رواية رقية الفصل العشرون20 بقلم اميرة خالد
اما فهد كان في شركته في القاهره بدا الاجتماع وجاله رساله بخط سير رقيه مع محمود واستغرب اكتر لما عرف انها راحت البنك وساب التليفون وفضل يتكلم مع الناس وفارس كان عينيه عليه
اما عنده رقيه نزلت من العربيه محمود وراحت للمحل وقالت عملت ايه يا جابر رد عليها قرب تخلص المهم هتتفقي مع التجار امتى قالت له بس انت خلص اللي وراك وهنمشي قال لها ماشي
اما رضا راح للمعلم بيومي وحكى له ان رقيه اجرت المحل من الحاج مصطفى بيومي قال له روح المحل بتاعه وقول له تعالى لي قال له حمامه يا معلم وبعد دقائق وجه الحاج مصطفى وقال له خير يا معلم في حاجه ولا ايه
رد عليه بصراحه بعاتب عليك تاجر المحل وانت عارف ان انا محتاجه رد الحاج مصطفى بس انت ما قلتليش عليه قال له طيب انا عايزه اجره رد مصطفى ما بقاش ينفع انا كتبت العقد رد بيومي لا ينفع وهاخده اكتر ما هم دفعوا الطقطقين
رد الحاج مصطفى برده مش هينفع قال له يبقى ثلاثه ما تقولش ما ينفعش رد الحاج مصطفى خلاص انا هروح اقول لهم يفضوا المحل رد بيومي لا انا اللي هروح لهم وبص لرضا وقال له هات الرجاله وتعالى ورايا قال له ماشي يا معلم
اما عند عاصي دخل محمود الورشه وقال له اخبار الشغل ايه رد ياسين انت كنت فين يا عمي من الصبح رد عليه كنت في شغل في حاجه ولا ايه قال له ما فيش بس جده قال ان احنا معزومين يوم الخميس عند محمد الاسيوطي
رد محمود ماشي هو عاصي فين اللي في الورشه جوه بيخلص الشغل اللي في ايده قال له ماشي ابعث لي هات لي شاي رد ياسين احلى شاي العم محمود ضحك عليه ودخل المكتب
اما عنده رقيه كانت قاعده بتتفق مع الراجل بتاع الرخام وبتدي له فلوسه وقرب بيومي والحاج مصطفى من المحل وقال له وفري فلوسك يا سنيوره عشان المحل بقى بتاعي قامت رقيه وقالت له قصدك ايه بالمحل بتاعك انا معايا عقد وانا ماجره المحل ده
رد مصطفى بس المعلم بيومي عايزه وهيدفع بدل الطاء ثلاثه رده رقيه بس انت ما تقدرش تاخد مني المحل وانا هجيب لك الحكومه ومعايا العقد واتكلم جابر في ايه يا معلم وانت يا حاج مصطفى هو كان كلام عيال ولا ايه رد مصطفى لا يا جابر بس ده رزق عيالي وانت عارف انت واخده ب 8000 في الشهر يعني في ثلاثه هيكون 24 الف جنيه فما تزعلش مني
ردت رقيه بقول لك ايه انت راجل ناقص وطماع وما لكش عندي محلات ويلا امشي بدل ما ازعلك رد بيومي بالراحه على نفسك يا سنيوره وانا هوريكي المحل هاخده ازاي وشاور للرجاله ودخلوا بالعصيان يكسروا الحاجه اللي جوه المحل
اما في الشركه عند فهد جاء له اتصال من الشخص اللي بيراقب رقيه وقال لهم ثواني يا جماعه ده اتصال مهم ورد في ايه رد الشخص وحكى له كل اللي حصل وقال فهد وخد المفاتيح وخرج بسرعه وراكب العربيه وبيسوق بسرعه جنونيه
واتصل على كنان وقال له ابعث لي الرجاله على اللوكيشن اللي هبعته لك رد كنان في ايه ما تفهمنا انت خرجت من الاجتماع كده ليه رد عليه مش وقته
