رواية بابت بقي بطلي تستغلي منصب ابوكي الفصل الثاني2بقلم ليلان سلامة
وأنا بسلمُه البايك لقيت بابا جاي عَليا اتصدمت،جه واتكلم ليا بعصبيه وحده وقال:
_ بقى بتنزلي تشتغلي من ورايا رغم اني قُولتلك لا،وكمان من ورايا وانتِ عارفه اني مش موافق؟!
اتكلمت بتوتر وقُولت:
_ يا بابا لو سمحت نتكلم في البِيت لان دا مكان شُغل!!
_ بلا بيت بلا زفت ويلا بينا من هنا...
_ بس انا يا بابا مش هسيب شُغلي روح وانا هاجي وراك....
_ مفيش روح واجي وراك انتِ هتيجي معايا يعني هتيجي معايا انتِ سامعه!!!!
أتكلم يزن وقال:
_ حضرتك ممكن تسيبها دلوقتي...
_ انتَ مين يلا ملكش دعوه!!
_ يا بابا مينفعش كدا هنجيب مشاكل لصاحب الشُغل..
_ ميهمنيش واتفضلي قُدامي
مشيت مع بابا منعاً للمشاكل رُكبت العربيه لقيت بابا جاي ورايا وركب و رزع باب العربيه جامد وقال بحده:
_ بقى بتستغفليني و بتنزلي تشتغلي من ورايا!!
_ بابا انا مخبتش عليك او كذبت!
_ لا ما دا للي ناقص!!
_ يا بابا عارفه اني غلطت لما مقولتلكش بس انتَ عارف اني حاولت معاك كتير و حضرتك مش موافق!!
_ وهفضل مش موافق يا ميرال ومفيش شُغل تاني ولو حكمت احبسك في البيت هحبسك انتِ فاهمه!!
_ ليه يا بابا وعلشان ايه حاجه بحبها ونفسي اعملها دي حياتي أنا!!
_ وأنا أبوكي وأكتر واحد عارفك وفاهمك والشُغلانه دي متنفعكيش!!
_ طيب سيبني اجرب سيبني اختار؟!
_ انا قُولت للي عندي!!
_ بس يا بابا انا هشتغل وهكمل؟!
_ ميرال متعنديش معايا وانتِ عرفاني و أبقى قابليني لو ورشه قبلتك فا متطلعنيش عن شعُوري!!
سكت علشان عارفه الجدال دلوقتي ملهوش لازمه...
______________________________
وصلنا البيت ونزلنا من العربيه وماما اتكلمت بإستغراب:
_ ايه دا مالكو؟
اتكلم بابا بصوت عالي وقال:
_ بنتك المُحترمه شغاله من ورايا..
اتكلمت ماما بتوتر:
_ ليه كدا يا ميرال؟
بصلها بابا بشك وقال:
_ يعني ايه ليه كدا يا ميرال!!
اتكلمت ماما بتوتر اكبر وقالت:
_ عادي يا نوح مش بنتي بسألها!!
_ مريم هُو انتِ كُنتي عارفه ان بنتك بتشتغل؟
_ ها لا اه لا اه بصراحه بقى اه...
اتعصب بابا وقال:
_ هُو انا مليش لازمه في ام البيت دا علشان تتصرفو من ورايا...
قربت ماما من بابا وقالت:
_ حبيبي اهدى دا مش قصدنا هي نفسها في حاجه وعملتها..
_ نفسها في حاجه وعملتها وأنا قولت لا كلامي مش بيتسمع ليه!!
_ نوح حبيبي هىَ حياتها وهى حُره تتحمل نتيجه اختيارتها!!
_ مفيش عندي كدا انتو فاهمين!!!
________________________
طلعت اوضتي واتنهدت بتعب لقيت مروان داخل عليا وقال:
_ كدا يا ميرال تشتغلي من ورانا؟
بصتله وقولت بسُخريه:
_ علىّ اساس مش انتَ للِي قايل ل بابا؟
_ انا اقول ايه يا ميرال انتِ عارفه ان دايماً بابا مخلي حد وراكي...
_ وأنا بجد زهقت نفسي اعيش حياتي شبه الناس منغير ما يكون في ناس ورايا وتقول اخباري اول ب اول ليكو...
_ ميرال احنا بنعمل كدا خوف عليكي أبوكي شغال في الدخليه وأكيد في ناس عايزه تأذينا!!
