رواية احفاد الرفاعي الفصل التاسع والثلاثون39 بقلم صباح صابر
_لأني ده بيتي مش بيت أهلك امشي منه أي حد مش حابب وجوده في بيتي
محمدي: محدش هايمشي يا مراد
مراد قرب وقف قدامه وعروقه برزت وصرخ في المحمدي: لا يا محمدي بلال هايمشي من هنا أنا اللي يفكر بس مجرد تفكير يقرب من حرم مراد الرفاعي أمحيه من على وش الدنيا بس ولاد الرفاعي مبيجوش على طرف الحريم وقرب أكتر من وشه: و بلال مش راجل
محمدي: أنت إزاي تستجرأ تقول كده ودلوقتي بقيت ابن عائلة الرفاعي بتقف قدامنا عشان خاطر بنت عائلة الرفاعي اللي رموك وقتلوا أبوك وأمك لمنياك وحافظنا عليك وحبناك وبقيت جزء من عائلتنا
مراد: أنتوا عمركم مكنتوا عائلتي يا محمدي وحب وحفاظ إيه اللي بتكلم عليه ده أنا عشت هنا أسوأ أيام حياتي
فبص يا محمدي أنت وابنك والزبالة وشاور على حياة بلال هايمشي من البيت وإلا ورحمة أبويا أرميكم أنتوا التلاتة برة وأنت يا محمدي واحد كبير مش وش مرمطة شاور على بلال لو لمحت خيالك هقتلك يا لولو
انحنى وأخد الصورة وخرج من الشقة ولسه هيطلع وقفه صوت شروق اللي كانت بتبكي: أنت بتذلنا وإتهدنا عشان بتصرف علينا
قرب منها: أنتِ عارفة لو كنتي تعرفي أو ليكي دخل في الموضوع
شروق كانت بتنفض منه بلعت ريقها بخوف: والله معرفش أساسا حاجة عن الموضوع
مراد: ماشي هعمل نفسي مصدقك لسه هيطلع وقف: هو حاتم كان واقف معاكي ليه
شروق نبضات قلبها عليت: ده كان بيسألني على حاجة
مراد: وإيه هي الحاجة
_ عادي يا مراد
_ طب ميقفش معاكي تاني ولا تتكلموا مرضيتش أعمل مشاكل عشان رحمة بس لو لمحتك تاني واقفة معاه هو فحصابه معايا وانتِ حسابك معايا بس على المرتين
طلع على فوق دخلت شروق الشقة
حياة: كان عند عائلة الرفاعي هما اللي لعبوا في دماغه يا عمي
محمدي: اطلع يا بلال لم هدومك..
بس لسه هيطلع وقفته حياة: أنا ابني لو مشي من هنا يا عمي أنا هقول لمراد على كل حاجة واللي يحصل يحصل بس ابني ميمشيش من هنا
شروق: هتقولي إيه
الكل انتبه ناحيتها اتكلمت حياة هي وبتصرخ فيها: وأنتِ مالك اطلعي على فوق يلا
شروق: لا مش طالعة يا ماما هو أنتوا مخبيين إيه على مراد
قرب منها فوزي ومسكها من ذراعها وخرجها من الشقة وقفل الباب بقوة بصت شروق على الباب هو إيه اللي مخبيينه على مراد طلعت هي وبتفكر بضيق وخنقة دخلت واترمت على سريرها بإرهاق وتعب: بكرة هعرف مراد إنهم مخبيين عليه حاجة وهو يبقي يتصرف
أما تحت راح فوزي ومسك حياة من ذراعها: أنتِ خلاص اتجننتي وصلت فيكي أنك تهددينا
حياة: أنا ابني مش هايمشي من بيتنا عشان بنت زي البنت دي
محمدي: حياة الفكرة كانت فكرتك من الأول ولولا كده مكنش حصل كل ده في بلال أنتِ اللي وصلتي ابنك لكده
حياة: وأنتوا كنتوا موافقين أنت اللي جبت الرجالة دي
محمدي: وخلاص مراد عرف إني إحنا متكبريش الدنيا بلال يمشي دلوقتي وأنا عندي فكرة أرجع بلال فيها تاني
قال كده ودخل الأوضة حياة قربت من فوزي: هتسيب ابننا يمشي
