رواية انت قدري الفصل الثالث3بقلم زهراء

حمزه: عملتك شويه اكل بقي..ياواد يا ادم...ياسلام عليا...شيف اللهم بارك...

ادم: الله الله...حبيب قلبي...

حمزه بحماس: دوق كده وقول رأيك...

ادم سكت شويه وبصله..

حمزه بقلق: ايه وحش...متقولش...

ادم: توحفهه كالعاده وداق تاني وقال: وربي انت فنان...

حمزه : حبيب قلبي بالهنا والشفا...بقولك صحيح مش هتصدق....

ادم: قول فيه ايه...

حمزه : تعرف مين الي ساكن في الشقه اللي قدامنا...الدكتوره رهف

ادم: بتهزر..اوبا بقي...اللعب هيحلو..

حمزه: واقولك علي الكبيره...شفت الدكتوره فاطمه...طالعه الدور الي بعدنا..شكلها ساكنه هنا...

ادم بفرحه: انت بتكلم جد...ولا بتسرح بيا..

حمزه: والله بجد..

ادم حط ايده علي قلبه: قلبي الصغير لا يتحمل...

حمزه بضحك: الف سلامه علي قلبك يا اخويا...خلص اكل يلا عشان نشوف هنجيب ايه من السوبر ماركت وهو بالمره تفك شويه...

ادم: تعرف يا حمزه...انت لو بت كنت اتجوزتك...

حمزه: استغفر الله...اظبط كده ياض..

ادم وهو بيضحك: متخفش مش للدرجادي...بهزر معاك يا جدع..مهزرش..

حمزه : هزر يا اخويا..وماله..انا داخل البس..

ادم والاكل في بوقه: ماشي...

حمزه: ابلع الاول...بعدين اتكلم...

...................................

فاطمه وهي بتفتح بتضغط علي زرار الاسانسير...: بتهزري..سبحان الله بجد..وانتي عرفتي منين بقي ان ادم معاه...

رهف: امي اللي قالتلي...اصلها شافتهم..وقالتلي شابين ...وواحد فيهم مش قادر يمشي..قلت يبقي ادم...

فاطمه: اه اكيد..

رهف بضحك: ولو تشوفي شكله ..وهو بيقولي..فاضلي صحن...فطست ضحك...مكنتش قادره بجد...ولا وانا ماشيه بيقولي تعالي اشربي..حاجه...

فاطمه وهي بتضحك جامد: بتهزري...مش قادره بجد...واضح انه دمه خفيف..

رهف: اه بجد...

وفاطمه بتفتح باب الاسانسير...لقت ادم في وشها...

ادم: ايه الصدف الحلوه دي...حمزه قالي اننا هنبقي جيران...

فاطمه: ايوه فعلا...العماره نورت...

ادم بلطف: منوره بأهلها..

حمزه بصوت عالي: انت ياض مش قلتلك متلبسش الحزام بتاعي..ولسه بيبص لقاهم في وشه وباصين له...

قرب وقال بابتسامة: ازيكو..معلش بقي انا قلتله مياخدش حزامي بحبه...قام ادم ضربه بايده في جنبه... حمزه: ايه...طب اشهدوا انتوا ينفع...

البنات ضحكوا عليهم...وقالوا : لا مينفعش...عن اذنكوا

ادم وحمزه: اتفضلوا..

فاطمه لفت وقالت: ادم

ادم: نعم..

فاطمه: خلي بالك متمشيش كتير عشان متتعبش ...

ادم بابتسامة: حاضر..

فاطمه: تمام..ومشيت...

ادم: ينفع اللي انت بتعمله ده والنبي...سيحتلي قدامها..

حمزه: ياعم اتكسفت..مكنتش عارف اقول ايه...بعدين انا قلتلك متخدوش...

ادم: طب منتش هتشوفه تاني...

حمزه : لو راجل اعملها...وشوف بقي هعمل ايه

ادم: ده ولا كأنه عيل من عيالك..

حمزه: اكتر وحياتك...

........................................

رهف قربت من فاطمه وخبطتها في كتفها وقالت: ايه خايفه  عليه ولا ايه...

فاطمه وهي بتغير الموضوع: هو مين..

رهف: عليا الشغل ده ...ادم يختي..

فاطمه: انا قصدي بس عشان هيتعب في الجلسه كده...

رهف : لا الف سلامه...مينفعش خالص..

فاطمه: بس يا بت...صفي نيتك..

رهف: ماهي عشان صافيه...بقول كده..

فاطمه: واضح...يلا تعالي اما نشوف الحاجات التوحفهه اللي جبناها....

رهف بحماس: يلا بينا...

......................................

رهف صحيت من النوم....لقت صوت ضحك وهزار جاي من بره..لبست الاسدال وطلعت..تشوف فيه ايه...

مها وهي ماسكه بطنها من الضحك: والنبي انت دمك عسل..

