رواية ضحية فرعون الفصل التاسع والثلاثون 39 بقلم منه محمد
ايمان رايحه جايه ع البوابه ترن الجرس وقالت بقلق: ياتري فيه حد في البيت ليه مفتحش البوابه
ايمان طلعت موبيلها واتصلت برقمه وقبل ما ترد وتساله
امير كان فتح الخط وشخط فيها: ليه ضربتي الجرس كذا مره مش قادره تصبري مفكره نفسك شخصيه مهمه وواجب عليا اجري افتح لك الباب لو عايزه تشوفي ولادك متعمليش مشاكل تستني لما انزل افتح لك
ايمان لنفسها : لسه بتخطط تسئ معاملتي مره تانيه مش مهم عشان ولادي مستعده اتحمل واضح انها هتمطر
امير ماشي بخطوه بارده وراسه مرفوعه لفوق بكل كبر وفتح لها البوابه
ايمان: فين ولادي
امير من غير ما يبصلها: هما جوه البيت
ايمان: ممكن ادخل
امير: مفيش داعي لو عايزه تشوفيهم يبقي بره
ايمان: تمام المهم اشوفهم
امير بص للكيس الي معاها وعلق بستفسار: ايه ده
ايمان: اكل عملته ليهم
امير بحده: ليه شيفاني فقير لدرجه مش هقدر ائكلهم, ولا مفكره اكلك طعمه حلو اوي لدرجه تجيبي لهم منه , ولا تكوني حاطه فيه حاجه
ايمان عقدت حواجبها : حاجه ايه, انت تقصد ايه
امير: متتظاهريش بالحيره معتقده انا مش مدرك عايزه تسحريني مش كده وعايزه تبعدي عني الاولاد وتحاولي تحرضيهم ضدي وضد جيجي , انتي في الحقيقه غيرانه وحقوده وموجوعه لانك مش عايزني اتجوزها
ايمان: اقسم بالله اني معملش كفر زي كده , ومعنديش مانع تتجوزها ولا حتي عندي مثقال ذره غيره او حقد في قلبي , انا بدعي ليل مع نهار ان ربنا يقفل قلبي ناحيتك لحد ما اموت
امير نظق بنبره كلها غيظ: مفيش داهي تدعي, لحد ما اموت مش عايزك وحتي لما اموت مش عايز اشوف وشك
ايمان: وانا لو امكن حتي في الاخره مش عايزه اقابلك , عشان كدا تعال نصفي الامور الي بينا في الدنيا
امير: عارف ليه بتقولي كده, انتي في الواقع متشوقه تتجوزي من حاتم ويمكن قاعده تعدي الايام للطلاق
ايمان ربعت ايدها قدامه وبكل سخريه: الي عايز يطلق ويتجوز بجد انا ولا انت
امير: لو كنتي مستعجله انا مستعجل اكتر منك اطلقك , ماهو اكيد مش قادره تنامي لانك بتفكري في ثروه حاتم , اهلك عارفين بوضعك ده شايف لازم اعرفهم يمكن يبنسطوا بما ان بنتهم الا لعوبان قدرت تلاقي راجل غني مره تانيه
ايمان زقت منه البوابه بحده: عايزه اشوف ولادي
امير زق الباب في وشها وهو ماسكه بكف ايده: استني هو انا مش فهمتك قبل كده ولا مفهمتيش , رجلك مش هتعبت جوه بيتي وتشوفيهم دقايق معدوده متفضليش هنا مده طويله لان ريحتك وحشه
ايمان غمضت عيونها............ يارب اديني الصبر وطوله البال .....لحد ما اطمن ع ولادي
جيجي ابتسمت بستمتاع من الشباك ولنفسها : ممتع اوي وانا شيفاكي ذليله كدا يا ايمان,,حياتي بقت ملونه بعد ما بقيت جزء من حياتك, والا كنت هحس بالملل
..................قصص منه محمد كاتب..................
الاولاد جريوا بكل شوق ولهفه ع حضن امهم هو موطن الطمأنينة الأول، وملاذ الروح الآمن. هو الدفء الذي يزيل وحشة الأيام، والبلسم الذي يشفي كل أوجاع الحياة بصمت وهي ضمتهم لان حضنهم هو الدواء الشافي لكل تعب، والوطن الآمن الذي يمحو قسوة العالم. لحظة سحرية تتوقف فيها الحياة، لتشعر الأم أن الكون بأسره يلتف حول قلبها بالدفء والحب والامتنان
ايمان تضم فيهم: عاملين ايه كويسين
يامن بدموع: ماما انا تعبان
ايمان بتمسح دموعه بحنان بالغ : عارفه انك تعبان يا حبيبي بس اخدت علاجك مش كده اسمعني متلعبش في الميه وتبلل هدومك , ومتأكلش من التلاجه ومتخففش لبسك, لان ممكن تمرض , ومتجريش
ياسين: انا كنت مهتم بيامن , وقلت له متجريش بس هو جري ومسمعش كلامي
اميره: ماما يله ندخل ليه واقفه بره
ايمان سالت دموع القهر وقالت: مقدرش ادخل يا بنتي انا هقعد معاهم شويه هنا اصلي مسافره القريه تاني
اميره: ليه مسافره هناك ماما ارجوكي ادخلي عايزكي هنا انتي مش بتحبيني
ايمان خطفتهم لحضنها: لا بحبكم كلكم بحبكم كتير
اميره ببكاء: ماما ارجعي البيت والنبي ماتسافري القريه عايزكي توصليني وترجعيني من المدرسه انا مش بحب البدي جارد هو شرس
ياسين: انا كمان مش بحبه يا ماما هو دايما يتعصب ع يامن
يامن: ايوه قال عني شقي وانا مش شقي خالص, لعبت بس مع ياسين والعصير وقع في العربيه وزعق لي جامد وبابا عاقبني بالكتابه كتير مش كدا يا ياسين
ياسين: كتب كتير مسكين يامن يا ماما , وانا ساعدته في الكتابه عشان يخلص
ايمان: اه يا ولادي يا مساكين تعالوا في حضني كفايه متعيطوش انا جبتلكم معايا الاكل الي بتحبوه عايزين تاكلوا منه يله تعالوا ناكل
الاولاد قعدوا ع السور جنبهم وايمان فتحت العلب وطلعت الملاعق
ايمان: عملت ليامن الفراخ المشويه الي بيحبها
يامن: الله ريحتها تجنن , وحشني ائكلك اوي يا ماما
ايمان: عارفه تعال ائكلك ثانيه افتح علبه المكرونه وعملت كريب لاميره وياسو يله وزعي ع اخواتك
اميره بسعاده: حاضر
ايمان بصتله: مالك يا يامن انت بردت
يامن بيفرك في كتافه: ماما تعالي ناكل جوه مع بابا
ايمان بقهره: مقدرش ادخل يابني يله ناكل هنا
اميره: بس الجوز بارد هنا يله ندخل ويامن هيتعب
ياسين: ارجوكي ادخلي
