رواية الوحش الفصل الثامن عشر18 بقلم حنان أحمد ماهر
فتحت عيوني لوهلة بس قفلتهم تاني من شدة الإضاءة
بعدين اتنفضت من على السرير لما احداث اللي حصل اتعادت تاني ف عقلي
قربت مني الممرضة ـ أنتِ كويسة يا مدام
بصيت لها بدموع ـ راكان ..راكان كويس
ـ انا معرفش حاجه يا فندم بس أنتِ لازم ترتاحي ...والمحلول ده لازم يخلص
قالت كده وهي بتشاور على المحلول
كان لسه ف نصه تقريباً
مهتمتش لكلامها وشيلت اللزقه من ايدي
حاولت تمنعني ـ يا مدام ماينفعش كده...يا مدام أنتِ كده هتتعبي
بعدتها عني وقُلت بنرفزه ـ ملكيش دعوة أنتِ ابعدي عني
لسه بقوم أقف وبحط رجلي على الأرض
الدنيا لّفت بيا
وكنت هقع بس هي سنادتني
ـ مش قلتلك هتتعبي
ـ لأ خلاص انا كويسه
قلتها وانا بحاول اظبط نفسي و وقفتي
ـ لازم حضرتك تستريحي
ـ وانا مش هستريح ولا هعرف معنى الراحة غير لما اشوفه كويس
دمعه فرت مني بعد ما قلتها
روحت مسحتها على طول
واتحركت بره الاوضه
خرجت لقيت غيث ويزن وشويه من رجالة راكان واقفين بره اوضة راكان
وحبه منهم واقفين بره اوضتي
قربت من غيث ودموعي بدأت تنزل من غير إرادتي
ـ غيث
بصلي غيث
وحسيته حاول يهدى علشان انا منهارش
ـ هنا تعالي اقعدي ...أنتِ أكيد تعبانه
قالها وهو بيشاور على الكرسي علشان اقعد
ـ غيث ... بالله قلي إنه هيبقى كويس
ـ لسه الدكتور مخرجش يا هنا لسه محدش خرج طمني عليه
حطيت أيدي على دماغي من الدوخه اللي جاتلي فجأة
قرب غيث مني بقلق ـ هنا لو سمحتي أنتِ تعبانه ماينفعش كده
روحت قعدت على الكرسي
وانا مش مبطله عياط
ـ هو ايه اللي حصل انا مش فاكره حاجه..غير لما راكان أضَرّبْ برصاص و وقع بس
قعد جنبي ونظم أنفاسه بعدها أتكلم ـ إحنا سمعنا صوت الرصاص خرجنا واول خرجنا لقينا راكان غارق في د.مه ولقيناكي مغمى عليكي ومفهمناش ايه اللي حصل
ـ يعني معرفتوش مين اللي عمل كده
ـ مافيش غيره يا هنا كاظم الكلب .. متزعليش مني يا هنا بس هو مافيش غيره اللي يتجرأ ويعمل كده فيه ...لما حاول اول مره إنه يطعنه ومعرفش ف راح ضربة برصاص
مسحت دموعي وانا بتعدل وبصتله ـ هو أصلا راكان مطعنش
اتنهد ـ أنا عارف أن انا حاولت اوصلك كده لما حصل ...بس هو اللي كان عايز كده وهو اللي طلب مني كده وانا مقدرش ما انفذش طلبه ...بس هو محصلوش حاجه ... إحنا فبركنا الفيديو وبعتنا ل كاظم ومسكنا الواد خلينا يتابع مع كاظم على أساس أنه نفذ وكده وكاظم صدق
حطيت أيدي على وشي وعيط وصوتي خرج متقطع ـ يعني علشان ماعرفش اول مره إنه يقتله ف عملها مره تانيه .... كويس أنه مش ابويا بجد ...انا بحمد ربنا أنه مش ابويا
أتكلم غيث بعدم تصديق ـ أنتِ عرفتي
بصتله بدموع وهزيت رأسي
أتكلم بشفقة ـ معلش يا هنا يعني الواحد مش عارف يواسيكي ازاي بجد
بصيت على اوضة العمليات ـ مافيش غيره اللي يقدر يداوي جرحي هو الوحيد اللي قادر ينسيني اي حزن عشيته
بصلي بحزن وسكت
قرب يزن مننا وفهمت كده من طريقة كلامه أنه بيحاول يواسيني ـ مش كفاية بقى يا غيث أنت نسيت عمل ايه فيك لما حكتلها الحقيقة اول مره
بصيت لغيث باستغراب
لقيته حاطط أيده على قفاه والايد التانيه على خده ـ ده بهدلني
قالها بضيق وغيظ
أبتسمت ـ ده امتى ده ...وعرف ازاي
ـ عرف منك يا اختي
ـ مني
قلتها وانا بشاور على نفسي
ـ اه منك ...لما كلمتك و..