اما في الورشه دخل بندق بيجري وقال الحق يا بيه المعلم بيومي ومعاه رجاله بيكسروا المحل بتاع ابله رقيه وهي بتزعق هناك خرج محمود بيجري وراه عاصي وياسين ورامي
اما عند رقيه وقال بيومي ايه رايك ضحكه رقيه وقالت له برده مش هتقدر تاخد المحل ولو فاكر ان الرجاله اللي بتتحمى فيهم يقدروا يخرجوني منه تبقى بتحلم رد بيومي ومين قال لك ان الرجاله هيلمسوكي انا اللي هلمسك ولسه بيرفع ايده اتفاجئ باللي بيمسك ايده وقال له ولا عاش ولا كان اللي يلمس رقيه سلطان
والكل واقف مصدوم من الشخص اللي واقف ورقيه كانت مستغربه عشان دي اول مره حد يدافع عنها واتكلم بيومي وانت مين بقى ولا تكون عاشقها اللي بيصرف عليها ونظفتها بعد ما كانت شغاله في النصبه وما حلتهاش جنيه اتعصب وضربه ورماه في الارض ورضا شاور الرجاله وقرب عشان يضربوه واقف لهم زي الاسد وبدا يضرب فيهم
وفجاه عربيات جيب دخلت المنطقه ونزل منها رجاله وتكلم كنان انتوا لسه واقفين يا بهايم ودخل وقف في ضهر فهد وبدا يضرب معاه كل ده تحت انظار عاصي وياسين ومحمود اللي كانوا مستغربين من دولت
وعاصي كان متضايق وفهد قام مسك بيومي من الجلابيه بتاعته وقال له اللي بتتكلم عليها دي ستك وتاج راسك انت عارف دي مين دي حفيده حمدي العزايزي يعني اللي يقول لها ثلثه الثلاثه كام يلاقي وراها جيش مش واحد بس
رقيه كانت مصدومه من شكله اللي كان شبه والدها حته منه ايام شبابه واتكلم محمود وانت يا حاج مصطفى روح رب عيالك وابعد عن بيومي وسيب المحل الرقيه احسن لك ضحك فهد وقال له محل ايه اللي هي تبص له من بكره الصبح يبقى لها مول ايه ده
واتكلمت رقيه مول ايه وزفت ايه هو انت مين اصلا واللي خلاك تتدخل في اللي ما لكش فيه اتعصب فهد وماسك ايديها وشدها في المحل وقفل الباب عليهم وقال لها بقول لك ايه اوعي تفتكريني عيل من اللي انتي بتضربيهم لا فوقي انا فهد العزايزي ابن عمك ولي حكم عليك
ردت عليه باماره ايه قال لها باماره ان انتي مراتي وهتسافري معايا دلوقتي عشان نروح لجدك اتصدمت وقالت له مراتك ازاي قال لها بعدين هتعرفي قالت لي انا مش ماشيه من هنا يا جدع انت ومراتك ازاي واطلع وامشي وما لكش دعوه بيا شالها فهد على كتفه زي شوال البطاطس وخرج بيها وبص الجابر وقال له رقيه معايا وراح ركب العربيه
وصوتت رقيه واقرب محمود وقال له بقول لك ايه نزلها رد عليه امشي احسن من قدامي وما لكش دعوه وراكب جنبها وبص من الشباك وقال يلا يا كنان خلينا نمشي
رد جابر سيبها هتاخدها فين قال له عند جدها وابقى اسال مراتك وكنان مشي بالعربيه والكل كان مصدوم وبيومي كان مرمي في الارض ما فيهوش حته سليمه
عربيه فهد اتكلمت انت يا بني ادم انت نزلني ايه اللي انت بتعمله ده رد فهد اكتمي خالص بدل مكتمك انا بطريقتي وغمز لها قالت له انت اتجننت وايه اللي انت عملته ده رد فهد بعصبيه كنت عايزاني اسكت له وهو بيرفع ايده عشان يلمسك ردت عليه ما كانش يقدر انه عارف ان انا ما بسكتش وانت مين اصلا عشان تتكلم
