رواية حين جمعنا القدر الفصل الحادي عشر11 بقلم جودي محمد
جه وقت الفرح وفرحو وهيصو بس ليلي مكنتش مركزه في حاجه وكانت بتكلم اسر مش بيرد ف قلقت خلص الفرح وكله طلع اوضته وداوود قال انهم هيتحركو في الفجر طلعت ليلي وقعدت على الموبايل وهي بتقلب في لقت بوست خلا الموبايل وقع من ايديها
"البوست"
"موت يزن القصاص والسبب مجهول "
اتصدمت ليلي ودموعها نزلت بصدمه مسكت الموبايل وفضلت ترن على اسر لحد ما رد مكنش عايز يرد مكنش عارف يقولها اي
اسر : اي يليلي انا مشغول دلوقتي في حاجه
ليلي : ييزن يزن يا اسر يزن ماتت
اسر: اهدي بس انتي عرفتي منين
ليلي بصويت : ده الهمكك انت كنت عارف ومشيت وسبتني هنا وانت عارف ومخبي عليا
اسر: يا لي....
ملحقش اسر يتكلم كانت ليلي قفلت في وشه وفضلت تعيط مش عارفه تعمل اي اسر فضل يرن عليها مبتردش لحد ما قفلت الموبايل اتصل اسر على داوود بسرعه وقاله الحصل قام داوود وناهد بسرعه راحو عند ليلي الكانت قاعده في الارض بتعيط دخل داوود وناهد عليها لما خبطو ومردتش عليهم ليلي اول ما شافت ناهد اترمت في حضنها
ليلي بعياط: يزن راح يعمتو هقول لماما اي هقولها ازايي هقول لبابا ايي وانا مختش بالي منه زي ما وصاني اااههه يا يزن ليه كده يحبيبي ليه
فضلت ليلي بتعيط في حضن ناهد الكانت بتعيط معاها بس بتحاول تتمالك نفسها ومسحت دموعها
ناهد : انتي لازم تقومي وتبقى قويه امسكي نفسك ي ليلي ده اختبار من ربنا قومي كده واجمدي يحببتي عايزين نقول لمامتك ونرجع القاهره يلا قومي
قامت ليلي بهدوء دموعها لسه بتنزل على اخوها الصغير اه لما كبر حصل بينهم خلافات كتير بس هو كان دايما قريب منها وهما صغيرين لولا صحاب الكليه مكنش حصله كل ده نزل داوود قال لابوه الزعل جدا عليه وقاله انهم هيمشو وليلي وناهد راحو عند هند ودخلو لقوها صاحيه اول ما شافت ليلي عيطت احساسها كان صح حد من عيالها جراله حاجه
هند: مين يليلي مين فيهم انطقيي
ليلي : يزن
هند : يحبيبي يبنييي يحبيبيي يشبابك الراااح ليه كده انا قلبي كان حاسس يارب هون عليا ياربب
فضلت ليلي وهند يعيطو وكلهم بيواسوهم حتى سلوى كانت بتطبطب على ليلي يوسف عرف الخبر من داوود خلاه يتصدم معرفش ينطق ولا قال كلمه اتحركو كلهم ورجعو القاهره وليلي وهند طول الطريق دموعهم بتنزل
عند اسر اول ما وصل القاهره راح الفيلا لقى جثة يزن عينه دمعت سال الموجودين اي الحصل قالو التخمين المبدئي انو مات بمخدرات لسه كام ساعه والطب الشرعي يحدد شاف اسر الكاميرات بتاعت الفيلا جوه وبرا لقاها متعطله استغرب وشك ان الحصل بفعل فاعل فضل اسر طول اليوم مسحول في التحقيقات وليلي بترن عليه ومش قادر يرد عليها وجه تقرير الطب الشرعي الكان في ان موت يزن بسبب جرعه زياده من المخدرات
اسر : طب وانت شايف يادكتور انه واحد شرب كتير فعلا ولا في حاجه تانيه
الدكتور: والله يا اسر الكميه الدخلت جسمه مره واحده كميه مش طبيعيه خالص مش كمية واحد بيشرب او حتى كتر في الشرب
هز اسر راسه وفهم ان يزن مات مقتول بس مش عارف مين وليه ممكن يعمل كده بص اسر على موبايله لقى ليلي بترن كتير قلق وقرر يرد عليها وحصل الحصل كان قاعد اسر متوتر مش عارف يعمل اي ومضايق انو مش جنب ليلي كل ده كلم داوود تاني وهما في الطريق اطمن عليهم
اسر : بابا هاتهم على فيلتي او الفيلا بتاعت خالو عشان فيلتك مقفوله عشان التحقيقات دي جريمة قتل مش موته طبيعيه
داوود: هنروح على فيلا خالك متقلقش
وصلوا وكان اسر في استقبالهم مستنيهم اول ما شاف ليلي قلبه وجعه على منظرها قرب اسر عليها ولسه هياخد ليلي في حضنه ويكلمها زقته بعيد عنها وبصتله بعتاب وطلعت تجري على فوق بص اسر لطيفها بزعل وحيره مش عارف يعمل اي
ناهد: اطلع وراها يبني متسبهاش هي محتاجلك
هز اسر راسه وراح الاول ناحية هند
اسر : شدي حيلك ياطنط
