رواية رقية الفصل الواحد والعشرون21 بقلم اميرة خالد
في قصر العزايزي حمدي طلع من جناحه ونزل قعد مع العيله واتكلمت حليمه اعمل ايه يا بابا وصحتك عامله ايه رد حمدي انا كويس يا حبيبتي وبص الحبيبه وقال لها مش هتسلمي على جدك ولا ايه قامت حبيبه وقالت لا طبعا يا جدو ده انا هسلم وابوس كمان هو في احسن منك
وبعد دقائق دخل فارس وقال فين الاكل يا بشر هموت من الجوع ضحكه ملك وقالت له تعالى يا حبيبي الاكل جاهز اطلع بس الجناح بتاعك غير هدومك ويارا مستنياك فوق رد فارس طيب يا ماما وطلع الجناح وفتح الباب شاف يارا قاعده وقال لها مالك قاعده ليه في الجناح كده ما نزلتيش تقعدي ليه مع العيله
ردت يارا بتكبر وانزل ليه انا شويه وخارجه رد فارس على فكره اللي انتي بتعمليه ده غلط كل شويه بتخرجي وترجعي متاخر انا مش هستحمل كثير رده يارا يعني هتعمل ايه قال لها هعمل كتير وانتي فاضل لك تكه كمان وهخلص كل حاجه بينا قامت يارا وقربت منه بطريقه مغريه وهي لابسه فستان سهره قالت له تهون عليك يارا حبيبتك يا فروستي

رد فارس بحب ما انتي اللي ما بتسمعيش كلام وعماله اقول لك تعالي نجيب بيبي تقولي لي لا واحنا بقى لنا خمس سنين متجوزين ردت يارا وانا قلت لك مش عايزه اخلف وانت وافقت رد عليها مش معنى اختك خلفت ومعاها بدل الطفل طفلين
ردت يارا انا مش زيها وسما تعمل اللي هي عايزاه رد فارس طيب معاكي اسبوع تفكري فيه عشان بعد كده ما تلوميش غير نفسك ودخل الحمام وفتح الباب ثاني وقال لها واياك اخرج الاقيك مش موجوده اتضايقت يارا وهو قفل الباب ودخل تحت الدش
وهي دخلت غرفه الملابس اه يا ريت هدومها ولبست طقم وقعدت على السرير ومسكت التليفون وبعتت رساله لصاحبتها انها مش رايحه الحفله وردت صاحبتها ليه قالت لها عشان فارس مش راضي ردت صاحبتها بزعل مصطنع يا خساره دي كانت الحفله واو وكمان ما تخليهوش يتحكم فيكي رده يارا خلاص انا بكره هاجي لكم على النادي ردت عليها نرمين طب يا بيبي

وقفلت التليفون وبصت نرمين على اسر وقالت له الكونتسه يارا مش جايه الحفله ومش هنعرف نعمل اللي احنا عايزينه رد اسر ما تقلقيش مسيره هتيجي تحت ايدينا وناخد اللي وراها واللي قدامها ضحكه نرمين وشربت الكاس بتاعها واسر قال لها بس انتي عارفه انك زي القمر النهارده قالت له ما انا عارفه راح شايلها ودخل بيها اوضه النوم
اما فارس خرج من الحمام وفرح ان يارا قعدت ودخل لبس ترنج وخرج وقال لها يلا يا حبيبتي عشان ننزل للعيله تحت نتغدى معاهم ردت يارا طيب هو انت ما تعرفش سما هتيجي امتى من السفر هي واخوك رد فارس على بكره ان شاء الله قالت له ماشي ونزلوا مع بعض

اما في عربيه فهد رقيه تعبت من كتر الزعيق وصوتها قرب يروح وقالت له والله احبسك عشان تعرف تقول ان انت جوزي واصلا انا عمري ما اتجوزت هعمل محضر فيك ان خطفتني رد فهد بملل هو انتي ما بتتعبيش ما تسكتي شويه بقى
وكنان قال له احنا وصلنا يا برو رد فهد قل للرجاله ترجع على اماكنها رد عليه حاضر ورقيه شافت العربيه بتقف قدام بوابه كبيره واتفتحت ودخلوا واتصدمت من شكل القصر وقالت في عقلها يعني ابويا كان عايش هنا
