رواية عودة عاشق الجزء الثاني2بقلم منة الله الجزار
﷽
ـــــ
سكر بغضب.. قتلت أخوك
كمال بجنون وكسر اللي كان موجود على الترابيزة قدامه.. ما تقوليش أخويا مراد مش أخويا.
سكر بغضب.. لا أخوك أوعك تنسى إنه أخوك أنا عملت غلط كبير زمان بس كنت مفكرة إني برجع ابني مش ببني وحش ممكن إنه يوسخ إيده بدم بس مكنتش أعرف إنه هيوسخها بدم أخوه.
كانت بتزعق.
كمال بجنون.. إنتي بنيتي شيطان معندوش رحمة أنا اللي اتعمل فيا زمان أهو مراد بيدفع تمنه دلوقتي.
سكر بغضب.. مراد برئ من دمك يا كايا برئ.
كمال بجنون.. ما اسميش كايا كايا مات من سنتين وكانت على إيد أخوه.
سكر.. بحزن قعدت وحطت إيدها على راسها.. أنا إيه اللي عملته ده عشان أخلي ابني قدامي وأشوفه على طول من تاني بدل ما أنا اتحرمت منه بعد غياب 22 سنة بره مصر واليوم اللي يرجع فيه ونروح زيارة لأخت جوزي في الصعيد العربية تتقلب بينا يا ريتني ما نزلت وكنت زماني معاهم.... وقعدت تعيط بحرقة كبيرة.
كمال هدي لما شافها بتعيط وقعد جنبها وأخدها في حضنه واتكلم بحنية.. إنتي أم عظيمة بجد إنتي عملتي اللي مش سهل على أي أم تعمله إنتي اديتيني وش ابنك واسمه وحياته وحميتيني وأنا وإنتي مفيش بينا أي علاقة دم بس أنا بعتبرك أمي إنتي أمي وبس.
سكر بدموع... كل ما أفتكر اللي حصل يوميها ووقت ما دخلت المشرحة عشان أشوف ابني وجوزي لآخر مرة قبل ما يكفنوا
ـــــفلاش
الممرضة.. حضرتك ممكن تخرجي لازم نكفنهم.
سكر بانهيار كانت حاضنة ابنها وكانت بتصوت بانهيار... كماااال اااه ابنييي يا ريتني ما رجعت اااه يا وجع قلببي ااه كمااال مشيتوا إنتم الاتنين وسبتوني لوحدي كدا يا روحي تسيب ماما وتمشي ده أنا ملحقتش أخدك في حضني اااه ابنييي.
الممرضة بحزن وحطت إيدها على كتف سكر.. ادعيلهم بالرحمة إنتي كدا بتعذبيهم وبتعذبي نفسك هما دلوقتي في أحسن مكان.
سكر كانت حاضنة وبتعيط.
الممرضة شاورت للاتنين إنهم ياخدوه من حضنها عشان يتكفن... بس سكر كانت ماسكة فيه وبتنهار أكتر وأكتر.. سيبوا ابني هو هيصحى هو مش هيسيب ماما هو قالي أنا راجع عشانك كمال قوم يا ماما قوم مش تقطع قلبي عليك كمااااااال.
أخدوه من حضنها بالعافية وهي قعدت في الأرض وفضلت تعيط.
شوية وأغمي عليها أخدوها أوضة كان جنبها في نفس الأوضة شاب نايم على السرير وباين عليه التعب.
لما سكر فاقت فضلت تعيط وضمت رجليها لصدرها وقعدت تصرخ باسم ابنها.
الشاب كان فاق بس لسه مش أوي كان بينه وبينها ستارة شد الستارة براحة وبصلها.. واتكلم بتعب.. للممرضة.. مالها؟
الممرضة بحزن.. ربنا يصبرها خسرت ابنها وجوزها في يوم واحد.
الشاب.. بحزن عليها.. ربنا يصبر قلبها.. إنتم قولتوا لأهلي إيه؟
الممرضة.. قولنالهم إنك في غرفة الإفاقة.
الشاب.. طيب أنا مش عاوز حد يعرف إني فوقت ماشي.
الممرضة باستغراب.. ليه دول هيموتوا من القلق عليك بره.
الشاب بغضب.. اسمعي اللي قولتلك عليه ونفذيه وقولي للدكتور يقول لهم كديه.
سكر سمعت صوته قامت من على السرير وراحت تشوف لقيته شاب صغير في حدود سن ابنها راحت وقفت جنبه بحنية وملست على شعره.. مين معصبك بس؟
الشاب.. بحنية.. البقاء لله.
سكر اتجمعت الدموع في عيونها.. وبصوت مخنوق... الدوام لله.
