رواية حين جمعنا القدر الفصل العاشر10 بقلم جودي محمد
جه يوم السفر وسافرو كلهم معادا يزن القال انو مش هيقدر يجي هيبقى يحصلهم عشان عنده مشروع لازم يسلمه وصلوا الصعيد وكان الجد نعمان جد اسر في استقبالهم هو ومراته نعمه
نعمان: يا مرحب يا مرحب بولدي وولد ولدي كيفك يغالي
اخد الجد اسر بالحضن وليلي كانت ماسكه في ايد اسر ومبتسمه لحد ما لاحظت نظرات الجد والجده وعمات اسر ليها بدات تتوتر
اسر: مرتي يا جدي
نعمان: اهلا يبتي منوره
ليلي : بنورك يا جدو
عرف اسر ليلي على باقي عيلته السلمو على ليلي بجفاء ومنهم الحبها وسلمت ليلي على سلوى بنت عمة اسر المكنتش مرتاحه ليها خالص بسبب نظراتها لاسر بعد سلام وتعارف قررو يرتاحو شويه من السفر وينزلو على الغدا دخل اسر وليلي اوضتهم
ليلي : الا قولي يا اسر هي سلوى دي اي الدنيا
اسر : اي الدنيا في اي مش فاهم
ليلي: يا سلام يعني انت مش فاهم نظراتها ليك ولا خدت بالك كانت بتبصلي ازاي
اسر : وانا مالي يا ليلي انا هقعد اشوف كل واحد بيبص ازاي مش هخلص اليبص يبص زي ما هو عايز
ليلي : صح انت عندك حق
اسر: وبعدين تعالي هنا مضايقه ليه ومركزه معاها ليه بتغيري ولا اي
ليلي : اناا اغيرر؟؟ ومن دي كمان لا يحبيبي انا مبغيرش انا عارفه قيمة نفسي انا بس مستغربه نظراتها مش اكتر
اسر : عندك حق وهي تيجي فيكي اي بس وغمز
ليلي : احترم نفسك يا اسر الله
اسر : الله مش بقول الحق وعمتا يستي متقلقيش هي سلوى عينها مني من زمان بس انا عمري ما فكرت فيها
ليلي: يعني انت عارف اهو عموما ميفرقليش عن اذنك داخله اخد شاور
اتغاظ اسر من ليلي ودخل البلكونه لحد ما هي تخلص خلصت ليلي ونامو وصحيو على صوت خبط واسر قام يفتح كان نايم من غير تيشيرت صحيت ليلي على الصوت وسمعت صوت سلوى قامت بسرعه راحت لهم
ليلي : خير يحببتي في حاجه
سلوى : ابدا يعروسه انا بس كنت جايه اصحيكو واقول لسي اسر ان الوكل جاهز
ليلي : ماشي يحببتي مش قولتي يلا شوفي انتي رايحه فين
سلوى : وه شايف يا سي اسر بتتحدت معايا كيف
ليلي : حببتي انتي هتشهديه على مراته انا اتكلم زي منا عايزه لما اصحى الاقيكي واقفه بتتكلمي مع جوزي وهو واقف بالمنظر ده وانتي مبحلقه في من غير كسوف ولا حيا يبقى اتكلم وازعق كمان
معرفتش سلوى ترد ف بدات تعيط لما شافت انهم طالعين من تحت على الصوت اسر لما شافهم شد ليلي دخلها جوه وقفل الباب
اسر : خلاص يا ليلي اهدي خشي البسي هيخبطو دلوقتي ومينفعش يشوفونا بالمنظر ده
ليلي : ولما هما مينفعش يشوفونا بالمنظر ده حضرتك طالعلي عريان ليه فرحان بعضلاتك
ضحك اسر عليها كان لسه هيرد الباب خبط
اسر : خشي البسي حاجه وانا هفتح
ليلي : استنى هنا انت هتفتح كده تاني
راحت جابت تيشيرت وادته لاسر ولبست هي الاسدال وفتح اسر الباب كان جده وعمته ام سلوى وسلوى واقفين
ام سلوى : جرا اي ياولد اخوي مرتك من اول يوم ليها هتعمل مشاكل ولا ايه
اسر : مرتي معملتش مشاكل مع حد يا عمتي اهدي انتي بس كده
الجد: كيف ياولدي واحنا طالعين على الصوت وسلوى واقفه تبكي وتقول ان مرتك زعلتها وكانت هتضربها لولا انك حوشتها عنيها اي يا اسر مش عارف تلم حريمك