وفهد نزل من العربيه وقرب من ناحيه اللي رقيه قاعده فيها وفتح الباب وشالها قالت له نزلني يا بني ادم انت هو انا اتشليت رد فهد لا ما اتشلتيش بس انا كان نفسي اول مره تخش البيت ده تكوني بين ايديا ضحكه بسخريه وقالت لي هو انت كنت تعرفني اصلا نزلني يا بني ادم
رد عليها لم لسانك ده شويه بدل ما ازعلك قالت له تبقى بتحلم وضربته في كتفه جامد بايديها السليمه وفهد مشي بيها وهي فضلت تضربه اما جوه القصر نزل فارس ويارا قعدوا مع العيله واتكلم فارس فين الغداء يا ماما قالت له يا حبيبي بيتحضر اهو عمي عشان تتغدى
رد حمدي استنوا بس خمس دقائق وفهد هيجي رده ملك حاضر وجرس الباب رن وفهد بيقول لها يا بنت اهدي بقى ايه ده شايل طفله صغيره ردت رقيه بعند سيبني ارجع اهلي رد عليها دول مش اهلك احنا اللي اهلك والخادمه فتحت الباب ودخل فهد واتكلمت رقيه ما تسيبني بقى ما ردش عليها
ودخل ناحيه العيله والكل اتصدم ان اول مره فهد يخش القصر ومعه بنت وكمان شايلها واتكلم فارس مين ديت رده رقيه بقول لك ايه يا كابتن قل له ينزلني بدل ما اعوره زعق سالم وقال له مين ديت وايه اللي جابها هنا رد فهد ببرود مراتي اتعصبت حبيبه واتكلمت مراتك منين سكت فهد واتكلمت ملك ما ترد علينا مراتك ازاي من غير ما تقول لنا
رد فهد اهدي يا ماما وانا هقول لك كل حاجه رد سالم لا قول دلوقتي انت اتجوزت ازاي من غير ما تقول لنا اكن ملكش اهل كل الكلام ده وحمدي كان قاعد وباصص لرقيه اللي شبه جدتها جدا في كل حاجه بتكلمت رقيه انت هتفضل شايلني كتير خليني اقعد وبقول لك ايه هات لي كوبايه عصير عشان ريقي ناشف
رد فهد حاضر ونده على الخادمه وقال لها هاتي كوبايه عصير رده الخادمه باحترام حاضر يا بيه ودخلت المطبخ وخرجت ومعايا كوبايه العصير وقدمتها رقيه وقعدت تتفرج على عيلتها وهي بتشرب العصير وتكلم سالم يعني انت بعد العرايس اللي امك كانت بتجيبهم لك كريمه المجتمع رايح تتجوز واحده جربوعه زي ديت اتضايقت رقيه وقامت عشان ترد لقيت فهد
قال له دي مش جربوعه يا بابا ودي احسن من بنات كثيره وانا بحبها وهي مراتي واتكلمت ملك ما تتكلم يا عمي انت ساكت ليه رد حمدي وهو عينه عليه على رقيه اللي هو عايزه يعمله رد سالم لا طبعا الجنون ده واتكلمت حليمه اهدى بس يا سالم خلينا نفهم الموضوع ماشي ازاي
ردت حبيبه بقول لك ايه يا مامي يلا نمشي من هنا ردت حليمه اهدي بس يا حبيبه خليني اعرف ايه اللي حصل قامت رقيه وقالت لهم انا هقول لكم ايه اللي حصل الجدع ده جه لغايه عندي وقال لي ان هو جوزي وانا ولا عمري شفته ولا اعرفه يبقى انا اتجوزته ازاي ردوا عليا بقى رد سالم كمان ما تعرفكش
رد فهد اقفله على الكلام ده عشان ما لهوش لازمه وديه رقيه بنت عم سلطان وتبقى مراتي واللي يزعلها اكنه زعلني انا وانتم عارفين انا ممكن اعمل ايه الكل اتصدم وحمدي كان مبسوط بوجود حفيدته معاه وفهد شالها ودخل بيها على الجناح بتاعه وقفل الباب بالمفتاح واتكلمت رقيه لا ده انت اتجننت خالص وريني العقد اللي انت بتقول ان انت جوزي رد فهد ثواني وفتح المحفظه وطلع صوره من العقد وريها لها ولقت فعلا ان دي امضتها اتصدمت وقعدت على الكنبه وهي لسه مصدومه اما فهد ابتسم
