رواية انت قدري الفصل الثاني2بقلم زهراء

فاطمه وهي بتضحك: مالكوا كده يا بنتي عاملين شبه القط والفار..

رهف: مش عارفه بجد ماله ده..مصر يخرجني عن شعوري...

فاطمه: لا طولي بالك كده عشان شكلنا مطولين..

رهف: ربنا يصبرني بقي...لو تشوفيه بعد العمليه وهو بيشكرني...تقولي متربي عشر مرات..

فاطمه: مش قادره بجد...بس ده مينكرش انهم حاجه كده من الاخر...

رهف: اسكتي يا شيخه.

فاطمه ميلت عليها وخبطتها في كتفها وقالت: بزمتك مش حلوين..

رهف: الصراحه اه..شغل عالي.

فاطمه: ايوا ظباط بقي...يارب اوعدنا...

.................................

بعد اسبوع.....في غرفه ادم

حمزه وهو بيقفل الباب: عامل ايه دلوقتى يا صحبي..

ادم وهو بيتعدل: الحمد لله بقيت احسن...جيت انهارده بدري يعني...

حمزه: اه عشان الدكتوره قالت انك هتبدأ انهارده الجلسات..

ادم: اه منا عرفت...هو انا هخرج امتي بقي زهقت...

حمزه: هتخرج بكره ان شاء الله وبعدين هنيجي تلات ايام في الأسبوع عشان الجلسات... وبقولك صحيح لقيت شقه قريبه من الشغل وشفتها وكويسه ونقلت فيها حاجتنا اما تطلع بقي نروح انا وانت

ادم: طيب الحمد لله فرحت والله اخيرا لقينا..و زهقت اووي من القاعده هنا...

حمزه وهو ببغمز: زهقت من ايه يا عم...دانت خاربها..

ادم وهو بيحط ايده علي عينه بطريقه تضحك: بس بقي ياعم عشان بتكسف...بس الصراحه هي ذوق اوووي...

حمزه: ايوا بقي يا عم ادم...الحق عينك بتطلع قلوب..

ادم وهو بيضحك: اه منك يا حمزه..

حمزه: بقولك ايه هي الدكتوره فاطمه...هتعملك الجلسه لوحدها...

ادم وهو بيغمز له: لا اطمن يا عم الدكتوره رهف معاها...متقلقش خالص..

حمزه: لاوانا هقلق ليه وانا مالي ومالها..انا بسأل بس عشان انت عارف انا وهي مش بنسلك مع بعض...

ادم بمكر : عارف يا صحبي..عارف مصدقك..

حمزه حدفه بالمخده....

الباب خبط....

دخلت فاطمه ورهف..

فاطمه بلطف: عامل ايه دلوقتى يا ادم..

ادم بابتسامة: تمام الحمد لله..

فاطمه: جاهز..للجلسة..

ادم هز راسه وقال: اه ان شاء الله...

حمزه حاط ايده علي كتفه وابتسموقال: شد حيلك يا صحبي...انت قدها وقدود...

وعين جت في عين رهف...فالابتسامه مشيت وبص الناحيه التانيه..

رهف وهي بتضحك: يا حول الله يارب...يلا يا دكتوره فاطمه اما نبدأ....

فاطمه: يلا بينا علي العياده...

................................

فاطمه: ايوا يا ادم اسند عليها...يلا امشي...

ادم بضعف: اه..بيحاول ياخد خطوه..بس مش قادر

فاطمه: معلش اضغط علي نفسك...بس لو وجع جامد وقف...

ادم: لا تمام....

رهف  قاعده وماسكه الموبايل ومتابعه ادم..

حمزه بص لقاها قاعده فقال: وحضرتك هتخليكي قاعده يا دكتوره...بتبصي بس..

رهف: نعم!! وايه الي مضايقك..

حمزه رفع كتفه وقال: لا وهتضايق ليه شايفك يعني قاعده مش بتساعدي في حاجه...ولا ده كمان مش شغلك...

رهف: سؤال بس هو حضرتك مركز معايا ليه..خليك مع صاحبك...

الموبايل عمل صوت زي المنبه...

رهف: بس يا دكتوره فاطمه كده الوقت اللي حددتيه خليه ياخد بريك بقي...انا سجلت كل اللي عمله والنقاط كمان...

فاطمه : تمام كويس اووي

رهف بصتله بتحدي: هااه عرفت شغلي..يا حضره الظابط..

حمزه بتريقه: ايوا..تعبتي جامد اووي الصراحه...

رهف بصت لفاطمه ومردتش عليه...: فاطمه انا طالعه هجيب الملف واجي...

وطلعت وقبل ما تقفل الباب قالت: الظاهر ان مش ادم بس الي عايز علاج طبيعي...استاذ حمزه شكله محتاج جلسه بس مش هنا في عياده النفسيه...وابتسمت بنصر وقفلت الباب...

ادم وفاطمه مقدروش يمسكوا نفسهم من الضحك...

حمزه: اضحكوا اضحكوا

ادم بضحك جامد وحط ايده علي بطنه: عياده النفسيه...ينهار مش قادر بجد...

حمزه : اضحك يا اخويا..اضحك...انا طالع هروح اجيب قهوه......

.............................

فاطمه بصت علي ادم لقته باين عليه الحزن...قالت: ادم انا عارفه انها حاجه صعبه...خصوصا انك بتحب شغلك..جدا..

ادم بصلها وقال: ايوه شغلي كان اهم حاجه..عندي خايف مقدرش امشي علي رجلي زي الاول...

فاطمه ابتسمت وقالت: انت مش واثق فيا ولا ايه...وعلفكره انت كلها شهرين وهتقول دكتوره فاطمه قالت..