ليلي : دي كدابه
ام سلوى : انا بتي كدابه يجليلة الحيا كمان بتتكلمي والرجاله بتتكلم
وقف اسر قدام عمته ووقف ليلي وراه
اسر : عمتييي ارجعي مطرحك عايزه تمدي يدك على مرتي وانا واقف إياك وكمان تغلطي فيها
ام سلوي : مقصدش يولدي هي القالت على بتي كدابه
اسر : عندها حق
قبل ما يكمل كلامه كان داوود طلع من اوضته على الصوت اما ليلي كانت في عالم موازي مبهوره ب اسر في اللهجه الصعيدي ومبسوطه انو بيجيب حقها
داوود: اي البيحصل في اي
اسر : ثواني يبابا بتك كدابه يعمتي مرتي مجاتش يمتها واصل هي بس اتكلمت معاها ولا كانت هتضربها ولا حاجه بتك هي الجليلة الحيا
نعمان: كيف تكلم عمتك اكده يولد انت هتنصف مرتك على عمتك بت البندر عملت فيك ايه
اسر : اولا يجدي هي مرتي وانصفها على اي حد انا حر ثانيا مرتي معملتش حاجه غلط صحيت من النوم لقت سلوى مبحلقه فيا اتكلمت معاها وصوتها علي من غيرتها على جوزها روحي يعمتي علمي بتك الحيا وبعدين تعالي اتكلمي بدل ماتشوفني اكده تمشي لا تقف وتحكي كمان وانا معرفتش اقفل في وشها عشان محرجهاش
بصت سلوى وامها بغل لليلي ونزلو وداوود سال اسر على الحصل واسر حكاله
نعمان: ميصحش القولته لعمتك ديه يا اسر
اسر : وانا قولت اي يجدي مش ده الحصل هي جايه مفكره اني هنصفها هي وبنتها على مراتي
ابتسم نعمان وداوود على اسر وعرفو انو بيحب ليلي بس الحقيقه ان اسر نفسه مش عارف طبطب داوود على اسر ومشي
نعمان: طب يلا يولدي هات مرتك وانزلوا عشان الوكل جهز خلاص
نزل نعمان واسر وليلي دخلو يغيرو عشان ينزلو قربت ليلي من اسر وباسته من خده
ليلي : شكرا
اسر : على اي
ليلي : انك جبتلي حقي ونصفتني على ام سحلول
ضحك اسر : ام ايه
ليلي بضحك : ام سحلول
اسر بضحك : العفو انا معملتش حاجه انا قولت الحقيقه وبس مش انتي غيرانه بردو على جوزك
بصتله ليلي وسابته ومشيت واسر فضل يضحك
اسر : ليلي الله يسترك البسي حاجه كويسه مش ناقص كلام
ليلي : هبهركك
لبست ليلي عباية استقبال شكلها شيك وحلوه جدا وحطت طرحه على شعرها وطلعت لاسر الكان لبس
ليلي بتريقه : حلو اكده يا سي اسر
اسر بضحك: جمر يمرت سي اسر
ضحكو الاتنين سوا ونزلو اول ما ناهد وهند شافوهم فضلو يسمو اما سلوى وامها بصو بحقد
الجده نعمه: بسم الله ما شاء الله تعالي يمرت الغالي اسم الله عليكي تعالي جاري
ابتسمتلها ليلي وقعدت جنبها واسر كان جنبها من الناحيه التانيه واتغدو في هدوء وقامو وشد اسر ليلي وراحو قعدو
بنت عمة اسر التانيه: وه وهي العروسه متشيلش الوكل معانا ليه على يدها نقش الحنه
كانت ليلي لسه هترد بس اسر سبقها
اسر : لا يبت عمتي مفيش نقش حنه ولا حاجه بس مرتي ضيفه متعملش حاجه
واخد اسر ليلي البصت ليهم بشماته وراحو قعدو
نعمان : قوم يا اسر نشربو الشاي في الفرنده ونتكلمو شوي
هز اسر راسه وقام ومسك ليلي معاه
نعمان: سيب مرتك يولدي مهياش هتطير سيب الحريم مع بعضيهم
كان اسر هيرفض يسبها وسطهم بس ليلي هزتله دماغها ميل اسر عليها
اسر : متعمليش مشاكل وخمس دقايق واطلعي