سكر.. مالك مين معصبك البت الوحشة دي.
الشاب ابتسم.. ما رضيتش تسمع الحديث.
سكر شاورت للممرضة إنها تمشي.
سكر بحزن.. ضحتك شبه ضحكة ابني.
الشاب.. ربنا يرحمه.
سكر.. يا رب.
الشاب.. أنا اسمي كايا.
سكر.. اسمك حلو يا كايا زيك.
كايا.. تسلمي.
سكر.. كنت بتزعق ليه..
كايا بحزن.. مش عاوز أهلي يعرفوا إني فوقت.
سكر باستغراب.. ليه كدا؟ أكيد قلقانين عليك.
كايا.. بخذلان.. هما السبب في اللي أنا فيه دلوقتي أنا اتصوبت بإيد أخويا.
سكر بصدمة.. أخوك.
كايا.. أيون أخويا اللي اعتبره أبوي أخدت الرصاصة في قلبي منه.
كان بيتكلم بحزن وغضب في نفس الوقت.
سكر.. مش يمكن في سوء تفاهم.
كايا.. بغضب.. ما أعتقدش إن في سوء تفاهم أنا عاوز أنتقم منه ومن الكل هو أخد حبيبتي مني غير كديه أديني مرمي أهو وكل ده بسببه هو.
سكر.. ربنا يصلح حالك يا بني.
كايا سكت شوية وبعدين لمعت في باله فكرة وبصلها.
سكر استغربت.. بتبصلي كدا ليه؟
كايا.. إنتي مش عاوزة تشوفي ابنك من تاني؟
سكر بدموع.. هو اللي راح بيرجع من تاني.
كايا.. أه بيرجع.
سكر.. إزاي؟
كايا.. أنا هكون ابنك.
سكر بحنية.. إنت زي ابني.
كايا.. لا أقصد إنك ممكن تديني وش ابنك وأنا وشي لابنك وبكدا كايا هيكون مات وأنا هكون ابنك.
سكر بعدت عنه بصدمة.. بتقول إيه إنت مجنون رسمي مستحيل أعمل كدا؟
كايا.. بشر.. يا طنط افهميني إنتي كدا مش هتشوهي ابنك بالعكس ابنك خلاص مات وكمان هياخد وش كايا وكمان هعيش معاكي.. وأعرف أنتقم من مراد.. فكري كويس.
سكر.. بتفكير وغلبت عليها العاطفة بتاعت الأمومة ووافقت في الآخر.
كايا وكمال دخلوا أوضة العمليات واتعملت ليهم عملية تجميل الاتنين واللي خرج لأهل مراد خبر موت كايا والجثة بتاعته واتولدت شخصية كمال من جديد.
ـــــباك.
سكر بدموع.. بس ما اتفقناش إنك تقتل أخوك.
كايا..بصدق.. بس أنا ما قتلتش مراد مراد شكله ليه عدو جديد.
سكر.. كايا ما تخبيش عليا يعني مش ليك يد في الحادثة دي؟
كايا.. والله لا بس أنا ليا رجالة مراقبين مراد وهما اللي عرفوني الأخبار دي أنا مليش يد في كدا وبعدين هخلص من مراد وأنا لسه ما انتقمتش منه صح بس في حد كان ليه طريق تاني وخلص عليه من غير ما أوسخ إيدي في دمه.
سكر باستغراب.. مين ده؟
كايا بحيرة.. معرفش بس هيجي اليوم وأعرفه وعدو العدو صديق.
كايا قعد يفكر مين من أعداء مراد اللي كان السبب في موته.
ـــــ
عند مازن وصل المستشفى وحسناء فوقت مايا ونزلوا جري على هناك كانوا رجالة مراد وهند وجليلة قاعدين في المستشفى وهند أول ما شافت مازن رجعت لورا خطوتين برعب.
مازن جري على جليلة.. بقلق.. مراد مراد فين؟
جليلة.. كانت بتعيط ومبتنطقش.. شاورت ليه على الأوضة
مايا راحت على الأوضة بخطوات بطيئة ووقفت وهي حاسة إن جسمها كله معتش شايلها من الخضة شافت الدكاترة وهما عمالين يعملوا ليه صعقات كهربائية والدكتور باين عليه القلق والخوف وعمال يقول للممرضة تزود الفولت بتاع الكهرباء ومراد بيتنط على السرير وهي قلبها بينخلع معاه.
مايا بدموع.. قوم يا مراد قوم مش تسيبني أنا لسه بحبك.
حسناء راحت عندها بدموع.. هيقوم إن شاء الله وهيبقى زي القرد.
مايا.. يا رب يا حسناء يا رب.
وفجأة في صوت طلع