يامن سابها وجري ع جوه وراح لامير: بابا خلي ماما تدخل انا واخواتي عايزين ناكل سيبها تدخل عشان تاكل معانا ارجوك يا بابا
جيجي حست ان امير هيوافق حطت ايدها ع ركبته وحركت دماغها بـ لاء
امير قام بغضب وشاف المنظر الي قدامه انفعل: لحظه لحظه بتعملي ايه ممكن تظهري شويه احترام لكرامتي, مش مكسوفه قدام الجيران
اميره: بابا سيب ماما تدخل الجو هيمطر ويامن هيتعب
امير سحبهم من قدامها : لا يمكن امكم تدخل يله ادخلوا البيت حالا
ايمان بتسحبهم من ايده : سيبني ائكلهم شويه, لو مش عاوزني ادخل خلاص سبني اقعد في الفراند ائكلهم
امير: انتي مش بتفهمي من كرم اخلاقي سمحت لك تشوفيهم ليه واقفه تأكليهم هنا مش محروجه من تصرفاتك الي تكسف شكلنا قدام الجيران وانتم مستنين ايه يله ادخلوا
اميره بزعيق: لو مسبتهاش تدخل هناكل هنا مع ماما , ماما اقعدي واكليني
امير: كفايه عناد يا اميره متعصبنيش
يامن قعد: وانا عايز ماما تأكلني
ياسين قعد: وانا كمان
ايمان طبطبت عليهم: حاضر حاضر هأكلكم
امير: بتعملوا ايه اتجننتوا يله ادخلوا حالا ع جوه , قاعدين ولا الشحاتين جرالكم ايه بتتصرفوا زي المتسولين لو عايزه تبقي متسوله ده يخصك مدخليش ولادي في ده سامعه , ارجعي مكانك وانتم يله ع جوه ادخلوا ساره
ايمان: طيب سيبهم ياكلوا شويه
امير: اسكتي يا ايمان , ساااره اميره اتحركي مستنيه ايه
اميره ضمت ايمان من وسطها وبكاء هستيري: مش عايزه ادخل عايزه ماما
يامن بعياط : انا ملحقتش اشبع منها
ياسين بدموع: وانا كمان
امير صرخ بغضب: يلللله ادخلواااا
ايمان برجاء كله دموع: اتوسل اليك سيبني اشبع منهم شويه , خليني اهديهم واوعدك مش هاجي هنا بعد كده , ارحم حاله ولادي
امير: مفيش حاجه من دي هما ولادي , متحاوليش تظهري تاني قدامهم انا عطيتك فرصه بس ندمت لاني سمحت لك تشوفيهم بس خلقتي مشاكل امشي يله
ايمان: ارجوك شويه كمان
امير زقها: غوري من خلقتي
الاولاد بيصرخوا في ايد ساره الي متأثره بس هي عبد المأمور
امير: ادخلو
يامن وياسين بيقاومه يفكوا نفسهم من ايده: عايزين ماما
امير: متبقوش عنادين وتعصبوني ساره اقفلي بسرعه البوابه
ايمان اول ما البوابه اغلقت انهارت راكعه ع الارض وتهبد بنهيار ع البوابه وحنين نزلت من عربيتها وضمتها
ايمان : ولادي ياحنين الغلابه كانوا عايزين ياكلوا بس الظالم اخدهم مني ملحقتش اشوفهم , ليه عاملني بالطريقه دي
حنين: ايمان انتي عارفه ان كل ده جزء من خطته هو بيلعب انه يدمر نفسيتك هو قاصد تنهاري وتعاني قومي يا ايمان قومي عشان تقفي بكل قوتك قصاده
ايمان تشهق : ليه طردني كان سبني شويه والله مابقيت خلاص قادره قلبي وجعني يارب, يارب اديني قوه التحمل لولادي
حنين ضمتها لحضنها واخدتها لحد البيت لكن محطمة ..منهارة
...................قصص منه محمد كاتب.............
في بيت حنين نايمه تعيط بحرقه وقهر ع السرير وشويه حنين دخلت الغرفه ومعاها صنيه حطتها ع الكمدينو
حنين بحزن : كفايه عياط يا ايمان , فكري في الخطوه الجايه الي هتعمليها وسيبي الباقي ع الله
ايمان بشهقات من اعماق قلبها: مسمحش لاولادي ياكلوا يا حنين , كانوا جعانين ليه بقي قاسي للدرجه لو عاملني انا بالقسوه دي هتحمل , لكن ولادي ليه يعاملهم بالشكل ده, لا مش هقدر اتحمل قلبي وجعني
حنين: فهماكي وحاسه بيكي, هتكلم مع اكرم بخصوص ايه الي ممكن نعمله متحزنيش يله كلي وخدي علاجك انا هروح اطمن ع احمد وارجعلك تاكلي وارتاحي ووقفي عياط
ايمان مسحت دموعها بعنف وقالت......لوحصل اي حاجه لولادي مش هسامحك ابد يا امير..... ابدا ............ومش هرحمك
قصص منه محمد كاتب ضحيه فرعون
ماشين الثلاثه في المول لكنه ماشي كأنه تايهه حزين جدا
جيجي بحماس: بالنسبه لفستان كتب الكتاب رأي اشتري قماش وافصله مخصوص عشاني ايه رايك يا بيبي
امير انتبه وعلق: معنديش مانع انا موافق ع كل الي هتقرريه
شاهيناز: هيبقي فستان تحفه لوهيناسب عودك وبالنسبه للملابس التانيه ممكن اخدك اشهر محلات الازياء فيها مصممين مشهورين عندي قايمه بأسمائهم
جيجي: حبي عايزه ادخل المحل ده
شاهيناز: وانا عايزه ادخل الحل ده ثانيه ورجعالكم
جيجي مسكت في دراعه امير وسحبته معاها وشاهي رايحه تدخل المحل
صابرين بسخريه لاذعه: شاهي هانم
شاهيناز وقفت مبتسمه: صابرين معقول اتقابلنا هنا بالصدفه
صابرين: واضح انك مشغوله اكتر من ام العروسه , هتكسبي ايه
شاهيناز كشرت ملامحها وعلقت: لقيت السعاده يا صابرين اكيد مش هينتهي بيا الحال بالبؤس
صابرين: انتي مبسوطه بتدمير سعاده ابني , انتي سعيده انك فصلتي ام عن اولادها
شاهيناز: مش غلطتي كل ده غلطه ايمان , هي الي معرفتش تحافظ ع جوزها , ولا عرفت تحافظ ع كرامته
صابرين: يونس هيتجوز الشهر الجاي عرفتي عن ده, وبسالك ياتري وافقتي يجبلك ضره قال انك مش ممانعه , فهمت دلوقت ليه دعمتي بكل جوارحك امير يتجوز من واحده تانيه , في الواقع انتي ميهمكيش مشاعر واحساس ايمان بما انك قبلتي الوضع ع نفسك انا مستعجبه جدا
شاهيناز كأنها اتحولت لتمثال جامد خالي من اي تعابير
صابرين بشمته: اتمناه تكوني مبسوطه مع ضرتك
...........قصص منه محمد كاتب..............
