رواية الوحش الفصل السادس عشر16 بقلم حنان أحمد ماهر
وصلنا كان بيت كبير وسط عشب كتير و
كان ورا البيت جبال
ماكنش فيه غيره في المكان
بصيت على راكان بإستغراب ـ إحنا فين ... إيه المكان ده
ـ انزلي يا حبيبي وهتعرفي
قالها وفتح باب العربية ونزل
نزلت وراه وقفلت الباب
مسك أيدي
وانا حوطها بين ايديا
كان ممر البيت متحاوط بإسوار وكان مصنوع من الرخام
وحوليه زرع و ورود كتير
وبصراحة ريحة الورود مع نسيم الهواء يجنن
البيت كان مصنوع من الخشب وكان في إضاءة حوليه
مشينا في الممر وانا بوزع نظري حوليا بإعجاب
فتح راكان الباب بالمفتاح
كان البيت منور من جوه ف عرفت إن فيه ناس
اول ما دخلنا لقيت بنوته صغيرة عندها حاولي خمس سنين بتجري علينا وهي بتقول ـ خالو حبيبي
نزل راكان لمستواها وشالها وهو بيضحك وقال ـ حبيب قلب وعيون خالو
بصتلي وشاورت عليا وقالت بإستغراب ـ مين دي يا خالو ؟
ـ دي كراميله يا حبيب خالو
سقفت بفرحة ـ الله وأخيراً
بصيتله بإستغراب من الإسم بعدها بصتلها وأبتسمت
مديت أيدها علشان اشيلها روحت شيلتها لقيتها بتترمي في حضني ضحكت على براءتها وطفولتها وبصيت لراكان لقيته مبتسم
طلعت من حضني وبستني من خدي
ضحكت عليها
ـ تعرفي خالو كان بيحكيلي عنك كتير ...كان نفسي اشوفك اوي .. بسبب أنه بيحكي عنك حبيتك اوي يا كراميله
بصتله برفع حاجب لقيته بيبعد نظره عني
ضحكت ـ طب يا حبيب قلب كراميله .... الحلوه اسمها ايه
ـ اسمي كايلا
ـ أسمك حلو اوي يا كايلولي
ـ وأنتِ كمان
قالتها بضحك
ـ وأنتِ تعرفي إسمي
ـ طبعاً مش بقولك خالو كان بيحكيلي عنك كتير
بصتله بطرف عيني ـ أممم... إحنا لازم نشوف الموضوع ده مع خالو بقى
بصلها وهو بيبعد نظره عني وانا ابتسمت على حركاته
حتى وهو بيزوغ مني برضو عسل
يا خلاصي على سكر
الحلاوة دي كلها ليا
لأ انا محظوظه إنه جوزي بجد
ـ فين لميس يا لولي
ـ وأخيرا شرفت يا سي راكان
كان صوت واحده بتقرب منا واللي استنتجته إنها أخته
قرب منها وحضنها
وانا نزلت كايلا على الأرض
ـ على أساس اني مكنتش عندكوا الأسبوع اللي فات
قالها ليها وهو بيخرج من حضنها
رفعت حاجبي بإستغراب وغيظ منه وقلت في سري ـ يعني انا فضلت اكتر من أسبوع بعيط عليه وهو هنا ...ماشي يا راكان أما نبقى لوحدنا بس
فوقت من تفكيري على لميس وهي بتقرب مني ـ الله يا راكان.. لأ مرات أخويا احلى من الصور بكتير ...ده أنت ظالمها يا عم
حضنتني ف بدلتها الحضن بحب
خرجت من حضني ـ أهلاً بيكي في عيلتنا الصغيرة يا مرات اخويا
أبتسمت وقلتلها ـ يعني ...يعني انا لحد دلوقتي بستوعب اني اتجوزت
ضحكت وكملت ـ كمان بقيت مرات أخ ...مش عارفة استوعب ده بجد
ـ لأ وحفيدتي كمان
قالتها ست كبيرة في سن
بصيت لراكان لقيته بيقرب منها بيسندها وباس أيديها ـ حبيبت قلبي عامله
ضربته على صدره بخفه ـ بلاش حبيبت قلبك دي علشان إحنا عارفين مين
ضحك ـ دي حياتي يا تيتا من غيرها انا ماليش وجود
نزلت عيوني بكسوف وإحراج
لقيته بيسندها وبيقعدها روحت قربت منها وبوست أيدها زي ما عمل
طبطبت على كتفي بعدها اخدتني في حضنها ـ ربنا يبارك فيكي يا بنتي
دموعي نزلوا من كلمة بنتي ودفئ حضنها اللي بقالي كتير محستوش
مسحتهم بسرعة
وخرجت من حضنها