_ حياة اسمعي كلام بابا دلوقتي وأكيد هو عنده فكرة يرجع بيها بلال
_ أنا مش بعد العمر ده كله ابني يترامي في الشارع يا فوزي
_ طب ما إحنا معانا اللي يخلصنا من مراد نهائي
_ عندك حق من بكرة بإذن الله هبدأ أنفذ خطتي لأني زهقت وتعبت
ساعدت بلال يقوم وطلعت على فوق هي وطالعة كانت بتصرخ بتقول: حسبي الله ونعم الوكيل فيك يا مراد حسبي الله ونعم الوكيل
كان سامع صوتها قلع التيشيرت وحطه على السرير عيونه جت على الصورة واترسمت ابتسامة على وشه وهو بيفتكر اللي حصل بينه هو وسليم أيام حلوة عاشها معاهم لسه فاكرها وكأنها حصلت امبارح حط الصورة جنب السرير بحرص وابتسم: المكان ده كويس
قام دخل غير هدومه واتوضى عشان يصلي العشاء
🟤🟤🟤🟤🟤🟤🟤🟤🟤🟤🟤
بعد ما مراد مشي بص الجد لأحفاده بغضب شديد: كل واحد يخرج تليفونه ويسيبه هنا على الترابيزة بمفتاح العربية والموتوسيكل
معاذ: بس إحنا متكلمناش
محمد: وحياة أمك أمال مين اللي كان بيقوله ينط من البلكونة وقاله أصغر واحد يحط إيده في عين جده لاحظت أنك معرفتش تتربى ولسانك أطول منك
معاذ: أنا ده أنا كده شكرت في جده واحد غيري كان قال يضربه بالجزمة
منال: اسكت يا معاذ أحسن
الجد: طب يلا يا سيب تليفونك ومفتاح العربية والموتوسيكل يا حلو
معاذ: معيش مفتاح العربية مع مليكة
مليكة: هاتبسني مصيبة مفتاح العربية خده مني أنس
معاذ بص ناحية أنس بضيق: المفتاح فين
_ فوق في الشقة
_ بيعمل إيه
أنس: أصل أنا خده عشان أصلح العربية عشان عارف هوس معاذ بيها
معاذ بسعادة: وصلحتها
_ أيوه يا ابني ورجعتها زي ما كانت
راح معاذ عليه بسعادة وحضنه بقوة: شكراً بجد أنت بجد أحلى ابن مرات أب في الدنيا كلها
_ يا ابني نزلني يخرب بيتك أنا أخوك يا أهبل مش ابن مرات أبوك
معتز حط إيده على راسه: يارب صبرني على شوية حثالة المجتمع دول
محمد: خلصت يلا اطلع جيب المفتاح
_ يا جدي نفترض بكرة عاوز اروح مشوار هروح إزاي
_ بمواصلات قبل ما يكون معانا الفلوس دي كنت بروح مشي كمان يلا وبلاش صداع
خرج معاذ التليفون ومفاتيح الموتوسيكل وحطهم على الترابيزة
أنس هو وبيتاوب: إيه ده معاد نومي جه أنا لازم اطلع أنام
ولسه هيتحرك وقفه صوت الجد بقوة: استنى عندك يا ميكانيكي فاشل حط تليفونك والمفتاح قبل ما تطلع وكمان مفتاح الورشة
_ إزاي يا جدي ده أكل عيشي
مريم بتريقة: يا غلبان
محمد: هنصرف عليك مش هنرميك
أنس: أنا دمي حامي ومرضاش حد يصرف عليا
محمد: أنس سيب المفاتيح والتليفون
خرج أنس التليفون والمفاتيح وحطهم على التربيزة بص محمد لحاتم: يلا يا محترم أنت كمان
خرج حاتم وحط التليفون علي التربيزة با المفاتيح: طب هنطلب أوبر بكرة إزاي
_ أنا قولت مواصلات
بص لزين: يلا يا زين
زين: أنا تعبان يا جدي
محمد: أنت ثعبان يا روح جدك أخلص
حط زين التليفون على التربيزه: حاضر يا جد مراد
مني: ومالة مراد هو أنا ليه حاسة أنكم غيرنين من مراد
زين:ده أنا احب العمي ولا أشوف مراد
حاتم:فعلا عندك حق
محمد: خلصت يا بتاع منك لي يلا.