في بيت حنين قاعدين ياكلوا بيتزا ع السفره
ايمان: ايه الي جابك في الوقت المتأخر ده يا ايمن , زعجت نفسك انا كويسه عندي حمي خفيفه
ايمن حط الشوكه وقال بقهر: سخنتي لانك مشتاق للاولاد قبل ما تشوفيهم طردك الملعون امير
ايمان: يالله يا حنين حكت لك ع كل حاجه ده هيخلق مشاكل احنا في غني عنها
ايمن: مفيش مشاكل يا ايمان انا جيت هنا اشوفك واطمن عليكي وبعد شويه هروحله واعقابه
ايمان: ايمن بالله عليك ما تعمل معاه مشاكل
ايمن: لان فيه مشاكل كون انه يعاملك كأن ملكيش اهل ولا قارب ولا اصحاب هيزعلوا عشانك للسبب ده هو واخد راحته يعاملك بالطريقه دي
ايمان: سيبه لربنا يعاقبه مين احنا عشان نعاقبه فاهم كلامي
ايمن: انا فاهم حاجه واحده الشخص ده مكنش يناسبك
ايمان نزلت دمعة من عينها : وانا بقول ليه يارب قبل ما اروحله شقته كانت رجلي انكسرت او يحصل فيا حاجه وكأن القدر شئ لابد أنه يحصل لا حبي هيرجع ولا ايامي هترحمني
قصص منه محمد كاتب ضحيه فرعون
رجعت البيت طفت كل الانوار وقعدت منتظره في الضلمه
يونس دخل وولع النور وفات من قدامها من غير ما ينطق بكلمه واحده اتجاهل حرفيا وجودها
شاهيناز قامت بنفعال: رجعت اليوم متاخر كنت فين ولا كنت في معاد ومتمثلش انك مش شايفني
يونس وقف قصادها: لا شوفتك بس مش عايز حتي ارمي السلام عليكي يعني انسي من بعد اليوم اسلم وفري كلامك لانه هيبقي ع الفاضي
شاهيناز: يعني متعمد تتجنب الكلام معايا, لان سرك اتفضح
يونس: سري انفضح , ولا تقصدي الحقيقه اني عايز اتجوز واحده تانيه لا ده مش سر انا ذعت الخبر للكل
شاهيناز: وليه معرفش بده , انا مراتك كمان لازم تبلغني الاول قبل اي حد
يونس: وليه لازم ابلغلك من امتي اصلا مهتمه بأموري انتي مش فاضيه مشغوله بفرح امير وجيجي لو عايز اتناقش في الموضوع معاكي ياتري كنتي هتسمعيني من اصله , الرد لاْ
شاهيناز: انت بارع تخترع الاعذار والحجج
يونس: لا المساله مش كده يا شاهي حتي لو عرفتي ياتري كنتي هتهتمي بالعكس هتقفي تتحديني اكتر
شاهيناز: شايفني اباجوره في البيت تعاملني زي ما تحب
يونس: دلوقت بس حسيتي انا بقي بعاني نفس الاحساس من فتره طويله مفيش سبب تغضبي مني
شاهيناز: انت عايز تتجوز عليا ومتوقع مغضبش, انت حاسس بالي عملته فيا
يونس زعق: عملت ايه, لو عايز اتجوز تاني مين هو السبب, السبب هو انتي راجعي نفسك مين اهملت واجباتها كزوجه ليا, فين دورك الي المفروض تقومي بيه اتجاهي
شاهيناز: انا بعمل الي عليا كل هدومك نضيفه ومترتبه عايز ايه تاني
يونس: ده الي تعمله الخدامه انا محتاج زوجه ياتري انتي عاملتيني يوم كزوج
شاهيناز: استني عندك انا لسه مخلصتش كلامي , عايزك تفتح عينك كويس بص حواليك بص للبيت شايف ايه
يونس: انتي الي محتاجه تفتحي عينك كويس, اه البيت مفروش من اغلي الاثاث لكن حيطانه فاضيه مفهاش روح فارغه عارفه ليه بقي عامل كده لانك مش عارفه انا عايز ايه , عايز الموده مفيش موده منك كل حاجه في البيت كأنها من غير حياه
شاهيناز: عايز موده بس دي مش هتملي المعده الفلوس والممتلكات والاسهم والجوهرات كلها متوفره ها فيه ناقصك عشان تروح تتجوز عليا ومين بقي العظيمه الي قررت تجيبها ضره عليا, هي غنيه للدرجه وعندها كام مليون عشان مستعد تأذيني وتجرحني
يونس: ست بسيطه وجات هنا تشتغل عشان تكسب لقمه العيش , وموظفه عاديه
شاهيناز: اه يعني ناويه تستولي ع ثروتي , انت اعمي مش شايف نيتها هي عايزه تتجوزك عشان طمعانه في فلوسي, بس تفضل تحلم مش هطول مليم واحد
يونس بغيظ من تفكيرها: ايه علاقه فلوسك , هي عايزه تتجوزني انا مش تتجوزك انتي
شاهيناز بتهديد صريح: متنساش ده ماشي, متنساش انا سبق وحذرتك لو اتجرات واحده تاخدك مني او طلقتني مش هتاخد قرش واحد من ثروتي متنساش يا يونس كل ثروتي وفلوسي باسمي
يونس: تمام مش عايز مليم واحد من فلوسك , واضح ان نصيبنا مع بعض انتهي لحد هنا , هسيب البيت وهمشي بالهدوم الي عليا , وهأسس حياه جديده لنفسي وهي هتقبلني زي ما انا
شاهيناز بغضب : واضح انك مستني تسيب البيت يله مع السلامه امشي, وامشي دلوقت مستني ايه ونتقابل بكره في المحكمه هرفع دعوه طلاق للضرر مفكرين عشان غنيه هتستغلوني بسهوله
...............قصص منه محمد كاتب..............