_ وأنا مالي؟
_ مالك انك بنت نوح السعدي يا ميرال هما بياذو اي حد من العائله مش الشخص نفسه أتمني تفهمي وتستوعبي وتفكري قبل ما تعملي الحاجه!!
قال كدا وطلع قعدت افكر انا عارفه انهم بيعملو كدا علشان خايفين عليا بس انا تعبت محدش حاسس بيا!!
_____________________________
تاني يُوم روحت الكُليه وقابلت مَلك صاحبتي وقالت:
_ ازيك يا ميرو...
اتكلمت بسُخريه وقولت:
_ وفين ميرا؟
ضحكت وقالت:
_ ولا عاجبك كدا ولا عاجبك كدا!!
بصتلها بطرف عيني وقالت:
_ خلاص يا ميرا بقى..
ضحكت بغُلب عليها فا قالت:
_ شكلك متخانقه مع باباكي..
اتنهدت وقُولت:
_ الموضوع بيكبر اوي يا ملك
_ ليه ايه للِي حصل؟
_ انا اشتغلت في ورشه..
لقيت ملك اتحمست وقالت:
_ وباباكي وافق..
_ لا اشتغلت من وراه..
فجاءه لقيتها بتضرب وشها وقالت:
_ انكل نوح لو عرف مش هيسمي عليكي ولا عليا والله عرفاكي هتعترفي اني بشجعك من اول قلم!!
ضحكت وقُولت:
_ لا متخافيش هُو عرف اصلاً..
_ بتهزري عرف وعمل ايه؟
_ هزقني وقالي مفيش شُغل!!
كلت من الشيبسي للي في ايديها وقالت:
_ دا المتوقع يعني يا ميرال!!
_هو انا قولتلك مش متوقع انا بحكيلك..
_ طب هتعملي ايه هتسيبي الشُغل؟
_ مش عارفه بجد..
قولت كدا ولقيت موبيلي بيرن وكان بابا رديت وقال:
_ انتِ فين؟
_ انا في الكُليه..
_ طب تخلصي الكُليه وعلىّ البيت!
_ يا بابا عندي شُغل!
_ قولت مفيش زفت شُغل وهي كلمه علىّ البيت بعد الكُليه ومتحوليش تعملي اي حركه انتِ عارفه اني كدا كدا هعرف فا روحي احسنلك!!
وبعدين قفل في وشي اتنهدت بعصبيه و اطريت اكلم صاحب الشُغل وقولتله اني حاخد اجازه طبعاً رفض بس مع اصراري وانُه عِرف بابا وافق..
_____________________________
خلصت اليُوم في الكُليه روحت لقيت بابا موجُود ومروان كمان استغربت انهم جُم بدري و طلعت اغير هدُومي واصلي و نزلت اكل اتكلمت ماما وقالت:
_ كويس انك سمعتي كلام أبوكي!
هزيت راسي وقال مروان:
_ ليه مقولتيش انك هتشتغلي؟
اتكلمت بسُخريه:
_ علىّ اساس اني مقولتلكوش ميت مره وكُل مره بابا بيرفض!!
_ فا تروحي تشتغلي من ورانا؟
_ انا مشتغلتش من وراكو ومكنتش بكذب عليكو وبعدين أنا كُنت متأكده انكو هتعرفو!!
_ وانتِ مجيتيش وقولتي ليه؟
_ علشان هترفضو وايه لزمته بقى اجي اقول!!
هبد بابا ب ايدو علىّ السُفره وقال:
_ ميرال متستعبطيش في الكلام انتِ فاهمه؟يعني ايه ايه لزمته اجي اقول بعمل ايه في حياتك انا؟
_ بس انتَ يا بابا كُنت بترفض؟!
_ و دا يديكي الحق انك تروحي تشتغلي من ورايا؟
_ مش قصدي يا بابا بس...
قطع كلامي ماما لما جات وقالتلي ان في واحد عايزني برا استغربت مين دا؟بس قومت علشان اطلع اتكلم بابا وقال:
_ انتِ طالعه؟
_ ايوا ماما قالت حد عايزني
_ متاخدي اخوكي!!!
_ بابا انا طالعه قُدام بيتنا ملوش لزوم!!
_ للي ملوش لزوم وانتَ اتفضل قُوم مع اختك يلا!
قام مروان وطلعنا لقيت نفس الولد بتاع البايك يزن!
روحتله واتكلمت وأنا بربع إيدي وقولت:
_ خير؟
أتكلم ببرود وقال:
_ كُل خير ان شاء الله انتِ ما شاء الله عليكي البايك باظت تاني!!
