رواية ملك الصقر الفصل الثالث والثلاثون 33 والرابع والثلاثون 34 بقلم بسنت شريف
قدرو يوصلو لمؤسس الجماعه الارهابيه وقبضو عليه وصقر منتظر حكم المحكمه عليهم في قلق مش عارف اي سر توتره
صقر قاعد مع ملك ولاحظ ان شكلها تعبان ومتغيره
صقر.....حبيبي في اي انتي كويسه
ملك....اه
صقر.....شكلك مرهق اوووي وتعبانه تحبي اوديكي للدكتور
ملك.....دكتور اي بس ياصقر دا ارهاق بس وصداع عشان نسيت اعمل قهوه هقوم اعمل قهوه واحضر الغدا
صقر ....لا خليكي انا هقوم اعمله
ملك.....في اي ياصقر انا كويسه بس مايمنعش انك تيجي تساعد باردو
صقر.....ماشي يا حبيبي
دخلو المطبخ وابتدو يجهزو الغدا واكلو مع بعض
ملك.....انت مش ملاحظ ان من ساعه موضوع بباك وانت مش بتسال علي ماما عاليه هي ملهاش زنب في اللي حصل لبباك
صقر......انا مش قصدي بس
ملك....صقر مامتك اتذت منه ذيك بالظبط ف بلاش تيجي عليها هي ماصدقت انكم رجعتو تتكلمو تاني
صقر.....ماهي اللي من وقت ماتجوزنا وهي عند طنط عزه
ملك. ....هو انت مش واخد بالك ان كله جيه مره واحده بس عشان خاطري روح اتكلم معاها
صقر .....حاضر
ملك ....يا لا طيب
صقر.....علي طول كدا
ملك.....ايوه روح بقي
صقر.....اروح....انتي مش جايه معايا
ملك....لا طبعا روح انت انا مستنياك هنا
صقر.....ماشي
صقر راح لمامته وكانت قاعدة ف اوضتها سرحانه
صقر.....ست الكل سرحانه ف اي
عاليه بسعاده.....صقر
صقر.....عامله اي ياست الكل
عاليه....الحمدلله انت كويس صح عامل اي طمني عليك
صقر.....كويس ياحبيبتي
عاليه......واحشتني اووي ياصقر
صقر باس ايديها ....اسف ياست الكل
عاليه.....انا ماليش زنب باللي عمله ياصقر والله ولا كنت اعرف حاجه صدقني
صقر.....عارف ياامي انا بس كنت حابب اقعد لوحدي محتاج اجمع افكاري عشان كدا كنت بعيد عن الكل
عاليه.....بس مش بعيد عن ملك
صقر ببتسامه.....ملك دي غير الكل هي ف مكان لوحدها المهم يالا بقي عشان ترجعي معايا
عاليه.....ربنايخليكم لبعض يارب .....مش عايزه ازعجكم
صقر.....قومي ياماما تزعجي مين بس قومي
عاليه وصقر دخلو شقته
عاليه.....امال ملك فين
صقر. .....مش عارف ....ملك ملك
صقر استغرب انها مش بترد ودور عليها مش موجوده
عاليه...يمكن نزلت
صقر....لا انا منبه عليها ماتنزلش لوحدها
عاليه ....امال راحت فين
صقر.....مش عارف
و افتكر انها كانت تعبانه ودخل الحمام يخبط عليها
صقر.....ملك ملك افتحي انتي جوه ملك
عاليه. ....هي اغمي عليها ولا اي ياصقر كانت بتقولي صبح انها تعبانه
صقر بقلق.....مش عارف
صقر راح فتح الدرج وطلع المفتاح بتاع الحمام وفتح كانت ملك واقعه مغمي عليها
صقر جري عليها وشالها وخرج بيها ونايمها علي سرير
صقر راح جاب برفان وابتدا يفوقها.....ماما روحي نادي امل بسرعه من فضلك
عاليه.....حاضر يا حبيبي
عاليه راحت فعلا وقالت لامل ان ملك تعبت وجت معاها بسرعه وكان صقر ابتدا يفوقها
امل.....اي اللي حصل ياصقر مالها
صقر....مش عارف انا جيت من عندكم كانت واقعه علي ارض
امل كشفت عليها وكانت ملك بتفوق
ملك بدوخه.....هو في اي... اي اللي حصل
صقر.....اي يا حبيبي مالك في اي
وبص لامل هو في اي ياامل مالها
امل بسعاده.....في اي ان الصغنن هتبقي احلي مامي ف الدنيا
صقر تنح وبصلها وبص لملك
صقر .....حامل انتي متاكده
امل.....اكيد و عشان تتاكد روح معمل التحاليل واعملها تحليل ولازم تتابعو مع دكتور عشان تتطمن علي صحتها مبروك يالوكا مبروك ياصقر ....هستاذن انا عشان رايحه المستشفي
امل خرجت وعاليه باركت ليهم وسابتهم وخرجت وصقر ساكت مش بيكلم
ملك بقلق.....صقر في اي
صقر ساكت مش بيتكلم
ملك ودمعها ظهرت ف عنيها......هو انت زعلت اني حامل
صقر .....مش كدا بس انا خايف عليكي ياملك انتي لسه صغيره علي حمل والولاده جسمك ممكن مايتحملش