هزت ليلي راسها ب ابتسامه وطلع اسر مع داوود ونعمان وابن عمته بره وناهد وهند طلعو يريحو عشان لسه تعبانين من السفر وقعدت ليلي مع جدة اسر ومرات ابن عمة اسر الحبت ليلي جدا وليلي كمان حبتها و سلمى بنت عم اسر وفضلو يتكلمو لحد ما قطع كلامهم صوت سلوى
سلوى : الا اسر اتجوزك ليه يا ليلي
ليلي : هما الناس بيتجوزو ليه يا سلوى
سلوى : يعني اسر متجوزكيش عشان يداري فضيحه ولا حاجه
اتعصبت ليلي وقامت وقفت والقعده اتوترت وكله وقف
ليلي : اي الجنان البتقوليه ده
الجده: اتحشمي يا سلوى واقفلي خشمك
سلوى : استني بس يستي اصل الست ليلي كان في صور ليها هي وسي اسر ع النت ولما الصور نزلت اتجوزو على طول تفتكري ليه يستي
سكتت الجده وكلهم بصو لليلي الحاولت ترد بثبات
ليلي : احنا متجوزين من بدري ودي صور طبيعيه بين اي واحد ومراته وكنا هنعلن بس جه وفاة بابا يعني مفيش حاجه من البتقوليها دي وانا سكتلك كتير متخلنيش اوريكي انا ممكن اعمل اي فاهمه
سلوى : الله اعلم بقا مش يمكن اتجوزتيه عشان الفضيحه ليكونش كان في عيل ولا حاجه عشان كده اتجوزتو
ليلي : احترمي نفسك انتي فاكره الكل زيك ولا اي
ام سلوى : وه وهي بتي كيف تربيتك يبت البندر
ليلي : انا متربيه احسن منك انتي وبنتك و...
قاطع كلام ليلي الخلاص كانت هتعيط دخول اسر
اسر : في اي البيحصل هنا وايه الصوت العالي ده
بص اسر على ليلي لقى الدموع اتجمعت في عينها راح ناحيتها بسرعه
اسر : اي الحصل في اي مالك
حاولت ليلي ترد عليه بس صوتها مطلعش من كتمة العياط اخدها اسر في حضنه وليلي فضلت تعيط
اسر بزعيق : حد يفهمني اي البيحصل هنااا
اتخضو كلهم من نبرة اسر وقررت ام سلوى تتكلم
ام سلوى : مفيش يا ولدي احنا كنا بنتكلم مع مرتك هي بس الحساسه حبتين
سلمى : لا مش ده الحصل يا ابيه اسر
بصلها اسر : امال اي الحصل يا سلمى قولي
حكت سلمى الحصل كله خلت اسر يتعصب رفع اسر وش ليلي وسالها
اسر : الكلام ده حصل؟
هزت ليلي راسها ب اه وهي بتمسح دموعها
اسر : ومضربتيهاش ليييههه
بصتله ليلي بصدمه وسلوى وامها خافو بس اتكلمت ام سلوى بشجاعه رغم خوفها
ام سلوى : وه عايزها تضرب بتي يا اسر
اسر بزعيق : مش احسن ما اعجنهالك انا انتي ازاي اصلا تتجرأي وتتكلمي مع مراتي بالشكل ده انتي نسيتي نفسك يبت انتي اقسم بالله لولا انك ست كنت كسرت عضمك ليلي مراتي من قبل موت خالي زي ما هي قالت واي حد هيفكر يفتح بوقه بكلمه تانيه عنها هقطلعه لسانه ايا كان مين فاهمين ولا لااا
قال اخر كلمه بزعيق خلا كله يتنفض كله واقف يتفرج محدش قدر يفتح بوقه وهند وناهد نزلو على الصوت حاول وليد ابن عمته يهديه بس مفيش فايده وجه اسر كلامه لجده
اسر : جدي انا مش جاي هنا انا ومراتي نسمع كلام ملوش لازمه اليقول كلمه لمراتي يبقى بيقولها لياا وانا مش قاعد هنا انا جيت وشوفتك وهاخد مراتي ونمشي حالا
لسه الجد هيتكلم كان اسر سحب ليلي وطلعو الاوضه دخل اسر الاوضه وفضل يلف بعصبيه انو مش قادر يعمل حاجه لسلوى
اسر بعصبيه : قومي لمي الشنط يلا
قامت ليلي بهدوء بس قربت من اسر وحضنته عشان يهدى والغريب انو هدي خالص قطع الحضن خبط على الباب وكان نعمان
نعمان: عايز اتكلم معاك انت ومرتك يا ولدي
اسر : اتفضل يجدي