_ والمطلوب..
_ ايه للي مطلوب هُو انا جاي اخطبك صلحيها!!
_ انتَ مجنون جاي بيتي وتقُولي صلحيلي البايك وبعدين ما توديها لحد تاني ولا تشتري واحده جديده!!
_ ما انتِ آخر واحده مسكتيها يبقى تصلحيها!!
_ هي لعبه حضرتك؟
أتكلم مروان وقال:
_ في ايه انتَ عايز ايه دلوقتي؟
_ عيزها تصلح البايك لان محدش هيعرف يصلحها غيرها لان كان البايك ليها مسامير سبتها في الورشه!!!
ضربت جبهتي بغباء وقُولت:
_ بعتذر ليك جداً بس دلوقتي حالياً مش هعرف اروح الورشه!
_ يعني ايه انا لازم البايك تتصلح ورايا شُغل!!
_ طب وانا اعملك ايه دلوقتي ثُم عرفتي مكان بيتي ازاي؟
_ اكيد مش براقبك يعني سألت عم حَسن صاحب الورشه وقالي!!
_ طب ثواني بقى وجيالك...
دخلت انا و مروان البيت و يزن فاضل واقف برا أتكلم بابا وقال:
_ مين دا؟
أتكلم مروان بحده وقال:
_ دا واحد من للِي الهانم كَانت بتصلحلو البايك بتاعته!
أتكلم بابا بإستغراب وقال:
_ وهُو جاي هنا ليه؟
_ علشان الهانم سايبه حجات ليه في الورشه...
اتكلمت وقوُلت:
_ بابا معلش ينفع اروح بس الورشه اديله حاجتُه؟!
_ لا..
_ يا بابا مش هينفع وراه شُغل انا السبب انا المفروض كُنت اديتهاله!!
أتكلم مروان وقال:
_ هنطر نروح يا بابا هُو ملهوش ذمب هروح معاها...
أتكلم بابا وقال:
_ مش قُولت لا أنا!!
اتكلمت ماما وقالت:
_ بس يا نوح الولد حرام الله اعلم وراه ايه...
بص بابا ل ماما بحده لانه مش بيكلمها لأنها دارت عليا للي عملتُه...
وجه كلامه لمروان وقال:
_ اتفضل روح معاها لما نشُوف اخرتها!!
طلعنا ركبنا العربيه ومروان قال ل يزن يركب معانا بس هو رفض وصلنا الورشه و خت البايك بتاعتُه صلحتها واديتهاله وقولت:
_ اتفضل اهي وحاجتها اهي!
_ تمام....
مشي يزن وبعدين روحت انا ومروان وقال:
_ نفسي اعرف سر حُبك انك تقفي في ورشه ميكانيكا وتصلحي عربيات ويحصلك نفس الموقف دا كتير!!
_ انا بحبها عادي زي حُبك للشرطه!!
_ اديكي قولتي شُرطه بحمي بلدي!!
اتكلمت بضحك وقولت:
_ بحمي شعب بلدي..
ضحكنا وبعدين روحنا طلعت اوضتي نمت
__________________________
نمت تاني يوم صحيت روحت الكُليه قابلت ملك قالت:
_ تيجي معايا النهارده؟
_ اجي معاكي فين؟
_ سبق؟!
_ دا امتي؟
_ النهارده بليل!
_ طيب هشوف كدا واقولك...
خلصت مُحاضراتي وروحت لقيت ملك بترن تشوفني هروح ولا روحت ل بابا وقولت:
_ بابا
_ نعم؟
_ انا هنزل مع صاحبتي!
_ صاحبتك مين؟
_ ملك!
_ طيب متتاخريش ساعتين والاقيكي في البيت و والله لو اكتشفت انك بتكدبي عليا انتِ حُره..
_ عارفه انك كدا كدا هتعرف بس انا عمري ما بكذب عليك...
روحت لبست ونزلت قابلت ملك وروحنا السباق كان مكان غريب بس حلو اول مرا اشوف مكان كدا!!!
وبدا الاسامي تتقال و من ضمنهم سمعت اسم يزن لفت انتباهي بصيت لقيتُه يزن فعلاً!!
بدأت الجولات وكُل لاعب هيلعب 3 جولات ويزن بدأ الأولى وكسب والتانيه وكسب وفي البريك ببص لقيتُه متعصب وبيضرب في البايك فا قررت اني انزل وبعدين.........