رواية الوحش الفصل التاسع عشر19 بقلم حنان أحمد ماهر
ـ بنت عدوك!!
قلتها بصدمة ولوهله حسيت كل حاجه انتهت بعد جملته دي
حاولت اتحكم في دموعي اللي اتجمعوا فجأة
ـ راكان ...ممكن تهدى وتفهمني مالك بس
ـ راكان !! ..أنتِ إزاي تتجرأي وتنطقي إسمي على لسانك
ـ أتجرأ!!... ليه هو أنا مليش حق
أتكلم بنرفزة ـ انا مش عايز أتكلم معاكي
ونَادى بصوت عالي ـ غيييث
دخل غيث على صوته هو ويزن
ـ مالك يا راكان في ايه
قالها غيث بإستغراب وقلق عليه
شاور عليا ـ البت دي بتعمل ايه هنا
مفهمش غيث سؤاله وبص عليا يمكن أفهمه بس انا هزيت رأسي ودموعي نزلوا
رد عليه يزن ـ هتكون بتعمل ايه يا راكان دي مراتك
ـ أنا أموت ولا دي تبقى على زمتي
انا في اللحظة دي فاض بيا الكيل قربت منه واتكلمت بعصبية ودموع ـ إيه اللي أنت بتقوله ده ايه اللي حصلك فجأة....يعني ايه ....أنت واعي للي بتقوله...على فكره انا مش هنسى جرحك ده أبداً
بص في عيوني اوي واتكلم بحده ـ وده المطلوب أصلا
رجعت خطوة لورا بعدم تصديق للي بيحصل وحطيت بوقي وانا حاسه اني بَنهار
أتكلمت بهمس وانا بهز رأسي بانهيار ـ لأ لأ مستحيل ده يحصل... لأ مش هينتهي كل حاجه فجأة كده
قرب عليا غيث بقلق ـ هنا أنتِ كويسة
بصيت عليه لقيته باعد نظره عني ولا كأنه مهتم
حسيت بدوخة رهيبه
وطشاش في عيني
استسلمت للي هيحصلي ووقعت على الأرض مغمى عليا
--------------------------------------------
في مكان تاني في المستشفى
ـ الو ايوه يا كاظم بيه... أسمع الخبر ده الوحش فقد الذاكرة
قام من على الكرسي بعدم استعياب ـ أنت بتتكلم جد
ـ ايوه يا بيه سمعت الدكتور بيقول ل غيث كده ...قالوا بالحرف كده راكان عنده فقدان ذاكرة مؤقت وهياخد وقت لحد ما ترجعله
ابتسم التاني بمكر ـ الكوره بقت في ملعبنا خلاص
بعدين كمل ـ أسمع اللي هقولك عليه ده ... أنت تحاول تاخد هنا وتيجي على العنوان اللي هبعتهولك
ـ بس يا بيه ...هنا اغمى عليها مره تانيه وحطوها في اوضه حراس راكان كلهم محوطينها
ـ يبقى استنى لما تفوق بقى ...هو أكيد هيمشيها لأنه مش فاكر حاجه دلوقتي ف استنى لما تخرج من المستشفى
ـ أمرك يا بيه
--------------------------------------------------
في مكان تاني
أتكلمت بنوم ـ ايوه يا غيث
ـ يا صباح الخير متأخر يا عود بخور متبخر كل لما اجي أتصل بيك الاقيك نايم وبتشخر
بصيت على التليفون بإستغراب ـ غيث هو أنت اللي بتكلمني
ـ أمال أمي
قالها بغيظ
ضحكت عليه ـ إيه اللي أنت قلته ده مفهمتش حاجه
ـ ماهو أنا مكدبتش كل ما اجي أتصل بيكي الأقيكي نايمه ...لازم أتصل فوق العشرين مره علشان تردي
ـ يعني واحده مرّوَّحه على وش الفجر ... عايزها تعمل ايه غير إنها تبقى نايمه
ـ طب بصي اسمعي اللي هقولك عليه ده بس أمسكي أعصابك
اتكلمت بقلق ـ خير
ـ هنا اغمى عليها مره تانيه
قامت من على السرير بخضه ـ ايه ليه ما كانت كويسه
حاكلها اللي حصل
ـ طب ..طب انا هلبس واجي حالا
ـ طب ابقى اركبي مع السواق اللي بعتهولك والرجاله هتمشي وراكي