حمزه: تسلمي...دانتي اللي عسل والله...

رهف باستغراب: ايه ده فيه ايه..

وانت بتعمل ايه هنا....

مها: ايه يا بت مش تقولي صباح الخير...الاول..

ده حمزه..مانتوا عارفين بعض...

رهف: اه..من المستشفى...اه مقلتليش برضو بتعمل ايه هنا علي الصبح كده...

مها: فيه ايه يا بت انتي متعرفيش الذوق..

حمزه: قوليلها والنبي يا طنط...

رهف برقتله بغضب وبصت لأمها: مش قصدي يا ماما...قصدي بدري يعني...

مها: حمزه ربنا يكرمه..يارب..كنت جايه شايله حاجات كتير من السوق..شالها عني وجابها لحد هنا... تعبتك معايا يبني

حمزه بابتسامة: مفيش تعب ولا حاجه..بعدين احنا جيران مفيش بينا الكلام ده..

مها: صحيح ياحمزه...انت عايش انت وصاحبك بس...امال اهلك فين...

حمزه بأسف: الله يرحمهم...ماتوا وانا صغير في حادثه...واتربيت مع خالتي وادم صحبي ده يبقى ابن خالتي...واحنا نقلنا هنا عشان نبقي قريبين من الشغل....

مها: انا اسفه يا بني قلبت عليك المواجع...ربنا يرحمهم يارب..انت من النهارده زي احمد ابني..

حمزه: لا عادي مفيش حاجه..الله يخليكي...

رهف حست انه صعب عليها فبصتله..وقالت: ربنا يرحمهم... بصلها وهز رأسه

مها بحزن: وجوزي كمان ربنا يرحمه...ميت بقاله سنتين...

حمزه: ربنا يرحمه يارب...وبص لرهف لقي الحزن باين علي وشها... فغير الموضوع وقال: دكتوره رهف..الجلسه بتاع ادم انهارده صح..مينفعش تتأجل ساعه مثلا...

رهف: ممكن بس لسه مش متأكده..عشان في ناس تانيه..

حمزه: امم اصلي هبقي في مشوار وهتأخر ساعه بالكتير...وانا مش عايز اسيب ادم لوحده...

رهف: طيب خد رقمي وابقي رن عليا..وانا اقولك تيجي امتي...

حمزه: تمام..قولي...

رهف: كده تمام..

حمزه: انا رنيت..سجليني بقي..بس اوعي بقي كل شويه تقعدي ترني عليا ورنيت بالغلط ..لا الحركات دي انا عارفها...

رهف بضحك: امم حلوه الثقه الزايده دي..

حمزه: متشكر..قام وقف وقال..عن اذنكوا بقي عشان هتأخر..علي شغلي...

مها: رايح فين...مانت قاعد..

حمزه: لا كفايه كده...فرحت اني اتعرفت عليكي..

مها: وانا كمان والله دخلت قلبي..

حمزه : تسلمي..مع السلامه...

مها: مع السلامه...وقفلت الباب وقالت: والله واد متربي وعسل ربنا يحفظه يارب...

رهف ابتسمت من غير ما تحس وقالت: ايوه فعلا..

لقت مها بصلها...

لا انا عارفه البصه دي انا داخله البس وجريت علي اوضتها...

مها رفعت ايديها: يارب اللي في بالي..يارب..

.........................................

فاطمه قاعده وكل شويه تبص في الساعه..

رهف: فيه ايه وترتيني...كل شويه تبصي علي الساعه ليه..

فاطمه: اصل ادم اتأخر..وعدي نص ساعه علي الميعاد...

رهف: ايوه صحيح..حمزه قالي ارن عليه..

فاطمه: ليه فيه حاجه؟؟

رهف: اصله قالي هيتأخروا شويه ولما الدور يفضي ارن عليه ونسيت اقولك..

فاطمه: مش مشكله..انا فكرت فيه حاجه...

رهف: لا..استني ارن عليه...ضغطت علي الاسم وبعد ثواني...رد و اول ما سمعت صوته..اتوترت كده وسكتت قبل ما ترد...

حمزه: الو...دكتوره رهف..

رهف استجمعت قوتها: الو يا استاذ حمزه...تقدروا تيجوا..دلوقتي...

حمزه: تمام..نص ساعه وهنبقي هناك..

رهف: تمام ماشي..

حمزه: مع السلامه..

رهف: سلام.....وقفلت الموبايل...وخدت نفس وقالت: هو فيه مالك كده يا رهف..اجمدي كده..وبعدين هو ماله بقي ذوق مره واحده كده..تؤ مش ينفع كده...

فاطمه بابتسامة: ايوا بقي يا رهووف...شكلنا هنقع..

رهف: بس يا بت..تفي من بوقك..وسكتت كده وقالت لا بعد الشر...