وحكالي اللي حصل
ضحكت عليه
ـ بتضحكي تاني
قالها بغيظ
ـ مقصدش والله بس يعني محدش قالك تكلمني وهو جنبك
ـ ماهو اللي كان عايزني أكلمه علشان كان عايز يسمع صوتك
ابتسمتي اختفت وانا ببلع الغصة اللي حسيت بيها
غمضت عيوني بألم وسندت رأسي لورا
قرب يزن من غيث واتكلم بهمس ـ عجبك كده اهي رجعت تاني على نفس الحالة
ـ طب هو انا عملت ايه يعني ...ماهي اكيد مش هتنسى وهي قدام اوضة العمليات مستنياه
بعد شويه
فتحت عيوني لما سمعت صوتها
كانت رحمة بتقرب علينا
قمت وقفت وحضنتها وانا بعيط
وهي ضمتني ليها اوي وهي بتمسد على ضهري
خرجتني من حضنها ومسحت دموعي ـ ادعيله يا هنا ادعيله يبقى كويس
أتكلمت بلهفة ـ كويس إنك فكرتيني في مسجد هِنا أروح أصلي وادعيله
أبتسمت ـ اه يا حبيبتي تعالي نروح ونصلي مع بعض
روحنا انا وهي علشان نصلي
اتوضيت
وجهزت وبدأت الصلاة
سجدت وفضلت ادعي كتير بلغة اللي تعجبني وربنا بيفهمني وهيستجيب إن شاء الله ـ يارب ..يارب انا مبقاش ليا غيره في دنيا دي يارب ...يارب انا محتاجه جنبي يارب ....يارب اشفيه
بلعت ريقي وانا بتحكم في نفسي وفي دموعي ـ يارب خرجه بسلامة يارب .....يارب انا مش هقدر اعيش من غيره .....يارب أنت الشافي المُعافي يارب
خلصنا صلاة
وانا مسحت دموعي وانا وبحط ايدي على قلبي
حسيت براحه كبيرة اوي في قلبي
ابتسمت ـ الحمدلله على نعمة الإسلام بجد ...اللي تخلي قلب الواحد مرتاح اوي كده
رحمة قربت مني ـ غيث بعتلي رساله قالي إن الدكتور خرج وبيكلمهم
قمت بسرعة ـ طب يلا خلينا نروح بسرعة
قربت من غيث ويزن
كانوا واقفين لوحدهم والدكتور ماكنش موجود
ابتسم غيث
حسيت براحه ـ قالك إيه
ـ الحمدلله الدكتور طمنا عليه
أبتسمت وغمضت عيوني براحه وقلت بهمس ـ الحمدلله
بصيتله تاني ـ هو ممكن نشوفه
ـ هينقلوه اوضه عادية الأول بعدها تقدري تشوفيه
بص على رحمة ـ هروح انا و يزن نخلص شوية إجراءات وأنتِ خليكي معاها وخلي بالك من نفسك ومنها والرجاله معاكم
أبتسمت ـ حاضر
مشي غيث ويزن وانا قعدت على الكرسي وانا بحمد ربنا
ـ ليه مقولتلهاش
قالها يزن باستغراب ل غيث
ـ كنت عايز اطمن قلبها
ـ طب افرض حصل مضاعفات فعلاً هي كده مش هتتعب تاني على الأقل كنت تمهدلها مش تريحها اوي كده
ـ إن شاء الله ميحصلش حاجه
---------------------------------------------
في مكان تاني اول مره نروحه
ـ كاظم السيوفي هاجم الوحش
حط كوباية المياه على المكتب بصدمة
ـ ايه اللي بتقوله ده
ـ هو ده اللي حصل يا باشا
ـ طب وهو عامل ايه دلوقتي
ـ خرج من العمليات بس الدكتور قال إن ممكن يحصله مضاعفات
ـ روح فوراً أمن المكان هناك ... أعداءه اكيد عرفه ومش هيرحموا وهو في الحالة دي ...مش عايز حاجه تحصله فاهم
ـ أمرك يا باشا
قالها التاني وهو بيقوم
اتنهد بقلق ـ يارب احميه واحفظه يارب
----------------------------------------------------
عند كاظم السيوفي
ـ الدكتور قال ايه
قالها كاظم ببرود وهو بيشرب القهوة بتاعته
ـ قال إنه بقى كويس بس ممكن تحصله مضاعفات
حط الفنجان على المكتب
وبص قدامه و ملامحه كانت متشنجه ـ كل مره بهاجمه بيهرب من الموت بأعجوبة
بصله ـ وعيلته فين
ـ حاولينا نتعقبهم معرفناش غيروا مكانهم
خبط بإيده على المكتب بغضب ـ اغبياء
ـ نفذ اللي قلتلك عليه