ملك.....يعني اي
صقر.....ملك افهميني انا بس
ملك بعدت عنه.....انت عايزني انزل البيبي و
صقر قاطعها.....اي الجنان دا لا طبعا انا بس اتصدمت مش اكتر كنت ماجل الموضوع شويه ياملك مش اكتر اولا انتي لسه صغيره ثانيا انتي يعتبر مخلصه سنه ف كليه طب يعني قدامك 6سنين لسه ف كنت حابب ان الموضوع يتاجل شويه بس ربنا اراد انك تحملي دلوقتي ف خلاص
ملك....يعني انت زعلان
صقر......لا طبعا انا فرحان جداا عشان اخيرا هيبقي في نبته لحبنا واتمني كمان تكون بنت وتطلع حلوه ذيك كدا واسميها ملك كمان
ملك بسعاده.....بجد ياصقر
صقر.....عندك شك اني بحبك
ملك.....لا
صقر.....بس خلاص ....انتي ترتاحي بقي عشان بكرا هنروح للدكتور ونطمن عليكي ماشي ياقطتي
ملك....بس انا كويسه مش تعبانه
صقر.....ملك اقعدي وبطلي جنان
تستمر القصة أدناه
صقر اخد ملك وراح بيها للدكتور وكان بيهتم بيها جدا و بعلاجها واكلها كان بيعملها انها بنته وكان بيخاف عليها جدااا وخبر حملها اسعد الكل وكلهم منتظرين مجي البيبي بفروغ الصبر
علي وجوري حددو معاد فرحهم بعد اسبوع وملك كانت حابه تنزل معاها بس كان في رفض تام من صقر وعلي كمان
الايام بتعدي عليهم وعلي بيجهز لفرحو وهو مبسوط جدااا ان اخيرا هيتجوز ويستقر
المحاكمه علي ارهابين ومنهم والد صقر اتحددت معادها بعد 10ايام وصقر متوتر جدا بسبب الموضوع دا وقلقان مش عارف اي سببه
صقر قاعد ف البلكونه سرحان ومش مركز مع كلام ملك
ملك....صقر روحت فين
صقر ...اي يا حبيبي بتقولي حاجه
ملك....سرحان ف اي
صقر....معاد المحكمه اتحدد كمان 10ايام
ملك......طيب وانت قلقان ليه كل واحد هياخد حقه
صقر....مش عارف يا ملك
ملك....انت خايف يعدموه
صقر.....مش عارف صدقيني مش عارف واحساسي المتلغبط دا مضايقني انا مش عارف انا بحبه ولابكرهو بتمني ليه الموت ولالاء انا مشوش ومش عارف اخد قرار ودا تعبني اوووي
ملك.....سيب اللي جاي علي ربنا واللي ربنا عايزه هيكون
صقر بصلها وسكت وبعد كدا اتكلم.....هو انا ممكن اعمل في يوم ذيه مع ابني اي السبب اللي يخلي حد يرمي ابنه ومايسالش عليه الموضوع دا مش بيفارقني اجابته ونفسي يرد عليا لي عمل كدا طيب ويتري انا هتعامل اذاي مع ولادي هقدر اكون حنين عليهم وانا معرفش يعني اي حنيه فاقد الشئ لايعطيه وانا معنديش.اي حاجه ادهالهم
3
ملك....اولا انت هتكون اب حنين جداا وهيحبوك جدا جدا جدا عشان اللي بيجرب الوجع مش بيحب حد يشوفه وانت جربت الوجع ف مش هتخلي اولادك يمرو بنفس الاحساس بس اللي عايزه اعرفه....انت هتحب مين اكتر انا ولابنتك رد بقي عليا ومن غير كدب
صقر.....اللي متاكد منه ان مفيش حد ف الدنيا هيوصل لدرجه حبي ليكي انتي ف مكانه لوحدك خاصه بيكي انتي وبس
ملك بصتله بحب.....وانا كمان بحبك جدااابس انا هغير علي فكره من حبك ليها عشان انت ليا لوحدي وبس
صقر ضحك.....هتغيري من مين بس وبعدين صيغه المؤنث لي يعني انتي حامل لسه ف شهر يعني مش اتحدد لسه بنت ولا ولد
ملك......انت عايز بنت ف طبيعي هتكون بتحبها
صقر.....ياسلام ولو ولد هرميه يعني اكيد هحبه باردو
ملك.....انا عايزه البيبي ولد
صقر.....اشمعنا
ملك.....عشان يكون نسخه منك من حنيتك وطيبتك وقوتك وشكلك القمر دا وثقتك ف نفسك وكل حاجه فيك يكون واخدها
صقر......اممممم كل حاجه
ملك.....امممم يونس صقر المنشاوي
صقر....يونس
ملك.....اه بحب الاسم دا اوووي
صقر.....هو حلو بس في اسماء تانيه
ملك.....بوص بقي عشان مانختلفش ونزعل من بعض انا بقولك اهو مدام انت عايزها بنت وجت بنت انت اللي هتسميها ولو ولد ذي مانا عايزه انا اللي هسميه اتفقنا
صقر.......اتفقنا
الايام بتعدي عليهم وجنان ملك بيزيد بسبب الحمل وخناقتها ومقالبها ف صقر مش بتنتهي
