رواية علي الهامش
الفصل الثالث عشر13
بقلم رشا عبدالعزيز
الفتره بين المرحله الثانيه والثالثه كانت طويله شويه... عشان كان.. مفروض اننا نعمل تصمامين كثيره مابين عاديه وسهره... كاجول ورسمي.. وبعد كده.. احنا نقدمها للمدربين والمدربين حيختارو الأفضل والي حنعرضها على الحكام..... في الفتره دي.... أحمد انشغل كثير عني في شغله.. بصراحه كان بيحوشني كثير.. لكن رغم انشغالو مكانش ناسيني... كان مالي الشقه قصاصات ورق فيها عبارات تشجيع وساعات أوامر زي القصاصات الي لقتها النهارده. على طربيزت المطبخ وكان مكتوب فيها
_صباح الخير يا أميره..يلا افطري...عشان. تبتدي.. ترسمي. ابداعاتك
(فطرت.. وشربت الشاي بلبن الي يحبه... ورحت عشان ابتدى فعلا رسم... لقيت. قصاصه ثانيه. على دفتر الرسم مكتوب عليها
_شاطره أكيد فطرتي... دلوقتي عاوزك ترسمي احلى فستان سهره شافته عنيه... وانا متأكد.. انك حتبهريني.. أكيد.. لما تكملي رسم.. فيه مفاجأه مستنياكي على باب الثلاجه
(وفعلا بدأ ارسم... فضلت. تقريبا ٣ ساعات عشان اعمل شي مختلف.. كملت رسم... ورحت. للباب الثلاجه. عشان اشوف المفاجئه. لقيت القصاصه الثالثه مكتوب فيها
_برافو يا فنانه.. أنت. كده خلصتي رسم.... و تستحقي مكافأه... و المكافأه أيس كريم الفانيلا.. الي بتحبي...
(فتحت الثلاجه ولقيت أيس كريم الي بحبه.. فرحت كثير... بيه... ودي.. كانت الطريقه الي بصحه كل يوم متحمسه عشان اشوف اي هي أوامر أحمد.. الي كنت بنفذها بالحرف.. كانه بيراقبني... وعشان اعرف أحمد محضرلي مكافئه... ايه. الي كانت بتكون أيس كريم.. او لوح شكولاته او ورده... وعلى الرغم من انها حجات بسيطه.. لكن كانت. بتخليني سعيده ومبسوطه طول اليوم.. وكانت بتشجعني اني ارسم وابدع... قررت اني اعمل حاجه لأحمد.. كعربون شكر.. سالت خالتي وقالت انه بيحب معكرونه بالبشاميل
وقررت اعملها.. ودي كانت أول مره اعملها... في حياتي.. فرح احمد بيها... وطلبت منه يديني رائيه
_ياريت ياأحمد تديني رائيك بصراحه.. أنا أول مره اعملها... وفظلت اراقب احمد عشان اعرف رائيه
_ها يا أحمد اي رائيك
_برافو عليكي تجنن
_جد ياحمد.. خليني اجرب..... اي دا ياأحمد انت بضحك عليه.. المكرونه ناقصه ملح..
_يابنتي انت مش بتقولي دي اول مره خلاص يبقى برافو عليكي انك عملتيها.. والملح يبقى يضبط المره الجايه
(سرحت وانا بقول لنفسي.. حتعمل بيه اي أكثر يا أحمد وانا كل يوم بكتشف فيك حاجه احلى من الثانيه... بس انا لسه خايفه ياحمد أقرب سامحني)
_شجن رحتي فين
_أحمد.. نور كانت عاوزني اروح معاها كورس مجاني... ممكن اروح معاها...
_اديني ياستي استأذنت من اخوكي.. وحاجي معاكي لكن حنروح فين.. دا الكلام... الي قلتو لنور الي كانت شايله ورق كثير.. ومشغوله فيه..