ـ بس يا باشا رجالته محاوطه المكان مش هنعرف
مسك مسدسه وصوبه ناحيته واتكلم ببرود ـ تحب أعرفك انا بنفسي
أتكلم التاني بخوف وهو بيهز أيده ـ لأ لأ يا باشا خلاص أمرك ...هنا هتكون عند حضرتك من بكره
ـ يلا غور
قالها بعصبية
مشي التاني من قدامه بخوف
وهو قعد تاني واتكلم بغضب ـ نهايتك هتكون على أيدي يا راكان
-------------------------------------------------
في المستشفى
ـ متقلقيش يا حبيبتي هو بقى كويس دلوقتي...ادعيله أنتِ بس ...ولما يفوق إن شاء الله هجيبه على عندك
ـ ماشي يا غيث خلي بالك منه
ـ حاضر يا حبيبتي
قالها بعدها قفل
ولسه بيلف
اتخض ورفع أيده واتكلم بقلق ـ ايه يا رحمة هتموتيني بسلا.حي
كانت رحمة واقفه وماسكه المسدس ومصوباه عليه
أتكلمت بنرفزة ـ مين اللي كنت بتكلمها دي وبتقولها حبيبتي يا غيث
ـ أهدي بس يا حبيبتي مش كده
ـ متقولش حبيبتي وإلا هفرغ المسدس ده في دماغك
ضحك عليها ـ يا مجنونه أنتِ مسكاه بالمقلوب أصلا أنتِ مصوباه على الأرض
بصيت على المسدس اللي في أيدها وعدلته عليه
رجع لورا بخوف ـ على فكره ممكن أموت كده
قربت منه وهي بتضحك بشر ـ وده المطلوب
ـ يا بنتي دي تيتا كنت بطمنها على راكان والله
نزلت أيدها وقالت بفرحة ـ بجد... يعني أنت مش بتخوني
شد منها المسدس واتنفس براحه بعدها بصلها بغيظ ـ مش لما اتجوزك الاول ابقى اخونك
ـ بموتك
قالتها لي وهي بتبرق
ضحك عليها وقرب منها بهمس وهو بيرفعلها حواجبه ـ ليه بتحبيني
بعدت عنه بتوتر ـ ملكش دعوه
ـ ايه ملكش دعوه دي
قالها بضيق وهو بيعدل وقفته
ـ لا مبحبكش ...ملكش دعوه بقى
قالتها بنرفزة
ضحك ـ لا مصدقش محدش مبيحبش حد ميعملش اللي كنت هتعمليه من شويه وأحنا قارين الفاتحه بس
أبتسمت بإحراج ـ تعرف إنك غلس
ـ لا يا قمر لسه عارف
ـ انا مش عارفه ايه اللي موقفني معاك بصراحه
قالتها وهي بتتحرك عشان تمشي من قدام راح وقفها صوته ـ اسألي قلبك يا حلوه
مشيت وهي بتضحك من قدامه
راحت ل هنا
ـ يلا يا هنون علشان تأكلي
ـ مليش نفس يا رحمة بجد
ـ يعني ايه بقى ما لكيش نفس على فكره راكان لو صحي ولقاكي ما اكلتيش هيزعل منك قوي وأنتِ عارفه ده
بصيت لها ـ يا بنتي انت عايزه ايه
ـ عايزاكي تاكلي عشان انا كمان ما اكلتش يلا ده الساندوتش السوري اللي بتحبيه كمان في ايس كوفي بالكراميل
بصيت على الايس كوفي وابتسمت لما افتكرت
ماليت عليا وهي بتقول بمكر ـ ايه سر الابتسامه دي بقى
ضحكت عليها وعلى حركتها ـ الموضوع كبير اوي مش هتعرفيه
ـ ده ليه علاقه بسي راكان يعني
ضحكت ـ انا كل حياتي ليها علاقه براكان يا رحمة
اتكلمت بقرف مصطنع ـ طب بس بلاش بقى رومانسيه عشان بتلعي نفسي اوي
بصيت لها بغيظ ـ وحياة خالتك وغيث ده نظامه ايه
ضحكت ـ يلا يا هنا كلي يا هنا
ابتسمت واخذت منها الساندوتش و اكلته
مسكت الايس كوفي و اخذت منه شفطه وانا بتلززه اول مره احس انه حلو اوي كده بسبب كلامه عنه بسبب اللقب اللي مطلعه عليا مستنيه بكره تفرغ الصبر عشان اشوفه وهو مفتح عينه
اتنهدت وكملت أكل وسط نكش رحمة ليا
انا عارفه ان هي بتعمل الحركات دي عشان تريحني وتنسيني اللي حصل ربنا يخليها ليا بجد
--------------------------------------------------
في مكان تاني
ـ غيث قالك إيه يا تيتا
