رواية ليلي الفصل التاسع 9 والعاشر 10 بقلم مجهول
《09》 ❤️
مشيت منها وأنا مبسوط أتلفت لقيتا واقفة محتارة في مكانا تاني ابتسمت ودخلت المطبخ واتأخرت أنا دخلت نجود في غرفة كدا ملاصقة معاها غرفة تانية عندها باب في النص قلت لي نجود إنتي في الغرفه دي وأنا حدخل في الجمبك وتقدري تقفلي عليك الباب خدي راحتك بعد عدينا فترة الساعه دقت الباب فتحت ليها نجود أما أنا كنت في الغرفه التانية نجود لاقتا بي ملابس قصيرة والريحة فايحة منها قالت ليها نعم ليلى قالت لي نجود الغدا جاهز ممكن تطلعو عشان تأكلو نجود لا عايزين نأكل برانا في غرفتنا من غير ما زول يزعجنا ليلى قالت تمام جداً ثواني واجيبا ليكم في محلكم ومشت وفعلا جابت الأكل نجود دقت لي الباب وقالت لي اتفضل أكل أنا عملت كم سندوتش شيل الباقي اخدت منها الأكل وقفلت الباب واكلت وغسلت يدي بس كنت راقد ساي وبتقلب النوم أبا يجيني وفكرت كم مرة أني أمشي لي ليلى تاني اتذكر المخطط ضغطت على نفسي ونومت اليوم التاني ما مشيت الشغل نظام أنا في شهر عسل وكدا لقيت ليلى صاحية بدري وآخر روقان وبتغني أغنية (من البداية قلتلك إنو مش دائماً يكون الحب كافي والحياة ليها حسبة تانية يومها نزلت دمعه منك فوق كتافي قلت حاول قولت حاضر بس اوعى ما تبعديش لو حتمشي أمشي حالا لو فضلتي ما تعبديش)
كانت بتنضف ومنها دخلت المطبخ مراقبا شكلها نامت كويس حسيت باليأس وأنو الشئ دا ما بيجيب نتيجة مع ليلى هي ذكية جداً
نجود دقت لي الباب وقالت لي تعال لقيتا بجغمس وشي بالروج وقالت لي أطلع كدا وصبح عليها قلت ليها واضح قالت لي ما واضح طلعت رغم إنو عارف الفكرة غبية بي نقصت من كمية الروج بيحث تبين أنها طبيعية طلعتا ليها وصبحت ليها بي ابتسامه عريضه وقلت ليها صباح الورد قالت لي صباح النور القهوة جاهزة العروس تشرب شنو قلت ليها نسكافيه بالحليب عملتو وادتني ليه كان نفسي اشوف تغيير ولو بسيط فيها بس ما لقيت رجعت بي خيبة أمل نجود لما شافتني مكشر قالت لي أنا ماشة عندي شغلة مهمة وأنت أمشي شغلك المساء نرجع مع بعض وطلعنا منها أنا ونجود وفهمت ليلى ماشين نتفسح ليلى كانت منتظرة مني اودعا بي الله يرضى عليك الكلمة دي مهمة عندها وبتحبها مشيت مع نجود من. غير ما أقبل ليها
رجعنا البيت أنا ونجود وانحنا بنتونس بمزاج وضحك ليلى فتحت لينا الباب وابتسمت ابتسامه مزيفة جهزت لينا الأكل أكلنا وبعد خلصنا كنت عايز أمشي لي ليلى نجود ومودة منعوني وقالو لي لا ما تمشي ليها خليها تفقدك وتحس انك جمبها وبعيد منها
ما اشتغلت بي كلامم ودخلت لي ليلى لقيتا سرحانة وحاضنة المخدة جريت منها المخدة وحضنتها قالت لي شنو الجابك لي مش قلت ما مرتاح معاي قلت ليها إنتي الما مرتاحة معاي عشان كده قررت الإنفصال كنت بتكلم معاها وبشم في ريحة عطرها من رقبتا كنت حاسي بيها لي المرة الأولى أنها متوترة من قربي منها
------------------------
*#ليلى 《10》 ❤️*
*〰️〰️〰️*
كنت حاسي بيها لي المرة الأولى متوترة من قربي منها كنت بهبش في شفايفا وبعاين ليها دخلت يدي في شعرها وثبتا راسا وبستها لقيتا مغمضة عيونا وماسكة في فلينتي قوي ما قدرت ترفع عيونا وتعاين لي كنت بوزع في قبل متناثرة في أنحاء وشها ونزلت في رقبتا ومرورا بي صدرها ونزول لي بطنها ما كانت مستسلمة ذي كل مرة وما بتتحرك كأنها دمية وأنا بحركا كانت غارسة اصابعا في شعري كنت حاسي بي انتافضة جسمها قطع اللحظة دي تلفوني عاينا الاتنين لقينا دي نجود متصلة كرفست وشها حسيت من الزعل الشديد ممكن تقوم تكفتا