لقيتها بتربطت على رأسي
ـ ربنا يخليكم لبعض يا بني يارب ...ويجعل ليكم الذرية الصالحة
ـ أمين يا حبيبتي يارب
بصتله ـ كويس إنك جبتها ..كنت هزعل منك اوي لو مكنتش جبتها
قرب وقعد جنبي ومسك أيدي بحنان ـ مقدرش يا تيتا ...هي جزء من العيله دي زي ما هي كل حياتي
انا هيغمى عليا منه بجد
ايه يا ناس ده
عمال يدوبني دوب
اااه ربنا يخليه ليا قرة عيني ويبعد عننا عيون الحساد يارب
سمعتها بتقوله ـ خُد مراتك واطلع غيروا هدومكم وانزلوا علشان العشاء
ـ حاضر يا حبيبتي
بص على لميس وقال ـ جوزك جاي معه غيث علشان عارفك هتسألي
بعتتله بوسة في الهواء ـ حبيبي اللي قاريني
قربت مننا كايلا وهي بتحضني ـ انا عايزه العب معاكي وأعرفك
نزلت لمستواها وانا بلمس على شعرها بحنان ـ عيوني يا حبيبتي ايه رأيك من الصبح نلعب ونفضل طول النهار كمان
سقفت بفرحة وباستني من خدي ـ ماشي موافقة
ضحكت عليها وراكان مسك أيدي واخدني وطلعنا فوق
دخلنا الاوضة
بجد كان شكلها يجنن
لفيتله لقيته بيشدني لحضنه وبص لعيوني ـ يرضيكِ كده
بصيتله بإستغراب ـ يرضيني ايه
ـ تسمحي ل كايلا تبوسك وانا لأ
وكان لسه هيقرب من خدي روحت بعدته عني وقلت ـ اه يرضيني وابعد متكلمنيش
ـ ده ليه
قالها بإستغراب من تغيري المفاجئ
ـ علشان سيادتك مقضيها هنا هزار ولعب طول الايام اللي كنت مبنمش فيها بسبب بعادك عني
ـ حبيبي أنتِ عارفه....
قاطعته بدموع ـ عارفه ايه... أنت مش عارف إحساسي ايه ...ولا قلبي كان وجعني ازاي ....راكان انا حسيت بجد اني جسد بلا روح مكنتش عايشة
قرب مني ومسح دموعي ـ أولا أنا مش عايز اشوف دموعك دي تاني مره تانيه وقلتلك قبل كده أنهم بيوجعوني ... ثانياً بقى انا مكنتش قاعد هنا بهزر وبلعب انا حياتي من غيرك ملهاش وجود وقلتلك دي قبل كده كذا مره
ـ أمال بقى بنت أختك تعرفني منين وكمان عيلتك يعرفوني ... وبعدين عملت كده ليه
ـ يعرفوكي علشان أنا كنت بحكيلهم عنك من زمن طويل اوي ...وعملت كده علشان أسبابي وحمايتك أولا طبعاً
ـ زمن طويل وحمايتي !؟ ... أنت ليه بتتكلم بألغاز ما تفهمني يا راكان
ـ عيون راكان...بس لما ناكل ...تيتا عليها شوية ورق عنب هتاكلي صوابعك وراهم ولا بلاش تأكليهم علشان أعرف أمسك إيدك الحلوه دي
ضحكت عليه ـ أنت إزاي كده بجد
ـ إزاي ايه بقى
قالها وهو بيلعبلي بحواجبه
ضحكت ـ إزاي بتقدر تحتويني بطريقة دي ...إزاي بتقدر تخليني أضحك بعد ما كنت بعيط
حاوط خدي ـ علشان انا موجود في الحياة دي لسبب وهو اني اخليكي تضحكي وأشوف ديما الابتسامه مرسومه على وشك وربنا يجعلني السبب في فرحك ديما يا حبيب عيوني
حضنته ـ ربنا يخليك ليا يا حبيبي
حاوطني ـ دلوقتي حبيبي ...لكن من شوية ابعد عني ومالكش دعوة بيا صح
خرجت من حضنه وضحك ـ قلبك أبيض يا قطتي بقى
ـ اه منك ...اه منك ومن ضحكتك وعيونك اللي بيخلوني أنا الوحش أسير ليهم مقدرش عليهم
ضحكت عليه واتجهت ناحية الدولاب علشان أخرج هدوم ليه وليا
بعدها روحت ادتله هدومه ـ يلا خد ادخل خد شاور وغير علشان نلحق ننزل علشان انا بطني بتسوسو من ساعات ما قلتلي أن في ورق عنب
اخدهم مني بعدها مشي يتجه ناحية الحمام
وانا لسه هتحرك لقيته قرب وباسني من خدي
ـ راكان !!!