صقر نايم بسبب انه بقاله يومين باره وكان محتاج ينام ودا ضايق ملك لانها عايزه يقعد معاها وهوتعبان
ملك......ماشي ياصقر انا هوريك
تستمر القصة أدناه
ملك دخلت الحمام وجابت الشامبو ودلقته علي ارض وبعدت عن السرير وندهت علي صقر بصوت عالي
ملك.....صقررررر الحقني ياصقر يااااصقققققر
صقر قام مفزوع....في اي
ملك.....بطني وجعاني اوووي ومش عارفه في اي الحقني
صقر قام بسرعه من علي سرير ومن غير ماياخد بالو وقع علي ضهرو بسبب الشامبو
صقر بوجع.....ااااه الله يخربيتك ياملك واليوم اللي جوزتك فيه ياشيخه
ملك واقفه تضحك
صقر.....انتي متخلفه يابت اي اللي بتهببيه دا ....ااااه ضهري يا شيخه
ملك....احسن عشان تنام وتسبني
صقر بقله حيله وقام قعد علي سرير ....ياملك عايز انام حرام عليكي
ملك.....اقعد معايا انا قاعده لوحدي وزهقانه
صقر......يابنتي ماتروحي تقعدي مع امي مهي ف الاوضه اللي جنبك وعندك عزه وامل كل دول مش عجبينك
ملك......تؤتؤتؤتؤ عيزاك انت
صقر.....بت انتي غوري من وشي عشان ماقتلكيش دلوقتي وسبيني انام بقي
ملك بدموع تمثيل......نام ياصقر خلاص
صقر.....يا دي النيله وحوار كل يوم تعالي يا ملك نقعد مع بعض
ملك .....الله عليك يالااطلب لينا بيتزا وشيبسي وبيبسي
صقر بيمسح وشه بغيظ.....حاضر ....طلع رقم المطعم .....عيزاه طعمها اي
ملك....فاهيتا
صقر ....حاضر اتصل بالمطعم وطلب بيتزا لملك
ملك....لالا عايزه بالحمه
صقر بصلها بغيظ ....اسف عايزها لحمه
ملك ....ولاقولك خليها تونه
صقر .....احمممم تونه
ملك.....لا لا لا فاهيتا فاهيتا
صقر لسه هيتكلم كان راجل قفل
ملك....اقولك بلاش بيتزا خالص انا هنام
صقر. ...بت انتي غوري من وشي دلوقتي بدل ماكسرلك دماغك دلوقتي غووووري
ملك خرجت بسرعه وقعدت باره وصقر ضحك علي جنانهم وبعد كدا كمل نوم
الايام عدت بيهم ف الجنان دا لحد ماجيه يوم فرح جوري وعلي
الفرح كان حلو جدااا علي كان فرحان بجوري وان اخيرا بقيت ليه وجوري فرحانه جداااا
جوري اختارت فستان بسيط وف نفس الوقت مختلف لانه بسيط جدااا والشكل دا مش مشهور اووي ف الافراح ف دا خلها مميزه
ملك اختارت فستان ابيض باردو وكانت جميله جدااا
صباح يوم جديد.
صقر راح شغله بس كان متوتر المفروض المحاكمه بكرا ودا مخليه متوتر جدداااا .....وبعد وقت عرف ان المدير طالبه
صقر.....نعم يافندم
المدير......انا عارف انك اعصابك مشدوده اليومين دول ف عشان كدا انت اجازه من نهارده لمده 4ايام تهدي اعصابك
صقر......متشكر جدا يافندم انا فعلا محتاجها جدا
المدير.....تمام
صقر روح وراح لملك وعرض عليها يسافرو اي مكان وسافرو فعلا الغردقة
فضلو وقت طويل يضحكو ويتفسحو صقر كان عايز يفصل عن اللي مر بيه ويعوض ملك من اللي شافته وتعويض شهر عسل وكان يوم من اجمل ايام حياتهم
عدي اليوم عليهم وصقر صحي اليوم دا من بدري جدااا منتظر خبر يعرف اي الحكم اللي هيتم
وبعد وقت طويل جدا عرف ان تم الحكم علي كل بالاعدام
صدمه كبيىره هو مش محدد مشاعره مش فاهمها مش عارف هوزعلان ولا فرحان ولااحساسه اي هو حاسس انه تايه ودا ضايقه جدااا
صقر فضل طول اليوم فب عالم تاني معاها بس مش معاها
ملك......حبيبي في اي
صقر .....مفيش ياملك
ملك.....لافي انت متغير اوي وسرحان طول الوقت لي كدا
صقر اتنهد.....اتحكم عليهم كلهم بالاعدام النهارده
ملك .....وانت زعلان عشانه
صقر......مش عارف ياملك مش عارف احساس التوها دا مضايقني احساس اني مش قادر احدد مشاعري دا بيضايقتي ويخنقني اوووي انا مكنتش متوقع اني هتخنق كدا وف نفس الوقت مش عارف انا زعلان لي عليه بعد كل الي عمله معايا وخصوصا فيكي انتي مش عارف
ملك .....هواه حاول يقتلني بس محصلش وانا كويسه في اي
صقر.....انتي عرفتي اذاي
ملك....الشخص اللي ضربني بالرصاص هو اللي قالي....قالي اما تسبقيه علي اخره قولي ليه اخره اللي يدور علي متلمتم بس
