رواية احفاد الرفاعي الفصل الرابع والثلاثون34 بقلم صباح صابر
الشباب كانوا واقفين مستنينن أن زين يفوق عشان يشوفو وسطمنوا عليه
سليم بخوف: بس لازم الاول يعمل إشاعات عشان نعرف أيعمل أنهي عملية لانها مش عملية واحدة دي أكتر تلاته عمليات خاصة با البتر وممكن الدكتور يقبل يعمل العملية او ميقبلش
أنس: با الله عليك بلاش الكلام ده هو هيتحسن وهيبقي كويس ومش ايحتاج ولا عملية و لا بتر والدكتور ده يطلع فاشل
حاتم: هو إزاي حصل كده مع زين مع أنه عمره مكان ضعيف ولا استسلم
سليم: أعرف مين بس اللي وراه الموضوع ده واندمه على أنه فكر لمجرد تفكير يقرب من حد من عائلة الرفاعي
أنس: طب محنا عارفين اللي فيها أكيد حد من عائلة المحمدي
عمر: إزاي يا اذكي أخواتك هما كانوا يعرفوا أن زين نازل
حاتم: صح نسيت أقولكم أنا طلقت شروق ورجعت بيت أهلها
عمر: نسب الطلاق اليومين دول في العالي وأنا كمان هطلق
حاتم: حلو الماتشي ده
سليم مقدرش يمسك نفسه راح على حاتم ومسكه من هدومه: يا ندل يا زبالة يا حقير يا وقح بعد ما خد منها اللي أنت عاوزة طلقتها بعد مضيعت شرفها
عمر: يخربيت دماغك يا سليم وطي صوتك هتفضحه
سليم: أنت تسكت خالص يا زبالة المجتمع وكمان طلاق إيه اللي عايز تعمله هو أنت لحقت
عمر: اه لحقت ليها 72 ساعة على ذمتي مالك
أنس: إيه الانجاز الاسطوري ده لازم جدو يكرمك
_ فعلا لازم يكرمني
معاذ: ده مش ايكرمك ده ايهينك وايعمل من كرامتك سجادة
سليم: أنت يا حيوان ترد شروق مش عاوزين فضائح ومشاكل على الفاضي
حاتم: مش هردها
أنس: عنده حق وإيه الافتري اللي أنتوا في ده يا عم متسمعش كلام سليم وخلي يولع
جي صوت محمد من وراها بحدة: بتقول إبه يا أنس
أنس بلع ريقه: بقوله أسمع كلام عمك وقوله حاضر ونعم وبلاش عناد
سليم: حسابي معاكم بعدين يا شوية عرر
معاذ: إحنا ازاي سامحين لسليم يشتمنا برستيجي بيضيع
حاتم: ما تتكلمش في السياسات
سليم قرب من محمد: ايه يا بابا طمنا الدكتور قال لك ايه
_ ممكن يرجع معانا النهارده وبكره يجي يعمل شويه اشاعات وهيكون الدكتور اللي هيعمل العمليه موجود
_ طب الحمدلله
بعد دقائق مش كتير قربت منهم الممرضه: اتفضلوا معايا المريض فاق
محمد: روحوا اطمنوا علي وأنا هروح أعمل حاجة وأجي وراكم
مشيوا وراها دخلوا كان زين قاعد على السرير مرجع ضهره لوارء وعلى وشه ملامح ضرب قوي جدا وجروح وايده فيها جروح واروام واضحة الشباب وقفوا وكانهم لاول مره يحسوا بالضعف والوجع الدموع اتجمعت في عيون انس على صاحبه وابن عمه ازاي قدروا يعملوا فيه كده
معاذ وقف مكانه كانه اتشل هو فاكر كلام شادي بس مكانش متخيل اني وصف شادي لزين يطلع بنفس التفاصيل
أما حاتم الدم غلي جوه بعد ما شاف حاله زين كان يتمنى ان يكون مكانه بدل ابن عمه الصغير اللي الوحيد ميستاهلش غير انه يكون دايما مبسوط وفرحان