في الشركه فاتح ملفات ويفرك في جبينه حاسس انه مش مرتاح
جيجي ماسكه مجله: بيبي انهي اجمل تورته تلات ادوار ولا خمسه
امير بدون نفس : اختاريهم كلهم سهله انا مشغول دلوقت
جيجي كشرت: انت ع طول مشغول رغم فرحنا اخر الشهر
امير: ايوه عارف لكن مشروعنا الكبير اهم لو متمش بسلاسه انا الي هتلام وابوكي هيتعصب مني وشوفي انتي مشغوله بايه وبعدين مش مرات عمنا اهتمت بكل حاجه ياريت تركزي ع شغلك
جيجي ضربت الارض برجليها وقالت بغضب:ياربي انا بتعامل بس مع الحاجات الصغيره , وطنط بتتعامل مع الحاجات الكبيره
امير رفع ايده وفضل يحك جبينه بعبث
جيجي : ممكن اعملك مساج هساعدك تخفف شويه من توترك , حبي بعد ما نتجوز لازم تسيب الي وراك وتركز عليا انا وبس
ايمن فتح الباب ودخل شد امير من ياقه قميصه وجيجي اتفزعت وصرخت
امير: هو فيه ايه انت كماان بتحاول تبقي وقح زي اختك
ايمن ضربه بالبوكس في معدته وحدفه ع الارض وقال: انت الي وقح ورخيص وجبان تستقوي ع ست اضعف منك , والست دي للاسف مراتك . الي من المفترض انا الي ابقي خصمك بتحاول تتباهي يله قوم يله بس ده تحذير اخير لو اذيت اختي تاني انا وخالي ادهم مش هنسيبك في حالك ابدا هنقلب حياتك جحيم
جيجي سندت امير وقالت له: بجد وضيع هتصل بلامن
امير شاورلها: لاء
جيجي بتعجب: ليه عايز تسيبه وهو اتواقح عليك , مين هو ده اخو ايمان صح
قصص منه محمد كاتب ضحيه فرعون
شاهيناز من كتير العصبيه والغضب وقعت جامد في ارضيه الحمام وصرخت
يونس جري فتح الباب: وقعتي ازاي
شاهيناز بدموع: معرفش مره واحده اتزحلقت
يونس نخ قدامها: لازم تروحي المستشفي تشوفها خايف يكون كسر
شاهيناز: لا مش عايزه سبني لوحدي في البيت اتحمل الالم لحالي
يونس مسكها من دراعها ييرفعها: قومي تعالي
شاهيناز: سبني
يونس بصلها قوي وقال: هو انا مقرف لدرجه مش متحمله المسك عايز اساعدك مش اضرك زي ما عمل ااميره في ايمان
شاهيناز: انا هقوم لوحدي ابعد
يونس اتنهد وقال: كفايه عناد ويله اتمسكي فيا
شاهيناز مشت بالعافيه: مش قادره
يونس : تعالي اطلعي ع السرير
شاهيناز : وجعاني
يونس راح فتح الدرج بسؤال: حطيتي فين المرهم
شاهيناز: مش عايزه منك حاجه
يونس: لو كانت كدمه هتزيد
شاهيناز: لم هدومك اكيد متشوق تعيش مع الست دي , مفيش لزوم تقلق عليا بعد كده سواء عشت ولا مت ده ميخصكش
يونس بصلها بنظره غريبه وهو مبتسم اوي
شاهياز: ايه النظره العجيبه دي روح بصلها هي اكيد اصغر واجمل واكيد هتعيش مبسوط معاها انا مفيش مني فايده عشان تعيش معايا وتتحمل
يونس انت غيرانه عليا صح
شاهيناز: طبعا غيرانه مش انت جوزي
يونس ابتسملها : الغيره دليل انك لسه بتحبيني , وانا لسه بحبك فاكره اول مره حاولت اكسب قلبك فاكره مي صاحبتك هي الي عرفتي ازاي اوصل لمفاتيح قلبك واكسبه
شاهيناز بألم: ليه افتكرتها فجأه
يونس: مش كانت اعز صحابك انتي مش بتصاحبي اي حد لكنك اخترتيها صاحبه وساعدتيها في امور كتير رغم كنتي عارف انها من عيله فقيره والسب ده الي خلاني مصمم اخدك ليا وكنت عارف هتكوني احسن زوجه ليا
شاهيناز: بصراحه انا مدينه ليها بحياتي لمي لحد دلوقت اتبرعت لي بدمها لما عملت حادثه وخسرت دم كتير وكانت حالتي حرجه وبالصدفه طلعت فصيله دمها متطابقه معايا لكن حياتها كانت قصيره واكشتفت انها بتعاني من فشل كلوي بعد شهر ماتت ليه خبت مرضها عني كنت هساعدها لو محتاجه للفلوس عشان تعمل عمليه او حتي تسافر بس هي عندها عزه نفس رفضت تزود حملي
يونس بمغزي: وهي اثبتت مش كل فقير مهوس بالفلوس دماها بيجري جواكي فيه دم شخص فقير ياتري فيه فرق
شاهيناز: انت بتستغل الفرص عشان تهيني
يونس: مش بهينك هي نصيحه مفيش داعي تحتقري اي انسان لانه فقير او جاي من قريه كلنا قدام الله سواسيه
.................قصص منه محمد كاتب.............
يونس طوي سجاده الصلاه ولبس نضارته وعدل شعره وجاب محفظته وقعد جنبها
يونس بدموع: من يوم وفاه ليلي احتفظت بصورتها في محفظتي منين ما اروح اشيلها معايا , واليوم عايز ادهالك
شاهيناز اخدتها منه وباستها ودموعها شلال سال ع خدودها وضمتها لصدرها
يونس: انتي بتحبي بنتنا ومشتاق لها
شاهيناز بصوت مخنوق: ايوه بحبها ومشتاقه لها اوي
يونس: لما ماتت انقطع حبنا ليها , طول حياتي فشلت اكون اب كفؤ ليها بعد ما مشت وعدت نفسي اكون اب صالح في كل سجده ادعي لله تكون من اهل الجنه وانا اتوب واجمد وانفذ اوامر الله والح يتسجيب دعائي ويرحم بنتي
شاهيناز: انا كمان دعيت كتير لبنتي حبيبتي
يونس : انت فهمتي الي عايز اقوله يا شاهي, لو كنا فعلا بنحب ليلي لازم احنا الاتنين نتغير سوي, نتوب سوي , واتخلي عن مرارتك والضغينه الي جواكي ناحيه ايمان , ايمان ملهاش ذنب في موت ليلي ده قدرها
شاهيناز :هو انت مصدق ايمان ساعدت ليلي بصدق ولا كانت بتمثل الطيبه
يونس: مش شايفه في نهايه حياه بنتنا كانت ايمن دايما جنبها وعطتها التشجيع والدعاء كل يوم كنت بتقعد جنبها تقرأ قرأن في ودنها يوميا احنا معملناش كده مقدرناش لسه بعد ده كله ايمان مش صادقه في نظرك هي السبب ان بنتنا تمشي بسلام , لو كنا بنحب بنتنا فعلا ندعلها لان دعوه الام قويه ومستجابه
شاهيناز ببكاء: يونس انا اسفه انا عايزك تسامحني انا اخترت السكه الغلط اتعجرفت واتكبرت بفلوسي الي عندي , ونسيت ان كل ده مؤقت وزايل
يونس : انا سامحتك من زمان , لان انا كمان اهملت وفشلت اكون زوج كويس ليكي , فشلت ارشدك
شاهيناز: انا ظلمت ايمان لو ليلي وسطينا وشافت ظلمي كانت حزنت اوي يارب انا عملت ذنوب كتير
يونس : انا كمان اذنبت تعالي نتوب سوي واوعدك اكون زوج ليكي مخلص واخدك بايدك للجنه وندخلها سوي انا بحبك
شاهيناز : يارب اتوب اليك من كل ذنوبي الكبيره اغفرلي وسامحني
قصص منه محمد كاتب ضحيه فرعون
يامن: بابا يله ناكل وياريت تأكلني
امير بزهق: انت صغير ليه بتدلع كده
يامن نزلت دموعه: انت خلاص مبقتش بتحبني
امير: ايوه عشان ع طول تعيط, اول ما اقول كلمه دموعك تجري , انت راجل عيب تعيط
يامن: مليش نفس اكل الاكل ده , ولما ماما كانت هنا كانت بتفضل تأكلني وهي مش هنا عشان كدا انت الي تاكلني
امير: كفايه دلع ياسين واميره بياكلوا لوحدهم ادخل كل معاهم
يامن: انا مش عايز سمك لو اكلته هتعب
امير طبق ايده ع رقبته: قول ده مره تانيه وهضربك سامع يله ادخل
يامن: عايز ماما
امير صرخ فيه: قلت ادخل
يامن بصله وجري بخوف من قدامه
امير نفخ بغضب: كان امك عدله اوي .....في الحقيقه اخلاقها زي الزفت خرجت مع راجل تاني واكلت وضحكت معاه........اه يا ايمان كل ما افكر في الموضوع زاد منك وجعي
...............قصص منه محمدكاتب.............
