رواية عشق محرم
الفصل الثالث3
بقلم سوليه نصار
-ليلى ....
قالها كريم بصد.مة بعد ما ز.قيته ...مسكت النضارة اللي رماها وجريت برا البيت ...كنت سامعة صوته وهو بيجري ورايا بس انا موقفتش ....كانت دموعي بتجري على خدودي وانا مش مصدقة اللي عملته ....اول ما طلعت من العمارة بتاعته شاورت لتاكسي وركبته بسرعة وانا بنهج والدموع بتنزل من عينيا. ..مكنتش مصدقة اللي انا عملته ...حطيت ايدي على شفايفي وانا بعيط ....أنا مقدرش ألومه لأني انا اللي قربت منه الاول ..وافتكرت اني لما فوقت لنفسي وبعدت هو اللي قرب مني وشال النضارة من على عيني وبعدين شدني ليه...غمضت عينيا وانا بعيط جامد ...قلبي بيتحر.ق...أنا خو.نت سارة ...خو.نت ماما نورا ...وبابا صادق ....أنا خا.ينة مستاهلش اللي عملوه معايا ....
.....
في بيت كريم ...
كان شغال يمشي في البيت زي المجنو.ن وهو بيشد شعره ...ازاي يعمل في البنت اللي اعتبرها أخته كده ...ازاي يكون بالو.ضاعة دي ويستـ.غلها ...لو كانت هي اللي بدأت كان لازم هو يوقفها عند حدها ويمشيها لكن للاسف هو انجرف معاها...شكر ربنا أن ربنا ستر وبعدته عنها قبل ما الموضوع يتحول لكار.ثة ...قعد على الانتريه وهو بيغمض عينيه وحاسس بالتعب. ....
.....
دخلت البيت وانا بمشي براحة كأني عاملة جر.يمة ...رغم اني ضبطت شعري بس حسيت اللي هيبص في وشي هيعرف اللي حصل ...هيعرف اني خا.ينة واحدة مني غير اخلاق ...قلبي كان بيتعـ.صر من الألم.....
-لولا ...
اتنفضت وماما نورا بتقرب مني وبتقول :ضشض
-ها يا روحي عملتي ايه ؟!وافق يرجع لسارة ..بعد ربنا انتي أملي الوحيد يا ليلى ...
مسكت دموعي بالعافية وقولت بإبتسامة باهتة :
-كلمته يا ماما وربنا يجعل اللي فيه الخير ...
وبعدين دخلت اوضتي علطول ولقيت سارة قاعد,ة على السرير وبتبص لصورة وسرحانة ....بصتلها وانا حاسة بالذ.نب ...حاسة اني اتعد.يت على مكانها كان نفسي اروح واعتذرلها ...ابوس ايديها عشان تسامحني ....أنا خا.ينة مستاهلش اي حاجة بيعملوها عشاني !!!
لقيتها بتمسح دموعها فقربت منها وبصيت لقيتها ماسكة صورتها هي ووليد. ....
بصتلي وقالت:
-قوليلي يا ليلى ازاي اشيل وليد من قلبي بالسهولة دي واحب كريم...أنا مش قادرة احب كريم ومش عايزة ارجعله .....وهو لو فكر هيلاقي أنه مبيحبنيش ...بس من كتر ما ماما لعبت في عقله خلاص افتكر أن حياتنا لازم تكون مع بعض ...بس القلب ليه حسابات تاني ....أنا مش قادرة انسى وليد يا ليلى اعمل ايه ....
حسيت بألم في قلبي وانا بقرب منها وبحضنها ...كنت حاسة بيها لأن أنا كمان زيها. بحب حد مش هيكون ليا !!
......
تاني يوم .....
فتحت عيني بصعوبة وشهقت وانا بلاقي ماما نورا فوق راسي ...مربعة ايديها وقالت :
-اطلعي كريم عايزك برا !!!!