دخل نعمان وقعد وليلي واسر قعدو قدامه
نعمان: حقك عليا انا يبتي هي سلوى وامها اكده دايما يقولو كلام ماسخ يسم البدن بس انا ربتهالك هي وامها ومحدش هيكلمك تاني واصل
اسر : محدش هيقدر يكلمها عشان هنمشي يجدي
نعمان: عايز تمشي من غير ما تحضر فرح بت عمك الله يرحمه
اسر : هي سلمى هتتجوز
نعمان : ايوه يولدي كنت هخبركو الليله ان الفرح يوم الجمعه البت فرحانه بيكو متكسرش فرحتها يولدي انا مش هجبرك تقعد عايز تمشي حجك بس فكر في بت عمك اليتيمه دي عن اذنكو
نزل الجد وبص اسر لليلي بتفكير كانت لسه هتتكلم بس الباب خبط وكانت سلمى
ليلي: تعالي يحببتي اتفضلي
سلمى : انا اسفه انا بس جايه اقولكو ونبي متمشو قبل متحضرو الفرح وحقكو عليا انا من سلوى بس انا فرحت بيكو اوي وحبيتك اوي يست ليلي والله ونبي ي ابيه اسر متمشي قبل الفرح
بص اسر لليلي بصلته ليلي بعدين وجهت كلام لسلمى
ليلي : مش هنمشي يحببتي قبل منحضر فرحك عنيا ليكي
سلمى : بجد ي ابله ليلي
ليلي : بجد يحببتي وانا مش ابله ولا حاجه انا ليلي عادي
حضنت ليلي سلمى بعدين سلمى مشيت
اسر : وبعدين معاكي
ليلي : حرام يا اسر هنكسر فرحتها يعني احنا نحضر الفرح ونمشي
اسر : ماشي يا ليلي اما نشوف اخرتها بس الموضوع ده مش هيعدي غير لما سلوى وامها يعتذرو
ليلي لسه هترد الباب خبط كان نعمان ومعاه سلوى وامها اسر فتح وبصلهم بقرف
نعمان: عمتك وبتها جايين يعتذرو ليك ولمرتك يولدي
اعتذرت سلوى وامها وليلي قالت حصل خير وعدا اليوم وتاني يوم جه صحي اسر وليلي بدري قرر اسر ياخد ليلي يفرجها البلد ويركبها خيل راحو الاسطبل
ليلي : واو حلوين اوي يا اسر
اسر : طيب يلا عايزه تركبي انهي واحد
ليلي : لا اركب اي انا بخاف
اسر : متخافيش انا هركب معاكي
اختارت ليلي مهره بيضه جميله وركبوها وفضلو يجرو بيها وخوف ليلي راح تدريجي وليلي مبسوطه وبتضحك وكان اسر مبسوط عشام هي مبسوطه بعدين رجعو القصر ووقت الحنه جه ولبست ليلي ونزلت وقعدو يغنو ويرقصو وسلوى وامها بيتابعو بحقد بعدين قعدت ليلي تريح من الرقص جت واحده تجري
الواحده : سي اسر هيرقص بالفرسه تعالو شوفو
راحو كلهم يتفرجو واسر بص شاف ليلي ابتسملها
واحده: شوفو كيف الجمر كيف بيبص لمين عاد
ليلي : بيبص لمراته يحببتي اناا لمي نفسك يبت انتي
واحده: وه يمريي لمؤخذه يهانم والله ما اعرف حقك عليا
بصتلها ليلي وسكتت وخلصت الحنه وكله طلع اوضته عند اسر وليلي
ليلي : حضرتك ترقصلي على الحصان والبنات تقعد تتفرج عليك وتتغزل فيك مش كده
اسر بضحك: وانا اعرف منين انهم هيتفرجو عليا
ليلي بغيظ : اضحك اضحك ماشي
نام اسر وليلي وجه الصبح يوم الفرح صحي اسر على صوت التلفون ولما سمع البيتقال ملامحه اتغيرت كانت ليلي متابعه ملامح وشه قام اسر بعيد عنها واتكلم بعدين قفل ودخل
ليلي : في اي
اسر : راجع مصر
ليلي : اي الحصل طيب
اسر : اللواء عايزني في شغل مهم
ليلي : طب مفيش مشكله هرجع معاك؟
اسر : لا خليكي تعالي معاهم الصبح
ليلي : ماشي التشوفه انت كويس طيب ؟
اسر : اه يا ليلي مفيش حاجه
مشي اسر بعد ما قال ان الشغل عايزه بس ليلي قلقانه ومش فاهمه في اي