في بيت شاهيناز الي راقده ع السرير
الشغاله فتحت لهم الباب: اتفضلوا
جيجي جريت عليها: طنط سلامتك
شاهيناز: الله يسلمك
امير سلم عليها: الف سلامه انتي تمام
شاهيناز: الحمد لله
امير: وقعتي ازاي
شاهيناز: اتزحلقت في الحمام , انا كويسه دلوقت عمك دلك رجلي امبارح وخف الوجع , وهروح المستشفي ع باليل اعمل اشاعه اصر لازم ياخدني وهو خرج وشويه وراجع عنده شغل وهيرجع كمان نص ساعه
جيجي بتعجب: هو لسه مهتم بيكي
شاهيناز: مش جوزي طبعا يهتم
جيجي وسعت عيونها: اه جوزك متقوليش انك معرفتيش انه ناوي يتجوز عليكي وانتي قابله يكون ليكي ضره
شاهيناز: الصراحه معنديش مشكله يكون ليا ضره لاني معترفه اني فشلت ابقي زوجه مراعيه بيتها , وانه يلاقي واحده احسن مني امر مفهوم
جيجي: طنط جرالك ايه انتي بتهلوسي
امير : جيجي
شاهيناز : ايوه انا قابله الوضع لكن يونس مش عايز حتي الست الي كان هيتجوزها رفضت وقالت له يبقي مخلص ليا ومفيش داعي يتجوز تاني لو فعلا عايزه اتغير
جيجي: وانت واثقه ومصدقاهم
امير: مراه عمي انتي قابلتي الست دي
شاهيناز: لاء عمك حكالي عنها وقالها انه بيحبني كتير وان الحب ده شئ لايمكن لـ اي حد يعرضه للخطر وهي طلعت انسانه طيبه وانا مديونه لها بحياتي وهفضل شايله الدين ده لحد ما اموت
جيجي: طنط انتي هتبقي مديونه لواحده خطافه رجاله, انتي فيكي ايه اليوم هو عشان رجلك وجعاكي شويه اتغيرتي كليا
شاهيناز: مش غلط لو حبينا نتغير للافضل يا جيجي
جيجي: ربما الست دي فقيره عايزه تحتال ع فلوسك
شاهيناز : ومالهم الفقراء هما كمان بشر عندهم قلوب طيبه ولا عشان غلابه يبقي قلوبهم شريره
جيجي : انتي فعلا بقيتي تخرفي للدرجه
امير بحده: جيجي امسكي لسانك
جيجي انا هقوم اتصل احسن بمصمه الفستان وهرجع شويه
امير اخد طبق الفاكهه وقدمه لشاهي: كلي شويه فاكهه
شاهيناز: انا ظلمتك بطرق كتيره ابوك وامك وولادك ليلي جوزي وخاصه ايمان سامحني
امير: لا انتي معملتيش حاجه غلط مفيش لزوم للاعتذار
شاهيناز: لا عملت اخطاء كتير لما دمرت حياتك مع ايمان وافتريت عليها وحرمتها من اولادها انا عملت ذنوب كتير
امير: بتتكلمي عن ايه انتي كويسه
شاهيناز: بدافع الحقد كنت مستعده ادمر حياه ايمان وهي بريئه يا امير مفيش سبب واحد يخليك تتخلص منها من حياتك هي زوجه وفيه وخلوقه وانت حظك حلو بوجودها امير رجعها قبل ما يفوت الاوان انقذ بيتك من الخراب
امير قام بنفعال: لاء مش هرجع ايمان
شاهيناز: امير انا المذنبه
امير:دي مسأله قلب ومشاعر مش هقدر اقبلها تاني انتي ملكيش علاقه بلامر متحسيش بالذنب
شاهيناز: يارب امير لين قلبك مافات الاوان للتوبه اطلب الغفران من ربنا ومن ايمان
امير: كفايه مفيش داعي لاقناعي , لان مهما حاولتي تقنعيني مفيش مكان ليها في قلبي , مش هقدر اتقبلها تاني في حياتي , عايز ابدأ حياه جديده مع جيجي وواثق انها هي الي هتخليني مبسوط في حياتي
شاهيناز: حقيقي مبقتش بتحب ايمان , هي مش غلطانه متمشيش وري غضبك بشكل اعمي واتخلي عن غرورك
امير: ده مش غرور هسالك سؤال انت ليه مصره ارجع لـ ايمان
شاهيناز: عشان متأكده انك لسه بتحبها ومش عايزك ترجع تندم
امير:لا مش هندم ولا هندم ابدا, انتي الي بتندمي دلوقت ومعرفش عملت فيكي ايه كنتي مش طايقه اسمها دلوقت زعلانه عليها سوي مشاكلك معاها متجرنيش في الموضوع ده
............