رد عليها قلت لك انا جوزك ولو مش مصدقه تحب اوريكي قسيمه الجواز رده رقيه ايوه وريني ازاي جوزي وانا اول مره اشوفك ضحك فهد وقال لها لا شفتني قبل كده بس انتي ناسيه قالت له ما اظنش اني شفت خلقه امك قبل كده اتعصب فهد ومسك ايديها جامد وقال لها لو قالتي ادبك تاني هزعلك فاهمه ولا لا اتحملت الوجع وبصيت له وقالت له براحتي ولا عندك اعمله
اتكلم كنان اهدوا يا جماعه وانت يا فهد سيب ايديها وتكلموا بالراحه وهي دورت وشها وقالت له خليه ينزلني بدل ما ارمي نفسي من العربيه وساعتها هيلبس مصيبه ضحك فهد بسخريه
وقال لها وانا بموت في المصيبه اعمليها انتي وما لكيش دعوه جت تفتح الباب لقت الباب مقفول واتعصبت اكتر وفضلت تزعق و فهد سبها تعمل اللي هي عايزاه وماسك تليفونه وهي اتعصبت اكتر وراحت ماسكه التليفون رميتهم من الشباك
وفهد قال يا بنت المجنونه حد يعمل اللي انت عملتيه ده ردت عليه اقف وانزل هاته قال لها لا وهات تليفونك يا كنان وهي اتغاظت او ماسك التليفون واتصل على جدو وقال له انا جاي في الطريق قل لهم يجهزوا الاوضه رد حمدي مين جاي معاك رد فهد لما اجي هقول لك كل حاجه وقفل معاه
رن الجرس اللي جنب السرير وجات الخادمه وقالت له تؤمر بحاجه يا حمدي بيه قال لها روحي لملك هانم وقولي لها تحضر اوضه ردد للخادمه باحترام حاضر يا حمدي بيه وخرجت وراحت عند ملك وقالت لها اللي قالوا لها حمدي بيه وردت ملك تمام نظفي الاوضه اللي جنب اوضه عمي ردت الخادمه حاضر يا هانم
اما عند جابر قفل المحل وراح على البيت وسلوى كانت في المطبخ بتعمل الغداء واتكلم يا سلوى تعالي عايزك في موضوع رده عليه خير معيش فلوس رد جابر الموضوع مش موضوع فلوس رده خير في ايه قال لها في ناس النهارده جت خدت رقيه من عند المحل
ردت سلوى ناس مين قال لها اقعدي وانا هفهمك اللي حصل قالت له عايزني اقعد ازاي وبنتي ناس خدتها قال لها بس اسمعيني الاول قالت له قول وحكى لها كل اللي حصل من اول ما رقيه جات له المحل لغايه ما الخناقه قامت وفهد خد رقيه ومشي بالعربيه
وقامت سلوى وخبطت على صدرها وقالت يا لهوي خدوا بنتي قومي يلا يا جابر خلينا نروح نلحق البنت رد جابر طب فهميني ايه اللي حصل ومين الناس دولت قالت له في الطريق هفهمك كل حاجه اتصل على منه وقول لها ارجعها البيت عشان تقعد مع اخواتها وبلاش شغل اليومين دولت
رد جابر طيب وماسك التليفون واتصل على منه وقال لها ارجعي على البيت ما تروحيش في حته وخلي بالك من اخواتك عقبال ما اروح انا وامك مشوار ردت منه باستغراب في ايه يا بابا في حاجه حصلت ولا ايه حكى لها كل اللي حصل وردت منه طب انا جايه حالا واستنوا ما تروحوش لوحدكم احنا جايين معاكم
رد جابر مش هينفع يا بنتي شكل الناس دي مش سهله خليك قاعده باخواتك ويا ريت خالد يقعد معاكم لغايه ما احنا نرجع ردت عليه طب يا بابا انا جايه دلوقتي وقفلت معاه وسلوى لبست العبايه واخذت فلوس من الدولاب وخرجت وقالت له يلا بينا على الموقف وخرجوا من البيت