اما بره عند العيله يتكلم سالم يعني جايب لنا بنت من الشارع ويقول عليها انها بنت اخويا ازاي يعني رد حمدي متاكد انها مش بنت اخوك رد سالم بضيق ايوه مش بنت اخويا وبص الحليمه وانتي كمان شايفه ان هي مش بنت اخوك
ردت عليه بصراحه كده يا بابا ايش عرفك انها بنته وما تنساش ان سلطان اتجوز البنت الجربوعه من 20 سنه وما نعرفش عنهم حاجه رد حمدي انا كنت متاكد انكم هتقولوا كده طب انتم ما لاحظتوش الشبه اللي بينها وبين امكم الله يرحمها وملك قاعده ساكته وفارس كان مصدوم وقال لهم هو عمي سلطان كان لي بنت وانتم ما قلتلناش
رد حمدي ما كناش نعرف حاجه لولا ان فهد سال على عمك وعرف انه مات ما كناش هنعرف رد فارس طب هتعمل ايه يا جدو هي شكلها كرهانه وتصرفاتها بتقول كده رد سالم انتم كلكم صدقتوا ان البنت المعفنه اللي جوه دي تبقى بنت اخويا دي اكيد نصابه وضحكه على فهد عشان يتجوزها
حبيبه الدموع نازله من عينيها ودخلت على اوضه امها وقعدت تعيط وكل ده تحت انظار كنان اللي كان متضايق
اما عند منه وصلت البيت هي وخالد ولقت عبودي قاعد على السلم وقال لها انا كنت بخبط بقى لي كتير ما حدش بيرد ردت منه معلش يا حبيبي اصلهم راحوا مشوار قوم يلا تعالى نخش وحضر لك تاكل رد عبودي ماشي وفتحت منه الباب ودخلت هي وخالد وعبودي ودخلت على المطبخ عملت سندوتشات لعبودي وخرجت اديتها له
وقالت له كلها عقبال ما اخش الاوضه هعمل حاجه واطلع قال لها طيب ودخلت منه الاوضه غيرت هدومها ولبست عبايه من بتوع ورقيه ومسكت التليفون واتصلت على سلوى وقالت لها انتي فين يا ماما وصلتوا لفين رد سلوى قدامنا نص ساعه ونوصل انتي المهم روحت البيت

ردت منه ايوه يا ماما انا في البيت انا وخالد وعبودي ردت سلوى طب يا حبيبتي خلي بالكم من نفسكم وبس يا منه انا عارفه ان خالد جوزك بس انتم لسه ما عملتوش فرح خليكي فاكره ان هو خطيبك ردت منه ما تخافيش يا ماما المهم بس نطمن على رقيه
اما فيله محمد الاسيوطي كلهم قاعدين بيتغدوا وقال لي عبير انا عزمت عيله متولي الهلالي رد محمد كويس انك عملت كده عشان عايزه اخلص الموضوع بتاعي رد عز حصلت مشكله امبارح في ارض بتاعتهم رد محمد مشكله ايه وحكى له عز كل اللي قاله المهندس من ساعه ما الحكومه والحي جم لغايه لما عاصي راح وشاف المشكله فين
رد محمد ومين صاحب الارض ده رد عز ما اعرفش كده بس انا سمعت الاسم فهد العزايزي رد محمد انت بتتكلم جد فهد العزايزي صاحب الارض يبقى كده هو ناوي يخربها عليهم رد عز انا مش فاهم حاجه انت قصدك ايه رد محمد مدام فهد دخل في الموضوع وقف المراكب السايره بتاعتهم يبقى اكيد هم عملوا حاجه ضايقوه
رد عز برده انا مش فاهم حاجه مين فهد ده قال له فهد ده يبقى اكبر رجل اعمال واصغر سنا وهو اللي كبر ثروه حمدي العزايزي بعد ابنه والكل بيخاف منه عشان عارفين مدام فهد دخل في الموضوع يبقى حصلت مصيبه رد عز وانت تعرف العيله دي منين يا بابا