عمر كان واقف وبيحمد ربنا إني جده ماخدش تليفونة أو مفتاح
بعدها بصله الجد: منور يا عمر
عمر: بنورك يا جدي والله
_ بص يا حليتها اتطلع تنام مش في شقتك يا بيبي في شقة مراتك مع مراتك
كيان بلعت رئها بخوف واتكلمت قبل ما عمر يتكلم: حقك عليا يا عمي لو بدخل بس أنا مرتاحة كدة وخلاص باقي 26يوم ويخلص الشهر الكل حاول يكتم ضحكتة انحني أنس على سليم: هو عمر بيفتح باقات مع الجميع ولا إيه
سليم: نفس اللي جي في بالي
محمد:أولا يا كيان يا بنتي أنتِ من حقك تقولي رايك في اي حاجة بتحصل لانك واحدة من العائلة وبا لنسبة 26يوم عمر مش مأجر شقة ده جوزك
عمر: يعني إيه هبقي عريس الغفلة النهاردة
_ غصب عنك الا هتنام على السلم أصل مفيش مكان ليك تاني في الشقة
مليكه: ممكن يا جدو تجيب واحد بكرة يفتح قوطي على قوطته عمر
عمر: ده إزاي يعني وحاجتي هوديها فين
مني: أطلع نزلها في شقتك
مريم: دي حجات عمر عاوزة تريلة تشليها يا ماما
عمر: اياكم حد يجي جمب حاجتي ده أنا حاطط فيها نص ثورتي
أنس: طب أخلص نزلها أنت عشان أنا مجنون وممكن تلاقي الحاجة دي على السلم وأنا يا عمر يا حبيبي هعتني في اوضتك وأشلها في عيني
عمر: يا بجح بدل متقول متمشيش مش أنقدر نستغني عنك
سليم: الدمعة اتفر من عيني هو أنت مسافر بروح امك ده الشقة بينها وبين شقتكم خطوة
محمد: أنا حاسس إني هموت بدري بسبب غبائكم اللي ركابككم من اول راسكم لاخرها فبص يا ابو عيون ملونة منك لي أتصحي يا معتز توصل ليان ومليكة الامتحان بعربيتك وبعد متوصلهم هتروح مخزن تراجع كل حاجة سليم أنت ومعاذ هتروحو المحل اللي في وسط البلد تشوفوا الشغل ماشي إزاي مع يحي أبن أختك و حسام ولو في اي مشاكل تحلها وأنت هناك حاتم وعمر هتروحوا المصنع توزع المكافات اللي متوزعتش تقفلوا الشغل والاوردرات مش عاوز حاجة تكون ناقصة وأنت يا عبد الرحمن ايكون معاك أنس هتقفوا في المحل اللي هنا والتشكيلة الجديدة تترص و حساباتتتقفل وأنا ويحي هنروح مع زين نعمل الاشعة زين هتنام في شقة سليم اللي قصاد شقتي عشان السلم والبنات وكلنا عموما هنكون في مساعدتك لحد متقوم وتبقي كويس وانتي يا سهر تط لعي تطمني على مرات ابنك
مني: العيد ناقص عليه يومين البنات من بكرة تبدأ با التنظيف صح
منال: ايوة يا ماما وأنا اتفقت معاهم أنهم يبدوا يعملوا المطابخ بكرة وباقي الشقة ايبقي الامر سهل
مني: تمام
محمد: حد عنده مانع علي اللي اتقال
الكل: لا
زين هو وبيقوم من مكانة: ربنا يخليك لينا يا جدي
راح حاتم ومعاذ اللي كانوا أقرب حد لي وسعدوا
الجد بحزن: يارب تتعافي يا ابني
ابتسم زين وراح وراء الشباب على الشقة
🟤🟤🟤🟤🟤🟤🟤🟤🟤🟤🟤
محمدي كان قاعد في الغرفة وماسك تليفون بايدة بغضب رد عليه: أنت مبتردش ليه يا زفت
جمال بخنقة: عاوز إيه يا محمدي
_ خلصت عليه
_ ملقتيهوش وكمان أنت مشوفتش ابن الرفاعي عمل فيا إيه
_ أنا مالي وماله أنا دفعلك فلوس عشان تخلص على الراجل. ده
_ روح يا محمدي نام الصباح رباح أنا دلوقتي عامل دماغ ومش عاوز أعكنن على نفسي
_ جمال الراجل ده لازم يموت في أسرع وقت صدقيني لو عائلة الرفاعي شميت خبر بانك عاوز تقتل الراجل ده هيعملوا فيك إيه
_ انا واحد مش بخاف اصل امي طول عمرها بتقول عليا جبروت