عمر بصله بصدمه وحس بفروان في دمه بعت رؤيه ابن عمه با المنظر ده كان يتمنى انه يموت قبل ميشوف صاحبه في الحال ده دموعه خانته ونزلت
زين بصلهم: محمود كويس صح
بس مكملش كلامه بعد مسليم حضنه بقوة طمو لي وكانه بيحاول ضمه لي وكانه بيحاول ينسي التوتر والخوف اللي كان جواء أو يعوض غيابة اللي قطع قلبه عليه
زين نزلت دموعه؛: كنت ضعيف لاول مره أحس نفسي مش قد المسئولية مقدرتش أحمي محمود من الكلب اللي ضربه با السكينة أنا فعلا مكنتش أخ كنت لازم تكون معاه محمود كان محتاجك جمبه لاني أنا ضعيف كل كلمة كان بيقوبها كانت بتقطع في قلب كل واحد في الغرفة
سليم بدموع: متقولش كده يا حبيبي انت عمرك ما كنت ضعيف انا اللي ضعفت أول معرفت أنك في المستشفى حقك عليا سامحني انا غلط كان المفروض اعرف الكل بموضوع محمود مكنش هيحصل لك كل ده لو عرفوا آسف يا حبيبي يارتني كنت موت قبل ما أشوفك في الوضع ده
زين: بعد الشر عليك يا سليم أنت فعلا مش مجرد عم لا أنت الاخ وكل حاجة بنسبالي أنا كويس
أنس: كفايه يا سليم احنا بردو كنا هنموت عليه
عمر مسك دموعه: كفاية نضمن عليه إحنا كمان
سليم خرج من حضنه راح عمر وحضنه بشدة: ربنا ينتقم منك يا زين على الخوف والقلق اللي عملته في قلوبنا يا حيوان يا قذر يا عديم الرباية
زين: هو ده الحب لو قلت عكس كده كنت هعرف انك ما خفتش عليا خرج من حضنه عمر ومسح دموعه: بكرهك بكرهك يا ندل يا حيوان
الكل ضحك من بين دموعهم ده عمر كان ايموت عليه حرفيا راح حاتم عليه وحضنه: شوفت زيزي على فكره مش حلوه
خرجه من حضنه بغضب: ما تجيبش سيره البنت دي على لسانك انا خلاص توبت
سليم: أنت بتكلم بحد ولا بتستهبل
_ لا بجد انا فعلا توبت أنا جربت الموت أنا كنت في كل لحظة بحس إني قريب من الموت فامش هعمل أي حاجة حرام تاني وهبعد عن زيزي واقرب من ربنا
ابتسم الجميع
أنس قرب منه: بص انت اخرك معايا بالجزمه اللي فاجي بعد اللي عملته معانا أنت يا صغير تهز برود أنس الرفاعي
ضحك زين وشد أنس لحضنه: بحبك يا قليل الادب يا وقح
أنس: حمد لله على سلامتك يا حبيب أخوك الوقت ده عد علينا كا سنين كنا هنموت عليك لو حصلك حاجة كان مين اللي ايراجع الملفات
_ حبيبي يا انوس
خرج انس من حضنه بغضب: عارف لو قلت الاسم ده تاني هخليك تكمل باقى حياتك هنا في المستشفى
زين: انا غلطان اني بدلعك فعلا صايع عيونه جات على معاذ وابتسم إيه يا معاذ ما وحشتكش هو بيفتح له حضنه
معاذ قرب منه ومسكوا من لبس المستشفى: انت هتقول لي دلوقتي مين الكلب اللي استجراء يعمل فيك كده
_ طب فين تليفوني
بس ما كملش لاني معاذ طابه بالروسيه: يا بارد بتسال على تليفونك وأنا بغلي من جوايا
زين: يا ثور يا عديم الفهم كنت هوريك صورة اللي عمل كده
راح سليم بسرعه وبعد معاذ عنه: اهو يا حبيب عمك تليفونك يلا وريني اللي عمل كده
اتجمع الكل حوالين زين عشان يشوفوا صورة اللي عمل كده
زين بنسيان: الرمز كان إيه
