رواية بابت بقي بطلي تستغلي منصب ابوكي الفصل الاول1بقلم ليلان سلامة
يَا بت بقى بطلي تستغلي منصب أبوكي فِي الكُليه مش معقُول كدا!!
اتكلمت وأنا بضحك عليها:
_ والله يا امي دي احسن حاجه عملتها الناس بتخاف مني....
اتكلمت امي بتريقه وسُخريه وقالت:
_ والله يا مِيرال أبوكي لو عرف ما هيسيبك!
_ يا ماما مكنش حتت دكتُور هددني انُه هيسقطني فا قُولتله انا أبويا شغال لوا في الدخليه...
لقيت الشبشب اترمي عليا طلعت أجري علىّ اوضتي بسُرعه وأنا بضحك......
____________________________
سمعت صوت مرَوان أخويا برا عرفت ان امي هتحكيله علىّ للِي عملتُه...
لقيت باب اوضتي اتفتح ودخل منُه مرَوان اخُويا وقال:
_ يا بنتي كفايا سيط في الكُليه وربنا أبوكي لو عرف هيحبسك...
_ يا مروان الدكتور كان عايز يسقطني بيهددني....
_ وانتِ تسكُتي لا طبعاً....
_ ايوا يعني ما اقوله الحقيقه...
_ يا بت دا الناس مبتحبش تقُول مناصب حد من عائلتها علشان ميفكروش انهم جم الكُليه وان اي حاجه بتحصلهم واسطه دا انتِ ناقص تجيبي مايك و تقفي في نص الكُليه وتقُولي....
اتكلمت برخامه وقُولت:
_ طب والله فكره ياض يا مرَوان شكراً يا حبيبي ونعم الاخوه!
مسك المخده ورماها عَليا و قال:
_ دا انتِ عيله بارده...
______________________________________
طلع وبعدين قعدت اضحك عليها رُوحت اتوضي واصلي العصر وقرات أذكار المساء وبعدين طلعت علشان أرخم علىّ امي شويه وأنا بساعدها اتكلمت وقولت:
_ مش ناويه تخلي بابا يوافق علىّ الشُغل...
_ مليش دعوه يا مِيرال انتِ حُره انتِ و أبوكي...
_ يعني انتِ موافقه؟
اتنهدت وقالت:
_ القرار ل أبوكي في الاخر يا مِيرال!
_ ماشي هخليه يوافق...
طلعت حطيت الاكل علىّ السُفره وبعدين لقيت بابا جه طلعت أجري عليه حضنتُه وقُولت:
_ الحج بنفسُه وصل عم الناس وصل...
_ يا بكاشه انا طالع اغير ونازل...
_ ماشي يا حبيبي....
أتكلم مروان أخويا بصوت واطي وقال:
_ متفكريش بحركاتك دي انه هيوافق كدا!
_ ملكش دعوه يا بارد!
_ ولو هُو وافق انا مش موافق!
شوحت لي بإيدي ومتكلمتش لقيت بابا نازل علىّ السلم قعدنا علىّ السُفره و اتكلمت وقُولت:
_ بابا عايزه اقولك حاجه..
أتكلم بابا بتنهيده وقال:
_ مِيرال موضوع الشُغل مُنتهي مش هتشتغلي في ورشه ميكانيكا!!
_ ليه يا بابا دي الحاجه للِي بحبها وعايزه اعملها!
_ مِيرال اختاري حاجه تانيه افضل انا مش ممانع انك تشتغلي بس شُغلانه تانيه!!
_ بس انتَ عارف يا بابا قد ايه انا بحب الميكانيكا و العربيات والجو دا انا حباه!
_ مِيرال مش كفايا اني وافقت انك تختاري قسم ميكانيكا؟رغم اني مكُنتش موافق واصريتي وعملتي للِي في دماغك رغم عدم موافقتي علىّ القسم!!
_ بس دي حياتي أنا يا بابا وأنا للي اختاره انا بحبَك وبثق فيك بس دي الحاجه للِي بحبها وبلاقي نفسي فيها!!
_ مِيرال خلاص الموضوع انتهي!
_ بس يا بابا!!
_ قولت خلاص يا مِيرال!!
بصتلُه بحُزن وأنا بفتكر ذكريات القسم...
______________________________________
فلاش باك:
دخلت البيت وقولت:
_ فينكو يا أهل البيت!
رد مرَوان وقال:
_ احنا هنا...
_ بابا انتَ وعدتني اني لو جبت GPA عالي هتجبلي عربيه صح؟!
_ ايوا!!
_ وأنا جبت 3.4!
_ مبرُوك يا قلب بابا ها هتدخلي قسم ايه؟
اتكلمت بحماس وعيُوني بتلمع:
_ ميكانيكا حلمي!
لقيت ملامح بابا اتغيرت وقال:
_ طب ما تشُوفي حاجه احسن يا ميرُو...