حضنته هند وفضلت تعيط طبطب اسر عليها وساب هند مع ناهد وطلع عند ليلي اما عند يوسف راح ف هو مدخلش البيت اصلا طلع على مكان مجهول هنعرفه بعدين دخل اسر عند ليلي لقاها قاعده في السرير ضامه نفسها وبتعيط قرب اسر منها بس ليلي بتبعد عنه شدها اسر لحضنه غصب عنها حاولت تزقه في الأول بعدين اعصابها سابت وفضلت تعيط في حضنه وهو بيطبطب عليها
اسر : حقك عليا انا يحبيبي حقك عليا
ليلي: خبيت عليا ليه كنت ناوي تقولي امتى
اسر : والله مكنتش ناوي اخبي ولا حاجه انا كلموني عشان يفتحو الفيلا ومحدش فهمني حاجه غير لما جيت مكنتش عارف اقولك ازاي يا ليلي انتي لسه مفوقتيش من موت باباكي هجبلك خبر اخوكي ازاي بس
ليلي بعياط: اههه يا اسر هلاقيها منين ولا منين بس ياربيي انا السبب انا السبب مكنش ينفع اسيبه بابا قالي اخد بالي منه
اسر : انتي ذنبك اي بس يحببتي ده قدره
ليلي : هو مات ازاي
اسر : زود في المخدرات
ليلي : ليه يا يزن كده ليه بسس ليهه
فضلت ليلي تعيط طول الليل في حضن اسر عدا يوم وقدرو يستلمو الجثه وادفن يزن وليلي كل يوم بتعيط وبتأنب نفسها انها مكنش ينفع تسيب يزن لوحده واسر مش قادر يقولها الحقيقه عشان التحقيقات لسه شغاله هند كانت قافله على نفسها ومش راضيه تكلم حد ويوسف مختفي محدش عارف عنه حاجه حضر الدفنه والعزاء ومشي عدا اسبوعين ليلي كانت قاعده في الاوضه واسر بياخد شاور جالها رساله فتحتها لقت فيها
"اخوكي مات مقتول حد زودله المخدرات وجوزك عارف ومخبي عليكي "
قرأت ليلي الرساله بصدمه ودموعها نزلت خرج اسر لقاها بتعيط اتخض
اسر : في اي مالك
ليلي : في انك كداب ي اسر انا بكرهك
اسر : في اي فهمينييي
ورته ليلي الرساله
ليلي: انت كل ده مخبي عليا شايفني كل يوم بتقطع على موت اخويا وانو قابل ربنا وهو كده وانت عارف انو مقتول انت ليه بجد ليههه
فضلت ليلي تعيط بهستيريه وتضرب في اسر مسكها اسر وزعق
اسر : مكنش ينفع اقوللل شغلي مانعني اقول افهميني
ليلي : افهم اييي افهم ايي ارحموني بقا كفايههه كفايههه
فضلت ليلي تكسر في كل حاجه واسر بيحاول يسيطر عليها مش عارف طلعو كلهم على الصوت دخلت هند ناحية ليلي بسرعه
هند: اهدي يحببتي في اي
ليلي : يزن مات مقتول يا مامااا اخويا اتقتل وابنك كان عارف يعمتو ومقالش قال ايه عشان شغله اجبره
بصو كلهم لاسر الاخد حاجته ونزل بعصبيه وليلي فضلت دماغها تلف وتدور مين العمل في اخوها جه بليل واسر رجع الفجر لقى ليلي قاعده في البلكونه في هدوء دخل وقعد قدامها بصتله ليلي بهدوء
اسر : انا عارف اني مهما قولت هبقى غلطان بس صدقيني شغلي منعني ومكنتش عارف اقولك ازاي يا ليلي مكنتش عايزك تقلقي وتقعدي تفكري زي كده انا هتصرف وهجيب حق يزن ثقي فيا ومتزعليش مني
ليلي: انت خبيت عليا مرتين يا اسر انا زعلانه منك اوي مش قادره اسامحك انا اسفه
راحت ليلي تبات مع هند في اوضتها واسر ضرب الكرسي برجله بعصبيه كل حاجه حواليه متلغبطه عدا اسبوع والعلاقة بين اسر وليلي لسه متوتره اسر بيحاول بس ليلي بتصده رجعت ليلي كليتها واسر بيروح شغله والتحقيق لسه شغال خلص اليوم وليلي راجعه من الكليه بعد ما رفضت ان اسر يوصلها فجأه ظهرت قدامها عربيه سوده....
عند يوسف
يوسف: انت الموت اخويااا احنا متفقناش على كده انا اتفقت معاك على ليلي و اسر
المجهول : اهدى بس يا جو دي قرصة ودن لاختك وجوزها ودلوقتي الدنيا والعه بينهم
يوسف : انت مجنون انا اخويا مات بسببك
المجهول: اخوك مات بسبب المخدرات يجو مش بسببي
يوسف: كلنا عارفين مين الدخله في المخدرات يا... متحورش علياا
المجهول : اخوك اترحم عليه يحبيبي دلوقتي جه اختك وبعدها جوز اختك
يوسف : انا بره الليله دي
المجهول : مينفعش يحلو انت رجلك جت معايا خلاص فات الأوان
خرج يوسف من عند المجهول وهو خايف وزعلان على اخوه المات وهو ملوش ذنب ومشي وهو حيران مش عارف يعمل اي لحد ما روح البيت لقى هند بتعيط ....