رواية اثر ذنب الفصل الثالث3بقلم نور ربيع
"مش كل الغلط بيتصلّح… في غلطة بتفضل عايشة جوانا🖤❤️🩹."
"مسكت بايدها الكوبايه وهي نار شعله جواها.. من الغيره والشك..."
واخدت حبايه من حبوب منع الحمل
شقتها كانت مليانه هدوء رهيب ...
قعدت على طرف السرير ... وهي شارده وسرحانه في ماضيها
سيلا : الذنب مش في الغلط بس… الذنب في إنك كنت عارفه وكملت
ــــــــــــــــــــــــــــــــــــ
رجعت بيها الذاكرة لليوم اللي بدأت فيه تسأل نفسها بصوت واطي وجواها وجع:
“هو ليه حبني؟ وليه اختارني أنا بالذات وعايز يبقى ليا للأبد؟”
سيلا بدموع: ليه حبتني انا .؟؟
أسر ابتسم ثم قال : سؤالك جميل يا سيلا
" فضلت واقفه ساكته .... ومستنيه منه رد ودموعها بتنزل منها "
أسر بحب صدق: لانك طيبه ومحترمه وجميله وهاديه لانك مش زي اي بنت عرفتها ودخلت حياتي قبل كده انت غير اي واحده يا سيلا انا غصب عني حبيتك وقلبي تعلق فيكي والله
هنا اندهشت وقالت بخزلان: اي ! غير اي واحده ... " كملت بوجع جواها:
" قول بقى كده انت منهم من اللي كل يوم بيكلم واحده ويمشي معاها ويتسلى بيها وبعد كده يسيبها فانت عايز بقى تعمل معايا نفس الحوار صح .؟؟
أسر بيندفاع سريع: لا لا والله العظيم انا ما كنت كده يا سيلا انا الحمد لله ما كانش فيه زيي .... كمل بزعل من نفسه: بس بس الأسف حالي اتقلب واتغير والله انا عمري ما كنت كده
سيلا اخدت نفس عميق وقالت: أنت عاوز اي دلوقتي يعني
أسر بحب واشتياق: عايز اتجوزك انا هطلبك من ابوكي وهتجوزك يا سيلا
سيلا عيطت من قلبها بخزلان: لا لا لا
أسر اتصدم منها: لا اي مالك وليه عيطي كده مره واحده في ايه اهدي
سيلا بعياط وشققات: خذلت قبل كده مش عايزه اتخزل مره ثانيه مش عايزه ادخل في التجربه دي تاني انا مش مش حمل وجع وتعب من الحب الكاذب خلاص على كده شبعت كذب وخداع
"أسر قلبه وجعه عليها واقسم بصدق وعد"
"وحياااه اغلى حاجه في حياتي
بحبك من قلبي وما بكدب عليكي ولا بخدعك وهحطك في عيوني وعمري ما هزعلك ولا هاجي عليكي يوم من الايام وعز وجلاله الله ما بكدب عليكي يا سيلا وده كلام من قلبي وده وعد ما بيني وما بين ربنا صدقيني .."
هنا فضلت باصه في عيونه ... شايفه الصدق شايفه الحب ،وقلبها هنا مال لي جدا وضعفت ....
وحست بالامان بوجوده معاها في اللحظه دي
🌸🌸🌸🌸🌸🌸🌸🌸🌸🌸
"أسر بزن على دماغها: سيلا انا بحبك حني عليا بقى ... "
سيلا بضعف: عاوز مني اي سيبني في حالي مش عاوزه احب حد
أسر بزعل؛ وهو انا حد دا انا بحبك
سيلا بحزن: مش عاوزه احب ولا تحب افهم بقى
أسر باسرار : انا هعلمك الحب من اول وجديد وهخليكي تحبي وهنسيكي ماضيكي واعيشك احلى ايام عمرك معشتيها يا سيلا وهتشوفي
سيلا بزعيق فيه: سيبني بقى وبطل انا مش عايزه وده حرام مش عايزه اغضب ربنا
أسر بتنهيده: متفهم وضعك انا بقى عايزه اتوب على ايدك عايزك تساعديني هتعرفي
سيلا بغرور: ده انا اخلي ابليس نفسه يتوب علي ايدي
أسر ضحك من قلبه: اوعى بقى على اللي واثق من نفسه ده طب ما التوابيني على ايدك وانا اعلمك الحب من اول وجديد
سيلا بغضب: بس كده من عيوني
" في حاجات بتبدأ بريئة…
بس نهايتها بتكون ذنب تقيل "
!!!!!!!!!!!!!!!!!!!!!!!!!!!!!!! الواقع..