صقر غمض عنيه يتحكم ف اعصابه
ملك.....اللي فات مات ياصقر انساه ياحبيبي فكر ف الي جاي اللي فات خلاص مش هتقدر تغيره
صقر...... طيب
ملك.....علي فكره بقي كدا ظلم عشان المفروض انت جايبني هنا عشان تفسحني مش عشان تفضل سرحان كدا ظلم علي فكره
صقر.....عايزه تروحي فين
ملك .....عايزه اعمل حاجات كتيرراوووي
صقر......ااومري ياقطتي
ملك....اولا نروح رحله الغوص الي الفندق. مطلعها بكرا
صقر.....اولا انتي بتعرفي تعومي طيب
ملك......لا بس انت بتعرف
صقر.....لاوالله و عشان كدا ونفرض اني وافقت وخلي بالك من نفرض دي انتي نستيي انك حامل وغلط عليكي
ملك .....اي العلاقه
صقر.....لاولحاجه انسي ياملك عايزه تشوفي شعب مرجانيه واسماك هخدك مكان تتفرجي عليه
ملك ......بجد.طيب خلاص
صقر.....اي تاني
ملك .....عايزه اجرب البارشوت دا
صقر. ....قومي ياملك من قدامي
ملك.....في اي
صقر.....قومي ياحبيبتي بس هوانتي غبيه مش قولت انك زفت حامل
ملك.......يوه بقي امال هنعمل اي طيب
صقر......قومي البسي وانتي تعرفي
ملك.....بس كدا ثواني بس
صقر اخدها وخرجو كانو بيقضو وقت جميل جدااا وطلعها رحله سفاري وكانت ملك مبسوطه جدااا الوقت عدي بيهم ورجعو تاني الفندوق وملك كانت تعبت ونامت وصقر فضل واقف ف البلاكونه باصص علي بحر وسرحان ف بحر افكاره اللي مبتنتهيش وقطع شروده صوت خبط الباب راح باستغراب يشوف مين بيخبط وفتح كان شاب
صقر.....افندم
شاب.....تعالي معايا
صقر.....نعم اجي معاك فين
الشاب ......تعالي معايا و حضرتك هتعرف
صقر.....انت ياتقول عايز اي ياتتكل
الشاب....اتفضل معايا ياسياده المقدم في موضع مهم يخص حضرتك اتفضل معايا
صقر استغرب اي صراره دا ف راح معاه وطلع بيه لحد اخر دور ف الفندوق وصقر مش فاهم في اي اللي بيحصل
صقر لسه هيتكلم يسال في اي فجاه ظهر قدامه شخص شل كلامه
صقر.......بصدمه ...انت انت هنا اذاي
كمال......مفجاه اووي كدا
صقر....انت اذاي جيت هنا
كمال......وانت فاكر انكم تقدر تحبسوني تبقي عبيط
صقر واقف متنح مش فاهم اللي بيحصل بس الي جيه ف تفكيره انه ياذي ملك ويكون بيبعده عشان كدا
رواية ملك الصقر
الحلقه_ال34
صقر استغرب اي صراره دا ف راح معاه وطلع بيه لحد اخر دور ف الفندوق وصقر مش فاهم في اي اللي بيحصل
صقر لسه هيتكلم يسال في اي فجاه ظهر قدامه شخص شل كلامه
صقر.......بصدمه ...انت انت هنا اذاي
كمال......مفجاه اووي كدا
صقر....انت اذاي جيت هنا
كمال......وانت فاكر انكم تقدر تحبسوني تبقي عبيط
صقر واقف متنح مش فاهم اللي بيحصل بس الي جيه ف تفكيره انه ياذي ملك ويكون بيبعده عشان كدا
صقر.....انت جيت هنا اذاي و عايز اي اصلا
......انا اللي جبته
صقر اتلفت يشوف مين بيتكلم وكانت صدمته اللي مش متوقعها وكان مديره
صقر بصدمه .....انت اذاي واي علاقتكم ببعض
كمال.....صابر صاحب عمري ياصقر
صقر ......نعمممم ....معقول حضرتك هربته هربت مجرم ذي دا
صابر.....اهدا عشان تفهم
صقر بزعيق.....افهم اي دا انا هطربقها علي دماغ الكل واللي انت عملته انا مش هعديه ابدا
صابر....انت نسيت نفسك ياصقر ولا اي انت بتكلم مديرك
صقر.....مدير اي اللي يهرب ارهابي محكوم عليه بالعدام
صابر.....وانت المفروض انك شايف اني اخرج متهم من الجهاز دا شئ سهل يعني انت بتستهبل ولا اي واتفضل اقعد عشان تهدي وتفهم
صقر...مش عايز افهم
كمال.....انت مش ملاحظ انك عمال تزعق وبتعلي صوتك علينا
صقر.....لولا عامل احترام لسنك كنت حدفتك من هنا
صابر.....انت زودتها اوووي دا ابوك ياصقر
صقر.....اناابويا مات من زمان وكلامي خلص
ولسه هيمشي بس صابر مسكه
صابر.....واضح اني كنت فهمك غلط طول سنين دي وطلعت همجي ومتخلف
صقر......عايز اي
صابر.....اقعد وانت تفهم
صقر قعد علي مضد عشان يفهم اي اللي بيحصل