زعق معاذ في إيه: 911550 بدا زين يكتب كان بيكتب عادي بس بالنسبه لهم بيكتب ببط جداً فتح الصور وجاب صوره راجل خطف سليم منه التليفون هو وبيبعتها عليه
سليم: قول لي يا حبيبي ايه اللي حصل
بدا يحكلهم زين على كل اللي حصل
_ الصورة دي صورة انهي واحد
_ الصوره دي بتاعه صاحب العربيه اللي ركبت معاه كنت حاسس من ناحيته بخوف فصورته من غير ما ياخد باله
دخل في الوقت ده محمد أول ما شافه حس بقبضه في قلبه حاول يتماسك ويتكلم
_ الحمد لله على كل شيء كويس انك بخير يا ابني
زين: انا اسف أن خبيت عليكم روحت من غير مقول لحد
محمد بحنان : عادي يا ابني اهم حاجه انك بخير وان شاءلله محمود هو كمان يتحسن ويقوم
زين: أنا عاوز اشوفه وكمان الدكتور قال لكم إيه على رجلي حاسس بوجع شديد فيها
سليم: قال انك بخير وكويس بس هتعمل عمليه بسيطه
زين: قال كده بس ولا انتم مخبيين حاجه وراه خوفكم ودموعكم
سليم: هنخبي ايه انت كمان انت كويس وفي افضل حال
زين صرخ: طب قولوا انتم الدكتور قال ايه
حاتم: قال زي ما سليم قال
_ سليم بيكذب وانتوا بتكذبو أنا رجلي بتوجعني
وهو وبيحاول يقوم من على السرير راح عليه معاذ وأنس
معاذ: ممكن متحركش
زين هو وبيسحب ايده منهم: لا انا هروح افهم بنفسي من الدكتور ايه اللي بيحصل وايه كل الم ده
محمد: متحركش يا زين كل ما في الأمر أنك هتعمل عملية ومش هتعرف تتحرك على رجلك لحد متعمل العملية وبعد العملية اتتحسن واتبقي كويس
_ هو أنا واحد جاهل قدامكم أنا دكتور و اي عملية بتتعمل بتبقي ليها سبب ممكن أعرف إيه السبب
الكل بص لبعضيه بتوتر وخوف محمد وهو بيحاول يتماسك: العملية دي هتعملها عشان ميحصلش بتر لرجلك ولو الإصابة كانت أعلى مش هيعملوها ولو عملوها ومنجحتش هتبتر رجلك
زين ملامحة أنشدت وأتكلم وهو بيحاول يتماسك: طب أنت زعلان ليه يا جدو أكيد ربنا لي حكمة في كده كل اللي علينا نحمد ربنا ونكون واثقين أن ربنا ايقف معايا وان شاء الله يعملها وتنجح
محمد مسح دموعه: أن شاءلله يا حبيبي
___________________
خلص لبس وقفل الشقه والباب ونزل على تحت لسه هينزل سمع صوت جدو اللي بينادي: مراد تعالا عاوزك في موضوع مهم
مراد دخل: خير يا جدي
_ اقعد
قعد مراد واتفاجا لما المحمدي ندأ على شهد و فوزي وبلال
المحمدي: يعني ايه تنزل من غير ما تقول لك يا فوزي
فوزي: عادي يا ابويا ممكن تكون خرجت عشان تشتري حاجة
المحمدي: مش مهم طبعا انتم عارفين الحاج هيثم صاحب اكبر محلات الخضار والفاكهه وعنده مزارع ومن أكبر الموردين في السوق
مراد بعدم أهتمام: ماله يعني
_ طالب إيد شهد لابنه سعد وأنا موافق
شهد قامت من مكانها بخطه وكاني جردل ميه ساقعه اتكب عليها من الدول العاشر
شهد: أنت بتقول ايه يا بابا جواز ايه اللي عايز تجوزه لي
_ أنتِ كبرتي واي واحده أخرها تتجوز وتكون أسرة
_ لا يا بابا أنا مش عاوزه أتجوز
فوزي: هو بمزاجك الناس بدأت تكلم و تحكي بسبب رفضك لكل عريس بيجي
