رواية بابت بقي بطلي تستغلي منصب ابوكي الفصل الثالث3بقلم ليلان سلامة
بدأت الجولات وكُل لاعب هيلعب 3 جولات
ويزن بدأ الأولى وكسب والتانيه وكسب وفي البريك ببص لقيتُه متعصب وبيضرب في البايك فا قررت اني انزل...
نزلت رُوحتله وقولت:
_ ايه فيها مُشكله؟
بصلي بصدمه واستغراب من وجُودي وقال:
_ انتِ بتعملي ايه هنا؟
_ اكيد مش جايه اراقبك...
رد ببرود وقال:
_ ميشغلنيش،عايزه ايه؟
_ وانا هعوز من اشكالك ايه انا غلطانه كُنت جايه اشوف البايك اصل شيفاك هتتجنن...
_ طب اتفضلي شوفي عمايلك السوده!
اتكلمت بعصبيه وقولت:
_ انتَ جيبها مخرُوبه مش نافعه وبتتريق عَليا!!
_ خلصتي؟اتفضلي يلا علشان الجوله هتبدا..
نفخت بغيظ وبدأت فعلاً اصلحها واشتغلت جه واحد شكلُه من المُتسابقين وقال ل يزن:
_ نصيحه مني بلاش تدخل الجوله هتخسرها دا كدا كدا انتَ متعرفش مين هُو أدهم حُسني...
أتكلم يزن ببرُود وقال:
_ وانتَ متعرفش مين الغُول وهعرفك دلوقتي شكلك جديد لسه!!
_ فعلاً هتوريني والبايك بتاعتك خربانه...
ابتسم يزن ببرُود و سُخريه و قال:
_ ملكش دعوه ليك الإهانه للي هتشوفها....
ضحك أدهم وقال:
_ هنشُوف...
اتكلمت بعصبيه خفيفه وقولت بصوت واطي:
_ انتَ ايه الثقه دي انتَ شكلك هتخسر فعلاً البايك بايظ...
_ ما هي عمايلك المهببه وبعدين وانتِ لزمتك ايه اتزفتي صلحيها...
بعد شويه وقت قدرت اصلحها وبعدين يزن خدها وقولت:
_ هتلك واحده تانيه بقى علشان دي خلاص جابت آخرها منك..
أتكلم يزن وهُو ماشي وقال:
_ والله انتِ للي شكلك فاشله وللِي دخلك الشُغلانه دي امه داعيه عليه.....
بصيت ليه بصدمه وأنا متنحه حرفياً بصيتله بغيظ وعصبيه لقيتُه بيبصلي بإستفزاز...
طلعت فُوق عند ملك وقالت:
_ انتِ كُنتي بتعملي ايه مع يزن الغُول يا ميرا؟
_ كُنت بصلحله البايك بتاعته!
_ بصفتك ايه؟
_ للي بصفتي ايه انا دا شُغلي وبعدين هُو كان حد من الناس للي صلحتلها البايك اصلاً...
همهمت ملك وبعدين..
بدأت الجوله بين يزن الغُول و أدهم حُسني بدأت الجوله وحسيت الجو مشحُون بينهم لاني حضرت الموقف تحت بدأ أدهم يضرب يزن بالبايك بتاعتُه ويسرع سُرعته لوهله حسيت ان يزن هيخسر بس في غمضه عين لقيت يزن بيبتسم و وصل لخط النهايه وكسب........
لقيت أدهم فجاءه بيزعق ونزل من البايك بتاعتُه وزق يزن بس يزن أتكلم وقال بثقه:
_ متلغبش مع الغُول علشان متندمش...
أتكلم أدهم بعصبيه وقال:
_ انا مبخسرش انتَ فاهم؟!!!
ضحك يزن بسُخريه وقال بمُنتهي الثقه والبرود:
_ ما واضح دا انا لسه هاينك من دقايق...
لقيت أدهم مسك يزن ضربُه بوكس يزن ردله الضربه اضعافها وقال:
_ مش مُشكلتي انك ضعيف بتحاول تطلع غضب خُسارتك خلي عندك شويه رُوح رياضيه...
فجاءه حصلت خناقه كبيره جداً بين صُحاب أدهم و يزن بس رغم عددهم كان يزن بيضربهم بس الكُتره بتغلب الشجاعه وخد يزن ضرب اكتر من للي ضرَبه ليهم بسبب عددهم اتكلمت ملك بخوف وقالت:
_ يلا بينا يا ميرال شكلها خناقه جامده..
