رواية في قلب القريه الفصل السادس عشر 16 بقلم نوسه حمد
في_قلب_القريه16
صهيب اخوي طمم بطني بي كلامو وبقيت خايفه فعلا البت دي تعمل حاجات وتبثت علي اني مجنونه بس مستحيل اسكت ولا بقدر اسكت علي الحاصل دا اليوم كلو اتكلم مع نفسي مرات اقول انا مالي ومالن واقوم علي قرايتي وحياتي بس كل ما امش الجامعه بقيت اميل لي اني اراغب مهاد وموقف الولد البجيها ويسوقا دا اتكرر اكتر من مره وغالبني احكي لي اي زول زميلاتي علقو علي قالو لي نوسه انتي قصتك مع البت دي شنو قلت ليهم م عندي اي قصه قالو لي لا في قصه نحنا حاسين بيك انتي زوله غيوره ما بتحبي بت من اي قريه من قراكم تشوفي عنها شين ودا احساس طبيعي وعزرناك فيهو بس الما طبيبعي يا نوسه البت اتزوجت ودا راجلها بجي يسوقا بتشاكليها وتجريها من شعرا لي واحده مع راجلها ي نوسه دي غيره صاح مستحيل تكون غير غيره نوسه زي م ربنا اكرمها واتزوجت ربنا ح يكرمك وتتزوجي انتي كمان انا بقيت ما شايفه من الخلعه حتي نظره ناس الجامعه لي بتقول غير قلت ليهن دا ما راجلا افهمو ياخ دي مرت اخوي البنات انخلعن قالن لي نوسه دا كلام شنو دا قذف عديل والراجل دا زوجها وفي ناس بعرفوهم معرفه شخصيه قلت ليهم اقسم بالله ما راجلها فتحت الاستديو ووريتهم صورها مع احمد اخوي سكتن ماقالن اي شي قلت ليهن مالكن سكتن اتكلمن قولن لسه بغير واخواني اقولو انا مجنونه وانا شايفه بي عيني الما شايفو زول قالن لي اخوك كيف اقولو انتي مجنونه بقيت احكي ليهم بالمواقف الحصلت قالو لي نوسه احتمال تكون بتشبها فعلا وكلام راجلها البجيها دا صاح قلت ليهم لا ما صاح البت دي يا عامله خطه مع الولد دا عاوزين يجونني وهي اصلا كعبه وحملت بالحرام وامها مباريه الشمارات في الحله وغير سيره الناس م عندها حاجه وهي كلها عيوب قالو لي بس هي ما من حلتكم عرفتي امها من وين نوسه فشنو احكي لينا الحقيقه قلت ليهم قصه طويله ما نفسي احكيها بس بعد السيره جات انا بحكيها قلت ليهم انا كنت متزوجه من حلتهم البنات انخلعن لمن شهقن قالن لي انتي متزوجه كذابه يا نوسه وطيب ليه ما محننه وليه ما حصل قلتي لينا راجلي قلت ليهن ممكن تفهمن الكلام قلت ليكم كنت كان فعل ماضي وانا مطلقه ودخلت الجامعه وما كنت عاوزه اقول انا مطلقه عشان مفهموم الشباب البتكون مطلقه بحاولو يوهموها بالحب ويغشو عليها انا احترمت نفسي واخترصت علي كتير وبقيت احكي ليهم بالقصص الزمان وامهم دي كيف قدرت تغيرني من زوله بحب زوجي لزوله هامله ولافه بالشوراع واكل في اعراض الناس وحكيت ليهم انها قالت لي شمار في واحده تقع وتقوم معانا وقالت انا القلتو واطبقن علي وقتلن لي بتي في بطني وبقيت احكي ليهن وهن مخلوعات قالن لي نوسه ديل عصابه وبعدين الناس ديل شكلهم ما بفرق معاهم شي خليهم عشان ما يجننوك حقيقه قلت ليهم اخليهم كيف دي مرت اخوي اخوي الكان صعب وهارش الحله كلها يقع في واحده لعبت في شرفها وما كده جونا لمن كانو في شهر العسل مبسوط لدرجه انو بتغزل فيها قدامي واخوي دا صعب صعب قالن لي طيب دي كيف نوسه كدي استهدي بالله احتمال تسعه وتسعين في الميه تكون بتشبها ما هي قلت ليهم حتي انتو فجاه اتزكرت وليد مشيت منهن خليتن يتكلمن معاي وصلت البيت مسافه صليت واكلت اتصلت علي وليد قال لي اهلا ست البنات قلت ليهو كيفك وكيف اخبارك والشغل معاك قال لي تمام انتي كيف طمنيني عليك قلت ليهو م كويسه يا استاذ قال لي خير فشنو قلت ليهو