رواية ليلي الفصل الثالث عشر 13 والرابع عشر 14 بقلم مجهول
《13》
صحينا على صوت المنبه أنا قمت عشان استحما وهي فضلت في مكانا واصلت نوم وقدر ما صحيتا حلفت كان تقوم قالت لي اختاني ياخ عايزه انوم أنا ذاتي بعد استحميت كنت نعسان لأنو سهرنا بعد زهجتا قامت ودخلت استحمت وصلت حاولت أعمل قهوة لكن ما ظبطت معاي خليتا ورجعتا ليها لقيتا نايمة والمصلاية في محلها وشعرها مبلول والمكيف شغال لما قفلتو قالت لي خليه جيت جمبها وقلت ليها قومي اعملي لي قهوة عايز أمشي الشغل جرتني وقالت لي تعال خلينا ننوم ما حيحصل انفجار في العالم لو انحنا نمنا ولا الكوكب حيدمر أصلا كنت نعسان بس هي نعستني اكتر نمنا جمب بعض والتلفونات بعيد مننا يمكن كانت أطول نومة نمتا في حياتي صحيت الساعه 10مع خبيط الباب لقيت ليلى لسه نايمة نزلت نعسان وفتحت الباب شفت مودة ونجود ومعاهم راجل نجود (اسمو عمرو ) قالت لي لما لقينا تلفونك من امبارح مقفول وما بترد حتى على تلفون البيت خفنا عليك قلنا نطمن انحنا في الغربة لو ما اطمنا على بعض منو يطمن علينا نجود ضربتني في كتفي وقالت لي أنحنا خايفين عليك وأنت نايم ي معفن عمرو جرا ليها نور قلت ليهم اتفضلو دخلوا سألوني وين ليلى قلت ليهم نايمة المهم بقو يتكلمو في الموضوع كلهم الخطة وكدا ليلى صحت وسمعت كل كلامم وانو نجود ما مرتي لبست فستان رمادي واسع ومعاه طرحة موردة سلمت عليهم وعملت ليهم بسبوسه وكيك وشاي لبن وقدمتو ليهم أنا ما كنت عارف أنها عرفت بس قعدت عمرو ونجود جمب بعض واضحة شديد ليلى قالت لي عمرو ليكم كم متزوجين انتوا قالي ليها 6شهور قالت لي أيوا تمام أنا عملت نفسي مشغول بالونسة مع مودة وهي تعاين لي بطرف عيونا كانو عايزين يمشو قلت ليهم يبيتو بعدا وفعلا باتو معانا بس أنا وعمرو في غرفة ومودة ونجود وليلى في غرفة تانية
الصباح عملت ليهم شاي وعملت لي القهوة المعتادة وطلعنا مع بعض ما اتكلمت مع ليلى جيت المساء وأنا خايف من ردة فعلها تكون درامية لقيتا مكرفسة وشها قلت ليها ليلى أنا عملت دا كلو عشان قامت دخلت المطبخ وجابت لي عصير بقت تضحك بطريقة غريبة وبصوت عالي أول مرة تضحك كدا خفت منها قلت ليها ليلى وقفي ما تضحكي بقت تذيد في الضحك وكل ما تعاين لي تضحك اكتر لمن دمعت مسكت بطنها وقالت لي الله يجازيك أنت درامي بشكل قريب أنا عرفت إنو نجود ما مرتك بعد كم يوم والباقي دا كلو كان حركات مني أنت حبيت تشوف الغيرة حقي وكدا بجد غرت وقربت اكتلا عرفتا أنها تمثيلية منك سمعتا وهي بتتكلم مع راجلا يوم الجمعة وأنها جايه وكدا التفاصيل مملة جدا اتغظت منها وقلت ليها تمام وأي حاجة حصلت يعني كنتي بتمثلي علي أنا شافع تخدعيني كدا تلعبي بي مشاعري واحد نفض ليك جايه تفضي عقدك فيني حتى دموعك كانت كذب أنا خلاص وصلت