قلتها بصدمة وانا بحط ايدي على خدي
ـ حيات راكان
قالها وهو بيدخل الحمام
أبتسمت منه ومن أفعاله
----------------------------------------------
جهزنا ونزلنا
لقيت غيث ورحمة ومعاه شخص تاني واللي استنتجته أنه يبقى زوج لميس
سلم على راكان وراكان سلم عليه
بعدها سلم عليا ـ نورتي بيتك يا مرات اخويا
أبتسمت ـ الظاهر أنه انا لوحدي بس اللي معرفش حد هنا
ـ مش لوحدك والله يا اختي
قالتها رحمة بضحك
بصيتلها ـ انا عايزه أفهم أنتِ ورايا ورايا...يا بنتي هي طنط سامية سيباكي لله وللوطن كده
أتكلمت بغيظ ـ انا مش فاهمه أنتِ ايه اللي مدايقك يعني هو بيتك ...بعدين امي راميه طوبتي ملكيش دعوه
ـ ما هو باين
قلتها باستفزاز علشان استفزها اكتر
مردتش عليا وانا ضحكت
مسكني حبيبي من ايدي واخدني وروحنا على السفرة
كنا قاعدين بنتكلم ونهزر
بعيداً عن هزار راكان
واني اول مره اشوفه كده
فرحان بيهزر وعيونه فيها لمعه
وطبعاً مسابش ايدي طول ما احنا قاعدين وده شئ بجد مخلي قلبي يرقص
انا بقيت بدعي من جويا يفضل كدا
فرحان وربنا ما يبعد السعادة عنه يارب
اللي عاشهُ مش شويه وكل ما أفتكر أن ده بسبب ابويا قلبي يوجعني
مش عارفه بجد هو ممكن يسبني بسبب ده
بقيت افكر يعني ممكن يجي اليوم اللي يقولي فيه تاني أنتِ بنت عدوي
هل ممكن يجي اليوم اللي هيخرجني فيه من حياته بس انا مقدرش اعيش من غيره
فضلت بصاله وهو بيضحك وبيهزر معاهم
تكت على أيده اوي يمكن اطمن نفسي أنه معايا وأنه مش هيسبني ولا ممكن يحصل ده علشان انا مش هسمح بده
بصلي بإستغراب وقال بقلق ـ في حاجه يا حبيبي
هزيت رأسي ب لأ وانا بحاول أرسم الابتسامة على شفايفي
بص على طبقي ـ مبتكليش ليه
كمل بتحذير ـ هنا في دواء هيتاخد ياريت تأكلي علشان مأكلكيش بالعافية
أبتسمت بحب وانا بنكشه ـ طب ما تأكلني ماعنديش مانع أصلا هيبقى أحلى من إيدك ...الاه ما تخليني ادلع عليك شويه
ضحك ولقيت الكل ضحكوا
بسبب أنه مالي تفكيري نسيت أن في حد قاعد معانا
ـ ما تسيبها تدلع عليك يا ولد مالك
قالتها تيتا بضحك
نزلت عيوني بإحراج
لقيته بيمسك ورق العنب وبيأكلهولي
اتفجأت مكنتش متوقعة إنه ممكن يعملها قصادهم وزعت نظري عليهم بإحراج بعدها بصتله تاني واكلتها من أيده
وانا بحاول أهرب من نظراته ومن نظرات الكل لينا
ـ انا كمان عايزه أكلك يا كراميله
قالتها كايلا وهي بتمد أيدها علشان اكل
ضحكت عليها واكلت من أيدها ـ الله من إيدك زي سكر يا قمر أنتِ
بعتتلي بوسه على هواء ـ حبيبتي
أتكلم راكان بهمس ـ بقى انا أكلك متعمليش ردة فعل لكن هي تقولي ليها من إيدك زي سكر ماشي يا ست هنا ماشي
ضحكت عليه ـ بعيداً بقى عن إنك بتغير من طفلة بس انا عايزه اعرف ايه حكاية كراميله دي يا سي راكان واعتقد ليا كامل الحق
غمزلي ـ طب لما نبقى لوحدنا يا كراميله هبقى احكيلك كل حاجه
أبتسمت وكملت أكل
بصيت لتيتا ـ تسلم إيدك بجد بقالي فترة ماكلتش أكل بلحلاوة دي راكان معاه حق ورق العنب من إيدك في حته تانيه
أبتسمت ـ الف هنا على قلبك يا حبيبتي
أبتسمت وبصيت لراكان لقيته بيبصلي ومبتسم
بعدت نظري عنه وانا بكمل أكل
اتصدمت لما قال ـ طب يرضيكِ كده بقى يا تيتا انا أكلها وهي لأ ...أنتِ شايفه أن ده صح لو ده صح ماشي