في الجيم
حاتم: السلام عليكم
ايمان: وعليكم السلام
حاتم: ايمان شوفي جبت سله هدايا لبنوتك انتي بتحبي اللون البينك, بس انا شوفت اللون الابيض اجمل وانقي , واخترته ربما يعجبك
اينان: يالله انا بسببلك متاعب
حاتم ابتسم: وانا معنديش مشكله مع التعب ده , اظن لسه مجبتيش لوازم بنتك
حنين طلعت وتدخلت في حوارهم وقالت: ايمان طول الوقت مشغوله بس هاخدها المول بعدين
حاتم بص لايمان: انتي دلوقت فاضيه
حنين: اه هي فاضيه
ايمان: لا مش فاضيه
حاتم: مديرتك قالت انك فاضيه ولا يمكن تعملي اعتراض لو فعلا فاضيه دلوقت
ايمان: عندي شغل كتير اخلصه ياحاتم خليها وقت تاني
حنين: الشغل مش مستعجل للدرجه وخلاص فاضل شويه ونرجع البيت
ايمان: هو انتي مش عندك استشاره مع الدكتوره كمان ساعه
حنين: اه بس للاسف اتاجل
حاتم: كدا الامر محسوم معني كدا الكل فاضي دلوقت يله بينا نشتري لوازم البيبي
حنين: شوفي رزقك بيناديكي يله استعجلي مستنه ايه
ايمان قعدت: معنديش طاقه انا مكسله عايزه اخلص شغلي
حاتم مثل الحزن: ممكن نعمل ايه ياحنين انتي ليه فهمك ناحيتي غلط انا عايز اشاركك الفرحه بما ان زميلتي هتولد اجرب الشعور والاثاره دي ابدا مش مهم يا ايمان اسف ع ازعاجك همشي دلوقت
ايمان: تمام تمام بس لازم كلنا نصلي الاول العصر
حنين: اوكيه نصلي
حات لف وغمز لحنين وعملها اوكيه
قصص منه محمد كاتب ضحيه فرعون
نزلت من التاكسي وماسكه العكاز وامير سندها لحد ما دخلت وقعدها
شاهيناز: امير انا جايه افهمك انا بتكلم معاك بصراحه من القلب للقلب مش عايزه شعوري بالذنب ناحيتك يطاردني بصراحه من الاول انا رسمت وخططت اقربك من جيجي بدافع غضبي من ايمان
امير: مراه عمي وقفي كلام بلاش نتكلم في كلام فارغ انتي بتحاولي تربكيني عن قصد
شاهيناز: ازاي اوضحلك اكتر ارجوك يابني متخليش افعالي المشينه تتسبب في معانه ايمان وولادها فكر كويس
امير: والمطلوب دلوقت لمجرد شعورك بالذنب ناحيه ايمان عايزني انا اعمل ايه اروح الغي فرحي ع جيجي مش حاسه بالذنب ناحيه جيجي
شاهيناز: امير مش بتفكر في الاولاد مش مهتم بمشاعرهم
امير: معرفش اعمل ايه انا تهت عن كل شئ في حياتي حصل فجأه مش قادر اخد قرار دلوقت
شاهيناز: مش هجبرك انا بترجاك متاخدش قار غلط عايزه اشوفك سعيد بغض النظر مين الي هتعيش معاها انا صادقه وبيوجعني وانا بقول ده بس لحد اللحظه مفيش واحده قدرت تسعدك الا ايمان بس مش متاكده لان ده موضوع قسمه ونصيب يمكن من الناحيه الاجتماعيه الانسب ليك جيجي
امير: تمام لو كدا تعالي نعتبر جيجي هي الشريكه المناسبه ليا
............قصص منه محمد كاتب.............
في الكافيه
حاتم فاتح الموبيل ع صورتها وقال بأمنيه: لو امير طلق ايمان ربما تفتح قلبها ليا مره تانيه
عادل ضربه بخفه ع كتفه: مساء الخير
حاتم قام سلم: مساء النور عامل ايه
عادل قعد: انا الحمد لله امسك
حاتم اخدهم وفضل يعد: كام دول
عادل: مش كتير مجرد 10 الف
حاتم: بقي 10 الف يكفوا مستلزمات الاولاد ياعمي انت عارف ملابس الاطفال غاليه دي اغلي من هدوم الكبار
عادل مسك موبيله: بجد تمام هحولك المبلغ حالا
حاتم ضحك: مفيش داعي يا عمي انا بهزر لسه بتحاول تكون معايا دقيق في الحساب, الفلوس ولا تهمني اتفضل خدها واشتري بيها هديه لطيفه لطنط صابرين , وراي تزور ايمان وتطمن عليها من وقت للتاني
عادل: مش مسأله مش عايز ياحاتم بس بحس براحه اكتر لما براقب ايمان من بعيد قلبي مش مطاوعني ع مواجهتها وابني هو السبب في كل معاناتها انا حزين عليها
حاتم: عمي ايمان عارفه ان حضرتك ملكش ذنب زائد انت اكتر حد بيساعدها في الخفا
عادل: لو عرفت اني بساعدها اكيد هترفض كل الي بطلبه منك تقف جنبها لحد ما تاخد حضانه ولادها ماهو مش من حقه يحرمها منهم خايف يمرضوا
حاتم: بأذن الله انا هفضل معاهم واعتبرتهم من دلوقت زي ولادي
عادل: الحمد لله لكن متفكرش تبقي جوز امهم
حاتم وهو بيشرب القهوه كح وشرق جامد من كلامه!!!
.................قصص منه محمد كاتب.................
في بيت امير قاعد حرفيا مش طايقها لكن مش عارف ازاي يتخلص منها
جيجي حطت ايدها ع كتفه: حبي عندي ليك اخبار حلوه موت
امير: ايه هي
جيجي: الصبح بابا حسام قالي لما نتجوز هيديك 40% من اسهم الشركه في الاسكندريه
امير: اسهم
جيجي: ايوه هو عارف قد ايه بحبك عشان كدا هو ع اتم استعداد يديلك اسهم في الشركه بأسمك الامر مش مستاهل انك تكون معايا
امير بينه وبين نفسه قال....انا ليه مفرحتش مش المفروض اكون مبسوط
جيجي ضحكت : مضحكه جدا تعابير وشك ربما متوقعتش العرض ده ليه مذهول كده حبيبي يا مسكين اكيد فرحان جدا بس عايزه اسمعها منك انك بتحبني
امير من وري قلبه: انا بحبك
جيجي دخلت في حضنه وهو اتعدل في قعدته وبان عليه الربكة
امير : جيجي ابعدي انا محروج لو الاولاد شافونا
جيجي زعقت: ساره هات لي عصير بارد
امير بصلها اوي انها صرخت كدا
جيجي: سوري صرخت هي ساره دي طرشه عشان كدا لازم اعلي صوتي عشان تسمع
يامن: بابا
امير مسح ع شعره: نعم يا حبيبي
يامن: بابا انا تعبان
امير: تعبان مش اخدتك للدكتور امبارح واميره جات معانا مأخدتش علاجك
يامن: اخدت بس لسه بتنفس بصعوبه
امير: ساره هو انتي معطيتش يامن الدواء
ساره حطت لصنيه وهي بتقول: عطيته لسه حالا وعطيت العلاج لـ اميره بس لسه درجه حرارتها عاليه جدا منزلتش