_ لا استني عايزه اشوف هيحصل ايه!
_ تشوفي ايه يا ميرال انتِ مُتخلفه دي خناقه...
في نفس اللحظه دخلت الشُرطه ولمت كُل للِي في المكان حرفياً ومن ضمنهم انا وملك...
___________________________
في البيت:
أتكلم بابا بعصبيه وقال ل ماما:
_ يعني ايه لسه مرجعتش الساعه 12 هتكون فيين؟!
_ والله يا نوح مش بنتي انا قلقانه علىّ بنتي..
قام بابا من علىّ السرير وقال:
_ وأنا قرفت من بنتك وعيندها وعميلها كُلها....
راح بابا خبط علىّ مرَوان وقال:
_ انتَ يا بيه نايملي وسيبلي اختك في الشارع مش عارفين هي فين؟
قام مروان بخضه وقال:
_ هي لسه مرجعتش؟
_ لسه متنيلتش حسابها لما اشوفها...
_ طب هتكون فين هي يعني يا بابا...
_ معرفش قوم قوم نتنيل ندور نشوف الهانم فيين!!
_ انا عايز انام يا بابا عندي شُغل هتلاقيها جايه دلوقتي..
_ انا نازل تحت ثانيه والاقيك قُدامي....
نزل مروان ل بابا وقال مروان:
_ هندور فين؟
_ هنشوف الأماكن للي بتروحها..
_ طيب..
مشي بابا ومروان ركبو العربيه وفضلو يلفو..
___________________________
في القسم:
اتكلمت وقولت:
_ حضرتك انا معملتش حاجه انا كُنت من الجماهير بس!!
أتكلم الظابط وقال:
_ كل دا ميخصنيش...
اتكلمت ملك بعياط وقالت:
_ حضرتك احنا معملناش حاجه!
أتكلم الظابط وقال:
_ معملتوش حاجه الخناقه دي ومعملتوش حاجه؟!،اتفضلو هاتو البطايق كلكو..
حرفيا كنا عند الظابط انا وملك صاحبتي ويزن و أدهم وصُحابه اديناه البطايق وبدا يبص عليها وفجاءه قال:
_ ميرال نُوح محمد حسن أحمد السعدي...
_ دا انا!
أتكلم الظابط بإستغراب وقال:
_ انتِ بنت نُوح بيه السعدي؟
_ ايوا انا!!
_ ونوح بيه يعرف ان حضرتك في القسم؟
اتكلمت بتوتر وقولت:
_ لا..
طلع الظابط موبيله ورن عليه وقال:
_ نوح بيه ازيك؟
_________________________
عند بابا ومروان:
_ ايه يا مروان لقيتها؟
_ ملقتهاش يا بابا راحت فين البت دي!!
قال كدا والموبيل رن وقال مروان:
_ هي؟
_ لا دا الظابط انور..
________________________
_ نوح بيه ازيك؟
_ الحمد لله يا أنور وانتَ؟
_ الحمد لله بقول ل حضرتك..
_ اتفضل...
_ حضرتك عندك بنت اسمها ميرال؟
أتكلم بابا بلهفه وقال:
_ ايوا..
_ هي في القسم...
أتكلم بابا بصدمه وقال:
_ قسم قسم ايه وليه؟
_ حضرتك لما تيجي هتعرف...
_________________________
أتكلم مروان بقلق وقال:
_ ايه في ايه يا بابا؟
_ اختك في القسم يا مروان!
_ قسم ليه؟
_ مش عارف اطلع بينا بسرعه....
___________________________
بعد شويه وصل بابا القسم ودخل مكتب الظابط وللي وقف اول ما بابا دخل وسلم علىّ بابا وقال:
_ نوح بيه شرفتنا!!
_ شكراً يا أنور ايه في ايه؟
_ بنت حضرتك كانت في سبق عادي وحصلت خناقه هناك وحضرتك عارف ان الشُرطه لما بتلم بتلم كُله للي لي ذمب وللي ملهوش!!
_ ايوا...
_ بنت حضرتك جت عارف ان ملهاش ذمب بس دي قوانين..
_ عارف يا أنور والقوانين تمشي علىّ اهلي قبل الناس...
_ متزعلش مني..
_ مش زعلان يا حبيبي قولي ايه المشكله...