البتقرأ في الجامعه معانا دي مهاد زوجه احمد اخوي قال لي اي مالا قلت ليهو في قصص غريبه بتحصل وانا لازم اعرف الحقيقه قال لي قصص شنو بقيت احكي ليهو بي انو الولد بجي يسوقا وفي نفس الوقت بتصل البيت بقولو قاعده او جات قال لي دا كلام شنو قلت ليهو حتي العميد اداني انزار وقال لي دا زوجها زوجها كيف وهي متزوجه احمد اخوي قال لي دي قصص غريبه العياذ بالله قلت ليهو وصهيب واحمد قالو انا جنيت وبتهيأ لي قال لي ماعارف بس في لبس في الموضوع بس معقوله البت دي تكون لسه بتلعب وعاوزة تجننك ولا تكون متزوجاهم الاتنين قلت ليهو كيف تتزوجهم الاتنين دي ما بتدخل علي نهاي بس البت دي متفقه مع الولد دا بس كيف اجي اسوقا واتصل اقولو لي ف البيت قال لي قصه غريبه احتمال بت تكون تشبها قلت ليهو انت كمان داير تقول لي كده قال لي ماهو البتقولي فيهو دا ما بدخل العقل المسافه من حلتكم للخرطوم بعيده مستحيل هي تكون بتصل سريع ولا اذا الزول دا بوصلها الحله بي عربيتو بس هو منو وليه يقطع المسافه دي كلها ولشنو وغرضو شنو في استفهامات كتيره عاوزه حل قلت ليهو ايوا عشان كده انا اتصلت عليك وبما انك كنت في الجامعه ممكن تقول للعميد عديل دي بت بلدي وكده واسال هل الولد المعاها زوجها لانو العميد يدو ملانه انو دا زوجها وبعرفو شديد قال لي قصه غريبه يازوله ما تشغلي بالك وما تكتري كلام في الموضوع دا خليني انا بكره بجي الجامعه وبسال العميد وبشوف الحقيقه وخلي بالك في قرايتك امك لو قلتي ليها الكلام دا مشكله قلت ليهو امي من يوم اتزوجو قالت لي ما تجيبي لي سيرتهم قال لي اي احسن الموضوع دا حساس شديد قلت ليهو عشان كده انا دخلتك في الموضوع دا قاصده قال لي تمام بس الزمي الصمت قفلت منو وحسيت انو حمل نزل مني وتاني يوم بقيت متوتره ومنتظره رد من وليد اتصل علي قال لي وين انتي قلت ليهو في الجامعه طالعه ماشه البيت قال لي انتظري اكلمك واوصلك معاي بالمره قلت ليهو تمام مشيت من زميلاتي وبقيت منتظره وليد سلم علي وطلعنا فتحت باب العربيه دايره اركب شفت مهاد الولد تاني جاها بقيت ما شايفه وشغاله لوليد هدي الصايعه تاني الولد جاها ومشيت عليها ووليد شغال لي نوسه اقيفي قلت ليها هدا استاذ وليد غالطيني قدامو وقولي دا راجلك وقلت للولد انا خليني دا استاذ بتكذبو عليهو وانزلي قدامي يا صايعه ووليد اقول لي نوسه افهمي الولد جاني وهو طويل ومعضل كف واحد لقيت روحي جنب بتاع الامن وبقا يكورك في وليد وقال ليهو المره الفاتت حزرتها ومشيت للعميد المره دي بيدي بشيل حق مرتي وانا غالباني القومه وشغاله ليهو مرتك منو يا صايع دي مرت احمد اخوي ولا ما كده يا وليد ووليد شغال للولد حصل خير ويقفل لي في خشمي وقال ليهم اتفضلو ونظراتو كانت حاده لي مهاد وهي راسه ما رفعتو وانا بقيت اكورك في وليد قلت ليهو بدل تقول الحق تقول ليهم حصل خير والناس اتلمو فينا مسكني من يدي وركبني العربيه قال لي نوسه انا هسي ما ح اقول اي شي وخليني اوديك البيت وافهمك بالتلفون قلت ليهو لا قول قال لي خليني اتاكد تاني بوريك وحلف ابا يكلمني ووصلني البيت اليوم كلو اتصل ما برد علي تاني يوم الصباح قبل امش الجامعه صهيب جا ومن جنب الباب اداني كف وامي لمن وقعت وقال لي يافاجره تطلقي عشان بتحبي ولد خالتو وجيتي الخرطوم عشان تباري بي راحتك انا بقيت مخلوعه وفتح لي تلفونو ووراني صورتي لمن وليد ماسكني من يدي …………يتبع
لقراءة باقي الفصول اضغط هنا