رواية ليلي الفصل الخامس 5 والسادس 6 بقلم مجهول

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

عايزه تثبتي لي بالصور دي أنك نسيتيني أضرب ليك قسم لسه بتحبيني  وما بتقدري تنسيني ردها كان ماكنت بحبك عشان أنساك  وأكبر دليل بيثبت أنك مجرد  إنسان تافه وما عندك قيمة في حياتي أنك لسه ما مقتنع بفكرة أني ما كنت بحبك ولو كنت بحبك كان عملت الطلبتو مني المزعلك تلاتة سنين بتحنك فيني وما قدرت تمسك يدي  ساي وفاهم بزواجك من أختي  أغير عليك  واخرب وش مع أهلي وأقول ليهم بحبك وكدا بس أنت غلطان لا بحبك ولا شئ  أنا حالياً مبسوطه مع زوجي فرجاء ما ترسل لي تاني لأنو بطني بطم منك  

شلت تلفونا وختيتو ليها في جك المويه  طلعت من الحمام لقتني بعاين لي التلفون وهو جو الجك كوركت وقالت لي تلفوني ليه عملت كدا  مسكتا من شعرا وقلت ليها  أشتري ليك تلفون  عشان تدردشي مع حبيبك   عايزه تصلي لي شنو ي وسخة  الغاظني معاينة لي بقرف  ضربت ضرب ولما حاولت تضربني  هجت زيادة  وضربت ضرب شين  ما نزلت ولا دمعة ولا حركة جفن كانت بتعاين لي بقوة عين  قالت لي خلصت رجالتك  من الزعل الشديد جاني ضيق نفس ووقعتا من طولي ما عارف فكرت أنها كانت بتحب واحد تاني ما عايز اتقبلا عايز اكون اول حب في حياتا وآخر  عايز ليلى تحبني  وما تفكر في واحد غيري  صحيت على ليلى بتضرب في وشي  وبتقول لي  سالم فتح عيونك  انتفس  رفعت راسي وفكت لي أزرار القميص   قلت ليها بتخونيني ي ليلى عايزه ترجعي ليه وعندك عشم  فيه عايزه تخليه يغير عليك وبتستغليني عشان مصالحك  قالت لي والله أنت فاهم غلط ما كان بيدي لما حبيتو عايزه انساه ومضايقة من نفسي لما اتذكرو  أنا مخنوقة وأنت بذيدا علي قوم عشان ترتاح في السرير  رقدت جمبي وكل ما يتصلو تقول ليهم تعبان ما بيقدر يجي اليوم نمت وصحيت  استحميت وطلعت لقيتا بتعمل في الأكل   حسيت نفسي صغرت من نفسي  قالت لي  طالما بقيت كويس   ما مسامحاك على تلفوني الغطستو في المويه وعلى الضرب الضربتني ليه ما رديت ليها أكلت وطلعت برا البيت ومن اليوم دا عديتو سهر بر البيت   بأكل وبشرب وبنوم وبطلع من غير أفتح معاها حوار أنا زاتي ما بعرف بعمل كده ليه بعد اسبوعين وكم يوم جيت متأخر كالعادة  لقيتا منتظراني ولابسة ملابس تذوب صخور  وعطرها هي طبيعي مهتما بي نظافتا الشخصية  جريتا علي من خصرها وبقيت اشم في عطرها وأنا بصارع وبجاهد نفسي عشان أبعد بستها كم مرة  وزحيت منها  استحميت وغمضت عيوني  كانت واقفة محلها زعلانة مني وطفح بيها الكيل   نمت مبسوط من نفسي قدرت اقاوما هي  ما بتقدر تخليني  أفقد السيطرة على نفسي كل شويه  بقيت ضاغط نفسي في الشغل  وبتأخر وونستي مع مودة كترت وطلوعنا كمان وليلى شايفه دا كلو قداما  شهر وأنا كنت بجبر نفسي  لبسها كان كل يوم جرئ وجذاب اكتر من القبلو والعطور والمكياج   أنا كنت متأثر بس ما كنت مبين الشئ دا بعمل نفسي ما مهتم بيها لكن كنت بنحرق من جواي ومشتاق ليها قلت أرمي ليها آخر قنبلة يدوية وقلت ليها ليلى عايز اتكلم معاك ضروري قالت لي  اتفضل أنا برضو عايزه اتكلم معاك قلت ليها أنت كان عايزه طلاق بطلقك وبديك حريتك اعتقد دا الكنتي عايزاه من زمان

سكتت  وأنا طلعت الشغل ورجعت البيت المساء كنت بتكلم مع مودة  لقيت ليلى قاعدة في الصالون قلت لي مودة طيب ي مودة برجع ليك بعدين قالت لي أنا فكرت في كلامك من ما قالت كدا قلبي بقى في يدي  خايف تقول لي طلقني  قالت لي نأكل وبعدها نتناقش  بعد أكلت اتهربت منها وقلت ليها أنا نعسان عايز انوم ورقدتا رقدت جمبي  وحضنتني من ورأي وقالت لي   سالم  أنت عايز تطلقني ليه عشان حبيبتك مودة ولا عشان زعلان مني عشان موضوع كان في الماضي صدقني أنا العرفتو ما كنت بحبو ولا شئ بس اتعودت عليه ما اكتر  أنا بقيت مضايقة لما أنت بعدت مني  وبقيت بحبك كمان شفت كيف الكلب بيحب خناقو اشتقت لي الله يرضى عليك ولي بوستك في جبيني قبل تطلع وونستك  أنا عارفه أنك خلاص عايز تتزوج مودة وتطلقني بس ممكن اليوم   وتاني سكتت قبلت عليها بي وشي وقلت ليها  عايزه تفهميني أنك بتحبيني بطلي مراوقة قولي عايزه حقك الشرعي بس  غضبت وضربتني  وقامت  طلعت لحقتها جمب الباب  وحضنتا مسافة   وقلت مشتاق ليك  للمرة الأولى ضمتني اكتر لحضنا  التلفون اتصل قفلتو   ورميتو ورجعت تاني لحضنا   واترمينا في السرير  وحصل الحصل بي اختلاف كانت مختلفة  سلمتني نفسها بكل حب وهمست لي بي كلامات غزل ما كنت مصدق نفسي إلا لما صحيت ولقيتا بتعاين لي بي ابتسامه  باستني في شفايفي  رفعتا ومشينا استحمينا مع بعض   ومنها حضرنا الأكل سوا  أنا كنت واقف وراها بس وهي بتطبخ 

مودة لما لقت تلفوني مقفول جاتني في البيت لأنو الفترة الأخيرة كنا بنتكلم مع بع

6 ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​