رواية عودة عاشق الجزء الثاني2الفصل الثاني2 بقلم منة الله الجزار
﷽
ـــــ
عند سكر وكايا.
كايا..بهدوء.. أنا لازم أنزل الصعيد.
سكر خرجت من حضنه بصدمة.. ليه؟
كايا.. بهدوء.. اهدي ما تخافيش لازم أبقى جنب مايا دلوقتي هي أكيد محتاجاني جنبها ولازم أكون جنبها.
سكر بشك.. كايا إنت نازل الصعيد ليه السبب الحقيقي مش مايا إنت عاوز تشوف وتتأكد إنك خلاص خلصت من مراد للأبد صح..؟
كايا بتنهيدة.. الحقيقة أه عاوز أنام في سلام أنا كل يوم بيجيلي كابوس إن مراد عرف الحقيقة وجاي عشان يكمل اللي عمله زمان عاوز أشوفه وهو بيندفن قدام عينيا.
سكر.. ليه الشر ده كله يا بني ده في الأول والآخر أخوك ابن أمك وأبوك ما عملش ليك حاجة حلوة في حياتك يمكن كان غصب عنه اللي حصل هو دلوقتي في دار الحق وإحنا في دار الباطل كايا لازم على الأقل تسامحه.
كايا قام من جنبها بزعر.. أسامحه بجد أسامحه على إيه ولا إيه ده حاول يقتلني.. وإنتِ جاية تقوليلي سامحه بتهزري صح.
سكر بجدية.. كايا كلنا بنغلط وعلى ما أظن إنك إنت كنت سبب الخناقة بين مراد وأبوك واللي عمل كدا مراد كان طول عمره بيحميك ولما كان أبوك بيجبرك على حاجة كان هو بيقف ليه ما تنساش كدا هو الحق يتقال وإنت اللي قولت كدا بلسانك أنا ما أفتريش عليك ولا عليه مراد كان ضلك الحقي وضهرك وسندك وأهو خلاص راح.
كايا بجنون... مراد مراد إنتِ معاكِ حق بس أنا كنت مفكر كدا قبل ما يحصل اللي حصل ده كله صح أنا كنت بتخانق مع أبويا يوميها وأبويا كان هيطردني من البيت بس هو مراد اللي كان السبب في الأول وجه يعمل نفسه بطل أكيد دي خطة من مراد عشان يأثر على الكل بيها محدش يعرف مراد أكتر مني مراد ده وحش وحش.
كايا بدأت علامات التعب تظهر على جسمه من كتر العصبية.
سكر.. بخوف.. طيب اهدى بس كدا العملية هتبوظ
كايا.. بتعب.. لازم أتأكد إني خلاص خلصت منه للأبد.
سكر قعدته بخوف.. نازلة أجيب الدوا بتاع كمااال بسرعة.
البنت شوية وجت ومعاها أدوية أخدتهم سكر منها بخوف وادتهم ليه.. وأخدته في حضنها وقعدت تملس على شعره.. اهدى هنعمل اللي إنت عايزه اهدى بس
ـــ
عند مراد.
الجهاز رجع ليه النبض تاني بس ضعيف الدكتور حاول كتير إنه يرجعه منتظم تاني بس في نبض حتى لو هو ضعيف في أمل إنه يرجع تاني للحياة.
مايا بفرحة.. مراد مراد رجع ليه نبض تاني.
كانت واقفة بتصقف بفرحة وعيونها بتدمع.. حسناء حضنتها.. الحمد لله قولتلك مراد زي القرد هيقوم ما تخافيش.
مازن بفرحة.. اللهم لك الحمد.
جليلة بفرحة.. اللهم لك الحمد الحمد لله يا رب إنك استجبت لدعائي.
هند من لما نطقت مايا الكلمة وهي جسمها بدأ يترعش من كتر الخوف.....
بعد دقايق خرج الدكتور وطمنهم إن النبض.
في أوضة عادية كان موجود مراد وحاوليه الكل وطبعاً هند كانت معاهم عشان ما ينشكش فيها.
مراد كان نايم ودراعه متعلق في رقبته وغير إن في شاش ملفوف على دماغه وخدوش في وشه وإيده.
مايا وجليلة كانوا قاعدين حواليه والباقي واقفين.
مراد بدأ يفوق بتعب.. ااه أنا فين؟
حسناء بضحك.. إنت في النار وبتتحاسب على عمايلك السودة كلها يا مراد يا ابن صحيح اسم أمك إيه؟
مراد بتعب وبغيظ.. حتى في النار ورايا ورايا يا شيخة ارحمي أمي.
مازن سند دراعه على كتفها... واتكلم بضحك.. من أعمالكم سلط عليكم هه.
جليلة بغيظ.. بس يا ولد إنت وهي سيبوا ولدي في حاله.
