رواية ورق نعناع الفصل الثاني2بقلم روان محمد زقزوق
أزُول أتياتس إنُو تعالِي أ تيليست انخ
"مكنتش فاهمه حاجه و متضايقه أصلا و جدتي بتتكلم بصيت لأمي علشان تفهمني "
زينب بهدوء
_ بتقولك أهلا تعالي يا عروستنا
ابتسمت ابتسامة صغيرة بس من جوايا ضيق من كلمة عروستنا و لقيتها مسكت ايدي و اتكلمت كلام مفهمتش منه حاجه و ببص لأمي تفهمني لحد ما لقيت عيال قرايبي وقفوا و بنت اتكلمت
~ معلش يا جدة ممكن ناخدها بس نعرفها على نفسنا
هزت أسمى دماغها و شدوني لأوضة كبيرة شوية
~ ازيك عاملة ايه
_ ايه دا انتوا بتتكلموا عادي
• اه طبعاً اومال
~ علشان بس جدتنا كبيرة و متمسكة بلغتها الأمازيغية في البيت و بره اومال احنا بنتكلم عادي الاتنين
: أنا فكرتك فاهمه بس مش بتتكلمي
_ لأ خالص مكنتش فاهمه حاجه
بضحك:
~ احم كان واضح على شكلك
ابتسمت شوية و اندمجت معاهم في الكلام كانوا لطاف اوي
_ صح انتوا اسمكم ايه؟
~ أنا سما بنت خالك ابراهيم و اخت أيمن
: و أنا زينهم ابن خالتك نهاد
° و أنا داليدا بنت خالتك سماح
بتكبر و هزار
• احم احم أنا غني عن التعريف
زينهم بغيظ : ما تخلص ياعم الكاريزما و عرف نفسك
• أنا ياستي يوسف ابن خالتك سماح
_ ايه دا هو انتوا خوات
سما : اه توأم بس مش متماثل بس ايه عاملين أصلا زي القط و الفار
و لسه سما هتكمل كلامها لقت داليدا ماسكة في شعر يوسف و هو مسك في شعرها
° انت يلا اللي أكلت الشوكولاته بتاعتي امبارح صح
يوسف: ياستي لأ
° اومال ايه اللي على تيشيرتك دا هاا
يوسف : احم ما أنا ءأءء
بتريقه : ءَءَأْو
اتدخلت و أنا بحاول اخليهم يفكوا عن شعر بعض
_ خلاص حصل خير
° أنا هعديها النهارده بس علشان بنت خالتك حورية باردد!
: غلسة
° صح تيجي افرجك على سيوة هتعجبك بجد
بضيق مكتوم
_ ممكن في يوم تاني
سما بتفهم :
_ على فكره احنا عارفين انك جايه غصب و مش حابه المكان
اترددت شوية مكنتش عارفة أرد ايه الحقيقة هي قالتها و سألت بتردد بسيط
_ عرفتوا ازاي؟
داليدا: من أول ما جيتي مكنتيش طايقه حد يابنتي ولا كنتي طايقه نفسك
زينهم: و عارفين انك مغصوبة على الجوازة
_ طيب انتوا كدا عارفين كل حاجه
حركوا كلهم دماغهم بالإيجاب فبصيت في الأرض بضيق
_ بصراحه مش عارفة اقول ايه
يوسف بمرح :
يا بنتي فكك من دا كله بصي انت خلاص بقيتي اختنا لو عايزة أي حاجه تبقي تقوللنا و كمان هناخدك بليل نفرجك على سيوة
نكزته سما في دراعه بضيق : ياغبي انت الجو هيبقا تلج هنطلع فين! و البنت مش متعودة اعقل!!
زينهم : خلاص بصي بكره أن شاء الله بس هنوديكي مكان تحفه
ابتسمت وقولتلهم تمام و روحت على أوضتي امسك الفون و أفكر لحد ما لقيت أمي جت
زينب بضيق مكتوم : عملتي ايه مع خواتك
بلا مبالاة _ كويس
: طيب بما أنه كويس جيبتلك نعناع اهو لانك كنتي بتحبيه
_ تمام هو أنا هقعد في الأوضة دي كتير مش دي أوضتك برضوا
: اه أوضتي
_ اومال انا هنقل امتى؟!!