_ والجبروت ده مصيرة في يوم يختفي خلص نفسك يا جمال
قالهه وهو بيقفل المكالمة نفخ بضيق خلاص هو لازم يتصرف في مصيبة اللي ظهرت دي وكمان يلاقي خطة يخلي مراد يعملة تنازل عن الاملاك كلها
🟤🟤🟤🟤🟤🟤🟤🟤🟤🟤🟤🟤
دنيا: برن علية مش بيرد
والدها بضيق: قولتلك ده عيل مش قد كلمتة قالك انيجي أنا وعائلتي ومحدش كلامنها ولا حد خد معاد معانا
_ لا يا بابا معاذ مش كده
_ امال بتسمي اللي هو بيعمله ده ايه يا ريت بقى توافقي على ابن عمتك على الاقل هو من مستوانا مش واحد زي ده من منطقة شعبية
_ لا يا بابا انا مش هوافق على حد انا عاوزه معاذ وهتجوز معاذ مش حد ثاني
_ بصي بقي عشان أنا زهقت أخر معاد لناس دي بكرة ومش هوافق مهما حصل على البني ادم ده قال كدة وقام دخل الغرفة دنيا قامت وجابت اللابتوب بتاعها وبعتت لسليم:"بص يا سليم أنا زهقت وتعبت أنت مش تخليني أحبك واتعشمني وفي الاخر تذلني عشان تيجي تتقدم هي حياتك كلها مشاكل لدرجة أنك مش قادر ترد على مكالمتي أو رسايلي بجد بقيت علاقة تقرف أنا بسمع كلام من اهلي يسم وأنت ولا حاسس و بكرة أخر ميعاد ليك لو مجيتش أنا هوافق على ابن عمتي"
🟤🟤🟤🟤🟤🟤🟤🟤🟤🟤🟤
كان قاعد زين وبيقلب في اللابتوب وقرا الرسالة في الوقت اللي دخل في إيه معاذ: أحلي بيري مشبرا لاحلي ولاد عم صايعين
أنس: يخرببيتك بتقول ايه نفترط حد سمعك
حاتم ضحك: هو البيبسي اليومين دول بقى بيرة
_ مش مهم المهم أنها ساقعة
سليم رجع ضهره لوراء: عارفين مراد اللي احنا بنشوفه شخصيته قويه بيتعب وبيضعف بسرعه علىفكره
أنس: كله في ناحية وحضن مراد لمني في حتة تانية
معاذ: كنت مفكرة أنه ايبعدها بس بجد اتفاجئت من اللي عمله وكمان أللي قالته ليان كان صادم با النسبالي
عمر: ايوة ده أحنا كنا خايفين يقتلها المجنون ده
زين: جماعة مش ملاحظين أن دنجوان عائلة الرفاعي أتحكم عليه ينام مع مراتة
الكل ضحك بقوة أنس: أنا مستحيل أتجوز بسهولة
سليم: خلاص بقا مفيش سهر برة البيت لبعد 12
زين: ولا تخرج مع بنات وكل البنات اللي عندك على الانستا هتودعهم
حاتم: والنكد ايبقي با النسبالك رقم واحد أنا مبسوطلك والله
عمر مسك المخدة وحدفها على حاتم وحاتم حتفها عليه والشباب تبدلوا الضحكات والهزار القاعدة كانت حلوة ومن أجمل القاعدات كا العادة بينهم بعد وقت كل واحد خرح وراح على شقته ماعدا معاذ اللي قرر أنه ايبات مع زين النهاردة عشان لو احتاج حاجة وسليم اللي لسة ايقوم ينزل وقفه صوت زين
_ ارجوك يا سليم محتاجك في طلب مهم جداً
_ قول يا ابني عاوز إيه
_ ملك بنت أخوك بتحط روج شكلة وحش هي ونازلة ومن كتر ما هو وحش يلمحة الناس من على أول الشارع
سليم: ابقي اخليها تحط واحد حلو حاضر
_ حلو إيه متخلهاش تحض اساسا ابوس ايديك ده رجاء انساني انا تعبان مش هعرف أنقذ العائلة وامسح الروج متخليهاش تنزل في إيه
_ حاضر مش هخليها
_ اوعي يا سليم تروح عليك نومة أو تنسي
_ مخلاص يا ابني قولتلك حاضر أو اقولك هكسرة تمام كده
_ دلوقتي قبل متنام
_ حاضر هطلع دلوقتي اكسرة وانزل
_ أنا كدة اطمنت غور يلا
ـ تصدق إنك حيوان
_ مش جديدة عليا امتا شوفتني وندتني باسمي عادي
نفخ سليم وخرج من الشقة دخل معاذ وقفل الباب و عالي التكيف: تصدق با إيه