وترجع رديت على التلفون نجود قالت لي أرجع حالا أنت بتخرب أي حاجة عملنها نزلت بهدوء من وصلحت هندامي بست ليلى بوسة وداع مسكت يدي وقالت لي حتخليني وتمشي قلت ليها أنت مش كنت عايزه اتزوج وحدة تانية عشان ترتاحي مني وطلعت كنت مبسوط بي شويه الإنجاز دا دخلت ونومتا بسرعة على غير العادة وصحيت بدري لقيت ليلى واقفة في المطبخ ولابسة فستان كبدي قصير فوق الركبة وفيه خطوة ومن فوق جهة بي سير وجهة من غير والشعر مرفوع مشيت عليها وكل ما كنت بقرب الريحة كانت أقوى حضنتها من ورا وسندت رأسي في كتفها وقلت ليها صباح الخير قالت لي صباح النور ضميتا اكتر وقلت ليها مشتاق ليك جدا سكتت بعد مسافة قالت لي اسخن ليك القهوة عملتها من قبيل بعدت منها وقعدت في الكرسي شربت القهوة وهي كانت متحركه شغالة في المطبخ كانت خاته سماعه بلوتوث وبتسمع في أغاني وبترقص بس ما الرقص المجنون داك شويه لما فاتت بي جمبي جريتا وقعدت في رجلي وبستها نجود جات داخلة بعدت ليلى عني وحمحمت نجود حمرت لي وعملت نفسها مضايقة رجعت غرفتا ولزت الباب بقوة عاينت لي ليلى لقيت في ابتسامه وشها حاولت تخفيها دخلت ورا نجود دقيت ليها الباب بعد مسافة فتحت الباب لقيتا لابسة وجاهزة وعايزه تطلع قالت لي اتقل شوي رأيك شنو في تمثيلي خلينا نطلع سوا قلت ليها تمام لما حكيت ليها ردة فعل ليلى بقت تضحك وطلعنا الاتنين مبسوطين لأنو حققنا إنجاز ولو صغير ولما شافتنا طالعين مبسوطين اتغيرت ملامح وشها بس حاولت تخفيها طلعنا من غير كلام معاها المساء رجعنا بدري بس مودة ونجود كانو بوصوني وقالوا لي أبعد منها لي فترة عشان تحدد مشاعرا فعلاً سمعت كلامم وبقيت اتجنبا رغم كل محاولاتا معاي ولبسها واهتماما بنفسها أو بالبيت والأكل كنت بمسك في نفسي حسيت ليلى أنها كانت بتحس أني بطعن في انوثتا ودا كان مضايقا وفي يوم كان الجو بارد وماكان جايني نوم قلت أطلع برا لقيت ليلى في المطبخ كانت لابسة ملابس نوم شفافة ومبينة ملابسا الداخلية وشعرها نازل في اكتافا كانت بتعمل في قهوة لما شافتني قالت لي شنو المصحيك قلت ليها كنت نايم واسي صحيت قلت أشرب مويه مشت على التلاجة واتعمدت أنها تتلصق فيني هي أصلا ما محتاجة تعمل اي حركة عشان تجذبني ادتني المويه وحسيتا عايزه تمشي ودموعا كانت نازلة لما اتحركت مسكتا من يدها ورجعتا قالت لي ممكن تفك يدي عايزه انوم نعسانة طيب فكيتا ولما مشت خطوتين رفعتها قلت ليها ي ضهري عليك العوض قالت أنا ما سمينة يكون اتكسر من مرتك التانية حتى بعد وصلنا لقيتا لسه دموعها بتنزل مسحت دموعها وقلت ليها مالك هزت راسها بمعنى ولا شي قلت ليها أحكي شنو المضايقك قالت لي من بين دموعها لدرجة دي زهجت مني وبقيت بنسبة ليك حاجه مملة ومابأثر فيك ختيت يدي في وشها وقلت ليها منو دي الما بتأثر فيني والمليت منها أنا بعرف أشبع منك أصلا بس إنتي ما عايزاني ضمتني من غير كلام وأنا ضميت علي اكتر تعليمات مودة ونجود رميتا وراء ضهري وقربت من ليلى سمعت صوت قوي في المطبخ كأنو شئ اتكسر زحيت من ليلى وطلعت لقيت نور المطبخ شغال دخلت لقيت نجود واقعة وجك مكسور اتخلعت وقلت ليها نجود وضربت وشها على خفيف ليلى كانت واقفة في النهاية قلت ارفعا رقدتا في الكنبة شلت مفتاح العربية وعايز أطلع لقيت ليلى لابسة عبايتا رفعت نجود ووصلنا المستشفى بسرعة لحظنا لقينا دكتوره سودانية عملت ليها فحص وطلعت حامل حسيت ليلى دي خلاص حتنهار كانت ماسكه نفسها بالقوة رجعنا البيت دخلت نجود غرفتا وجبت ليها عصير مشكل ليلى كانت مراقباني