جيجي مسحت ع شعر يامن بحنيه مزيفه: تعبان يا مسكين
امير: فين البخاخه بتاعته
ساره: نعم
جيجي بعصبيه: البخاخه هو انتي طرشه للدرجه
ساره: اه هجيبها هي في دولاب المطبخ الست ايمان وصتني احطها في مكان سهل القيها بسرعه
جيجي: استني هو انتي جايب لي العصير اشربه ولا تحطيه ع التربيزه هو ده محتاج تعليم
ساره مسكت الكاس وقالت بضيق: اتفضلي اشربيه
جيجي بدون نفس: ميرسي
امير حط ايده ع صدره: يامن انفاسك عاليه جدا انت لسه تعبان لو كدا اخدك ع المستشفي فورا يله بينا
جيجي مسكته: امير متقلقش هو لسه واخد علاجه حالا سيبه يهضمه الاول انا اتعودت اتعامل مع مريض الربو ابن اخويا حالته اسوء وهو نفس عمر يامن تقريبا
امير حاله كل شخص بتختلف ومناعه اجسامهم متفاوته
جيجي لا هو بس بيبرد وخصوصا احنا في فصل الشتا يمرض تلقائي لكن الامر مش خطير حتي لو روحنا المستشفي الدكتور هيكتب له نفس العلاج الي شيقاه مريض هو انت واضح انك تعبان جدا قوم ارتاح سيبني اهتم بالاولاد
يامن جري ع كيسه وطلع منها قماش ابيض
جيجي صرخت فيه: يامن متلمسش الفستان هيوسخ
امير: يامن ليه تلمسه
يامن: بابا ايه القماش ده
جيجي لفت ايدها ع رقبته وقالت: ده عشان فرحي ع باباك مش انا هتجوزه
يامن: بابا نفسي البس بدله بيضا وانت تساعدني البسها
جيجي: اوعدك اجبلك بدله بيضا ليك ولياسين وفستان ابيض لاميره يوم فرحي كلنا نطقم فكره حوه جدا انا متحمسه اوي
امير: انا طالع اوضتي راسي بتوجعني هنام شويه
جيجي بوقاحه: تحب ادلكك
امير: لا هطلع انام يله بينا يا يامن انت مش كويس
جيجي فضلت قاعده معرفش فين اهلها دي ما علينا وامير دخل يامن سريره وراح غرفه اميره الي راقده واول ما شافته لفت جسمها عنه
امير قعد جنبها: اميره انتي كويسه
اميره بدون نفس: كويسه
امير حط ايده ع جبينها: ازاي انتي مولعه جدا لو حرارتك منتزلتش ع المغرب هاخدك المستفي الليله
جيجي قابلته في الطرقه وقالت: حبيبي حط ده في الاوضه عندك خايفه لو سيبته تحت يلعبوا بيه الاولاد
امير: في ايه ده مجرد قماش
جيجي: اه بس غالي وهسلمك المهمه تخليه في اوضتك من دلوقت عايزك تتحمس شويه لفرحنا عارفه انك هتموت وتتجوزني والقت يجري بسرعه اه شوفت كروت الفرح من شويه تجنن
امير بدون نفس: اممم
جيجي: مش قادره استني يوم كمان ,,فرحنا هيكون مثالي انا متأكده انك عايزه اكبر فرح في البلد ,,عارفه لانك معملتش فرح لما اتجوزت ايمان مسكين بس المره دي هكون حريصه تكون مبسوط اوي
امير بضيق: تمام لو مفيش حاجه تانيه ممكن اروح اوضتي
جيجي: اه غير عفش وديكور غرفه النوم عشان مش بحب استعمل حاجه تخص غيري
امير: تمام ارتاح شويه
جيجي مبتسمه: اكيد
امير ساب المكان ومشي وهي كلمت نفسها: شاهي العقربه قالت له حاجه غيرته من ناحيتي لو عايزه تتوب ماتعمل ده لنفسها تدخلني انا ليه بس انا واثقه ان امير بيحبني ولازم يتجوزني مش هيرفض ثروه جايه لحد عنده
.............قصص منه محمد كاتب............
يامن حركه: بابا عايز انام جنبك صوت الرعد عالي وانا خايف
امير: مش قلت عايز تنام جنب ياسين دماغي بتوجعني روح نام في اوضتك
يامن: مش عارف انام عايز انام معاك وتحضني
امير: تمام اطلع جنبي ع السرير ومتفركش وتعمل حركه دماغي بتوجعني
يامن: حاضر يا بابا انا بحبك( فضل يبوسه كتير
امير قفل وشه بقرفه: ايه كل البوس ده بليت خدي روح نام
يامن: بحبك يا بابا ويمكن مشفكش مره تانيه
امير بصله: بتقول ايه احنا بنشوف بعض كل يوم بتهزي ولا عايز تتكلم عن امك صح كام مره قلت لك هاخدك تشوفها بس صعب عليك تفهم
يامن نزلت دموعه: نفسي اشوفها عايز اقولها انا تعبان
امير : يالله يايامن انا بجد مزعوج كام مره هقولك دماغي بتةجعني عايز تنام لو مش عايز قوم امشي متزهقنبش
يامن: خلاص هنام هادي بس انت من زمان لا حضتني ولا بوستني
امير: كفايه بقي تتصرف زي العيال انت كبرت يله روح نم ع سريرك
يامن حضنه جامد ونام في حضنه كأنه بيودعه!!!
قصص منه محمد كاتب ضحيه فرعون
امير حس بصو شخيره العالي هزه: يامن انت بجد مزعج روح نام في سريرك
يامن: انا معملتش شقاوه ليه تمشيني
امير: اوف انت بتتكلم كتير امشي دماغي بتوجعني ممكن تروح تنام في اوضتك وبقي ارجع نام جنبي بالليل
ياسين فتح الباب بشويش: يامن تعال
يامن: بابا رفض انام جنبه انا مش شقي
ياسين: تعال نلعب سوي ماشي
يامن: يله بينا
ياسين بص ع التسريحه بستفهام : بس ايه الكيس ده
يامن: ده بتاع جيجي استني اخده
ياسين: لا لجيجي تتعصب
يامن: لا مش هتعصب انا هشوفه الله ده فيه خرز ملون
ياسين: انت مشاغب سيبه مكانه
يامن: لا يا ياسين
ياسين: خايف بابا يتعصب
يامن وهو نازل بالكيس ع تحت شاف جيجي فارده جسمها كله ع الكنبه
يامن رد قاله: : ليه يتعصب استني انا هلزق الترتر ع شعر جيجي
ياسين: بلاش بابا هيغضب منك اكتر
يامن: عملت ايه حطيت ترتر ع شعر جيجي بس
ياسين: وواخد القماش ع فين ترتر
يامن: هتغطا بيه, ولو بابا زعل هعتذر لجيجي , سيبني عايز انام
يامن طلع هو وياسين غرفتهم ومددوا ع السرير واتغطوا بالقماش ويامن قاله بقهر: لما بكون تعبان دايما ماما تحضني وتبوسني
ياسين وهو بيضمه بحنيه: انا هحضنك ونام سوي
..............قصص منه محمد كاتب...............
