية اني أحر.جت نفسي معاه ....قومت بهدوء وانا سايبة ماما بتتكلم معاه ودخلت اوضتي ....محسيتش بنفسي غير وانا يبتسم وبخلع النضارة بتاعتي وبقرب على المرايا وانا بشوف ملامحي...مكانتش ملامحي وحشة بس مكنتش بحلاوة سارة ....غير اني مش بنت ماما نورا وبابا صادق الحقيقية فأكيد مش هكون زي سارة ...
هزيت راسي وانا حاسة نفسي و.حشة ...ازاي بعد اللي عملوه عشاني افكر كده...لا لا مش هكون وحشة....
لبست نضارتي وانا باخد دفتر اليوميات بتاعي من الدرج بتاعي السري اللي قفلاه ...
فتحت دفتر اليوميات بتاعتي وانا ببص على صور كريم ...صور كتيرة ليه في كل صفحة وكل صفحة بكتب كل موقف حلو كان بيننا...دي الحاجة الوحيدة اللي مش قادرة ابطلها ...
يعني أنا قدرت اني مبصلهوش كتير ...او اتلكك واتصل بيه لما كان خاطب سارة لاني حسيت اني و.حشة ...بس مقدرتش اني مكتبش اللي بيحصل بيننا أنا وهو ...آخر ورقة كنت بكتبها وانا منهارة اووي ....كنت بكتب اللي حصل بيننا ..ازاي اتهورت وبوسته ...ازاي كنت مصدومة من اخلاقي ومصدومة انه موقفنيش......
قلبي دق جامد وانا بقرأ الصفحة دي ...اتمنيت وقتها احبه بس من غير ما احس بالذ.نب او النقص ...مش هحلم انه يبادلني الحب ده ...بس عايزة يكون ليا الحق احبه او احلم بيه .....
دموعي نزلت وانا حاسة بالقهر.ة ......فجأة طلعت من شرودي لما ماما نورا نادت عليا ...
قومت وطلعتلها بسرعة ....
.....
ماما كانت بتنفـ.خ ومتضا.يقة ولقيت ان كريم مشي ...بصتلي بضيق وقالتلي :
-روحي اغسلي مواعين الفطار اللي في المطبخ قبل ما نعمل الغدا عشان متتكومش ..
جريت بسرعة على المطبخ وانا حاسة بالتوتر منها ..شكل كريم رفض يرجع لسارة....قلبي دق جامد وانا بسأل نفسي هل اقدر أحبه براحتي لو مرجعش لسارة ولا هبقى خاينة ؟!
فجأة شهقت والطبق وقع من ايدي وانكـ.سر لما سمعت ماما نورا بتزعق وبتناديني ....
جريت ليها وانا مر عوبة حتى مهتمتش بالطبق اللي اتكـ.سر لقيتها في اوضتي أنا وسارة وماسكة دفتر المذاكرات بتاعتي!
-ايه ده ؟!
قالتها بصوت مخـ.يف وكان باين عليها الصد.مة والغضـ.