بصيتله لقيته بيبصلي وهو بيلعبلي بحواجبه
ضحكت تيتا ـ لأ يا حبيبي مش صح اكلي جوزك يا هنا يلا
حاولت أبتسم وانا أصلا جوايا كمية إحراج مش عارفه اوديها فين
مسكت ورق العنب واكلتهالوا
اكلها مني بعدها باس ايدي
نزلت عيوني بكسوف منه
لقيت غيث ويزن بيضحكوا
بصلهم راكان برفع حاجب
أتكلم يزن ـ مين كان يصدق أن الوحش يأكل من إيد واحدة
ـ لأ وكمان يضايق وينكشها علشان تأكله ...ياربي مسخرة
قالها غيث بضحك
أتكلم راكان بحزم ومعرفش ازاي في ثانية وتانيه قلب صوته انا قلت قبل كده أنه عنده انفصام ـ طب اتلم يلا أنت وهو علشان مواريكوش وشي تاني
ـ لأ وعلى إيه الطيب أحسن
قالوها غيث ويزن بصوت واحد
------------------------------------------------
في البلاكونة
دخلت على راكان وانا عامله أيس كوفي بالكراميل
اديتله واحد وقعدت
لقيته بص عليه وأبتسم
بصتله بإستغراب وانا ببتسم ـ ايه سر الابتسامه دي بقى
بصلي ـ لأنه ده سبب في لقب كراميله يا كراميله
كشرت باستغراب ـ مش فاهمه
ـ هحكيلك يا حبيبي علشان تفهمي
من عشر سنين شوفتك بصدفة في كافيه
كنت داخل مستعجل عايز القهوة لبابا علشان عنده اجتماع وقتها انا كنت بدرس وبتدرب مع بابا في شركة في نفس الوقت
طبعاً علشان انا بحب القهوة من الكافية ده ف قلت لبابا اني هجبله منه ....بس مكنتش اعرف اني هقابل واحده هناك هتخليني أحرم على نفسي اشوف ستات بعدها بعد كده
ابتسمت وهو كمل ـ كنتي لسه في ثانوي ....في أخر سنة ليكي في ثانوية
كنتي واقفه مع رحمة ومعاكي كام بنت تانين وبتضحكوا
وقتها قلتي إن اللي عايزه تتجوزيه يكون بيحب الكراميل يأما مش هتتجوزي
ضحكوا عليكي وقالوا ليكي يعني هترفضي عريس علشان خاطر الكراميل قلتلهم اه هترفضي من حبك في الكراميل
وقتها كمان عرفت إنك طلبتي أيس كوفي بالكراميل وقتها اخدني الفضول أعرف طعمه وطلبت زيك ولما دوقته حسيت طعمه حلو اوي ولذيذ شبه صاحبته اللي بتعشقه ف عشقته من ساعتها وعشقت كراميله بتاعتي
كنت بصاله وانا مش مصدقه ده بيحبني من وقت طويل اوي
افتكرت اليوم ده والكلام اللي قلته بس ما افتكرتش إني شوفته لأ
ـ طب يعني هو أنت ليه محاولتش تكلمني ولا أنت نستني بعدها
ـ نسيت ايه بس بقولك عشقتك .....المهم يا ستي فضلت متابعك بتروحي فين بتاكلي ايه بتحبي تأكلي ده او لأ ايه زوقك في اللبس ايه أكتر لون بتحبيه وايه أكتر حاجه بتحبيها
عرفت إنك بتحبي الورد اوي بزات الورد الأحمر
علشان كده زرعت منه كتير اوي في القصر لو تلاحظي
افتكرت فعلاً أنه عامل كده
كمل ـ أكتر لون بتحبيه الأسود بس كمان اللون اللي بتحبي تلبسيه أكتر هو البيج ...أكتر أكله بتحبيها هي ورق العنب علشان كده قُلت لتيتا تعمله ليكي أنهارده....مابتحبيش ولا حتى هتجربي تحبي الكبدة ولبسك ديما كان فساتين والحمدلله فضل فساتين
فضلت بصاله بحب
ياااه كل ده
بقى هو بيحبني أوي كده وأنا حتى مكنتش أعرفه
ـ أنا مش عارفه اقولك ايه
مسك أيدي بحب ـ مش عايزك تقولي حاجه...عايزك تبقي جنبي وبس
أتكلمت بدموع ـ بس ازاي عايزني جنبك واللي فهمته من كلامك إنك سبتني زمان بسبب بابا واللي عمله
ساب ايدي وقام وقف وغمض عينه وهو بيتنفس بسرعة بعدها لفلي وعيونه كانت كلها غضب و....