_ مش عارف ممكن انتَ حضرتك تقعد معاهم وتشوف حل لأنهم كدا هيباتو في الحجز!!
أتكلم بابا ووجه لينا كلام وقال:
_ مين للي حصلت معاه المُشكله؟!
اتكلمت ملك بإندفاع وهي بتشاور علىّ يزن وادهم وقالت:
_ الاتنين دول...
طلب بابا من صحاب أدهم يطلعوا بره وخلاني انا وملك علشان نشهد علىّ للي حصل أتكلم بابا وقال:
_ ايه للي حصل وصلكو ان يحصل كدا؟!
أتكلم يزن ببرود وقال:
_ حضرتك مفيش حاجه!!
_ هو للي مفيش حاجه واقلع الخُوذه دي!!
أتكلم أدهم وقال:
_ حضرتك هو للي ضربني..
اتكلمت ملك وقالت:
_ يا كداب انتَ للي ضربته علشان كُنت مغلول منه علشان كسبك...
بص أدهم ل ملك بتوعيد وقال:
_ انتِ مشوفتيش حاجه!
_ لا بقى أنا شُوفت كل حاجه!!
أتكلم بابا بحده وقال:
_ بس انتَ وهي!!،اتفضلو اتصالحو انتو الاتنين علشان ننهي الموضُوع دا خالص!!
وفعلاً اتصالحو يزن وادهم وطبعاً دا بشكل صُوري علشان الحكومه طلعنا سحبني بابا من إيدي وصلنا للعربيه ركبنا و طول الطريق فضلنا ساكتين لحد ما وصلنا البيت...
لقيت ماما جرت عليا حضنتني وقالت:
_ ايه يا ميرال كنتي فين يا قلبي؟
أتكلم بابا بعصبيه وقال:
_ قولي لأمك كنتي فين هاا؟
سكت معرفتش ارد..
قال بابا بعصبيه أكتر وقال:
_ بنتك كانت في القسم!!
_ قسم!!قسم ليه يا ميرال؟!
_ يا ماما اتخدنا منغير ذنب!!
_ وانتِ كنتي فين؟
_ كنت في سبق!!
_ سبق سبق ايه يا ميرال من امتي وإحنا لينا في الحجات دي؟!
_ عادي يا ماما حبيت اغير مش اكتر...
أتكلم بابا بعصبيه وقال:
_ ماشي علشان تغيري كويس مفيش خروج من البيت ولا حتي الجامعه وهتفضلي في الاوضه و العربيه هتتسحب منك والفيزا هتتوقف!!
بصيت لي ومتكلمتش مش قادره اناهد وانا عارفه اني غلطت طلعت اوضتي نمت....
عدا اسبوعين وانا حابسه نفسي في الاوضه مش بطلع نهائي لحد ما في يوم خبط مروان عليا وقال:
_ هو مش هنخلص مين للي كل شويه ينطلنا دا؟!
اتكلمت بعدم فهم وقولت:
_ مين؟
اطلعي بصي من الشباك بصيت وكَان يزن واقف ساند علىّ البايك ولابس الخوذه للي عُمري ما شوفت منه غير عنيه معرفش شكله حتي!!
اتكلمت ل مروان وقولت:
_ وهو عايز ايه؟
_ بيقول عايزك!
نزلت ل يزن وكان مروان ورايا أتكلم يزن وقال:
_ المرادي آخر مره هجيلك عرفت انك مجتيش الورشه من فتره جتلك علشان وقفت تاني كدا كدا هجيب واحده جديده!!
اتنهدت بتعب ومسكتها وبدات أصلح فيها بالحجات للي جيبها يزن لقيت فجاءه عربيه بابا وصلت ودخل وهو بيزعق لما شاف يزن وقال:
_ احنا ايه مش هنخلص من سيادتك طلعلنا في كُل حته؟
_ هي بتصلحلي البايك وماشي ومش جاي تاني!!!
قرب بابا من يزن ومسكُه من هدومه وقال:
_ اقلع الخوذة دي يَلا!!
قربت من بابا وقولت:
_ بابا سي...
قطع بابا كلامي وقال:
_متدخليش تمام!!
وجه كلامه ل يزن وقال:
اقلع الخوذه دي يلا...
_ مش عايز اقلعها...
_ مش هتمشي من هنا غير لما تقلعها انتَ سامع؟!
يزن استسلم وقلع الخوذه لقيت بابا فاجئه سابه وقال بصدمه:
_ يزن!!!