رد محمد هو انا بس اللي اعرفها الناس كلها تعرفها يا ابني دولت مجوزين عيالهم لاحسن الناس عندك ابنه الكبير متجوز بنت وزير سابق توفيق ادالي لو تسمع عنه رد عز ايوه انا هسمع عنه مش ده اللي كان ماسك وزير الاقتصاد من 10 سنين رد محمد ايوه صح ولا بنته متجوزه رجل الاعمال هادي النجار رد عز دي عيله مسنوده قوي قال له كل دولت حاجه وفهد حاجه ثانيه
وبص عبير وقال لها خلي العزومه زي ما هي لغايه ما اقول لك اذا كانت هتتم ولا لا ردت عبير ما ينفعش يا محمد نرجع في كلامنا رد عليها يبقى انتي كده عايزانا يتخرب بيتنا انتي عارفه فهد لو عرف ان انا لي علاقه بيهم هيطلع القديم والجديد مش بعيد يحبسنا ده لو هو كاره العيله ديت ردت عبير طب انت هتعمل ايه
قال لها هعرف المشكله فين ولو كانت بسيطه هنكمل زي ما احنا عايزين بس لو كان الكبيره هنبعد ردت عبير ما انت عارف ناس بالشكل ده ليه ما عزمتهمش عندنا قبل كده رد محمد فهد ما بيحضرش حفلات ما بحبش الجو ده رد عز طب يلا يا جماعه كملوا غداكم وانا هجيب لك اساس الموضوع يا بابا
ضحك محمد وقال له يبقى انت بتحلم عشان مش هتعرف معلومه صغيره عن الموضوع ديت رد عز مش للدرجه دي يا بابا وماسك التليفون واتصل على شخص وقال له انا عايز اعرف ايه اللي بين فهد العزايزي و متولي الهلالي رد الشخص مش هقدر اساعدك رد عز ليه قال له عشان فهد العزايزي ما حدش يعرف عنه حاجه ولا يعرف اللي بيحصل معاه رد يعز بضيق حاول وكلمني لو عرفت اي معلومه رد شخص تمام وقفل معاه
وبص لابوه ضحك محمد وقال له اكيد قال لك مش هيعرف يجيب اي معلومات رد عز وانت عرفت ازاي قال له عشان الموضوع في فهد وكانت قاعده هنا وهي متضايقه
اما في بيت رقيه منه كانت قاعده مع خالد بيتكلموا ودخل زياد وقال لها السلام عليكم ردت عليه السلام وعليكم السلام ورحمه الله وبركاته قال ازيك يا خالد عامل ايه رد عليه انا كويس انت اللي عامل ايه في المذاكره رد عليه اهو بعمل اللي عليا ضحك خالد وقال له انت قدها وقدود رد زياد يا رب
وبص لمنه قال لها هي ماما فين ورقيه ردت منه في مشوار رد زياد طيب انا داخل اذاكر ردت منه لا وتعالى عشان تتغدى احنا مستنينك انا وخالد رد زياد حاضر ودخلت منه المطبخ تحضر الغداء وزياد قعد مع خالد يتكلموا
اما عند سلوى وصلت الاسكندريه ونزلت وقالت تعالى نركب تاكسي يا جابر قال لها طيب وراح ركب التاكس وقالت سلوى عايزه اروح قصر العزايزي رد السواق حاضر ومشي بيهم
اما في جناح فهد كانت رقيه قاعده على الكنبه حزينه وفهد خرج من الحمام وهو لابس تيشرت وشورت وقال لها يلا عشان تتغدي ردت عليه ممكن تقول لي ازاي انا مضيت على العقد ده رد فهد كله في وقته المهم يلا قومي معايا عشان تتغدي وكمان تتعرفي على جدي والعيله ضحكت بسخريه وقالت له وانت فاكر ان العيله هتبقى مبسوطه بوجودي هنا بعد ما اخذ نص املاك جدك

رد فهد يعني انتي عارفه كل حاجه ردت عليه ايوه عارفه وعارفه قد ايه ان هم كانوا جاحدين من ناحيه ابويا رد فهد ما حصلش ابوك اللي اختار وجدي في وقتها كان ادى كلمه للراجل الاعمال وردت عليه ايوه ادى كلمه وبعد كده وافق اللي اتغير قالت له ايوه استنى كده بقى انا اقول لك اللي اتغير ابوك راح بخ سمه في ودان جدي