_ با لا إله إلا الله
_ أنا صدقت اللي مراد قاله علينا إحنا فعلا عائلة زبالة
_ طب روح جيب المصحف أقرا قران شوية
_ بس كدة من عيوني
راح وجاب المصحف بصلة زين وايتسم وحط ايدة علي المصحف: والمصحف ده يا معاذ أنت لو مروحتش قريت فاتحة أنت ودنيا حبيبتك بكرة أنا مش هعمل العملية
اتصدم معاذ راح علية وضربه با كتفه: أنت اتجننت أنت إزاي تحلف على المصحف وأنت عارف إني مش هروح اطلبها غيىر لما اطمن عليك يا صاحب عمري
_ مانا هعمل العملية واقوم وابقي كويس أنت مالك ومالي أنتم ليكم شهور بينكم مشاكل واخيرا وقفت انها تجي تعيش هنا مضيعش الفرصة من إيديك
معاذ دموعه نزلت: أنا مقدرش اننا افرح وانبسط وانت تعبان
_ أنا كويس وهنبسط وافرح لخويا حبيبي وكمان بروح امك هنقلبها حزن ولا إيه أنا قولت كل واحد يقعد يوم معايا عشان انسي وانبسط وكمان أنا حلفت وبكرة هقول لجدك يا سيدي اي خدمة شوفت الدلع
ضحك معاذ ومسح دموعه وقام يشغل فيلم كوميدي وقعد يتفرج هو وزين عليه
🟤🟤🟤🟤🟤🟤🟤🟤🟤🟤
_ بيخلي شكلي حلو يا ابيه
_ لا يا لوكة أنتِ حلوة من غير حاجة وكمان الواد تعبان وبيفكر في الروج حسي بقي
_ والله زين ده مش سالك بجنية عشان تكون عارف
_ اه يا حبيبتي هو مش سالك عشان بيخاف عليكي وكمان يا مفتريه بتنزلي من البيت إزاي من غير ما حاتم يشوفك بلعت ريقها: بتبقي حظوظ بقا أنت عارف لو شافني ايعمل مني ماشيه
_ تصبحي على خير
_ وأنت من اهله يا ابيه
نزل سليم في شقة عمر دخل الشقة وقفل الباب بقوة كانت قاعدة في الأوضة أول مسمعت صظ
وت قفل الباب اتنفضت من مكانها برعب كيان بلعت رئها بخوف
_ يارب مش عايزة أجرب ماهر تاني
دخل عمر وبصلها بغضب واتكلم ببرود هو وبيقلع الساعة بيحطها على التسريحة
_ برافو بجد لعبتيها كويس جداً روحتي و طلبتي من جدي أنه يسعدك عشان تدخلي بيتنا ودخلتي وبتحببي الناس فيكي عشان تاخدي اللي عاوزة وتخلعي
كيان بصدمة: أنت بتقول إيه أنا مش كدة اللي حصل ده كان غصب عني
عمر بصلها بغضب: مش غصب عنك يا شمال أنتِ اساسا مش ساهلة وبتاعت رجالة بس كانت الصدمة لما رفعت كيان إيديها عشان تضرب عمر بالم .....
🟤🟤🟤🟤🟤🟤🟤🟤🟤
دخلت رحمة غرفة أنس وحطيت القهوة: حاجة تاني يا حبيبي
أنس: عاوز أتكلم معاكي يا رحمة
رحمة: قول يا ابيه
_ أنا سمعت مليكة بتجيب سيرة بلال واستغريت مالك ومال بلال اساسا
رحمة بلعت ريقها بخوف: مافيش حاجة تربطني ببلال
_ رحمة متخبيش عليا أنا اخوكي احكيلي على اللي حصل
بلعت ريقها برعب: اوعدني أنك متزعلش مني
_ مش هزعل والله احكي
حكيت رحمة كل حاجة حصلت بينها هي وبلال وفي كل كلمة كانت ملامح أنس تنشدت أكتر والغضب اتملك منه بعد مخلصت كلامها مسكها من ذؤاعها جامد
_ إزاي يعمل كده وتسكتي ولية مقتلتوش وخلصتي على الكلب ده
_ خوفت يا أنس وأنت مكنتش بتكلم معايا
_ وأنتي يعني كنتي مفكرة إني أنا كنت هصدك
_ حقك عليا
_ رحمة أنتِ من المستحيل ترجعي البيت ده وتنسي كل اللي حصل اللي حصل في البيت ده صفحة سوداء واتقفلت ومتقليش يا حبيبتي أنا هطلقك من مراد
_ لا أنا مش عايزة اطلق
_ ليه عادي مش هتبقي اول ست تطلق يعني
_ لا يا أنس أنا مش عاوزة اطلق عشان بحب مراد