صابر.....احكي ياكمال
كمال .....لااحكي انت انا مش هيصدقني
صقر.....انتم هتفضلو تتعازمو علي بعض كتير
صابر.....اخرس بقي في اي ياواد انت
صقر.....اتفضل احكي ولا انتم فاضين يعني
صابر......ابوك اما عمل الحادثه وكان بسببها قعد.من الداخليه وانت اكيد لاحظت تغير والدك ف الوقت دا كانو محتاجين ف الداخليه حد يدخل ف قلب الجماعات الارهبيه ويكون مصدر ثقه وطبعا بسبب اللي والدك مر بيه وان الداخلية استغنت عنه دا كان اكبر دافع يسمح ليه انه ينضم ليهم وهو يستغلوه عشان كدا طلق والدتك ودخلك مدرسه داخلي عشان كل شئ يظهر طبيعي ومع الوقت قدر يكسب ثقاتهم فعلا وبعد السنين دي كلها بقي الامير بتاعهم وظهورو قدامك كان بتخطيط منه هو واختارك انت لانه متاكد انك من اكفءالظباط عندنا كان هو يخطط وانت فعلا بتنفذ كل توقع هو بيقوله
صقر متابع كلامه بصدمه هو مش فاهم اي اللي حصل ولا اي بيسمعه يعني اي معني كلامهم دا واذاي اصلا
+
صقر......يعني انت طول الفتره دي بتضحك عليا وبتحركوني انتم الاتنين ذي العروسه اللعبه اذاي
كمال .....دي ظروف شغلنا وانت اكتر واحد فاهم دا كويس وصدقني اما عمري ما كنت هاخاطر بيك ولوللحظه كل حاجه بتكون مترتبه كويس جدا قرار ظهوري حان معاده اما قدرت اوصل لكل المعلومات المطلوبه وعن طريقك انت عشان كدا رفضت انك تروح انت تجبهم من بلادهم خوفا عليك صدقني انا بحبك وبخاف عليك اوووي
صقر باصاصص لي ومش عارف يتكلم ومش قادر يكلم مش لاقي كلام يعبر بيه عن احساسه
صابر......انا عارف ان الموضوع صعب عليك بس انت لازم تكون فخور بوالدك والعمل البطولي اللي عمله وهو بيعرض نفسه كل لحظه للخطر
صقر......خلصتم
كمال وصابر بصو لبعض
صقر.....انتم اتكلمتم وقولتو اللي عندكم ....وانا لسه عند قراري اه انت مش خاين بس بالنسبه ليا ميت وياريت ماتحولش تظهر ف حياتي تاني
1
تستمر القصة أدناه
وسابهم ونزل هو محتاج يجمع اللي بيحصل محتاج يهدي هو مش فاهم اللي حصل دا اذاي يعني هما كانو بيتعملو معاه وبيحركوه ذي ماهم محتاجين صقر غمض عينه يتحكم ف نفسه ويتحكم ف غضبه من ابوه اللي كل يوم بيذيد بسبب تصرفاته اللي بتفوق توقعاته
صقر دخل اوضته كانت ملك صاحيه وقاعده علي سرير
ملك....انت كنت فين
صقر.....قومي اجهزي عشان هنرجع القاهره
ملك .....لي مش المفروض لسه يومين
صقر بعصبية....ماتنجزي وتقومي تجهزي كل حاجه لازم ترغي فيها يالا بقي
ملك بصتله وسكتت ومفهمتش هي عملت اي عشان يتعصب كدا بس ماحبتش تذودها عليه ف قامت ف صمت جهزت حاجتهم ودخل صقر اخد حاجتهم ومشيو وطول طريق صقر سرحان وملك ملاحظه دا وسيابه لحد ما يتكلم لوحده وبعد وقت
ملك......ممكن تقف ف اول استراحه عايزه عصير
صقر...حاضر
صقر وقف بعده بمده ونزل جبلها عصير واكل وجاب ليه قهوه ورجع
ملك.....اي دا انا عايزه قهوه مجبتش ليا قهوه لي
صقر ....انتي قولتي عايزه عصير
ملك اخدت الكوبايه منه ....بس انا بحب القهوه هات
اخدتها منه وشربت حبه وبعد كدا عيطت
صقر....في اي بتعيطي لي
ملك.....القهوه طعمها وحش اوووي
صقر باستغراب .....لا حلوه وبعدين ساده ذي مابتشربيها في اي
ملك....لاوحش اووي
صقر..ً...يابنتي انتي هتجنني معي طعمها عادي اهو
ملك.....اسكت بقي وسيبني ف حالي
صقر .....في اي طيب ....طيب بوصي في استراحه قدام تاني هنزل واجبلك قهوه تمام
ملك....طيب
صقر كمل طريقه وهومستغرب انها تعيط عشان طعم القهوه بس معجبهاش وبعد وقت نزل تاني جاب قهوه ليها ولي وادهالها ونفس كلامها انها طعمها وحش وصقر بقي هيتجنن مش فاهم اي اللي بيخصل
ملك......عشان حامل طعمها وحش ماما قالتلي كدا انا هفضل طول الحمل كدا مش هشرب قهوه
صقر ضحك غصب عنه .....معلش هلقيلك ليها حل
ملك.....بجد اذاي
صقر......بعدين ماتقلقيش