مازن بتصنع الزعل.. بقى كديه يا مرات عمي وإني عشان غلبان ومسكين ومليش حد بتستقوي عليا.. أخس أخس ما كانش العشا خالص يا مرات عمي.
حسناء بتقلده.. صعبت عليا أوي أوي يا بني خلاص يا روحي أنا هعملك عشا هه.
مراد وهو مغمض عيونه.. بغيظ.. شربات يا ض إنت وهي حلة ولقت غطاها 😒.
مايا كانت بتبص عليه بحب.. حمد لله على سلامتك.
مراد فتح عيونه بعدم تصديق هل هي فعلاً ولا بيتخيل الصوت لقاها قاعدة قصاده وبتبتسم ليه.. مايا.
مايا بحب.. أيون مايا يا روحي.
حسناء بصدمة.. اتقلي يا بت شوية طلعت روحك.
كانت فاتحة بؤها بصدمة وكان شكلها يضحك.
مراد بغيظ.. مازن خد مراتك واطلعوا بره إنتوا الاتنين أنا واحد لسه قايم من الموت مش هترجعوني ليه تاني خدها واخرجوا.
مازن بتمثيل العياط.. بقى بتطردني يا ولد عمي عشان المزة أه ما هو من لقى أحبابه نسي أصحابه يلا يا حسناء ما لناش مكان في المستشفى دي هنروح كافيه هنا أهو نقعد على الكنبة دي لحد ما يخلصوا محن مع بعض.
مايا اتفجرت في الضحك عليه هي وجليلة.
مراد جاب علبة الدوا بتاعته وحدف مازن بيها.. غور يا ض من هنا ما عنديش غير مرارة واحدة وهتنفقع بسببك يا زفت غور.
مازن أخد حسناء من دراعها واتصنع الزعل بس بطريقة مضحكة مط شفته اللي تحت لقدام وتعبيرات وشه قلبت على بيبي صغير وشد دراع حسناء للآخر أخده تحت باطه.. وكان ماشي زي بطة بتطير 😂.. يلا يا مزتي إلى الأمام دور وداخ بيها وبعدين إلى منتدى المشي ومشي وأخدها وراحوا قعدوا على الكنبة وكل ده والكل ميتين على نفسهم من الضحك عليهم.
مراد بضحك.. يا رب تطير بقى وإنت عامل زي الروبوت كدا 😂.
مازن بسخرية مضحكة.. لو سمحت ما تكلمنيش ولو مش عاجبك طلقني يا لطفي 😂.
مايا وحسناء حطوا إيدهم على بطنهم من كتر الضحك ما بقوش قادرين.
مراد وهو بيقلده.. لا مش هطلقك إنتِ أم العيال ههههه.
مازن زي ما هو.. لا يا لطفي إحنا كدا لازم نطلق مليش دعوة بالعيال خدهم إنت ربيهم أنا حلوة ومقطقطة وألف مين يهواني.
مراد.. يهواكي على إيه اتنيلي ده أنا كنت واخدك تخليص حق كان أبوكي مستلف مني 50 جنيه ومش عارف يرجعهم قالي خدها وأهو تكفرك عن ذنوبك دنيا وآخرة ههههههههه.
مازن.. بقى كدا يا لطفي بعد ما أخدتني لحم عاوز ترميني عضم لا والله يا أختي لازم أخد حقي وحق العيال كمان أبداً.
مايا بضحك.. إنت قلبت على بتوع شبرا كدا ليه ههههههه.
مازن بضحك.. أصلك ما تعرفيش يا أختي الرجالة دول يقطعهم بياخدوا الواحدة لحمة ويرموها عضم لازم تخلي بالك يا أختي.
حسناء بضحك... في دي معاكِ حق يا أختي.
مازن.. شوفتي أهي بتأيد كلامي أوعي ياخدك ويقولك هاتي واحدة سكر تديله لا كله إلا شرف العيلة يا بت.
مراد.. طيب لو هي اللي بتتحرش بيا وبتقولي هات إنت اديها يا أختي.
وغمز لمايا وهو بيضحك.
مازن بلولوة.. يا لهوتيني يا لهوتيني يا أختي عاوزة تتحرشي بالواد اللي حيلتنا وتاخدي منه اللي إنتِ عاوزاه وبعدين ترميه كله إلا كدا.. لا يسلم الشرف الرفيع من الأذى التار ولا العار.. يا بوي.
مراد.. أهو قلب الناظر صلاح الدين أهو 😂 وبعدين صعيدي.
مازن عدل القميص بتاعه بحركة مضحكة وسبل بعينه وضم شفايفه على بعض.. قولتلك لو مش عاجبك طلقني يا لطفي. 😂😂😂😂😂😂😂😂😂.
مراد