رواية في قلب القريه الفصل الخامس عشر 15 بقلم نوسه حمد
لف يا زمن ودور واشوف مهاد في حوش الجامعه ولابسه لبس خليع واخر مكياج وريحه العروس شاقه الجامعه النص انا لمن انخلعتا ووقفت اشوفا من بعيد ومن بعيد اشوف العربيه البتجيها كل مره وقفت ليها ونزل فتح ليها باب العربيه هي زي الاميره ركبت ما شعرت بنفسي الا وانا فاتحه باب العربيه وشاداها من شعرها قالت لي انتي عاوزه مني شنو قلت ليها انتي ما بتتوبي بعد عرستي مباريه الاولاد وكانت بتصرخ والولد عامل فيها عنتر يكورك فيني قالت لي اولاد شنو انتي مجنونه دا راجلي من غير م احس رفعت ليها النقاب قعدت تتمتم وقالت لي نوسه الولد جا بيد واحده جراني منها قال لي كيف تتهجمي علي زوجتي ودي ما اخلاق بت ناس فتحت الاستديو وطلعت صورت مهاد مع احمد اخوي قلت ليهو لو انت زوجها دا منو المعاها دا الولد دمو فار ولصق في مهاد كف قال ليها دي منو وهي ماسكه ليهو ما بعرفها دي واحده دايره تتهجم علي قلت ليها اتهجم عليك شنو انا اخت راجلها قال لي راجلها شنو دي زوجتي انا وانتي اظنك غلطانه ودي بت تشبها وبتاعين الامن جو سمعو الجوطه وسلمو عليهو سلام معرفه وتطبيل قال ليهم دي منو اتهجمت علي انا ومرتي وانا خلاص هنا جنا جنوني قلت ليهو مرت شنو يا صايع انت وهي انا شغل الواسطات والغمت التحت تحت دا ما بنفع معاي دي ما زوجتك وما بتجنوني انتو انا بجنن دوله بي حالا الامن مسكني ووداني للعميد والعميد زاتو طلع بعرف الولد وقالو لي دي زوجتو انا خلاص راسي ح يطق زوجتو شنو دي مهاد زوجه احمد اخوي ما تجنوني وريتهم صورتا مع احمد قالو لي تشابه قلت ليهم لا ما تشابه هي دي مهاد العميد قال لي دي مشاكل عائليه لو زوجت اخوك رايحه فتشي ليها بعيد من هنا ما في حرم الجامعه ودا انزار بعديهو ح يكون فصل لو سمعنا بيك اتعرضتي للطالبه دي انا خلاص حيلي مات دي حرب اصعب من حرب القريه بالفيها ودا فيلم هندي عديل طلعت من المكتب والدنيا سخانه قعدت في نص حوش الجامعه والشمس في راسي واتكلم براي حاسه انو عقلي خلاص ح يجن معقول اكونو هم الصاح وانا الغلط ولا البت دي قصتا شنو اكيد في حاجه غلط اتصلت ع صهيب قلت ليهو صهيب احمد وزوجتو وين قال لي زوجتو عند اهلا واتصلت عليهو هسي قالت ليهو تعال سوقني انا هنا خلاص عرفت اني في حرب صعب التخلص منها البت دي قادره ومخها مخ شيطان معقوله رجعت الحله طوالي والراجل دا منو ياربي تكون غاشه عليهو ومتزوجاهو هو كمان لا لا دي تبقا قصه تاريخيه قفلت الخط ورجعت البيت وراسي ح يطق وبكورك في امي من غير سبب وطبعا امي محزراني اني افتح معاها الموضوع ودا ما اي موضوع الموضوع دا اطور يا جنوني يا جننتهم بس العميد اداني تحزير احلها كيف دي واقول لمنو ماعندي زول احكي ليهو ودي فضيحه زاتو احكي شنو واقول شنو واعيد شنو بليل تاني اتصلت علي صهيب قلت ليهو صهيب مهاد جات قال لي اي ودخلو غرفتهم طوالي مرتي نادتهم للعشاء قالو كانو معزومين انا خلاص راسي شطب زياده
تاني يوم مشيت بدري الجامعه من بعيد شايفه مهاد بقيت احك في عيوني ياربي دي مهاد فعلا ولا بتشبها ودايره امشي ليها اتزكرت كلام العميد خوفتا اضيع نفسي بسببها اليوم داك مافهمت حاجه في المحاضرات سرحانه في القصه البتجننن دي نهايه اليوم ما طلعت البيت انتظرت البت الاسمها مهاد لغايه ما جاها تاني بتاع العربيه وساقا انا بقيت تايهه والدنيا ضلمت في وشي وصلت البيت اتصلت لصهيب قلت ليهو مهاد وين قال لي في بيتهم ونحنا نجهز طالعين ليهم عازمننا غداء وانتي ليه كل مره بتسالي منها قلت ليهو صهيب نحنا في مصيبه قال لي مصيبه شنو يابت قلت ليهو مهاد متزوجه غير احمد صهيب بقا يضحك ضحك هستيري قال لي نوسه والله احمد ما خاتي عليك قال انتي بعد مشيتي الخرطوم جنيتي وبقيتي تقولي اي كلام والليله اكدتي لي كلامو نوسه نحنا في السودان ما بنمثل في فيلم قلت ليهو ليك حق يا صهيب ما هو لو حكيت ليك بالكلام فعلا بتقول انا مجنونه ياربي اسكت واحمد اخوي يضيع ولا اتكلم ياعالم بحصل شنو انتو الح تجنوني يا صهيب قال لي نوسه نحنا جينا جنبك نجننك كيف فشنو بتقولي في كلام م بدخل العقل المجنون فينا منو ي نوسه قلت ليهو صهيب اقسم بالله انا بقول الحق مهاد متزوجه تاني وامس شفتها معاهو ولمن قبضتهم ودوني للعميد وزوجها قال انا مجنونه قال لي نوسه كيف يعني ومهاد امس فاتت اهلا ترسم وما نزلت جامعه قلت ليهو ولو قلت ليك الليله مهاد كانت في الجامعه وهسي الولد جا ساقا قال لي في دي فعلا انتي جنيتي مهاد من الصباح طلعت اهلا وقالت عندهم كرامه امها جات من العمره قعدت اضحك ضحك قلت ليهو عمره عمره شنو كمان انتو ما عارفين حاجه ساي صهيب قعد يكورك فيني قال لي اتعدلي عشان م اعدلك بالشيوخ انتي جنيتي ولا شنو كمان دي قصص تاني قلت ليهو انا م جنيت انتو المجانين وتستاهلو البحصل فيكم وقفلت الخط وراسي يودي ويجيب ياربي هل انا مجنونه وبتهيأ لي ولا فعلا دي بتشبه مهاد ولا دي مهاد ودا كلو حقيقه تفتكرو الحقيقه شنو ……….يتبع
لقراءة باقي الفصول اضغط هنا