ملك......هو انت كويس
صقر.....لا
ملك......مالك طيب في اي
صقر اتنهد وحكالها اللي حصل
ملك بصدمه.....يعني هوطلع شغال مع المخابرات انت بتكلم بجد بس اي علاقه دا انه يطلق مامتك
صقر....مش عارف الموضوع في لغز مابينهم انا مش فاهمه انا تعبت منهم اوووي وفعلا مش ف حمل صدمه منهم تانيه كفايه كدا لان فعلا اللي شوفته منهم لحد دلوقتي كتيرر اوووي فوق تحملي
ملك بحزن علي حالت صقر .....ماتبصش للجانب السئ
صقر .....مش فاهم
ملك.....انت كانت اكتر حاجه مضيقاك ان كنت خايف ان بباك يكون ارهابي وايده ملوثه بالدم وهوطلع مش كدا بل طلع بطل خليك ف الجانب دا و الايام بداوي ياصقر
صقر.سكت ومردش لان فعلا دا كان تفكيره بس الصدمات اللي بيعرفها كل فتره دي بتبني ما بينهم حواجز صعب هدمها
الايام بتعدي علي حمل ملك وصقر جنبها خطوه
بخطوه
كندا وجاسر اتجوزو واتعملهم فرح وهم وكانت فرحتهم ان حبهم اللي من طفولتهم كبر معاهم وبقوا ف بيت واحد
صابر بيحاول يقنع صقر ان ابوه عمل عمل بطولي وبيحاول باستمرار انه يرجع علاقتهم ببعض لكن صقر مش مديله فرصه ورافض فكره دي
تستمر القصة أدناه
ملك قاعده مع عاليه لكن باين عليها التعب
عاليه.....انتي شكلك تعبانه انا هكلم صقر يجي
ملك....انا كويسه ماتقلقيش اعمليي ليا بس كوبايه ليمون معلش
عاليه.....حاضر يا حبيبتي
عاليه قامت وملك قاعده مكانها تعبانه جداا وسمعت صوت الجرس راحت تفتح واستغربت من اللي هي شيفاه قدمها
ملك.....مين حضرتك
......انتي ملك صح
ملك باستغراب .....ايوه انا مين حضرتك
كمال.....انا كمال
ملك بصدمه.....هااا اتفضل حضرتك اسفه جدا
كمال ببتسامه.....لاعادي ولايهمك
كمال دخل وملك مش عارفه اللي عملته دا صح ولاغلط واي هيكون رد فعل صقر. لوجيه وشافه
كمال......عامله اي دلوقتي طمنيني عليكي
ملك.....الحمدلله و حضرتك عامل اي
كمال.....الحمدلله
في الوقت دا خرجت عاليه من المطبخ ومعاها كوبايه ليمون لملك بس مجرد ماشافت كمال الكوبايه وقعت منها
ملك......في اي ياماما حصل خير
ملك قامت لمت الازاز ودخلته مطبخ وبعد كدا دخلت اوضتها عشان تسيبهم يتكلمو مع بعض
عاليه......انت عايز اي مني واي اللي رجعك وبعدين انت مش مسجون خرجت اذاي
كمال.....ممكن تسمحيلي افهمك الموضوع من الاول
عاليه.....لامش عايزه افهم حاجه ولا عايزه اسمع منك حاجه اتفضل استني ابنك عن اذنك
كمال .....عاليه استني انتي في حاجات كتير لازم تعرفيها من فضلك اسمعيني وبعد كدا احكمي عليا
عاليه بصتله وسكتت وقعدت
كمال....من بعد الحادثه اللي حصلت وكل حاجه ف حياتي اتلغبطت وانتي عارفه دا كويس حياتي ادمرت قصاد عنيا حلمي راح تاريخي ف شغلي ادمر في لحظه قدامي وانا مش عارف اتصرف لحد ما صابر صاحبي عرض عليا المهمه دي وكان عندي اختيار ياما افضل موجود عاجز مستنيكي انتي تشتغلي وتصرفي عليا يا اما اغامر بحياتي وكان دا اختياري بس عشان انفذ لازم اكون مطمن عليكم عارف ان تصرفي كان و عارف اني دمرت اي ذكري مابينا باللي عملته فيكي انتي وصقر بس انا كنت عايزك تكرهيني وتشوفي حياتك و عشان كدا عملت كدا وكنت دايما بتابع اخبارك والمدرسه اللي دخلت فيها صقر كنت موصي عليه من قيادات كبيره اوووي ف المخابارات تضمنا ان حدياذيه عارف اتصرفي كان غيي وكان ممكن اعالج الامور باسلوب تاني
عاليه......وياتري اي سبب المهم بقي الي يخليك ترمي مراتك ف الشارع وترمي ابنك انك تنضم للجماعات الارهابيه اللي بيقتلو ناس ملهاش زنب ويحقرو قلب اهاليهم
كمال.....السبب ان حق الناس اللي بتموت دي ترجع وقدرت والبركه ف ابنك هو اللي لف حبل المشنقه حواليهم
عاليه......يعني انت مش بتشتغل معاهم
كمال......لا انا كنت بعمل خدمه ف شغلي انا وكان من صعب اوصل للي وصلتله دا ف يوم وليله
عاليه......وصقر عرف