ـ ماشي يا حبيبي
لسه هتقفل
ـ استني هِنا أنتِ قلتي إيه
ضربت على جبهتها بخفه وهي بطلع لسانها
ـ رحمة
ـ نعم
ـ أنتِ قولتي إيه
ـ مقولتش حاجه
ـ لأ قولي اللي قولتيه من شويه
ـ يا غيث هو ده وقته
ـ اه عادي وقته
ـ يوووه منك مش هعرف اقولها هي طلعت بتلقائية استنى بقى لما تطلع تاني
ـ وحيات خالتك
قالها بغيظ
ـ على فكره خالتي تبقى أمك يا حبيبي
قلتها تاني بضحك
حطيت ايدي على بقي ـ وربنا لساني ده متبري مني
ضحك ـ أموت أنا في التلقائية دي
اتكسفت وقفلت الخط
وهو ضحك عليها
---------------------------------------------
بعد مدة من الوقت
فتحت عيوني لقيت رحمة قاعده جنبي
عدلت نفسي وحطيت ايدي على رأسي بوجع
عيطت وانا حاسه بوجع في قلبي
قربت مني رحمة ـ هنا أهدي الله يخليكِ ... كفاية بقى اللي بتعمليه في نفسك ده
بصتلها واتكلمت بصوت مقطع ـ أنتِ متعرفيش...هو ...هو قالي ..ايه ...ده ..ده ..ده قالي يا بنت عدوي يا رحمة
ـ طب أهدي يا قلب رحمة بس كده
ـ ازاي يعني ...هو ايه اللي حصله ...ازاي يقولي كده
ـ الدكتور قال إنه فقد الذاكرة
بصتلها بصدمة من اللي بتقوله ـ إيه اللي بتقوليه ده
رفعت كتافها لفوق وهي بتقول بحزن ـ هو ده اللي حصل يا هنا ....راكان عنده فقدان ذاكرة مؤقت
حطيت أيدي على بوقي بحاول امنع الشهقه اللي خرجت مني
اتكلمت تاني وانا بمسح دموعي وبنظم أنفاسي
ـ ازاي ...هو مش كان كويس إمبارح...مش الدكتور قال إنه كويس ....إيه اللي حصل فجأة ده
ـ هو قال إن كويس بس قال كمان إن ممكن تحصله مضاعفات
ـ وليه غيث ماقليش
ـ غيث كان خايف عليكِ تتعبي تاني علشان كده متكلمش
أتكلمت بدموع ـ طب على الأقل كنت ابقى واخده فكره ان حاجه ممكن تحصل مش ابقى على عَمَياه كده
ـ طب أهدي بس علشان متتعبيش تاني
ـ أتعب ايه بس بعد اللي حصل ده ..انا كل ما أقول خلاص هنعيش تحصل مليون حاجه تبعدنا عن بعض...انا تعبت اوي خلاص مبقاش ليا نَفس للي بيحصل ده
حضنتني ـ معلش يا حبيبتي...ده ابتلاء لازم ترضي باللي ربنا كتبهولك
حضنتها
بعدها خرجت من حضنها ـ هو الدكتور قال ممكن يخف امتى وكده
ـ دي حاجه بتاعت ربنا
رفعت راسي لفوق وقلت بهمس ـ يارب
----------------------------------------------------
كان غيث قاعد معايا وبنتكلم
بعدها دخل يزن علينا ـ كايلا عايزه تكلمك أنت وهنا فيديو كول
أتكلمت بضيق ـ وهي شافتها فين أصلا علشان تكلمها معايا
ـ يا راكان ما قولنا إنك جبتها معاك وعرفتها على العيله
ـ مش عارف كان فين عقلي وقتها
ـ لا هو إحنا اللي مش عارفين دلوقتي فين عقلك
قالها يزن بسخرية
ضحك غيث عليه وراكان بصله برفع حاجب ـ نعم
ـ يعني يا راكان حتى لو فاقد الذاكرة زي ما بيقولوا...بس أنت أصلا بتحبها من سنين ف ليه تتصرف كده معاها
ـ علشان ده اللي لازم اعمله أصلا...انا مش فاهم كنت بتعامل معاها إزاي علشان تتصدموا كده من رد فعلي
بصوا هما الاتنين لبعض
غيث ضحك
ويزن بصلي واتكلم بمكر ـ مثلاً مثلاً كنت بتأكلها قدامنا
ـ نعممم!!!