حدي منك عملت أي حاجة تطلع بيدي عشان ارضيك وأنتي بتحقري وبتتريقي على مشاعري دخلت المطبخ عايز أخت أكل حاولت تساعدني لزيتا وعملتو برأي أكلت كانت بتعاين لي ما عاينت ليها دخلت عشان انوم لحقتني قالت لي أنا حامل عاينت ليها ببرود ونمت من غير ما اعاين ليها كنت زعلان منها زعل وكل ما اشوفا بزعل زيادة بقيت أطلع بدري وارجع متأخر ما بتكلم معاها عدينا زمن طويل بنفس الروتين كلامنا كلو عبارة عن جهزي الأكل اديني غيار الجمعة بقضيها نوم بطلع لي الصلاة وبرجع انوم هي حاولت تنهي الحواجز بس أنا ما أديتا فرصة لأني ما بقيت اثق فيها هي محتالة وممثلة فترة الوحم كانت تعبانة وبتستفرغ بس ما كانت بتشتكي بطنها لما ظهر كانت بتلبس بجامات واسعة وطويلة لأني قلت ليها ما اشوفك لابسة شي قصير أو عاملة ريحة اخدت الإجازة ورجعنا السودان أنا وهي أو يوم وديتا بيت أهلها لقيت أختها لينا وراجلا يوسف أمها نصرة تشبه ليلى لينا ما بتشبه ليلى كنت عايز اخليها مع أهلها بس لما شفت يوسف قاعد معاهم ما قدرت اخليها كانت بتعاين ليه وهو ما مقصر بعاين ليها كمان قعدت جمب أمها وكانت حاضنها بقوة ذي الشافعة قلت ليها يلا نمشي بعد كده أمها ولينا قالو لي ما تقعدو قلت ليهم في زمن أوسع قالت لي خلينا قاعدة وامشي أنت قلت ليها كان مشيت م هناتاني ما ترجعي لي أمها قالت ليها أمشي معاه وترجعي لي يوم تاني مشيت لي أمي لقيت أختي مها. واخوي سلمان وابوي وأمي ضابحين استقبلوني اليوم انتهى كان متعب جدا ادونا غرفة نمنا فيها ليلى كانت تعبانة كل شويه تقوم تدخل الحمام عرفت أنها كانت بتبكي لأنو الحمام مكانا المفضل لي البكى قلت ليها بكرا بوديك لي امك وتشوفي حبيبك براحتك اكتر تحبي أرسل ليك ورقتك عشان فرحتك تتم سكتت مني الصباح شلتها وديتا لي أمها بس بعد ما قعدت في البيت كنت مقلق وما مرتاح كنت بتخيل أنها بتتونس معاه ويضحكو وتخيالات كتيره العشاء اذن صليت ومشيت ليهم لقيتا راقدة جمب أمها بتمشي يدها في شعرها وهي حاضناها لما شافتني قامت فوق لقيتا محننة ومدخنة سلمت على أمها وطلعت من غير ما اتكلم معاها اليوم التاني مها وصحباتا نضفو لينا بيتنا جبتها ودخلنا سوا من غير ما نتكلم مع بعض الجو كان بارد طلعنا في الحوش أنا كنت مشغول بي تلفوني وهي بتقرا في كتاب سمعنا الباب بيدق فتحت لقيتا واحدة قالت لي ليلى موجوده قلت ليها أيوا قالت لي أنا منيرة صحبتا قلت ليها اتفضلي دخلت وسلمت على ليلى بالاحضان دخلو جو وبقو يتونسو وديك تلوم فيها وتقول ليها ما توريني أنك جيتي وليلى تعتذر وتقول ليها حصلت معاي مشاكل أنا كنت بتصنت فيهم مع انو هم صوتم كان واطي ليلى حكت لي منيرة أي حاجة حصلت وديك تقول ليها كذابة
*
*#ليلى 《14》 ❤️*
*〰️〰️〰️*
كذابة وما جادة إنتي ي هبلة ي مجنونة