مراد: اه بمزاجها ولو هي مش عايزة مش هتجوزوا
شهد: خلي اللي يقول، يقول
المحمدي: لا يا مراد هي ملهاش حرية الاختيار طول منا عايش لما اموت أبقي أختاري وقراري
مراد: بعد الشر عليك يا جدي بس دي حياتها
شهد: اه دي حياتي وأنا مش موافقه على إني أتجوز من الشخص ده
فوزي: أنتِ مسمعتيش أبوكِ قال إيه ده من أكبر الموردين في السوق يعني ممكن يسعدنا في شغلنا وأننا نكبر مالنا وحالنا
مراد: إيه اللي انت بتقوله ده يا عم انت كده بتبيع شهد مش بتجوزها
محمدي: وهو الجواز إيه غير صفقه بين اتنين
شهد: أنا مش حته دهب تبيعه وتشتروا فيا انا انسانه وعندي قلب وبعرف أحب
استغراب مراد وقام فوزي: أنتِ بتقولي ايه يا بت أنتِ أنتِ اتجننتي حب إيه اللي بتتكلمي عليه
شهد: لا متجننتش وجوازة دي أنا مش موافقه عليها ولو أخر ولحد في العالم كله مش هتجوزوا أنا مش لعبة في ايديكم
_ انا اساسا مش باخد رايك كل اللي عاوزك تعرفي خطوبتك عليه أخر الاسبوع الراجل كلمني وأنا شايفة واحد محترم وابنه ايعرف يحافظ عليكي
شهد بانفعال: وانا مش شايفاه كده لاني شايفه اللي بحبه بس اللي هو سليم الرفاعي راجل وسيد الرجاله ومفيش حد غيره يملا عليا الدنيا
اول ما قالت الكلام ده انشدت ملامح محمدي والغضب اتملك منه وبدأ يشتم في شهد اما هي بعد ما استوعبت الكلام اللي قالته بلعت ريقها بخوف بس ما لحقتش انها تهرب لان فوزي مسكها من شعرها بقوه وهو بيشتمها في افظع الشتائم
وشهد كانت بتصرخ اما مراد بعد ما سمع كلامها اتغيب تماما عن الدنيا شهد بتحب سليم الرفاعي هو كان دايما بيلاحظ نظراتهم لبعض وكان بيشك بس بيقتل كل ذره شك
" مستحيل تحب واحد من العيله اللي كانت سبب في موت اختها وتدمير حياتهم زمان"
لكن ما طلتش التفكير فاق على صوت شهد اللي كانت بتستنجد بيه عشان يشيلها من تحت ايد اخوها راح مراد وسحب شهد وقفها وراه ظهره: ممكن يا عم داتا وانت يا جدي ما فيش موضوع لكل اللي بيحصل ده والكلام ده مش هيحصل وكلامك اللي هيمشي يا جدي وشهد هتتجوز الواد ده
شهد لسه هتتكلم مراد ساحبها وطلع على شقه بتاعته دخل شقه ودخلها بعنف: ايه الكلام اللي بتقوليه ده لدرجاتي نسيتي كل حاجه نسيتي اللي اهله عملوه فيكم زمان
_ مراد من فضلك في دي حياتي وانا اللي اختار انسي إيه وافتكر إيه أنا مش افضل في وهم اللي معيشنا في بابا واهله ما عملوش حاجه
_ توكل عقلك اهو وضاحك عليك بالكلام
_ لا يا مراد هي دي الحقيقه اللي كلنا عارفينها ما ليش علاقه بانك مش متقبل موضوع موت اهلك غير أني عائلة الرفاعي اللي عملت كده بس كلنا عارفين كويس جدا مهما كان الاب قاسي عمره مايقتل ابنه بايده عشان عصي كلامه وسليم بيحبني
_ كل اللي عاوزك تفهمي ان سليم بيضحك بيكي ليه ما تفكريش انه بيوهمك بكده عشان ياخذ منك اللي عاوزه ويكسرنا