ـ لأ ومش كده كمان كنت بتتحايل على تيتا علشان تقولها تأكلك برضو قدامنا
ـ أنت واعي للي بتقوله
ـ أكتر منك
ـ يزن
قلتها بتحذير
بعدها كملت ـ أنت عمّال تسوق فيها علشان عارف إني تعبان ومش قادرلك
ـ كويس إنك عارف
قالها ببرود علشان يستفزني أكتر
راح أدخل غيث بسرعة ـ يا بني أسكت أنت مش حمل اللي هيحصلك
بعدها بصلي ـ معلش يا راكان تعالى على نفسك وكلم كايلا معاها ... علشان بس هي كانت خايفه ومعرفتش تنام كويس برغم أن إحنا كلمنها إمبارح بس عايزه تكلمك وتشوفك
اتكلمت بضرر ـ طب خلاص شوفوا هيا فين وهَتوها
بعد شوية من الوقت
دخلت الاوضه معاهم
كان شكلها مرهق اوي عن العادة
قربت مني وقعدت جنبي
وانا شدتها ليا
بصتلي بصدمة ـ بما إن انا اخدتك لعيلتي وزي ما بيقولوا اتعاملت معاكي كويس يبقى لازم أتعامل كده علشان البنت مَتشكش
أبتسمت واتكلمت برقة ـ أنت تعمل اللي أنت عايزهُ يا وحش
عيوني اتعلقت بعيونها
لقيت غيث بيضحك من تحت لتحت
بصيتله بغيظ
ويزن قرب وهو بيدينا التليفون ـ بيرن أهو
أخدته منه وهي مسكته معايا
أيدها كانت فوق ايدي
بصيتلها شويه بعدها انتبهت للفون كانت كايلا ردت ـ خالو حبيبي عامل إيه
أبتسمت واتكلمت بحنيه ـ كويس يا قلب خالو
ـ أنا خوفت عليك اوي ...بس مامي وبابي وكراميلا قالوا إن ده كان مقلب وكنتوا بتلعبوا
ـ كراميلا
قلتها بهمس
أخدت بالها وابتسمت واتكلمت جنب وداني بهمس ـ اه كراميلا يا قطتي
اتصدمت من اللي قالته بس ده مش وقته
بصيت تاني ل كايلا ـ ايوه يا حبيب خالو ده كان مقلب
ـ صدقتينا بقى يا ست كايلا
قالتها هنا بضحك
ابتسمت على ضحكتها وهي أخدت بالها روحت خفيت الابتسامه
ضحكت كايلا ـ أه خلاص صدقت
كملت ـ هتيجوا امتى بقى
ـ يومين يا حبيبتي ونكون عندك
ـ ماشي يا خالو يلا باي
قفلنا معاها وبعدت عنها
لقيته بيبعد عني
قمت وانا حاسه بوجع في قلبي رهيب ميتوصفش
أتكلمت بخنقه وانا حاسه بدموعي اللي بدأوا يتجمعوا في عيني ـ انا هطلع بره اشم شوية هواء
قربت رحمة مني ـ خلاص هاجي معاكي
حاولت أبتسم ـ لأ معلش يا رحمة انا عايزه ابقى لوحدي
ـ ماشي يا حبيبتي اللي يريحك
ـ خلي بالك من نفسك والرجاله هيبقوا حواليكِ
قالها غيث
أبتسمت وهزيت رأسي ومشيت
خرجت بره المستشفى وانا بحاول أخد نفسي مش هقدر أعتاد على معاملته الجافة دي مره تانيه
طب انا كنت مستحمله ده من قبل ما أحبه
لكن مش بعد ما حبيته...قلبي مش هيستحمل ده
خصوصاً بعد ما عرفت كل حاجه عنه
بس انا كمان مش هستحمل اني أبعد عنه ... وأصلا أصلا مبقاش ليا غيره فَ
وقفت بحزم وانا بمسح دموعي ـ مهما يكون هفضل معاه لحد ما ترجعله الذاكرة وهبقى أطلعهُ على عينه بعدين
لفيت علشان ارجع المستشفى
بس فجأة عربية وقفت قصادي ومن غير أي مقدمات
شدوني لجوه وخدروني و...