ضحكت فاطمه عليها وقالت: شر برضو..ماشي..

..............................

حمزه: يلا يبني هنتأخر....

ادم وهو بيعدل القميص: ايه رأيك شكلي..حلو ..واد جنتل كده ولا ايه

حمزه: يارب صبرني..عليك..هو انتي رايح تتجوز يلا.

ادم بابتسامة: ادعي من بوقك لباب السما...يعم بقي قولي..شكلي ايه..

حمزه:  قمر يا اخواتي...يلا بقي..

ادم: يلا يا اخويا....

..................................

حمزه وادم وصلوا المستشفى....ودخلوا العياده....

ادم: ازيك يا دكتوره فاطمه..

فاطمه: تمام الحمد لله..انت عامل ايه... وسلمت علي حمزه كمان..

ادم: بخير الحمد لله...

حمزه عمال يدور بعينه علي رهف بس هي مش موجوده في العياده....

حمزه: انا هروح اجيبلك ازازه مايه واجي..

ادم: تمام..

....................

طلع حمزه وقفل باب...وبص لقي...

رهف جايه وبتزق طفل بكرسي متحرك...وعماله تتكلم معاه وتلاعبه  وتضحك..وبعدين طلعت مصاصه واديتهاله...

حمزه فضل باصص عليها وابتسم من غير ما يحس...

رهف لمحته واقف بيبص عليها...اتلغبطت كده...بس كملت طبيعي...

حمزه قرب ناحيتها...

ابتسم وقال: ازيك يا دكتوره رهف...وقعد علي ركبته ..وقال للطفل: اسمك ايه ..يا بطل

يزن: اسمي يزن..وانت اسمك ايه..

اسمي حمزه...

يزن: وشغال ايه بقي

حمزه: شغال ظابط ...وانت عايز تشتغل ايه بقي ما تكبر..

يزن: تعرف انا نفسي ابقي ظابط زيك..وابقي طويل وعندي عضلات كده زيك..

حمزه بضحك: ان شاء الله تبقي احلي ظابط..واحلي مني كمان...ورفع ايده وقال كفك..يا بطل..

رهف باصه عليه ومبسوطه من لطافته..

يزن: رفع ايده وضربه في كفه...

حمزه: اه ايدي دانت قوي بقي...وقام وقف وحسس علي شعره بلطف...

رهف ابتسمت له وقالت: هوصل يزن واجي عشان نبدأ الجلسه...

حمزه: تمام وفضل باصص عليها وهي ماشيه وابتسم وقال: شكلك هتقع ولا ايه.. وفجأه سمع صوت جاي من العياده...

...............................

حمزه فتح الباب بسرعه: لقي ادم واقع علي الارض... والدكتوره فاطمه بتمدله ايديها وهو بيقولها هقوم لوحدي

حمزه: فيه ايه يا ادم...هات ايدك يا صاحبي..تعالي قوم...علي مهلك..

ادم: انا عايزه اروح يا حمزه...

فاطمه: احنا لسه مخلصناش الجلسه يا ادم...

ادم وهو مديها ضهره: شكرا مش هعمل جلسات انا...

فاطمه: انت هتستسلم بالسهوله دي يا ادم...

ادم بصوت عالي: انا عارف ان انا مش هقدر امشي تاني ...ليه مصرين تحسسوني بالعجز..

رهف دخلت في اللحظه دي وقالت: فيه ايه..

حمزه: ادم..اهدي يا صاحبي..هتبقي كويس والله

ادم: هتيجي معايا ولا اروح لوحدي..

حمزه : طيب يا صاحبي اللي انت عايزه يلا...

رهف: تروح فين وانت ساكته ليه يا دكتوره فاطمه...

فاطمه: كل واحد عارف مصلحته..استاذ ادم عايز يخف من تاني جلسه....

ادم مردش وفضل ساكت...

رهف بصت لحمزه وقالت: وانت موافق علي كده...

حمزه : فيه في ايدي حاجه ...علي مايهدي ونشوف..

رهف: دلوقتي مفيش في ايدك حاجه...وفي الاول انتوا في دكاتره..انت اللي كده صاحبه اوي..واكتر من اخويا.. 

حمزه بعصبيه: انا مسمحلكيش تتكلمي معايا بالاسلوب ده...وتشكي في حبي لصاحبي..انا اكتر واحد في الدنيا اخاف عليه...

رهف: انا اسفه..اني اتعديت حدودي...وخرجت وقفلت الباب..

فاطمه: استاذ حمزه...دكتوره رهف بتعامل المرضي كأنهم عيلتها...وفعلا هي خايفه عليه...انا مكنتش عايزه اقول كده...بس للأسف لو معملش الجلسات واهمل الموضوع...مش هيمشي علي رجله تاني...وخرجت وقفلت الباب...

ادم: حمزه خرجني من هنا..

                   الفصل الرابع من هنا