_ انا وانت ومش احنا بس بل المنطقه كلها عارفه ان اي حد بيربطوا أسم عائلة الرفاعي راجل وسليم بيحبني فعلا ولو فعلا زي ما انت ما بتقول كان ايطلب مني ابعتله صور أو نخرج با العكس إحنا لينا سنين كتيره مع بعض و عمره مفكر أنه يطلب مني يمسك ايدي أو ثقرب مني و حبنا لبعض من غير ميكون في بينا اي حاجة حرام أو ذنوب لانه بيقولي أنا بحبك وبحافظ عليكي عشان بنات أخواتي يلاقوا اللي يحافظ عليهم
قعد مراد على الكنبة ورفع عيونه لشهد: عارفة بعد كلام ده كله أنا هاين عليا أقتلك بس اقتلك وانتي خالتي راحت شهد وقعدت جمبه ومسكت ايده: أنا بحبك يا مراد لدرجة أني راضيه با اي حاجة عارفة أنك عمرك مهتذني
شهد: انا مش بهزر كمان ما ينفعش الشخص ده ابدا يكون جوزك انا مش هقدر اخسرك زي ماخسرت امي زمان
_ حبيبي ما فيش اي حاجه حصلت زمان هتتكرر وكمان هو انت مش اتحميني
_ احميكي بس انا أشيلك جوه عيني الاتنين وبعدها رجع شد ايده منها انا مخنوق منك من الافضل تبعدي عني وتدخلي الاوضه عشان ما اقتلكيش والزفت اللي بتحبي ده اقتله
شهد قبله من خده: انا عارفه ومتاكده اني مش ههون عليك تمد ايدك عليا وكمان اللي بتتكلم عليه ده عمك يعني عكس اولاد عمك وسليم ما شاء الله عليه مش بيسمي على حد من عيال اخواته حتى لو بيعشقوا يعني لو انت اتخانقت معاه انا هنزل الشارع وهدافع عنك واكيد انت مش عاوز كده
_ ادخلي جوه يا شهد احسنلك
دخلت شهد وهي بتضحك وعلى مراد اللي كان على اخره
_____________________
نرجع المستشفى بعد ما خلاص زين هدي اتكلم سليم هو وبيبص في الساعة: انا لازم امشي ورايا مشوار مهم
قام وقرب من زين: قدر الله وما شاء فعل يا حبيبي هعدي عليك بعد ساعه عشان اخدك هز رأسه زين وخرج سليم
أنس بستغلال لفرصة: وأنا هروح عشان في عربية واحد ليها أكثر من يومين والراجل هيخرب الدنيا عليها
زين: ماشي روح يا اخوي خرج أنس
عمر قام: طب يلا وانا كمان لازم امشي عشان عندي جلسه لقضيه مهمة والحمد لله اللي انا افتكرت اصل كنت هتحبس لو مفتكرتش
زين: دلوقتي
_ ايوه يا ابني اصلها محكمه مسائي ابقي أشوفك في البيت وخرج
حاتم: معلش بقى يا قلب اخوك انا لازم امشي عشان افتح المحل عشان نلاقي هم ناكل
زين: هو في ايه كلكم بقيتوا مهمين النهاردة وراكم مواعيد
حاتم: قلبك طيب يا زينو
خرج حاتم بص زين لمعاذ: أنا دائمل بقول مفيش غيرك.. ولسه ايكمل قام معاذ من مكانه: أنا ماشي ومتقوليش ليه خرج معاذ من الغرفة وزين كمل كلامه بحسره "جدع"
بس بعد دقائق وصل ياسين وحازم وقعدوا يتكلموا
___________________
بعد وقت في المكان اللي فيه موتوسيكل زين سند أنس بخنقه: طب الموتوسيكل وموجود طب والراجل فين اشوفه بس وصدقيني هدفنك مكانك لاحظ خيال حد بس الناحية التانية عشان يلاقي واحد واقف ابتسم "أكيد هو" وبدا يقرب بس وقف مكانه وبعدها صرخ: عمر أنت بتعمل إيه هنا
عمر لف ورفع حاجبه: أنا اللي بعمل إيه هنا؟! مش أنت قولت أنك رايح تصلح عربية الراجل اللي ايخرب الدنيا عليها
