رواية علي الهامش
الفصل الحادي عشر11
بقلم رشا عبدالعزيز
صحيت من النوم وانا متوقعه اي رد أو تصرف من أحمد. بعد الكلام الي قلتو...غيرت هدومي وخرجت.. وأنا قلبي بيدق... لكن اتصدمت.. لما لقيت أحمد واقف في المطبخ..وبيدندن وريحه القهوه والشاي.. ماليه الشقه.. انتبهه لوجودي.. لف وأبتسم... ابتسامه كبيره وقال
_صباح الخير يا كسلانه. اي النوم دا كله.. يله تعالي نفطر انا عملت.. فطار. عملتلك.. الشاي بلبن الي بتحبي الصبح.. تعالي خالتك لو عرفت انك مفطرتيش. تعملي مجلس تأديبي
(فضلت مستغربه ردت فعله.. اي دا هو مش مضايق من كلامي.. والا هو رضخ لأمر الواقع.. والا تعامل مع الموقف زي أنا ما تعاملت مع حمزه.. واي دا هو ازاي عرف اني بحب شاي بلبن الصبح.. فضلت سرحانه.. لحد مانادى عليه
_شجن اي يبنتي رحتي فين تعالي نفطر.. ماما عزمانا على الغداء.. يله نفطر عشان ننزل عندها
(وفعلا فطرنا... فضلت ساكته ومتكلمتش رغم انه احمد فضل يفتح معايه مواضيع ويسألني عن المسابقه.. الي نور حكتله.. عنها.. لكن انا كنت برد على قد السؤال ومن غير مابص في عين أحمد.... بعد كدا.. نزلنا على شقه خالتي الي استقبلتني احلى استقبال.. ونور الي كانت طايره من الفرح..وقالت
_أخيرا ياشجن.. مش حضطر انتظر.. لحد الصيف.. عشان اشوفك.. دلوقتي أنا معاكي على طول استعدي للمغامرات انا محضره حجات كثير نعملها سوى..ونتكلم.. واكيد نجيب سيره احمد اخويا.. متخافيش.. اكيد حنتأمر عليه أنا وأنتِ...
_بنت ملكيش دعوه بمراتي
_لا ياعم. هي اختي وصاحبتي و أنا مخزن اسرارها قبل ماتكون مراتك.. اطلع انت منها. وخاف مني يأ أحمد
(كلمه.. مراتي.. هزتني كثير... وهزار احمد ونور وخالتي الي. أستمر.. فتره وصوت ضحكاتهم.. والفرحه الي شايفاها في عيونهم.. وجعتني كثير.وحسيت بغصه بقلبي.وأنا مش قادره اتقبل الوضع ولا اتقبل فكره زواجي من أحمد. الظاهر يانور المره دي.. مش حقدر أحكيلك أسراري ولا اشكيلك وجعي...
لكن بنفس الوقت عجبني كثير جو. الالفه والحنان والمحبه.. والدفه..الي كان بينهم... سابونا نور وخالتي.. و دخلو المطبخ
_مالك ياشجن سرحانه بايه
_انتو محظوظين يا أحمد بخالتي مع أن هي وماما واخوات.. لكن ماما عمر اها مضحكت وهزرت معانا.. كان كل وقتها هي وبابا مابين. العياده والمستشفى.. وتربنا على ايد داداه نعمات
_بصي ياشجن... مش كون خالتي.. ما بتقعدش معاكم.. انها مش بتحبكم.. مفيش أب وأم مبيحبوش ولادهم. لكن كل واحد. له طريقه.. الي يعبر عليها بلحب دا.. يعني ماما بتدينا حنان..وحب.. لكن خالتي شافت انها اتأمن مستقبلكم وتضمن أنكم تعيشو مرتاحين.وانها تصنع اسم تقدرو تفتخرو بي قدام اي حد زي اسم د. ناهد. هو طريقتها في التعبير عن حبكم..
_بس احنا كمان محتاجين حب.. وحنان مش بس فلوس ومركز
_مهي مش حتحس بحاجتكم دي لأنها شايفه نفسها صح من وجه نظرها... ومتنكريش أنك بتفتخري انك بنت د. ناهد
_مش حنكر ياأحمد.. بس أنا مش قادره اتخطى مشكلتي كان نفسي تحتويني. وتثق فيه
_شجن.. الي مريتي بيه دا اختبار... وربنا لما بيخلينا في اختبار.. بيكون عاوز مننا حاجتين اننا نقرب منه.. واننا نتعلم من الاختبار دا.. ونصبر وصدقيني العوض حيكون على قد الصبر
(كلام أحمد ريحني كثير.. وترددت في ذهني مقوله. عمره الشهاده مكانت مقياس للثقافة... يمكن أحمد الدنيا علمتو حجات كثير.. ويمكن شغله في السوق ادالو خبره
حياتي مع أحمد كانت روتينيه.. أحمد التفت لشغلو وأنا التفت لدروس التصميم.. لكن كانت فيه حجات.. بتميز الحياه دي... زي ابتسامه أحمد الي كان. مهاما يكون تعبان.. لازم أول ميفتح الباب.. يبتسم ويقول ازيك يافنانه....كانت حياتي مع أحمد مشاركه.. كنا بنتشارك في الطبخ ونتنافس.. مين يعمل اكل أجمل... حتى شغل البيت أحمد كان يشاركني فيه..كان بيرد عباره احنا شركاء في السلم والحرب.. هههه.. لكن كان بيلفت نظري انه حافظني.. بيعرف اما بكون زعلانه أو فرحانه. او تعبانه... كان يعاملني بحنان.. سعات كنت بحس انه بيعاملني. كأني بنته.. .كنت بأخذ رائيه بتصاميمي.. وكان يعدل سعات.. على الالون.. الي كان بجد شاطر في تنسيقها.. كان دايما يقول.. يابنتي الألوان دي لعبتي
مر شهر على جوازنه..وبكره اول مرحله للمسابقه وكنت متوتره جدا.. لحد ماوصل احمد الي أبتسم اول مشافني وقال
_يله ياشجن.. أنا عازمك أنت ونور على العشاء
_ متشكره. بس والله ياأحمد انا مليش نفس ومتوتره خالص
_مهو عشان كده لازم نخرج لازم تفكي التوتر دا عشان تقديري تشرحي رسوماتك بشكل كويس بكرى
(وفعلا خرجنا انا وهو ونور. تعشينا وتمشيني في وسط البلد. واحمد اشترى لينا رز بلبن وغزل البنات... انبسطت اوي فعلا كنت محتاجه افك التوتر الي كنت بحس فيه..اتكلمنا وضحكنا انا ونور.. كثير.. والي كان لافت نظري نظرات احمد الي كانت بتلاحقني.. وأبتسامته الي كنت بشوفها كل ما أبتسم. . ورجعنا البيت
_متشكره أوي يا أحمد أنا فعلا كنت محتاجه الخروجه دي... أحمد تفتكر أني حنجح بكره
_ لا مافتكرش... أنا متأكد إنك حتنجحي. ثقي في كلامي وخليها على الله... يله تصبحي على خير يا أميره..
كلام أحمد ريحيني...كثير ودخلت نمت وأنا بفكر ياترى أنا حنجح بكره