كمال.....اكيد انا وصابر وضحنا ليه بس هو لسه مش قادر يتقبل اللي حصل
عاليه......انت حكيت اللي عندك المطلوب مني اي بقي
كمال بحرج ......تسمحيني صدقيني كنت عايز احميكي انا بحبك وهفضل احبك ارجوكي اديني فرصه تانيه
عاليه.....انت اكيد اتجننت بعد كل اللي عملته فيا دا وعايزني اديك فرصه تانيه تبقي بتحلم
كمال......كلنا بنغلط ياعاليه ومحدش فينا معصوم من الغلط وانا غلط وبتمني انك تسامحيني
عاليه.....عمري ف حياتي ماهسمحك ولاهنسي اللي انت عملته فيا
كمال.....فكري تاني ياعاليه خلينا نعوض اللي فات ونقضي اللي باقي من عمرنا سوا ....وانا مستنيكي يوم الخميس في قاعه####عشان هتكرم من الجهاز واتمني تيجي وتكوني مشركاني ف اليوم دا
1
تستمر القصة أدناه
كمال مشي وسابها تفكر وهي محتاره مش عارفه تاهد قرار هو اه ظلمها وجيه عليها لكن هي بتحبه هو حبها الوحيد اه اتجوزت غيره بس محبتش غيره مش عارفه تسامحه وتكمل معاه ولا داغلط وخرجها من شرودها صوت صقر
صقر......اي اللي واخد عقلك يا جميل
عاليه......حمدلله علي سلامتك ياحبيبي
صقر.....الله يسلمك ياست الكل مالك سرحانه ف اي
عاليه محبتش تقوله......كنت قلقانه علي ملك عشان كانت تعبانه
صقر ماصبرش تقول ماله وجري علي ملك يشوفها كانت نايمه وباين عليها التعب
صقر......في اي يا حبيبي مالك
ملك....انا كويسه ماتقلقش تعب طبيعي عادي و
صقر لمح ايديها مربوطه
صقر.....اي دا اي اللي عورك كدا
ملك....دي كوبايه اتكسرت اتعورت منها
صقر.....مش تخلي بالك يا ملك
ملك.....حصل خير بقي ياصقر وبعدين دا جرح بسيط مش كل حاجه تكبرها كدا
صقر.....وانتي بتعملي حاجه ف المطبخ لي اصلا هومش انا جبتلك واحده تساعدك عشان انتي ترتاحي يا حبيبي
ملك.....لا عي وقعت من ماما
صقر....مش فاهم
ملك....اصل اصل
صقر....في اي يا ملك
ملك.....عمو كمال كان هنا وماما اول ماشفته كوبايه وقعت منها
صقر ماتصدمش لانه كان متوقع انه يجي .....ماشي ياملك حصل خير يالا عشان ناكل عشان جعان
ملك .....استغربت ان مالوش ردت فعل وذي مايكون كان عارف انه جاي
صقر فضل طول اليوم بيتعامل طبيعي جدا ومكنش لي اي ردت فعل ظاهره قدامهم واول ماولدته دخلت اوضتها دخل وراها
عاليه......تعالي يا حبيبي
صقر.....عايز اتكلم معاكي
عاليه.....اتفضل
صقر.....كمال كان هنا ليه
عاليه اتوترت ومبقتش عارفه ترد
صقر......انا عايز افهم اللي حصل مش اكتر
عاليه حكت ليه كل الكلام اللي قاله
صقر......وانتي رايك اي
عاليه.....مش عارفه
صقر....قدامك يومين لحد معاد الحفله تاخدي قرار مع اني عارف رايك
عاليه.....انت رايح الحفله دي
صقر.....لازم احضر عشان الناس هسيبك تفكري وردي عليا
عدت الايام عليهم وجيه يوم الحفله والكل اعصابه كانت متوتره
عاليه مش عارفه تعمل اي محتاره مابين تقبل ترجع ومابين لا مابين تسامحه ومابين انها تفضل حايتها كدا وقطع حيرتها دخول ملك
ملك.....صباح الفل
عاليه.....عامله اي يا حبيبتي
ملك.....تمام.....المهم قوليلي الجميل سرحان ف اي
عاليه سكتت ومش عارفه ترد
ملك....بوصي ياست الكل اولا كدا كلنا بنغلط وكلنا بنختلف ف وجهات النظر وكل واحد فينا بيشوف الامور من منظورو هو وبناءاًعليها بيتصرف عمو كمال غلط بس رجع ف غلطه واعتزر وقال اسبابه وانتي بتحبيبه خلاص سامحي واللي فات مات وربنا يطول عمركم بس اللي جاي مش قد اللي فات ياماما انتي تعبتي كتير ف حياتك ومحتاجه ترتاحي بقي
ملك سابتها ف بحر افكارها ودخلت اوضتها تستعد للحفله وبعد وقت صقر جيه يجهز وهو متوتر
ملك.....اي الجمال دا علي فكره كدا هتتعاكس ومش هيحصل كويس
صقر ابتسم ....مش هتبطلي جنان ابداا
ملك.....تؤتؤؤ....دا اسلوب حياة ياباشا
صقر.....ماشي يامجنونه ماما جايه معانا ولااي
ملك.....معرفش بس جايه
صقر.... قدامي ياملك نشوفها