أنس: اه وكنت رايح أعملها بس عديت من هنا با الصدفة
عمر: بلاش لف ودوران أنا وأنت جايين عشان نضرب الراجل اللي عمل كده في زين ونعرف مين اللي طلب منه يعمل كده
_ تمام طب يلا يا اخويا ندور عليه
بس لسة أيتحركوا تفاجوا بوصول عربية سليم ركن العربية ونزل من العربية هو وبيفتح تليفون وبيشوف الصورة تاني
_ ايوه
عمر: سليم هو كمان عايز ينتقم
أنس: احنا ممكن نتفرج بس لان خلاص الباشا بتاعنا جاء يعني اتأكد ان الراجل هيموت النهارده
بس مكملش كلامة لاني سليم لاحظة سليم وقف وبصلهم بغضب مقتل وقرب منهم: أنتوا جايين تعملوا إيه هنا
عمر : جايين نعمل نفس اللي أنت جاي تعملة
أنس: أنت ممكن تروح يا سليم عشان إحنا لينا أسم عائلة محترمه وبملامح وشك اللي مبتبشرش با الخير دي اتمرمط أسم العائلة
_ أسكت يا حيوان وانت يا مستفز
وشاور على عمر: أتاخد أخوك وترواحوا على البيت مش ناقصه وجع دماغ
أنس: أحنا مش أطفال علفكره
سليم: ماشي يا كبير يا عجوز أنا عمك وبقولك تروح، تردو تقول إيه؟!
عمر: اتفلق يا سليم إحنا مش مروحين في حته
بس خرجت صرخة الم من عمر لما سليم ضربة با البوكس جامد
_ يا حيوان يا عديم الرباية بتعملني كده وأنا في شبابي أمال لما أكبر شوية أتعملوني إزاي
أنس: هو في حد ايقدر عليك حتي لو بقا عندك 60سنه
عمر شاور على سليم: للاسف عمي مش هعرف اضربك بس كل اللي أقولهك أنت عم زبالة
سليم: فعلا عشان عندي أبن أخ شبهك
سمعوا صوت حاتم من وراهم: إيه ده ولاد عمي حبايبي هو وبيسلم على أنس وبعدها بص لعمر: إيه ده مين عمل فيك كده
عمر: واحد اساسا مش عم ومن بكره هتبري من العائلة دي
سليم: وليه من بكرة خليها النهاردة ومتحليش حاجة توقفك
عمر هو وبيقوم من على الأرض بمساعدة حاتم وأنس: يارب أنا كان ذنبي إيه أتولد في عائلة عندي بدل العم الواحد أربعة
سليم: لا أنا أختلف يا حبيبي أنا اللي هاكل ورثك أنت وأخواتك
أنس: الله يطمنك
سليم بص لحاتم: أنت إيه البي جابك
_ جاي اعمل شوبينج على السريع وامشي
نفخ سليم: صدق الحمار ده هو وبيشاور على عمر أنتوا فعلا عائلة لا تطاق ناقص معاذ ويكمل العدد
_ تسلم يا حبيبي
مشي سليم وهما مشيوا وراها قاعدوا ماشين فترة
أنس: مش كنا ركبنا العربية
حاتم: المكان ضيق مش أتدخل
عمر: الموتوسيكل يدخل
سليم: اسكتوا وركزوا في وشوش الناس دي لحد منلاقي الزفت ده
_________________________
جمال: كده تمام بس الباقي ايجهز أمتا يا معلم
محمدي: لما تنفذ مش عايز اي دوشة
_ قولتلك متخافش الدنيا أتمشي حلاوة وهنفذ المهمة وبسرعة بس جهز فلوسك أنت يلا أنا همشي عشان سايب القهوة
في الجه ة التانية وصل معاذ ركن الموتوسيكل قدام القهوة اللي مش بعيدة عن بيتهم هو وبيفك زراير كمام القميص وبيطبقهم ليلتك سوداء يا جمال دخل القهوة بس ملقاش جمال بص للي اللي واقف
_ فين جمال