ادم : يارب...ان شاءالله خير... و علي فكره انا واثق فيكي جدا..

فاطمه: فرحت وان شاء ترجع احسن من الاول...

بس عندي طلب...

ادم : اتفضلي

فاطمه: بلاش تضغط علي نفسك اووي..واحده واحده....اتفقنا

ادم هز راسه وابتسم وقال : تمام..اتفقنا

فاطمه ابتسمت وقالت : خمس دقايق ونكمل..

ادم: تمام...

.............................

حمزه راح عشان يجيب قهوه...لقي رهف واقفه هناك...ابتسم بمكر كده وراح ناحيتها....

حمزه وقف جنبها وقال: ايه ده بتجبيلي قهوه ...عشان تعتذري مني...احييكي علي ذوقك...

رهف: نعم..ايه ده خيالك صورك كده...وبعدين انا مش شايفه اني قلت حاجه...دي نصيحه..

حمزه: بجد..نصيحه..اه وانا ظلمتك بقي وكده

رهف: اممم ربنا يسامحك... وخدت القهوه...وابتسمت وقالت

عن اذنك..

حمزه بصلها من فوق لتحت وقال بزهق: دكتوره ازاي دي بس...دي واخده كورس في الرد..

.......................................

ادم بوجع: خلاص كده كفايه...مش قادر تاني

فاطمه: تمام كده كفايه انهارده...برافو يا ادم..نكمل بقي الجلسه الجايه...

ادم: تمام يا دكتوره....

حمزه قرب منه يسنده: تعالي يا صاحبي...

فاطمه : ادم اتفضل.. ده الرقم بتاعي عشان لو حسيت باي حاجه...ولو حصل اي ظروف ومش هتعرف تيجي...كمان تقدر تطلع انهارده...

ادم بفرحه: بجد انهارده..

فاطمه: ايه ده زهقت مننا ولا ايه...

ادم بلطف: لا خالص والله بس مش بحب جو المستشفي..

فاطمه: تمام هجهزلك الورق عشان تخرج...

..............................

حمزه وهو بيلم حاجه ادم ....دخلت رهف..

رهف: اتفضل يا استاذ ادم...دي روشته فيها علاج تمشي عليه لاسبوع...

ادم: تمام..شكرا

حمزه: شكرا يا دكتوره رهف..

رهف باستغراب: انت كويس يا استاذ حمزه..

حمزه بضحك: ايوه انا تمام..بس لازم اقدر تعبك..

رهف بابتسامة: كويس والله...ومفيش تعب خالص ده شغلي..عن اذنكوا...

ادم وحمزه: اتفضلي...

ادم: ايوه يا عم الحنين...

حمزه: تصدقك انت ناكر جميل...دي طول الاسبوع تعبانه معاك...

ادم: الصراحه اه هي ودكتوره فاطمه...كويسين اووي..

حمزه: بس ده مينفعش انها متسكتش علي حقها...

ادم بضحك: اه روقتك..

حمزه: بقي كده ...وحدف التيشيرت في وشه...شوف بقي مين الي يلمك حاجتك..

ادم: خلاص خلاص مش هتكلم..

حمزه: ايوا كده...بقولك صحيح احنا هنطلع من هنا علي الشقه الجديده...

ادم: ايوا بقي..

.......................................

رهف: ايوا يا ماما انا جيت اهوه...ركبت الاسانسير..

مها: طيب يا حبيبتي..وهاتي فاطمه تتغدي معانا...

رهف: فاطمه مجتش معايا...اصلها راحت مشوار..

مها: يخساره...كنت عامله المحشي الي بتحبه..

رهف: يلا بقي متعوضه...وفتحت باب الاسانسير وطلعت ....

ايه ده مين الي حط كيس الزباله ده هناا...وايه المنظر ده...هو في حد جديد جه..وخبطت علي الباب....

رهف: هو ايه ده محدش بيفتح ليه...وفجأه فتح الباب..

رهف بصدمه: انت..انت بتعمل ايه هنا..

حمزه: ايه ده دكتوره رهف...انتي الي بتعملي ايه هنا..

رهف: انا ساكنه هنا...دي شقتنا وشاورت علي الشقه في وش شقته...

حمزه: ايه ده ايه الصدفه الحلوه دي دحنا جيران..بقي..

رهف: ايه ده انت الساكن الجديد..

حمزه بابتسامة: اه..

رهف: اهلا وسهلا...وشاورت علي الكيس وقالت..ده ايه..

حمزه: ده كيس زباله..مش باين..

رهف: ايوا بيعمل ايه هنا...

حمزه : امال احطه فين....

رهف: حضرتك شايف ان ده مكان  بيتحط فيه الزباله يعني..

حمزه : انا معرفش...خلاص هخلص الي بعمله واشيلها الموضوع مش محتاج ده كله يعني

رهف ربعت ايدها وقالت: لا معلش شيلها دلوقتى..

حمزه بعناد: قلت اما اخلص الي في ايدي هشيلها..

رهف: هو حضرتك بتعترض علي اي حاجه وخلاص ...

حمزه: يستي هتعرض ليه بس...شايفه ايدي فيها صابون..فاضل صحن هغسله واشيلها...

رهف ضحكت من كلامه وقالت: طيب متنساش تشيلها..سلام

حمزه: ايه ده انت طلعتي بتضحكي زينا كويس والله..

رهف باستغراب: لا إله إلا الله...هو انا مش بني ادمه يعني....لا انا ماشيه الكلام صعب...

حمزه:  تعالي اشربي حاجه...

رهف ضحكت عليه وهي ماشيه وقالت: مش طبيعي والله......

حمزه دخل وقفل الباب وقال: شكلها هتحلو اووي..

                  الفصل الثالث من هنا