ـ بقى أحسن يا بنتي وخرج من العمليات
اتنهدت لميس ـ الحمدلله... الحمدلله بجد
ـ كايلا عامله ايه
أتكلمت بحزن ـ حاولت افهمها أن اللي حصل مقلب بس هي فضلت خايفه برضو
هروح أكلم يزن هي هترتاح لما تكلمه
ـ ماشي يا بنتي
قامت وطلعت اوضة بنتها
دخلت لقيتها قاعدة بتتفرج على التلفزيون
ـ كايلولي عامله ايه
قالتها وهي بتقعد جنبها
اترمت في حضنها ـ مش كويسه يا ماما ...بحاول اكون كويسه واتفرج على التلفزيون بس مش عارفه انسى ايه اللي حصل خالص
ضمتها لميس ليها ـ طب ايه رايك نكلم بابي ونسأله اذا كان راكان كويس او لأ
خرجت من حضنها وهي بتقول بلهفه ـ ماشي ياريت
ـ ماشي انا هكلمه عشان اثبت لك ان اللي حصل ده كان المقلب وكانوا بيهزروا مع بعض وهو راح الشغل بتاعه
ـ طب ماشي خليني اكلم بابي
فتحت لمس التليفون وشغلت السبيكر فضل يرن حبه بعدين يزن رد ـ ايوه يا حبيبتي
اتكلمت لميس بسرعه علشان ما تخليهوش يقول حاجه ـ يزن انا فاتحه السبيكر وكايلا جنبي هي كانت عايزه تطمن على راكان انا قلت لها ان اللي حصل ده كان مقلب وإن انتم بتهزروا مع بعض بس هي مش مصدقاني ممكن تقول لها انت
اتكلم يزن بحنيه ـ كايلولي
ردت كايلا عليه ـ نعم يا بابي
ـ راكان كويس يا حبيبتي بس هو بيشتغل دلوقتي وأنتِ عارفه ان هو لما بيشتغل ما بيخليش حد يكلمه فبكره يكون خلص شغل هديك التليفون تكلميه ايه رأيك
ـ طيب ممكن تخليني اكلم كراميلا علشان بس ارتاح شويه
ضحكت عليها لميس ويزن أبتسم ـ حاضر يا حبيب بابا هخليكِ تكلميها
راح يزن وادى التليفون لهنا
ـ الو كايلولي
ـ كراميلا...أنتِ كويسه وخالو كويس مش كده
ابتسمت ـ اه يا حبيبتي احنا كويسين وبكره هخليكي تكلمي خالو ماشي عشان هو بيشتغل دلوقتي وهنيجي كمان
ـ طب خلاص وعد يعني
ضحكت ـ اه يا حبيبتي وعد
اديت التليفون ليزن
ولميس اتكلمت ـ شفتي صدقتيني هروح انا اكلم بابي وانت كملي الكرتون ماشي
هزيت راسها بابتسامه واتفرجت على التلفزيون
قفلت لميس السبيكر واتكلمت ـ هو كويس مش كده يا يزن صح
ـ اه يا حبيبي بقى أحسن متقلقيش و نقلوه اوضه عادية كمان
اتنهدت براحه ـ غيث قال كده لتيتا بس كنت عايزه اطمن منك أنت
أبتسم ـ حبيب قلبي انا ...على فكره وحشتيني
ضحكت ـ إحنا في ايه ولا في ايه بجد
ـ مهما تكون الظروف بتوحشيني
ـ وأنت كمان وحشتني اوي
ـ لأ ده انا اجيلك بقى
قالها بضحك بعدها كمل بتحذير
ـ لميس محدش يطلع من البيت فاهمه
ـ حاضر والله يا يزن متقلقش وبعدين ما انتوا مأمنين المكان يعني
ـ مهما يكون إحنا كنا مأمنين المكان شوفتي ايه اللي حصل
ـ حاضر يا حبيبي محدش هيطلع فينا بره
-------------------------------------------------
دخلت الاوضه بتاعته
كان نايم على السرير وشكله مرهق اوي
وأجهزة كتير متوصله بيه
قربت منه
قعدت قصاده
ملست على شعره وطبعت بوسه على جبينه
بعدها عدلت نفسي ومسكت ايده بين ايديا الاتنين
ـ ربنا يقومك بالسلامه يا حبيبي يارب
في صباح اليوم التالي
صحيت من نومي لقيتها ماسكه ايدي ونايمه
نفضت ايدي بعيد عنها
قمت مخضوضه ـ راكان
ـ أنتِ مين سمحلك تقربي مني
أتكلمت بعدم استعياب الي بيقوله وقربت منه ـ حبيبي أهدى أنت متعصب ليه
أتكلم بغضب جهوري ـ لو قربتي مني هتشوفي اللي عمرك ما شوفتيه .....يا بنت عدوي