_ المعلم لسه مجاش
معلذ لنفسه: معلم ده أنا هعلم عليه
خرج من القهوة: ومالة مش موجود دلوقتي اجيلك في وقت تاني
ركب الموتوسيكل رجع البيت هو وبيركن الموتوسيكل لاحظ جمال اللي كان خارج من بيت المحمدي عيون معاذ أحمرت حاول يدي من أعصابة وقرب منه بكل ابتسامة: إزيك يا جمال
جمال: بخير جيت الصبح تسال على محمود طمني لقيتوا
-مش لاقينه خايف ليكون حصل معاه حاجة ده غير ان اكتشفت انه بيشرب مخدرات
-لا حولا ولا قوة الا بالله معلش ولاد الحرام كثير
-فعلا وأنت منهم
هو وبيضريه با البوكس رجع جمال خطوة لوراء وبعدها بص لمعاذ بغضب مليان با الجحيم هو وبيدخل في معاذ بيحاول يرجعه فى الحائطة عشان يعرف يضرب معاذ على راحته بس معاذ فهم حراكته وانحني وشد رجل جمال اللي وقع على الأرض نزل معاذ في ضرب بكل قوة
وجمال على قد ميقدر كان بياخد حقه ومحدش تداخل خالص شايفة إني جمال يستاهل اللي بيحصل فيه الصياح عالي وصوت الشتائم بقي أعلى
في بيت عائلة المحمدي خرج المحمدي هو فوزي عشان يشوفه اللي بيحصل في الشارع واتفاجاوا لما شافوا معاذ بيضرب في جمال هل ممكن يكون عرف انه هما اللي عملوا كده في أبن عمه
أما فوق مراد قاعد يقلب في اللابتوب بتاعه بملل خرج الموبايل رن على محمد
محمد: الو سلام عليكم مين معايا
مراد: وعليكم السلام أنا مراد المحمدي
محمد: أهلا يا ابني عامل ايه
_ زي الزفت من أول منسبتك، أنت موجود في البيت عشان اجي ومعايا المأذون عشان أطلق المحروسة حفيدك
محمد: أنت نسيت الاتفاق ده ما كانش اتفاق
_ مفيش اساسا اتفاق بيني وبينكم بعد أذنك أول ما تيجي من المصنع _ رن علي عشان اجيب المأذون وآجي ونخلص من الحوار ده
محمد: أنا مش في المصنع أنا في المستشفى مع زين ابن عمك فممكن تيجي تطلقها بكرة
_ لا هو النهاردة هو في المستشفى مش ميت لما يموت ممكن ناجلها
_ مش أعرف اسيبه وآجي دلوقتي تعالا على العشاء نكون رجعنا
قالها هو بيقفل المكالمة في وش مراد
نفخ مراد بضيق سمع صوت العالي
خرج وشاف معاذ ماسك في جمال مهتمش ودخل تاني
أما تحت معاذ كان بيضرب في إيه بقوة: قولي مين اللي طلب منك كده وانا هسيبك
جمال: أنا محدش طلب حاجه مني ولا عملت حاجه
وفي كل كذبة كانت ضربت معاذ بتسبقه بقوة
____________________
كانوا ماشين بكل ضيق ومحدش ضايق الثاني بسبب حرارة الشمس اللي اتنشف وتحلل الانسان هو واقف
أنس هو وبيغني: فضينا الطرقات وعملنا حفلة نار حفلة نار
سليم: تعرف لو مسكتش صدقيني هولع فيك
أنس: أنت مش طبيعي
بس لسة سليم أيقرب على أنس يضربه أنس شاور على حد: الحق الراجل هناك بص سليم ورا بسرعة وأنس طلع يجري
سليم: مش اسيبك النهاردة يا كلب
أنس لسه أيرد أتخبط في حد
الراجل: متفتح يا عم
أنس وقف مصدوم بيستوعب: ايوة هو الراجل اللي عمل كدا في أبن عمه
