رواية ليلي الفصل السابع 7 والثامن 8 بقلم مجهول

 《07》 

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

قالت لي حتقتنع أنت بس شد حيلك وجيبا هنا البيت  قلت ليها وإذا  قلت ليك اني مكتفي بيك وما عايز غيرك ومودة صفحه وطويتا قالت لي أنا عارفه أنك عايز تكون معاها بس خجلان قمتا عايز أمشي منها حضنتني بطريقة خلتني اقيف من غير حركة قالت لي ي حبيبي بصوت كلو رقة ونعومة عايز تمشي وتخليني براي  بعد ما حصل الحصل بينا قالت لي أنا جاده معاك والله  لو كانت بت تانية غير مودة ما كان وافقت البت دي طيبة وبعدين حلوه يعني منافس قوي أنا ممكن أقبل بيها بس واحدة تانية ومعولقة ما بتنفع معاي قلت ليها محسساني إنتي العايزه تتزوجيها ليلى بتعرفي تسكتي إنتي قالت لي يعني موافق قلت ليها ليلى إنتي مجنونة  أول مرة في حياتي اسمع وحدة تقول لي راجلا عرس فيني  قالت لي أحسن مما أنت تعرس فيني براك أحسن أكون عارفه وبعدين  أنا ما عندي أي مشكلة لو عندك أي وحدة عجبتك  وقلت عايز تعرسا شاورني  برقص ليك في عرسك رقيص  هندي سوداني مصري احتو ليك حت  غلبني الكلام وبقيت اعاين ليها  قالت لي مودة حلوة شديد ياخ وطيبة وبتحب المسؤولية يعني هي قررت تهتم بي اخوانا الصغار وتصرف عليم كان ممكن تتهرب من المسؤولية بزاوج بس هي ما عملت كدا 

قلت ليها أنا زهجت ي زولة اختيني قالت لي أنا بتكلم كدا عشان مصلحتك قلت ليها بكرا القريبة دي بعقد عليها مبسوطه كدا  قالت لي وأخيراً وباستني تقول عايزه تقد خدي ابتسمت وعضت شفتا وقامت على حيلا قالت لي الخبر دا داير ليه إحتفال  شغلت التلفزيون صادفت أغنية هندية حماسية ربطت شعرها ضنب حصان واصلا كانت لابسة شي كدا مظهر بطنها  وردا  بقت ترقص بيني وبين نفسي بقيت أخاف منها ما طبيعي وخاصة طريقه رقصها بتعرف ترقص أي حاجة   كانت بترقص مع الأغنية وتتمايل بطريقة تحير تحسها هندية ما خلت ليهم شئ لما ترقص تنقلب وحدة تانية مع تفكيري بقيت اسرح فيها ما قدرت أبعد عيوني منها حسيتا ذي سيطرت على كل أفكاري  والفاهمو إنو هي لسه ما بتحبني  بتمشيني بس ما عارف ليه   كنت بشوف الغيرة في مودة   أما ليلى عايزه تعرس لي وحدة تانية وتمدح فيها بتذيدني حيرة شديدة نفسي افهم هي بتفكر في شنو  هي فاهمني بتعرف البيسعدني شنو والبيزعلني شنو بس أنا ما قادر افهما إنسانة معقدة بشكل غريب  فتحت تلفوني وعملت ليها مقطع فيديو  المشكلة أنها ممكن عادي نص ساعه ترقص ما بتتعب وتكون بنفس النشاط  مسكتا من خصرها وجريتا وقلت ليها كفاك لزتني تاني اعتزرت مني قالت لي أنا عندي زار رقص   رفعتها ورقدتها وختيت رأسي في صدرها اتعودت انوم كدا وهي بتملس على ضهري  وشعري وانوم على كدا  صحيت الصبح وصليت لقيتا نايمة  بطريقة تحنن قلت دي نفس البت الامبارح كانت بترقص لاحظت ليها بتشتغل كتير   شغل البيت  ذي الآلة وما بتشتكي بلقاها بتغني وبترقص لما عايزه تطبخ ونفس الشي لما عايزه تغسل أو تنضف  بستها في خدها اليمين لفت يدها في رقبتي وقبلتني  قالت لي صباح الخير قلت ليها صباح العسل قالت لي صباح العسل مرة واحدة شكلك صاحي بدري زح لي استحما  واغير بعد دخلت الحمام دقيت ليها الباب قلت ليها محتاجه مساعده  قالت لي شكراً  بالمناسبة أنا عزمت مودة على الغدا عشان نتاقش في موضوع الزواج وكدا  

عصبتني شديد قربت اكسر باب الحمام وأدخل ليها لما جات مارقة  كانت لابسة بشكير وشعرها مندي وجسمها كلو بلعت ريقي كنت عايز اتشاكل معها بس خلتني ابلع الكلمات بعد الشفتو دا  هي كانت بتتكلم وبتنشف في شعرها وأنا عيوني ماشة معاها فتحت الدولاب وطلعت ملابس   جيتا ولزيتا على الدولاب  وبقيت اهبش شعرا وضهرها أو مرة الالحظ أنها مضايقة ومامرتاحة بس ما ظهرت لي  حاولت تخفي شكلو كل مرة كانت كدا بس  أنا ما كنت بشوف بعدت عنها  دخلت الحمام وغيرت وجات مارقة عشان تجهز القهوة  قلت ليها ما عايز أنا ماشي  اشربا في المكتب لفت يدها على رقبتي وقالت لي لا خمس دقائق وتكون جاهزة  انتظرتها شربتا وعايز امرق بقت تعاين لي قلت ليها عايزه حاجه قالت لي أنت ما ناسي شي قلت ليها  اجي بدري عشان الغدا تمام ومرقت  جيتا راجع وقلت ليها الله يرضى عليك وبستا راسا ضحكت وضمتني  أبسط حركة منها بنسى الزعل  

مشيت على شغلي مودة قالت لي مرتك عزمتني على الغدا  أنت عارف ليه قلت ليها لا  قالت لي أنا عندي ليك موضوع  وعايزه استشيرك فيه قلت ليها شنو قالت لي المدير التنفيذي لشركة طلب يدي لزواج أنت رأيك شنو وأنا مترددة صليت كم مره استخارة  بس لسه ما عارفه اعمل شنو أوفق ولا أرفض وأنت رأيك شنو  قلت ليها إنتي لو حاسه إنو هو إنسان مناسب ليك وافقي   أنت عارفه إنو مطلق مرتو  وعندو  ولد عمرو 6سنة   قالت لي عارفه والمتزوجا أجنبية  والولد عايش مع امو  ومنعتو إنو يشوفو  قلت ليها أنا ما عايزاك تدخلي تجربة فاشلة اتعرفي عليه  وبعدها  وافقي تمام شوفي أنك حترتاحي ليه أو لا 

ابتسمت وقالت لي شكراً ومشت ورجعت لي وقالت لي بجد ما عارف مرتك عايزه مني شنو  قلت ليها بصراحه عايزه تفتح ليك موضوع زواجنا عاينت لي بصدمة قالت لي مجنونة هي ولا شنو  كان رفضت عزيمتا  

قلت ليها تقول أنا القلت ليك ما تجي فهميها أنك  مخطوبة عشان توقف 

بعد كم ساعه مشينا أنا ومودة البيت لقينا ليلى  محضرة أي حاجة  أكلنا  مودة قبل ليلى تفتح الموضوع حكت ليها إنو المدير طلب يدها  قبلت علي وقالت لي شلبوك

  《08》