_ مفيش حاجه احسن دا حلمي وأنا حباه...
_ مِيرال اختاري قسم تاني لاني مش موافق!!
_ يعني ايه يا بابا مش موافق بابا انتَ اكتر واحد عارف انا حابه القسم ازاي وان دا حلمي من وأنا صغيره!!
_ بس انا مش حابب القسم ومش موافق يا مِيرال ومش هتدخليه!!
اتكلمت والدمُوع بدأت تتجمع في عيُوني وقولت:
_ بس انا عملت كُل للي عملته والتعب والسهر علشان ادخل هندسه علشان أحقق حلمي وادخل ميكانيكا وانتَ عارف اني نفسي افتح ورشه اشتغل فيها!!
_ ميرال خلاص هتدخلي عماره!
_ انا مبحبش عماره يا بابا وانتَ عارف اني رفضاه رفض تام!
_ ميرال خلاص مش وقته كلام بس خلي في علمك مفيش دخُول قسم ميكانيكا!
طلعت اوضتي وفضلت اعيط وبعد فتره لما روحت اقدم علىّ القسم اترفضت منه طلعت وأنا بضحك ب سُخريه وأنا عارفه ان بابا السبب في رفضي...
روحتله شُغله وقولت:
_ ليه يا بابا بتعمل كدا ليه مش عيزني أحقق حلمي!
_ بس أنا مش موافق...
_ بس انتَ عارف حُبي للعربيات عامل ازاي؟!
_ ممنعتش انك تحبي العربيات انا مانعت شُغلك فيهم!
_ بس أنا حابه الشُغل دا!
_ والشُغل دا مش مُناسب ليكي!
سحبت شنطتي ومشيت علشان عارفه ان الجدال معاه
عدت فتره وبابا رافض رفض تام!حاولت اني أحول من الكُليه واروح كليه في محافظه تانيه وفعلاً عملت كدا بس للاسف بابا عرف وبهدل الدُنيا ومع محيلات ماما ل بابا وافق اني ادخل قسم ميكانيكا و ساعتها قالي:
_ انا وافقت علشان مش عايز ازعل امك لكن انا مش موافق ومش هتشتغلي فيها يا مِيرال!
باك:
فوقت من ذكرياتي وأنا عارفه ان بابا مرداش يرفض ل ماما طلبها بابا بيحب ماما جداً ومش بيحب يزعلها!!
_______________________________________
تاني يوم قُومت ارُوح الكُليه وقابلت ملك صاحبتي وللي في قسم عماره وقالت:
_ ميِرا عامله ايه؟
اتكلمت بضيق وقولت:
_ قولتلك يا ملك مش بحب الاسم دا!!
ضحكت ملك وقالت:
_ بس أنا بحبُه!!
بصتلها بغضب فا هي قالت:
_ مالك اتخنقتي مع باباكي تاني صح؟
_ ايوا..
_ انا حاسه انه هيوافق قريب متبطليش تحاولي يا مِيرا!
_ بحاول يا مالك والله بس الموضوع مكعبل...
_ انا معاكي خليكي وراه واقنعيه لحد ما تحققي حلمك..
حضنتها وقولت:
_ يارب يا ملك ادعيلي!!
سيبتها ودخلت علشان أحضر المُحاضرات بتاعتي وهىَ كمان!
دخلت المُحاضر وفضلت سرحانه لحد ما الدكتور قال:
_ انتِ يا انسه يا للِي ورا؟
_ بتكملني انا يا دكتور؟
_ شايفه بكلم حد غيرك؟
_ نعم؟
_ كُنت بقول ايه؟
_ معلش يا دكتور مكنتش مركزه..
_ هو انتِ بتبجحي معايا؟
_ ببجح في ايه حضرتك قولت كُنت بقول ايه قولت اني مكنتش مركزه!
أتكلم واحد من للِي قاعدين وقال:
_ خلاص يا دكتور دي بنت اللوا نوح السعدي!
أتكلم الدكتور بغضب وقال:
_ وأنا المفروض أعمل إيه ما يجي يشُوف بنته للِي مربهاش بترد عليا!!
_ حضرتك الحمد لله أبويا رباني احسن تربيه بدليل ردي عليك حالياً!!
أتكلم الدكتُور بغضب وقال:
_ اتفضلي اطلعي برا لحد ما اخلص يلا روحي مكتب العميد لحد ما نوح بيه يجي يشوف بنتُه!!
روحت مكتب العميد وبعد شويه لقيت بابا داخل ومعاه الدكتور أتكلم بابا وقال:
_ في ايه يا دكتور؟
_ في ان بنت حضرتك مش متربيه و بترد عليا في نص المُحاضره قدام زمايلها ومش مركزه في الكلام للي بقوله!