صقر خرج هو وملك كانت عاليه خارجه من اوضتها وعي لابسه فستان جميل مناسب سنها وصقر اما شافها ابتسم وسكت
وراحو الحفله وكمال فرح اوووي بوجود عاليه وفضلو طول الحفله مع بعض يتعاتبو ف اللي فات واتفقو انه هيرفع قضيه طلاق ويطلقها من راضي الاسيوطي ويتجوزها
وفعلا تم دا وطلقها وكمال منتظر عدتها تخلص ويتجوزها ومحاولاته مع ابنه مش بتنتهي وصقر مع الوقت سامحه بس لسه بعيد عنه
الايام بتعدي وجيه يوم وملك خلفت كان توتر والقلق علي كل وبيدعولها انها تقوم بسلامه
علي......اهدا بقي وترتني يا عم
صقر.....تعرف تخرس بدل ماقتلك دلوقتي
عز.....اهدا ياوحش في اي هتبقي كويسه ماتقلقش
الوقت عدي علي صقر بطئ جدا لحد ما خرجت الدكتوره
صقر.....خير يادكتوره طمنيني
دكتوره....مبروك جالك ولد ذي القمر
صقر.....ملك طمنيني عليها
الدكتوره.....كويسه ماتقلقش وهي ف الافاقه دلوقتي ودقايق وهتجيلكم الاوضه
كلهم راحو الاوضه منتظرين ملك وبعد وقت قليل جت وبعدها البيبي
صقر مسكه وحس احساس عمره ماحسه ف حياته حس ان قلبه بيدق جامد جدااا لدرجه.ان حس ان قلبه هيقف
كمال.....اي العسل دا مشااءالله ربنا يبارك لك فيه يارب وناوي تسميه اي بقي
صقر ببتسامه ....يونس
علي.....دا اسم ملك صح
صقر....طبعا
عز.....يعيني علي رجاله
صقر.....علي اساس مين اللي سمي عدي ابنك امشي ياض من هنا
رائد.......شكلك وحش اووووي
صقر.....قوله ياجدع
عز باحراج.....خلاص في اي ما لكم عادي يعني انتم كبرتم الموضوع اووي ياشباب
ملك وصقر حياتهم جميله جداا ومش بتخلي من جنان ملك ومقالبها ف صقر اللي مش بتنتهي ومحاولتها الكتير بمساعده صقر انها توفق مابين البيت ويونس والجامعة ودا كان بالنسبه ليها صعب بس صقر كان دايما جنبها
علي وجوري حياتهم بسيطه بنفس بساطه جوري وجمالها وخلفو بنت سموها جويريه وولد اسمه عامر
عز وراندا حياتهم سعيده بحبهم لبعض وعز كان فعلا عوض لراندا عن كل اللي شافته ف حياتها بحنيته عليها ووقوفه جنبها وعي كانت عوض ليه عن حنان امه اللي افتقده كانو بيكملو بعض ودا اللي كان مميز حياتهم وخلفو ولد واحد اسمه عدي
جاسر وكندا حياتهم مختلفه عن الكل رغم ساعدتهم وحبهم لبعض بس مش بتخلي من خناقات كندا المستمره علي اتفه الاسباب و دا مخلي حياتهم مش مستقره خالص بسبب غيرتها الذايده علي اقل الاسباب وخلفو بنت اسمها مكه وولد اسمه يوسف
بعد خمس سنين
صقر نايم هو ملك وصحي علي حد ييبوسه
صقر .....صباح فل علي احلي جميل ف الدنيا حبيبتي عامله اي
ملايكا ....تويسه اثصحي بقي (كويسه اصحي)
صقر.....مستعجله لي بس كدا اهدي
ملايكا ....مث انهالده عيد ميلادي انا مليكه (مش النهارده )
وقبل صقر ما يرد كانت جت وحدفت نفسهاةعليه
صقر.....يابت انتي عندك ميول تلعبي مصارعه قولي لي طيب
ملايكا ......انا نفسي اكون ذيك انت
صقر .....تكوني ظابط
ملايكا .....اه
صقر ابتسم.....وانتي يامليكه نفسك تكوني اي
مليكه .....نفسي اكون دكتوره ذي مامي
صقر.....يعني بتحبي مامي اكتر
ملك....خودها دي كمان مش كفايه يونس اللي بقي نسخه منك والقرده الصغيره اللي بتنفذ كل حركه بتعملها
صقر ضحك.....معلش بقي يالوكا
الوقت عدي بيهم وابتدو يحضرو لعيد الميلاد وكانو مزينين البيت بطريقه جميله جدا وكل مكان مكتوب عليه مليكه وملايكا ورقم 5 وكان شكلهم حلو جدااا
ابتدا العيد ميلاد ومشغلين الاغاني وابتدو يطفو الشمع
صقر.....هابقي بتتمنو اي قبل ماطفو الشمع
مليكه وملايكا ....مامي تغنلنا اغنيه Chada chamka اللي غنتها ف عيد ميلاد دهب
صقر وملك بصو لبعض
صقر.....وانتم عرفتم منين بقي
ملايكا.....دهب وراتني الفيديو
وملك ضحكت .....عنيا يااميراتي
ملك ابتدت تغني الاغنييه وترقص مع بناتها ودخلت يونس معاهم واللي صدمها ان صقر اشترك معاهم ف الاغنيه وكان حفظها