رد فهد ما اسمحلكيش تقولي على ابويا كده وقفت رقيه وقالت له ولا تسمح لي ولا اسمح لك ولو سمحت خليني امشي بدل ما اقلبها عليك رد فهد اعملي اللي تعمليه براحتك وسابها وخرج
اما في اوضه حليمه كانت قاعده حبيبه بتعيط وقالت ليه كده يا فهد انا كنت بتمنى لك الرضا ترضى ليه تكسرني بالشكل ده ودخلت حليمه وقالت لها انتي بتعملي ايه ردت حبيبه يعني مش شايفه اللي حصل يا ماما ضحكه حليمه وقالت لها ده انتي بنت خايبه مش شايفه المشاكل اللي بينهم وهي مش موافقه انها تقعد هنا يعني اخرها هتمشي امي كده اغسلي وشك وصلحي الميك اب وشعرك وتعالي اتغدي
رده حبيبه حاضر يا مامي ودخلت الحمام واتكلمت حليمه ما نشوف اخرتها ايه معاكي يا رقيه وايه رجعك بعد السنين دي كلها وبعد دقائق خرجت حبيبه وهي مظبطه نفسها وحليمه مسكت ايديها وخرجت بيها وقعدوا على السفره واتكلم سالم لما شاف فهد قاعد قدامه وقال له يعني انت متاكد انها بنت اخويا رد فهد زي ما انا متاكد ان انت ابويا اتغاظ سالم
اما عند سلوى وصلت عند البوابه ونزلت هي وجابر واتصدم جابر من شكل القصر ومسك ايديها وقال لها استني هنا انتي متاكده ان ده القصر ملك لاهل رقيه ردت عليه ايوه وسيبني بقى خليني اعرف بنتي فين وراحت عند البوابه وقالت للحارس خش قول لهم سلوى مرات سلطان بره رد الحارس طب خليكي هنا وانا هخش اسالهم واجي قالت له طيب
ودخل الحارس عند باب الفيلا ورن الجرس وطلعت له الخدامه وقال لها قولي لحمدي بيه في واحده بره اسمها سلوى وبتقول انها سلطان بيه رده الخادمه ثواني ودخلت اوضه السفره وقالت حمدي بيه في واحده واقفه بره اسمها سلوى بتقول انها مرات سلطان بيه ورقيه كانت نازله على السلم وقفت عشان تسمع هو هيقول ايه
ورد حمدي خليها تخش ورد سالم استني تخش فين ايه يا بابا دي نصابه ردت حليمه ما تنساش يا بابا اللي عملته زمان اتكلم حمدي مهما اللي كانت عملته زمان انا عشان خاطر حفيدتي اعمل اي حاجه واسكتوا خالص مش هسمع حس واخرجي قولي لهم يدخلوهم قالت له حاضر يا حمدي بيه وخرجت قالت الحارس انه يدخلهم
وبعد دقائق دخلت سلوى والدموع على خدها ومعاها جابر وجابر كان مصدوم من العز اللي هم فيه وقال يعني كده رقيه هتبقى في العز ده كله واحنا اكيد معاها وسلوى اول ما شافت حمدي جريت وقعدت عند رجليه وقالت له والنبي يا حمدي بيه اديني بنتي هي دي اللي طلعت بيها بالدنيا لسه حمدي كان هيتكلم
وردت رقيه اقفي يا ماما وسلوى اول ما سمعت صوت رقيه قامت جريت عليها وحضنتها وقالت لها اسفه يا قلب امك على اللي بيحصل فيكي رده رقيه ما تتاسفيش يا حبيبتي انا عارفه كل حاجه وده ما كانش بايديكي ولا بايد ابويا رد سالم ويا ترى بقى جايين تعملوا الفيلم ده ليه عشان تاخده الفلوس خرجت رقيه من حضن سلوى
وضحكه بسخريه ووقفت قصاده وقالت له فلوس ايه اللي انت بتتكلم عليها ديت انا معايا اللي يعيشني ملكه طول عمري وعشان تبقى عارف وهي بتبص على القصر كل اللي انت فيه ده ليا فيه النص لو انت مش عارف اسال ابوك اللي قاعد ده اتجنن سالم واتصدموا الكل وجابر قال والله ولعبه معاك الحظ يا رقيه