أتكلم بابا بعصبيه مفتكرش اني شوفتها غير مرات قليله جداً وقال:
_ بص يا دكتور انا بنتي متربيه كويس اوي لكن انك تغلط في بنتي كدا مسمحلكش بدل ما انتَ عارف اني أقدر اعمل فيك ايه؟!
أتكلم العميد وهو بيلم الموضوع وقال:
_ خلاص يا نوح بيه بنت حضرتك فوق راسنا محدش يقدر يكلمها...
خدني بابا وركبنا العربيه اتكلمت وقولت:
_ بابا..
_ مش عايز اسمع صُوتك لحد ما نروح...
روحنا اتكلمت وقولت:
_ بابا انا مردتش عليه ولا قليت ادبي عليه هو قالي كنت بقول ايه قُولتله مكنتش مركزه!
_ وايه للي شاغل دماغك بقى مش انتِ في القسم للي الهانم عيزاه مش مركزه ليه؟ بتخلي واحد زي دا يقول عليكي كدا ليه؟ مفيش شُغل ويلا اتفضلي بقى اطلعي اوضتك...
طلعت وأنا غضب الدُنيا فيا صليت وقعدت فتحت المُوبيل بقلب في الصُدفه لقيت ورشه ميكانيكا أعلنت انهم عايزين ناس تشتغل دخلت سألت علىّ التفاصيل و عرفت ان المُقابله هتبقى بكرا...
رُوحت نمت تَاني يُوم قُومت بحماس خدت شاور اهدي أعصابي ولبست ونزلت كان بابا و مرَوان مش موجودين في شُغلهم وماما نايمه نزلت روحت المُقابله وشُوفت المكان كان بسيط شويه بس مهمنيش كل دا المهم هشتغل في الحاجه للي بحبها والحمد لله اتقبلت روحت كانت ماما صحت قالتلي:
_ كنتي فين يا ميرال؟
_ ماما أنا هشتغل!
اتنهدت ماما بتعب مني ومن عنادي:
_ عنادك دا مش هيجيبك غير ورا!!
_ ماما نفسي تفهمو ان دا حلمي واني نفسي اشتغل في الحاجه للي بحبها..
_ و المطلُوب؟
_ مفيش حاجه مطلوبه روحت مقابله شغل واتقبلت وهشتغل!
_ منغير ما تقولي ل أبوكي!
_ انا مش هخبي عليه بس مش هقوله صريحه كدا كدا بابا هيعرف!!
_ انتِ حُره مفيش حد هيزعل غيرك!
قومت بوست خدها وقولت:
_ متقلقيش كُل حاجه هتبقى بخير إن شاء الله...
بابا ومروان جُم وكالنا وطلعت نمت وبقيت اروح الكُليه أحضر المحاضرات المُهمه واروح الشغُل فضلت اشتغل حوالي شهرين و بابا...
في يُوم جه واحد غريب لابس خُوذه وكَان بايكر ومش شايفه حاجه منه غير عينه وجايب البايك بتاعته وقال:
_ البيك دي عايزه تتصلح عطلت..
_ طب اتفضل خُد دور علشان عندي شُغل...
_ لا ما..
_ لا ايه؟
_ صلحيلي بتاعتي الاول!
_ حضرتك الناس دي جايه من بدري لازم اخلصهم الاول!!
أتكلم ببرُود وقال:
_ وأنا قُولت انا الاول!!
قولت بعصبيه:
_ وانتَ مين يعني علشان اخلصلك الاول محسسني انك ابن الوزير!!
_ ملكيش دعوه خليكي في شُغلك!!
_ طب وانا مش هشتغل غير لما تاخد دور!!
لقيت صاحب الشُغل جه وقال:
_ خلصيلو البايك بتاعتُه يا ميرال هُو الاول!!
_ بس حضرتك دا لسه جاي حرام الناس للي واقفه دي!!!
اتكلم صاحب الشُغل بحده وقال:
_ مِيرال خلصي ل يزن البايك بتاعته علشان هُو عنده مُسابقات مش فاضي!!!
شديت البايك بعصبيه وعُنف فا إتكلم يزن ببرود:
_ طب براحه عليها طيب ولا اجبلك لمون يهديكي!!
بصتلُه بغضب ومردتش حاولت اهدي نفسي لقيتُه بيقول:
_ هتخلص امتي؟
_ ساعه!!
_ مش كتير شويه؟
هبدت للي في إيدي وقولت:
_ لا مش كتير ولو مش عاجبك تقدر تشوف مكان تاني؟!
أتكلم بإستفزاز وقال:
_ ايه رايك اقول ل مُديرك الكلمتين دول؟
_ انا مبخفش علشان تبقى عارف يلا بقى شوفلك حاجه تعملها!!
راح جاب كُرسي وقعد بعيد وبعد ساعه خلصت...
وأنا بسلمُه البايك لقيت بابا جاي عَليا اتصدمت....