___________________
رحمة كانت نائمه على السرير فاقت على صوت وصول رسالة فتحت التليفون وكانت رسالة من رقم مجهول: عاملة ايه أنا مراد وده رقمي هبعتلك عنوان كافية تروحي عليه عاوز أفهم وأعرف منك إيه اللي حصل بينك وبين أهلي
الرسالة كانت غريبة جداً با النسبة رحمة، هي أساسا معهاش رقم مراد ممكن يكون فعلا عايز يفهم وكمان هي لازم تروح عشان بردو تقول لمراد على اللي سمعته ويعرف الحقيقة قامت من على السرير سمعت صوت الخناقة بس مهتمتش كل اللي كان يهمها تعرف ابن عمها الحقيقة وترجع مراد البيت زي مجدها بيتمني ويبعد عن العائلة دي
دخلت الغرفة ليان: رحمة تعرفي معاذ بيتخانق ليه مع الراجل ده
رحمة: هو معاذ اللي بيتخانق
_ ايوة
_ طب بابا معتز وعمي عبد الرحمن فين
_ في المسجد بس زمانهم جايين ويوقفوا اللي بيحصل ده أنتِ بتلبسي رايحه فين
_ رايحه أشتري حاجة مهمة
_ دلوقتي
_ في حوار حصل الصبح كده ابقي أحكيهولك لما أرجع
وهي بتحاول تلبس وتخلص لبس في أسرع وقت
أما تحت وصل معتز وعبد الرحمن وبعدوا معاذ ودخلوا البيت با القوة مكنش عايز يسيب جمال نهائي طلعوا على فوق وبقا الصوت عالي بينهم على المناشقة في الخناقة
نزلت رحمة وهي بتسحب عشان محدش يشوفها أول مخرجت من البيت حسيت با الراحة حطيت إيديها على قلبها وهي بتحاول تطمن نفسها بدأت تمشي بخطوات سريعة خايفة إني حد يشوفها وكمان عشان تلحق تقعد مع مراد وقفت تاكسي ركبته وقالتله على عنوان الكافية أول مركبت تاكسي حسيت براحة وفرحة كبيرة أخيراً هتحقق حلم جدها ويرجع مراد لحضنه
______________________
معاذ: ده أنا لو أطول اقتله كنت قتلته بايدي
معتز: الجنان وصل فيك لدرجاتي ده
_ يا بابا ده أساسا اللي عامل كل المشاكل دي وهو اللسبب أن محمود يشرب مخدرات و كان ايبقي السبب في بتر رجل زين
اتصدم الكل ملك ملامحها انشدت واتكلمت وهي بترتعش: بتر
معاذ حط ايده على راسه: متخافوش الدكتور قال أن في حل
دموع مليكه نزلت من غير متستاذن على أخوها هو مش أخوها من الاب او الام بس أخو اخوها في الرضاعة وهي دائما بتعتبره أخوها
وملك قلبها أتقبض مكنتش متخيل أنه يحصل معاه كده دموعها نزلت بس بشدة راحت على سمية وحضنتها هي وبتبكي أما مريم و سميه نزلوا دموعهم على حال زين اللي بيعتبروا زي ابنهم وعلى سهر سلفتهم لما تعرف حال عيالها الاتنين
عبد الرحمن: فين المستشفى دي
معاذ: يا عمي زين ايخرج النهاردة وبعد بكرة ايعمل العملية
معتز: يعني هو كويس
_ ايوة كويس وجدي معاه
مني: أنا عايزة اشوفو واطمن عليه
_ ايجي يا تيته واتطمني عليه امسحي دموعك يا حبيبتي
__________________________
وصلت الكافية خرجت تلفونها وهي بتكتب لنفس الرقم
_ أنا وصلت أنت فين يا مراد
وبعتت الرسالة وهي بتبص باهتمام على الشاشة منتظرة الرد
بس مره واحدة اتفاجئت بوقوف مكروباص من الصغيرين واتفتح الباب بس لسه اتبعد كان حد شدها جوه المكروباص صرخت رحمة بقوة هي وبتحاول تبعدهم بس مرة واحدة أختفيت الصرخات دي