وقال له قول يا بابا ان هي اتجننت والكلام ده كدب رد حمدي بقوه لا مش مجنونه املاك اخوك زي ما هي حتى بعد ما كبرتها هي لسه باسم اخوك يعني رقيه ليها النص في كل حاجه رد سالم ازاي والتنازل اللي هو مضى عليه يوم ما مشي ضحكه رقيه وقالت له ابوك ما سجلهوش وكمان بيتعامل في الشغل بالتوكيل بتاع ابويا اللي كان عامله له كل ده
وفهد كان عينيه على رقيه وهي بتتكلم و اتكلمت حليمه ازاي ده يا بابا تعمل كده رد حمدي بقوه عملت ايه عايزاني اكل حق اخوك هو اللي كبر الفلوس وهو عمل شركه لنفسه وكان ليه شغله الخاص رد سالم مدى من فلوسنا ولا انت نسيت ردت رقيه لا ده انت اللي نسيت ان ابويا كان بيعملوا وكان بيشتري الاراضي ويبيعها طبعا بعد ما بيكسب فيها ولا انت نسيت الارض بتاعته اللي في شرم
رده حليمه ده انتي مذاكره قوي وعارفه احنا معانا ايه ضحكه رقيه وقالت لها ايوه طبعا لازم اعرف انا امتلك ايه ولا ايه يا عمتو وبصت لسلوى وقالت لها ما تخافيش يا ماما انا كويسه وبصت لحمدي وقالت له قل لي الخدامه تحضر اوضه لامي ولجوزها رد حمدي حاضر يا بنتي واتكلم سالم لا كده مش هينفع دولت يقعدوا هنا في القصر
رده رقيه وانا موافقه ما نقعدش هنا يلا يا ماما نمشي واتكلم فهد ما حدش ليه دعوه وهي من حقها تقعد اللي هي عايزاه وغير ده كله هي قاعده مع جوزها اتصدمت سلوى وقالت لرقيه انتي اتجوزتي ردت رقيه بعدين يا ماما نتكلم في الموضوع ده نده فهد على الخدامه وقال لها حضري اوضه لسلوى هانم ردت الخادمه باحترام وخوف حاضر يا بيه
ورقيه بصت لجابر وقالت له يلا عشان تتغدوا يلا يا ماما وراحوا قعدوا على السفره ورقيه كانت متضايقه عشان فهد وقف معاها وهي كانت عايزه تمشي مع امها وجابر كان مصدوم بشكل الاكل وبدا ياكل وسلوى كانت ماسكه ايد رقيه اللي قعدت مكان سلطان قصاد حمدي من الناحيه الثانيه وكانت عينيها على فهد والعيله كلها
اما في بيت رقيه خالد كان ماسك التليفون وبيكلم رامي وقال له اني مش هيجي النهارده وهيبات عند منه رد رامي يا عيني يا برنس من اولها كده هتبات مع مراتك ضحك خالد وقال له والله انت رايق الموضوع مش كده رقيه مشيت مع ناس وهم ما يعرفوهمش رد رامي اسكت انت اصل انت ما شفتش اللي حصل النهارده رد خالد هو ايه اللي حصل وحكى له رامي ايه اللي حصل كله النهارده في الصاغه ورد خالد يعني كده اهل رقيه خدوها رد رامي شكلها كده قال لي طب اقفل وقفل معاه
ومنه كانت واقفه وقالت له اتصل على ماما خلينا نطمن قال لها طيب واتصل على سلوى وهي كانت قاعده مع رقيه على السفره ولما شافت اسم خالد قالت لرقيه هطلع ارد بره ردت عليها لا هاتي التليفون وردت رقيه وقالت ايوه يا خالد اعمل ايه رد عليها انا كويس يا رقيه المهم انتي عامله ايه طمنيني عليك
ضحكه رقيه وقالت له انا كويسه منه فين قال لها اهي قاعده جنبي عماله تعيط ردت عليه طب اديها لي وتكلمت منه عامله ايه يا حبيبتي طمنيني عليك ردت رقيه بحنيه انا كويسه يا حبيبتي ما تقلقيش عليا ردت منه انا كنت خايفه عليك لما ماما قالت لي وهي فين ردت عليها ما تخافيش احنا كويسين وماما هترجع بكره هي وجابر