اكرم: ايمان بعد يومين هيتم النظر في دعوتك, اتمناه تكوني قويه ومتنهاريش في الوقت ده
حنين: لو سالك القاضي قوليله كل حاجه
ايمان: انا هقول انه ضربني , بس خايفه الامر يتحول لقضيه تانيه مش عايزه يتهم بأذيتي او يترمي في السجن
اكرم: لو كنتي قلقانه عليه حاولي تتجنبي الكلام عن ده في الوقت الحالي
حنين: قولي كل حاجه سيبي المحكمه تعرف انه همجي ومتوحش وانه ممكن يضرب الاولاد في اي وقت انتي لسه معاكي الصور بالكدمات ولا حذفتيهم
اكرم بصوته الهادي : حنين طولي بالك هنتكلم في ده بعدين
ايمان: لا مش قادره استني مش طايقه فراق ولادي
اكرم بيطمنها: بأذن الله انا مؤمن انك هتكسبي القضيه
ايمان: ان شاء الله والف شكر ع مساعدتكم ليا
حنين: ده امر بسيط هما ولادي زي ما ولادك , هو انتي كنتي هتسيبي الحقير ده يهتم بيهم
اكرم: ما تنقي الفاظك شويه افرض احمد سمعك ولقط اللفظ هتعملي وقتها ايه
حنين: اعوز بالله
اكرم ابتسم عليها: خفتي دلوقت
.........................
امير صحاه مفزوع ع صوت صرخه رجت المكان من جيجي
جيجي بتتنطط في الارض: امير الحقني
امير طلع يجري مفزوع: في ايه
جيجي: امير الحقني
امير: حصل ايه
جيجي: شوفت ولادك وقله تربيتهم,, انا متأكده ان الي عمل فيا كده يامن لانه عيل شقي,, شوف لزق ترتر بالامير في شعري ,,هطلعه ازاي هضطر اقصه وشعري هيبوظ وفرحي ع الابواب ,,اخد تظريز الفستان ولزقه كله ع شعري اسمع انت لازم تعاقبه وتشد ودانه , ولا هتسيبه يفلت بعملته
امير زي ما يكون اتحول لوحش مفترس ودخل غرفتهم وزعق: ياسين يامن
جيجي صرخت: شايف عملوا قماش فستاني بطانيه
امير زغدهم: اصحا انت وهو اصحوا حالا ايه انطرشتوا
يامن فتح عينه الي كلها نوم: في ايه
امير سحبه من ودانه بقسوه: في ايه قوم
يامن ببكاء: بابا ايدك تقيله
امير شد اكتر: تقيله انزل
يامن بألم: سيب ودني
امير شخط: انزل لما عارف ان ايدي تقيله ليه عملت شقاوه كده مين الي بوظ شعر جيجي وليه اخدتوا القماش وعملته بطانيه
ياسين صرخ فيه: متشدش ودنه سيبه
يامن يشهق من البكاء: بابا ودني بتوجعني
جيجي بتحريض: اوعوا تسيبهم ربيهم كتير , دول كأنهم مشافوش تربيه ولسه صغيرين امال لما يكبروا هيطلعوا حراميه ولا قطاعين طرق
امير: جيجي نقي كلامك شويه , عيالي لا يمكن يبقوا حراميه ولا قطاعين طرق , ياسين قولي مين الي عمل كده
ياسين: انا الي عملت كده
يامن: ياسين بيكدب انا الي عملتها
جيجي صرخت بغض شديد: كفايه انتم الاتنين مشاغبين( سحبت عصايا) خد اضربهم بالعصايا دي عشان يبطلوا شقاوه اضربهم
امير مسك العصايا: قول الحقيقه مين عمل كده يا ياسين
ياسين: انا يا بابا
امير: افتح ايدك
يامن زق ياسين: بابا اضربني انا
امير: اخرس
ياسين بتصميم: انا الي عملت كده
امير نزل عليه ضرب بدون اي رحمه ولا شفقه تحت بكائه
يامن هجم ع ايده يحاول ينزلها : سببه والنبي يا بابا
امير حدف العصايا بالأرض بكل عصبيه وقال بنفعال: انتم الاتنين عنادين دايما تعصوا كلامي عديتوا حدودكم بجد, ودايما مصممين تحرجوني بس تعالوا انتم الاتنين يله
يامن: ايدك جامده
امير: اخرس
اميره قامت رغم مرضها وبرجاء كله دموع: بابا سيب اخواتي ليه عملت فيهم كده
امير زقها: ابعدي عني
جيجي مسكتها من شعرها: بت متدخليش ولا تحبي اخليه يضربك زيهم طول الوقت مشغوله تدافعي عنهم الي مش متربين
اميره بكل قوتها وغضبها منها زقتها في الحيط جامد
جيجي جزت ع اسنانها بغيظ: اه يا قليله الادب
اما امير سحبهم ع بره والجو بيمطر بغزاره شديده
يامن: بابا مش هعمل كده تاني
امير حدفهم: يله خليكم بره
اميره جريت عليه: ليه ضربتهم , يامن تعبان
امير: متدخليش
يامن بياخد انفاسه بالعافيه: بابا انا تعبان
امير: لو كنت تعبان ليه عملت كده
يامن: اوعدك مش هعمل كده تاني انا اسف انا تعبان
امير بتهكم : تعبان! وقبل ما تعمل عملتك مفتكرتش انك تعبان ( لطشهم بالقلم) انت حتي مفكرتش عشان كدا هتقعدطول اليوم بره ولو عملت اي تصرف غلط تاني امشوا من بيتي عيشوا مع امكم ( شد اميره من ايدها) يله ادخلي
ياسين: بابا
يامن : بابا انا اسف افتح الباب يا بابا انا خايف
امير للاميره: اوعي تفتحي الباب سامعه
امير: بابا اخواتي يامن تعبان
جيجي: بوظوا شعري
اميره: بابا بقولك افتحلهم الباب يامن تعبان ماما حذرتنا يتعرض للبرد والدنيا بتمطر جامد ممكن يموت ارجوك عشان خاطري افتح له
امير صرخ فيها: قلت متدخليش انتي كمان تعبانه وواقفه تدافعي عنهم ليه دماغك ناشفه تحبي اعاقبك زيهم لو مش عايزه اطلعي ع اوضتك يله امشي
اميره جريت لحضن ساره: داده اخويا تعبان بره ارجوكي افتحي الباب يامن تعبان
ساره تحاول تهديها : اصبري يابنتي باباكي دلوقت متعصب لما يهدا هيفتحلهم الباب اهدي
جيجي: امير قوم ساعدني انضف شعري الامر موترني
امير: اميره ليه عنيده كدا رغم لسه طفله اطلعي اوضتك
ساره بشفقه: يله نطلع يا بنتي باباكي متعصب وحرارتك عاليه تعالي هطلع معاكي
اميره تهز راسها بالرفض: لا يا داده
ساره : لما يهدأ لو اتعصب الامر هيزيد للاسوء
اميره: اخويا يا داده
ساره: يله بينا