: لما تتجوزي ياختي
بضيق _ اتجوز! اه هو من ناحية هتجوز فأنا هتجوز
: بطلي كلامك دا و أنا جيبتلك نعناع علشان عارفه انك بتحبيه و اهو يكون ونيس
"قالت كلامها و هي بتحط تلت أصاصيص نعناع فاتكلمت بضيق"
_ تلاتة بس!! أنا كنت عاملة هناك ضعف الضعف بتوع دول اه ولا يوم من أيام هناك
: ياستي لو عايزة تزرعي الأرض كلها نعناع محدش هيقولك ليه
بضيق : طيب هو المحروس هيشرف امتى عريس الغفلة
: شهرين و هيجي
_ احسن برضوا
: هو في الجيش
بضيق
_ مكنتش عايزة اعرف
: أنا بقولك بس علشان تكوني عارفة و كمان اوعي تزعلي عيال خالتك و عيال خالك منك أنا بقولك اهو
_ ماشي!
: أنا طالعة لجدتك و انت شوفي هتعملي ايه
" حركت دماغي براحة و خلعت طرحتي و قعدت و من الزهق نيمت"
``````````````````````````````````````````
[تاني يوم ]
|صلي على النبي|
"سمعت صوت خبط على الباب و صوت سما و هي بتزعق"
~ يا حورية! اصحي علشان هنتأخر
"فتحت الباب و أنا شبه نايمة "
_ امم
° امم ايه ياختي خلصي البسي بسرعة و يلا
" و أنا بتاوب "
_ حاضر
"لبست بسرعة و روحت معاهم كنا بنمشي و كنت بشوف البيوت اللي من طين و متلونة كانت حلوة يعني و نخيل و كان فيه صحرا من جانب تاني و فيه أراضي و زرع بعدين بصيت لسما "
بتساؤل
_ هو انتوا ليه مش بتتكلموا مصري و عربي قصدي على الجدات و كدا
سما : بصي ياستي هشرحلك
_ هاا
~ احنا اه عايشين في مصر بس اللغة دي قبل اللغة العربية ما تدخل مصر عمونا و طبعاً سيوة بعيدة جداً فالناس مكنتش تعرف عنها حاجه و كمان اه عرفوا بس حبوا دائماً يتمسكوا باللغة الأمازيغية و الصراحه دا مركز فخر لينا
_ ليه؟
: علشان هويتنا يعني دلوقتي أنا بحب اشوف الناس حول العالم و كدا في حاجه اسمها العولمة و دول الناس بيتخلوا عن لغتهم و بيتكلموا لغات تانية زي الفرينكو اللي العرب بيستخدموه بدل الكلمات العادية
بصتلها بإنبهار و أنا مش مصدقة
_ أنا عرفتي دا كله ازاي بجد واو
: يابنتي اومال احنا متعلمين طبعاً
_ لأ بس جامدة
"قاطع كلامنا داليدا "
° ايه رأيك في المكان بقا مش لازم تحبيه اول مره بس ها
ابتسمت نص ابتسامة و أنا ببص حواليا
_ كويس
"ابتسمت اوي و راحت جنب يوسف و هو حط ايده على كتفها "
_ مش دول كانوا بيتخانقوا امبارح و ماسكين في شعور بعض
بضحك : توم و جيري بقولك
"روحنا السوق و يوسف و زينهم عرفوني على الناس مثلا عم اسماعيل بتاع البخار و واحدة بتصنع البراجيت اللي هو اللبس الملون و احنا بنتمشي شوفت واحد عنده نعناع "
_ لو سمحت عايزة نعناع
: قد ايه؟
_ خمس اصيصات من الكبار
زينهم : ينهار ابيض خمسة! و دول مين هيشيلهم!!
_ اسكت بس ما احنا خمسةاهو
يوسف : خليها تجيب اللي هي عايزاه انت مالك انت!
زينهم: أنا مالي
داليدا بضيق : ما خلاص انت و هو الله زهقتونا
"شالوا النعناع و هما هيفطسوا لحد ما وصلنا و كل واحد دخل اوضة بعد ما قعدنا مع الجدة حبه"
»»»»»»»»»»»»»»»»»»»»»»
[بعد شهرين]
"كنت قاعدة قريب من البوابة و حاطه اصيصات النعناع جنبي و برويهم و أنا راضية شوية عن سيوة و عن تاريخها اللي حبيته بس كل ما افتكر عريس الغفلة اتعصب أكتر و اتنرفز لاني مش حابه اتجوز بالطريقة دي و ببص قدامي لقيت حد لابس لبس ميري بتاع الجيش و هو بيقول "
_ اوعى تكون انت العروسة!