_حنحضره كورس لصاصا
_نعم ياختي صاصا مين.. وانت تعرفي صاصا منين
_بعدين ياشجن افهمك لما نوصل عشان اخذ رائيك
(طول الطريق وانا بفكر هو معقوله صاصا ساب مسابقات الاكل وفيديوهات الMukbang.. وبقى يعمل كورسات طب يعمل كورسات عن أي... وصلنا مكان الكورس.. ولقيت انه صاصا... هو عصام.. دكتور صيدلي.. بس شاطر جدا... بيدي كورسات مجانيه لتراكيب تجميليه ...ولد.. مجتهد.. وزميل نور... والظاهر انه فيه إعجاب بينهم... ضحكت.. بيني وبين نفسي.. يااا فرق كبير بين صاصا.. بتاع حمزه.. وصاصا.. بتاع نور... بس ياترى. هو مين فيهم المعروف أكثر... في المجتمع..
عدت الايام وبكره معاد المرحله النهائيه.... مش عارفه ليه. كنت خافه ونفسي.. اعيط.. وفعلا. فضلت ابكي.. لحد ما حسيت بوصول. أحمد.. الي نزل على ركبتهُ. قدامي وقال بخوف
_شجن... شجن.. مالك بتبكي ليه
_ أنا خايفه يأ حمد... أنا فاشله. وأكيد حفشل.. ماما وبابا كانو دايما بيقولو اني فاشله.. مش زي علي وسرين
(مسك أيدي الي بتترعش بين ايدي وقال
_انت مش فاشله ياشجن.. انت عديتي مرحلتين.. وأكيد حتعدي الثالثه.... وبعدين... مش معنى انك مجبتيش كليه... عاليه انك فاشله.. الإنسان ممكن ينجح في اي مجال... وخصوصا المجال الي بيحبوو
_بس ما ما.. وبابا ليه كانو بيقولو كده
_شجن وصولك للمرحله الثالثه بحد ذاته نجاح...وبعدين متلوميش والدك والدتك.. كل أب وأم.. بيحبو ولادهم يكونو احسن منهم
(فضلت ابكي وفجأه لقيت احمد قعد جمبي واخذني.. بحضونه..وهو بيقول.. اششش... خلاص.. اهدي....
بس اي دا.. دا حضنه يجنن فيه كميه دفى وحنان..وأمان..بطل جسمي يترعش... وقلبي هو الي بقى بيتنفض.. من قربهُ مني.. أول مره. أحمد يقرب مني كده..بس كنت فرحانه..بقربه مني. ونفسي يخبيني جوه حضنه. عشان أفضل حاسه بالأمان ...خرجني من حضنه. ومسح دموعي.. وقال
_خلينه نتفرج على فلم عشان تنسي التوتر دا
(وفعلا اختار فلم وقعدنه نتفرج عليه بصراحه انا مفهمتش اي حاجه منه لاني كنت مركزه مع احمد أكثر... الي هو كمان كنت بحسن انه بيبصلي كل شويه.. اي دا.. هو احلو فجأه.. وله عيني الي مبقتش تشوف احلى منه.... في اللحظه دي أنا اعترفت لنفسي اني بأحب أحمد ايوه بحبه مش حكون غبيه واضيع حبه.. وحدافع.. عن.حبي.حته لو اضطريت أني احارب نفسي.
وقفت على الستيج للمره الثالثه.. والمره.. دي الحلقه.. حتتذاع على الهواء مباشره... الي اختلف المره دي انه مش بس احمد الي كان موجود... بابا.. وماما.. كانو موجودين.. وخالتي ونور... لان كل متسابق كان ليه الحق بدعوه خمس أفراد من أسرته.. بعت الدعوه لبابا وماما ومكنتش متوقعه انهم يحضروه.. لكن تفاجئت بوجودهم.. كنت خايفه افشل... واأكد ليهم اني فاشله زي مكانو بيقولو عليه.. واتمنيت...انجح عشان.. اثبت.. ليهم. اني نجحت... وقفت وانا متوتره.. خلاص همه. حيذيعو الفائز بالمسابقه.. كنت واقفه وعيني على أحمد.. الي كان مبتسم كعادته.. وعنيه.. بطمني...وسؤال..واحد كان شاغلني. هو انا حنجح؟