ليلى قالت ليها سالم بقى متجاهلني ي منيرة بكون تعبانة ما بيشتغل بي حتى لو مت قدامو أتحول لي واحد تاني حتى دكتور لي الحمل ما وداني أنا ما بعرف جنس الجنين ألفي بطني شنو عادي أكون دايخة يقول لي بطلي تمثيل بي معاملتو دي قدرت اتقلب على مشاعري لي يوسف بقيت ما عندي مشاعر لي أي زول حاسه بسلام داخلي لما شفت يوسف ما حسيت بشي وأخيراً اتخلصت من المشاعر الغبية تجاهو اما سالم كنت بديت اتعلق فيه بس هو علمني كيف أبعد منو بقى عندي عادي جداً هجرو معاملتو الجافة لي كلها بقت عادية هو ما قدر حتت أنا ضغطت على نفسي عشان احبو واسعد واعمل على راحتو هو ما بعرف أني كدا مرتاحة قايل نفسو بيعذبني وبيهددني بطلاق ما عارف إنو ما فارق معاي
منيرة قالت ليها ليلى خلي منك الجنون دا واعقلي شوية امسكي بيتك وبعدين إنتي حامل منو وكيف ما بتحبي
قالت ليها ما ضروري احبو عشان احمل منو الجنس ما عندو علاقة بالحب
منيرة . قالت ليها بس اسكتي كلامك كلام ناس مجانين ليلى أنا عايزاك تستقري مع راجلك وتربو ولدكم سو
قالت ليها حدي ولدو. يربي براه المهم يطلع ندمانه على الحمل ي ريت لو كان اجهضتو
منيرة .. ما تقولي كده تف من خشمك خلي منك الجن دا بكرا بجيك
ليلى قالت ليها جيبي معاك ذاكرة فيها اغاني حبشية واثويبية
منيرة قالت ليها طيب
منيرة أنا ما حاسه إنو ولدي ليه فترة ما بيتحرك خايفه عليه وبقت تبكي خايفه يكون ميت ليه كم يوم خايفه أمشي الدكتور يقول لي ميت
منيرة ليلى أنتي بتبكي بجد حضنتا وقالت ليها جناك عوجة ما بتجيه بكرا بوديك اخصائي اسي أمشي ارقدي
لا شعوريا مشيت على المطبخ في البداية كنت قايل دي تمثيلية عشان ترجعني ليها بس لما شفتها بتبكي يمكن يادوب انتبهت أني كنت بغلط كتير في حقها منيرة حاولت تهديها ساعه كامله انهارت رقدتا وجابت ليها عصير ومنها مشت رقدت وراها وختيت يدي في بطنها كانت ساكتة اتفأجتا بي نومتا الصباح حجزت ليها عند أخصائي نساء وتوليد مما جينا الراجل ما قدر يتلما على بعضو وكل شويه يسألا من اسما ويعاين ليها وادها كرتو إذا حست بي أي أعراض طلعنا منو ومشيت فتشتت دكتورة نسائيه تاعاملا عجبني عملت لينا موجات وقالت لينا إنو الجنين ميت ومحتاجة عملية ليلى كانت ساكتة بعد طلعنا قالت لي ارتاح انتقمت مني وقلبك برد
ما تعمل نفسك بتحبني أنا عرفت الحقيقة لي الأسف أنا دائما بحب الأشخاص الغلط أسأل المرة الجو دي العملية متين عشان ارتاح كنت مصدوم بس ما قادر اتكلم رجعنا البيت المسا حوالي الساعة واحد بالليل صحتني بصرخة كدا قالت لي سالم قوم لما صحيت قربت مني وهي مبسوطه مسكت يدي وختت لي في بطنها قالت لي بيتحرك بيشلت أنا حاسه بحركتو وبقت تدمع ما كنت عارف أنها عاطفية لدرجة دي دموعي ذاتا جرت اتأثرت بالموقف حضنتها ما اتكلمنا بس فضلنا كدا مدة