حضنت المخده بدات تروح في النوم
بعد ما استرجعت ماضيها .... دموعها نازله على خدها بألم في عمق قلبها
ـــــــــــــــــــــــــــــــــــــــــــ
في بيت اخر لاول مره نروحو والشخصيات اللي فيها المجهوله دي
في الصاله كان الهدوء كان مالي المكان
بس القلوب ما كانتش هاديه من جواها
ابو اسر كان قاعد جالس على الكرسي
كان ماسك ايده في بعضها وكان بيحاول يلم افكاره
وكانت جلسه جنبه في نفس المكان ام اسر وكانت مش قادره تخبي الحزن من عيونها
قطعت الصامت ده ... نورا ام سيلا
" وهي داخله بصينيه الشاي وقعدت جنبهم
نورا: مالكم يا جماعه صلو على النبي في ايه شايلين الهم كده ليه
قال أبو أسر بحزن مكتوم : سنه كامله وعدت ولسه ربنا مرزقهمش بالخلفه اسر و سيلا يا نورا سبب التاخير ده ايه مش فاهم
ام أسر بحزن جزاها: ابني عمار الكبير ومراته ما كملوش ثلاث شهور وحملت لكن بنتك انا ما اعرفش مالها يا نورا لحد دلوقتي
نورا زعلت من رد فعلهم: ولا حول ولا قوه الا بالله في ايه يا جماعه بس ده كل ده النصيب
دي الخلفه رزق والجواز رزق والشغل والفلوس رزق وحد الله في قلوبكم كده
رد هما الاتنين بصوت واحد: "لا اله الا الله محمد رسول الله"
ام أسر: ما تزعليش من كلامي يا نورا انا مش قصدي حاجه والله بس نفسي اشوف عيالهم قبل ما اموت
نورا ابتسمت بلطف: ابدا ما بزعلش منك والله و ربنا يطول في عمرك يارب ... هي مساله وقت بس وباذن الله ربنا هيعوضهم بالخلف الصالح
ابو أسر تنهد وقال: أن شاء الله
مدت ايدها نورا اديت كوبايه لاخوها ومراه اخوها الشاي عشان يشربوها
نورا ابتسامه حنان : طيب يلا مد ايديكم يا جماعه
( نورا والده سيلا ست طيبه جدا ومحترمه وبتحب بنتها سيلا جدا وبتخاف عليها .... وما عندهاش غير سيلا وبعد فتره من جوازها بعد ما جابت سيلا على طول انفصلت هي وابو سيلا بسبب عدم التفاهم مع بعض
وحاليا عايشه في بيت العيله مع اخوها ومرات اخوها )
ـــــــــــــــــــــــــــــــــــــــ
نروح اتجاه بيت الابطال
كانت قاعده سيلا على طرف السرير
سنده ضهرها على المخده اللي وراها
وبتتكلم مع صديقه طفولتها وهي متحمسه جدا على الاخبار الجميله
سيلا بسعاده لصديقتها: " يا حبيبت قلبي يا نور عيني الف مليون مبارك يارب يارب يتمملك على خير يا حبيبتي
( "لحظه نتعرف بالشخصيه الجديده "
جوري صاحبه سيلا منذ الطفوله وهم اقرب اتنين لبعض ... جوري بنت محترمه جدا وملتزمه وقريبه جدا من الله )
جوري صاحبه سيلا: الله يبارك فيكي يا عمري
" بساعده في قلبها، ها هتقفي معايا بقى زي يوم ما وقفت ليكي من اول اليوم "
سيلا بسعاده بتلمع في عيونها ليها: طبعا يا نور عيني هو انا عندي كام جوري طبعا هكون واقفه معاكي واقف جنبك
جوري بحب صداقه: حبيبتي يا سيلا ما انحرمش منك ابدا يا رب
سيلا بفرحه ومزح: ولا يحرمني منك يا قلبي
ده احنا هنولعها علي الاخر
جوري ضحكت بفرحه : طبعاً اومال اي محدش يتوقعنا
ــــــــــــــــــــــــــــــ
سيلا لاسر: حبيبي انا عاوزه اشتري طقم جديد عشان فرح جوري علشان حددو الفرح
أسر باهتمام لكلامها: : اه حددو ما هو سالم كلمني ولا على ميعاد الفرح ودعاني
سيلا بجديه ومرح: طب يلا بحبحها بقى شويه وشخلل جيبك
بصلها وضحك ضحكه حب: والله
طيب متبحبحي نفسك انتي طيب الاول وبعد كده اديكي اللي انتي عاوزه
سيلا بعند: لا انا الأول .... على فكره انا من اول اليوم هروح لجوري في الليلتين وهفضل معاها طول الوقت لحد ما فرح يخلص
أسر برفض: تؤتؤ لا
سيلا بزعل: لا ؟ لا ليه أن شاء الله وهي وقفت معايا وما سابتنيش ساعه فرحي
اسر بتصمم على قراره: لا يعني لا
سيلا بعصبيه وزهق: طيب هات هات فلوس يلا علشان بكره الصبح نازله وهجيب هدوم
طلع فلوس من المحفظه ومد ايده جاه يديها
قال بتحذير: لو جبتي حاجه مش عجباني مش هخليكي تحضري الفرح عشان تبقى عارفه
سيلا: والله براحتك انا اعمل اللي بكيفي
اسر بنرفز: طيب وانا علي اي اجيب لنفسي وجع القلب ما فيش ولا فلوس ولا في هدوم جديده ولا في فرح هتروحي أصلا
سيلا بسرعه: خلاص خلاص هاااات
أسر: وطي صوتك يا بت
"وديها الفلوس وهي نتاشتها منه بسرعه"
سيلا بغيظ : وأحد غتت كده
أسر بتوعد ليها :ماشي ماشي كله بحسابه عشان تبقى عارفه كله بحسابه اغلطي براحتك خدي راحتك على الاخر
ــــــــــــــــــــــــــــــــــ
. وفي يوم تاني جديد
سيلا بتنادي لاسر: يا أسر حبيبي بص اي رأيك في الفساتين دي
"خرج من اوضه النوم اسر للصاله"
لقيها جايبه اكياس فيها حاجات ليها
"قاعد جنبها على الكرسي وقال"
أسر : وريني كده جبتي ايه
بدات تطلع الهدوم ...
"اللي في الاكياس وتوري اسر "
وهنا اتصدم ...
أسر بصدمه وبشخيط فيها: يا نهارك اللي مش فايت يا سيلا اي ده
وصدمه ....