ردد منه طب يا حبيبتي ابقي طمنيني على طول قالت لها ماشي سلمي لي على زياد وعبودي ويلا تصبحي على خير قالت لها وانتي من اهله وقفلت معاها واتكلم خالد اطمنتك دلوقتي ردت عليه ما تعرفش انا ارتاحت قد ايه لما سمعت صوت رقيه قال لها انا عارف واخدها في حضنه واتكسفت منه
اما عند رقيه كان فهد متضايق من كلامها مع خالد واتكلمت حليمه بسخريه ويا ترى بقى خالد ده مين ردت رقيه قصدك الدكتور خالد يبقى جوز اختي الدكتوره منه ردت حليمه بجد تصدقي ما كنتش اعرف ردت رقيه اهو انتي عرفتي اهو ودخلت الخادمه وقالت الاوضه جاهزه ردت رقيه تمام يلا يا ماما ومسكت ايديها وراحوا على الاوضه
وجابر فضل بياكل واتكلمت يارا عاجبك اللي بيحصل ده يا فارس رد عليها حصل ايه يعني قالت له انا لا مش هقعد في الجو ده انا هروح اقعد عند بابا اليومين دولت عقبال ما الدنيا تتعدل رد فارس بصوت واطي لم نفسك واسكتي خالص لما نطلع الجناح نبقى نتكلم سكه يارا
اما في الاوضه كلمه سلوى جوزك بقى ازاي رده رقيه مش عارفه يا ماما هو وراني قسيمه الجواز وعليها الامضه بتاعتي رده سلوى ازاي قالت لها انا مش عارفه وده اللي هيجنني الامضه دي بتاعتي بس ازاي وصلت للورقه ديت انا مش عارفه رده سلوى خلي بالك يا حبيبتي العيله دي مش سهله خالص ولا حليمه وسالم هيسكتوا انك تاخدي الورث بتاعك او فلوسهم رده رقيه
ومن قال لك ان انا محتاجه حاجه منهم انا بس كنت بهدهم من ناحيتي يمكن يمشوني معاكي بس لقيت فهد وحمدي ماسكين فيا ردت سلوى ربنا يستر من اللي جاي قالت لها يا رب وفضله قاعدين مع بعض
اما بره خرج جابر وطلب يشرب شاي وقعد في الجنينه وئام فهد وقال لهم يلا تصبحوا على خير انا طالع انام عشان ورايا شغل كتير بكره رد سالم تنام ازاي وانت جايب لنا مصيبه في البيت رد فهد بحده مصيبه ايه يا بابا دي مراتي وبلاش حد يضايقها عشان ما نخسرش بعض ومسك كرسي جدو ودخل على الجناح بتاعه
ويتكلم حمدي ممكن بقى تفهمني انت جبت رقيه ازاي رد فهد هحكي لك اللي حصل وحكى له كل اللي حصل النهارده ورد حمدي كويس ان انت جبتها بس ايه حكايه ان انت جوزها رد فهد انا هقول لك يا جدو انا بتجيلي اخبارها على طول وعرفت ان رقيه اتعرفت على اللواء واساعدها انها تخش الجامعه مع بنته انا اديت لي الموظف هناك فلوس وقلت له خليها تمضي على الورقه من ضمن الورق بتاع الجامعه
والموظف وافق من ساعتها وهي مراتي وكانت عيني عليها طول الوقت رده حمدي وخبيت عليا ليه رد فهد خفت يا جدي ان انت ما تقبلهاش في العيله ودي كانت وصيت عمي ليا وما ينفعش اني ما اعملهاش رد حمدي باستغراب هو انت كنت عارف مكان عمك سلطان طول الوقت رد فهد ايوه يا جدو وكنت بكلمه على طول وكان بينا شغل حتى هو شريك معايا في الشركه بتاعتي رد حمدي ازاي ما تقوليش الكلام ده كله وسايبني ادور عليه
رد فهد انا عارف ان انت زعلان بس عمي لما مات كتب وصيه عند المحامي وساب لي فلوس اشغلها له لما اكبر معايا وتبقى باسم بنته وان رقيه ما تروحش لحد ثاني غيري وكمان ابعدها عن اي اذى اتصدم حمدي