اما عند منه قال لها خالد في ايه بتعيطي ليه حكيت له كل الكلام اللي ابوها قاله لها رد خالد طب يلا بينا على البيت زمان عبودي راجع من الحضانه هو وزياد وانا هاجي اقعد معاكم اليومين دولت لغايه ما ابوكي وامك يرجعوا ورقيه طبعا ردت منه طب يلا وطلب خالد الاوبر بعد دقائق وصلت العربيه وخرجوا ركبوا
اما في الصاغه اتكلم عاصي الهمجيه اللي هم عملوها ديت رد محمود همجيه ايه ده واحد بيحافظ على بنت عمه من اي حد ما يسوهاش ضحك عاصي وقال له من امتى وهم بيحافظوا على بنتهم مكانه سايبينها بتبيع الفول والطعميه سنين ومحدش بيسال عليها اشمعنا دلوقتي
رد محمود ما كانوش يعرفوا طريقها ولا يعرفوا ان سلطان مات وقلت لك ايه ده كده وما لكش دعوه بالموضوع ده وخرج محمود واتصل على كامل وحكى له كل اللي حصل ورد كامل لازم تكلم عم حمدي دلوقتي وتفهمه ايه اللي حصل عشان ابن عمها ما ياخدهاش ويوديها مكان ثاني
رد محمود ما تخافش من كلام عم حمدي الصبح في المكالمه عرفت ان فهد حته من سلطان يعني عمره ما هياذي لحمه وهيحافظ عليها واكيد خدها على بيتهم رد كامل طيب عدي كم ساعه كده وابقى اتصل اطمن رد محمود هعمل كده واقفل معاهم
ودخل الورشه سمع ياسين بيقول بس الواد ايه الله اكبر بهدل بيومي ورجالته رد رامي ما شفتوش انت عامل ازاي ده قام بيهم لوحده لغايه ما صاحبه والرجاله جت ولا رقيه اللي كانت طالعه زي شوال البطاطس على كتفه ضحك ياسين وقال له شوال البطاطس ايه بيعتبر طفله كان شايلها على كتفه بس يا ترى هيعملوا معاها ايه عاصي سمع كلامهم وهو متضايق
وبعد وقت في قصر العزايزي كلم سالم بتوضب الاوضه دي ليه ردت ملك عمي قال في ضيف جاي وعايز اوضه يقعد فيها رد سالم ضيف مين ده قالت له انا مش عارفه ومسك سالم التليفون واتصل على فارس وقال له اخوك فين رد فارس مش عارف بس انا جاي في الطريق
رد عليه ازاي يعني ما كانش معاك في الاجتماع رد فارس ما اعرفش يا بابا هو جاله اتصال وسابنا وقام فجاه مشي وبعديه وقت اتصل بكنان وقال له حصلني رد سالم طيب وقفل معاه هو بيفكر من الضيف ده
اما في الموقف سلوى قالت لجابر اسال على عربيات اللي رايحه اسكندريه رد جابر ماشي ولقوا عربيه لسه بتحمل وركبه فيها وقال لها انا سمعت كلامك اهو ويا ريت تقولي لي ايه اللي بيحصل ده رده سلوى حاضر وحكيت له قصتها كلها مع عائله سلطان
وقال يعني رقيه وابوها من عيله مبسوطه ردت عليه ايوه قال لها طب انتي ما قلتلهمش ليه على بنتهم بعد ما جوزك مات ردت عليه خفت لا ياخدوها مني وكمان محمود الهلالي كان بيساعدنا وبيديني المصاريف بتاعه البنت رد جابر طيب دول عيله ايديهم وصله وممكن تحصل لنا انا او انتي مصايب وعيالنا هيعملوا ايه من بعدينا
ردت سلوى يعني انت كنت بتعمل ايه من الاول رقيه اللي كانت شايله حمل البيت كله على اكتافها وعمرها ما قالت لك ادفع جنيه في البيت رد جابر انا عارف الكلام ده وهي كثر خيرها على اللي عملته بس برده مش عايزين نغلط معاهم عشان ما نتاذيش دول جبروت رده سلوى دي بنتي ومش هيقدروا ياخدوها مني وانا مش هسيبها ابدا فاهم ولا لا رد جابر طيب يا سلوى اهدي بس